Ohó nukọn tọn

Eyín Ohó Towe ma sọ to ote ba
Etẹ ji wẹ yise ṣie na nọte do?
Ode ma yín ṣie nado tindo adọkun
aihọn he mẹ tọn lẹ adavo nado wà ojlo Ohó
Towe tọn kẹdẹ.

(N. L. Earl of Zinzendorf)

Ohó nukọn tọn

Mí mọ piplimẹ aigba Elopianu lẹ tọn he yè zé biọ agùn po núwiwà politiki tọn po to ogbẹ lọ blébú mẹ na tunmẹ de, ehe hẹn mi yiya-yiya nado wlán owé he. Yẹn mọdona dinvie dọ ohóta vivẹ delẹ kàn mí, ehe ji mí na dọhó do lẹ. E ma yín nado dọhó devo de gba. Owé he sọgan yín núde to nukun omẹ delẹ tọn mẹ. Nado dindonanú yì sisosiso mẹ, omẹde dóna din owhẹ̀domẹ nugbo otànhó lẹ tọn pọ́n bo sọ hùn yé do nùvo. Nukọnyíyí Yise tọn dóna yín didohia sọn dòdónu etọn mẹ wá.

Yẹn mọ dọ ojlẹ lọ ko wá na nugbo lọ nido sọawúhia gbaungba. Azọ́n ṣie wẹ nado wlán to vlẹkẹsi de mẹ na omẹ lẹpo nido mọdona to fininọ̀ yetọn lẹpo to aigba ji, linlẹn ṣie ma yín nado zán ohógbè núyọ́nẹn tọn de gba kavi ohógbè vivi de gba.

Kẹdẹdilé owé he yín winwlán do, to ogbè vòvo po otò vòvo po mẹ do, onú helẹ ni yín ayidego: agùn lẹpo, podọ yisenọ lẹpo ni yín osinọ, ṣogan linlẹn ṣie gbọnvo. E yín domọna hlan gbẹtọ lẹpo dọ mí ni dó hùdo osi he jẹ na omẹ dopodopo, eyín e tlẹ yín dọ yise yetọn podọ núyiwà yetọn yín onújonọ de kavi onú gbọnvo de hlan mí. Eyín omẹ mliyọn donu fẹnẹ (800,000,000) otò Yindu tọn lẹ yise dọ oyìn yín wiwé, bé omẹde dóna do osi na. Eyín núyiwà omẹ huwhẹnọ Yindu tọn lẹ nọ yí afín oyìn wiwé tọn do nukọn yetọn, mẹde ma sọgan glọ́nalina yé gba. Eyín Malénu lẹ biọ dọ, omẹde dóna dèafọpa etọn bo sọ klọ́ afọ etọn whẹpo do biọ Tẹmpli yetọn mẹ to otò Amlitisa tọn mẹ, whenẹnu omẹ lọ dóna wà ẹ, eyín é jlo nado biọ e Tẹmpli lọ mẹ. E sọgan yín fiwiwé Malénu lẹ tọn, kavi Tẹmpli sinsẹ̀nnọ devo lẹ tọn mẹ, omẹ lọ dóna sọgbe hẹ aṣẹpipa titò yetọn tọn. Ehe wẹ yẹn ko mọ to gbéjizọ̀nlin susu devizọ́nwiwà ṣie tọn mẹ gbọn otò hù kanwe-kó mẹ.

Ofi he yẹn ko yì lẹpo, yé nọ kẹalọyí mi. Yẹn dọhó to agùnpipli po agùn vòvo devodevo lẹpo tọn mẹ taidi yẹwhehódọtọ de. Podọ to Lomu agùn Katoliki tọn mẹ to otò Saoti Aflika tọn mẹ, fie yẹn dọyẹhwehó te, po núyiwà he bọ nẹ lẹpo yí tẹnmẹ. Nugbo, yẹn do osi na omẹ lẹpo, na omẹ dopdopo tindo jlọjẹ nado dè hlan ede, podọ nado yise bo sọ wà ehe jlo é lẹpo.

To ojlẹ pẹvi de mẹ, yẹn pọ́n to agùn daho St. Pita tọn mẹ to Vatikan lé gbẹtọ lẹ sọn ogbẹ lọ blébú mẹ wá, bo donùnùgona afọ apajlẹ St. Pita tọn po vẹna de po, bo ma sọ yọ́nẹn dọ ovọ wẹ. To finẹ podọ to ofi devo lẹ, yẹn ko mọ onú susu. To whedelẹnu, yẹn nọ tindo awuvẹmẹ sisosiso de na núyiwà gbẹtọ lẹpo tọn. To owé he mẹ, yẹn ko wàzọ́n do núhe yín nugbo po ehe ma yín nugbo po ji to didohia Owé Wiwé lẹ tọn mẹ. Owéhiatọ nugbo de sọgan pego nado dawhẹ̀ onú nẹlẹ tọn na ede.

To vẹna de mẹ, yẹn dóna wàzọ́n titegbe de pannukọn núplọ́nmẹ agùn Lomu Katoliki tọn tọn to hinhọ́n Ohó wiwé Jiwheyẹwhe tọn tọn ji, podọ nado zé e jlẹdo Owé Wiwé lẹ go. To hinhọ́n núdohiamẹ Jiwheyẹwhe tọn tọn kẹdẹ mẹ, wẹ mí sọgan mọ nugbo lọ te, podọ to awubibọmẹ nado mọdona oklọ, podọ núṣiwà lọ.

Ohógbè agùn Lomu Katoliki tọn tọn he dọ, dọmọ: Whlẹngan tin gbọn agùn Katoliki tọn kẹdẹ dali, kavi yín pinplán gbọn gbèyíyí yisenọ devo lẹ tọn dali. Yé omẹ pó tẹnpọ́n nado hẹn whlẹngan wá na yéde, enẹ lọ ma yín núbọawu de gba. Ṣigba agùn he dlẹn alọ do Klisti, podọ Pita, po apọsteli he pò lẹ po dóna yín awuwlenọ nado dindona eyín ohógbè agùn Katolikinọ lẹ tọn yín nugbo kavi lala.

Na hihiatọ lẹpo ni yín donanọ sọn Oklunọ Jiwheyẹwhe Gánhunupo de.