E'mbbaluwa Ey'omwezi gw'eikumi ne'ibiri 1985

''Yesu Kuristo nga bwe yali olwaidho, bw'ali n'olwaleero, era bw'aliba ebyanda n'ebyanda.'' Abaheburayi 13:8

E'mbbaluwa Ey'omwezi gw'eikumi ne'ibiri 1985

Okulaamusa okw'endhawulo ye mwenamwena mu liina ery'omuwendo erya Musengwa waife Yesu Kurisito. Omwaka guno 1985 guli kutuuka ku nkomerero yaagwo. Awalala mukisa gwaife okuba mu ebyo byonabyona Katonda byaakola mu bwakyabazinga bwe mu kiseera kino. Amanhisa ebisuubizo bye y'abantu be ke bikaali na kutuukirira. Endagaano empyaka yatoolera n'okumaliriza era n'okuboona obulanzi bwa Baibuli. Etyo bw'ejja n'okukomenkerera mu nsambo n'endala ng'entegeka ey'obwa Katonda ey'okulokola omuntu bw'etuuka ku nkomerero.

Mu Baibuli yonayona tusobola okunonya ebisuubizo n'okutuukirira kw'abyo. Okwikkiriza okutuufu kuteebwa mu byo era kwafuuka okwolekebwa okulamu y'omuntu. Ekyokuboneraku ekisinga kumanhibwa bukalamu ni Abrahamu, ey'aikkiriza ekisuubizo kya Katonda era yaafuna n'ebirara. Isaaka ti yali ndhegereesa, ti yali kwinhonhola, oba ye okuba okuvuunulua. Ne kyali ekivamu eky'ekighandiike eky'ekisuubizo! Amiina. N'ekiraala bwekiri ni ku baana ba Katonda bonabona abaataakyusibwa na kugonza kwa bantu, aye abaazaalibwa omukuzi ogw'okubiri okubita mu izaire ery'ense n'ense ery'ekiboono kya Katonda.

Pawulo aghandiika mu B'e Galatia 4:28, "Kale ife, aboluganda, tuli baana ba Katonda olw'ekisuubizo kye, ng'oti ni Isaaka bwe yali." Isaaka yali mwana waakisuubizo, Yoanne Omubatiza yali mulanzi waakisuubizo, Yesu Massiiya ow'ekisuubizo era omununuuzi. Atyo ni n'owoluganda Branhamu bwe yali omulanzi ow'ekisuubizo. Ate ife? Nife baani? Kyamugaso ye tuli okumanha ekifo kyaife n'okusigala mu kw'ekoobaana ni Katonda buterevu. Ti tuli na kubuuza wonka okumanha amajira n'okugonza kwa Katonda. Tuli n'okuba abeetegeefu okutambula naye era n'okukola byonabyona bye yakoba.

Kabiri ni Abrahamu ne yaali ekyokuboneraku kyaife ku byogera ku kufuna ekisuubizo, okwikiriza era n'okugonda. Yaleeka buli kintu okutuuka mu nsi Musenhgwa Katonda gye yamulaga. Ke ghazira ayinza kumulobera. Ke ghazira ayinza ku mwemereza. Era kityo bwekiri ni kwiizaire ery'Omwoyo erya Abrahamu mu kiseera kino. Twaafuna ekiboono ekyasuubizibwa ekyakaseera kano. Twikiriza era tutambulira mu buwulize y'ekiboono. Ekirubirirwa ekya Abrahamu ekisembayo yali nsi nsuubize. N'ekiraala bw'ekiri ni kwife: Twidha kubona ekisuubizo ekisembayo nga kituukirira mu kiseera Musengwa kyaalira okututwala ewaka y'ekifo kye yatutegekera (Yoane 14). Ekyo ni kabiri teja kuba ndhegeresa oba kuvuunuula, kija kuba eky'eirara.

Mu B'e Galatia 3:29 tusoma, "Era oba nga muli ba Kurisito, agho ni muli baidhukulu ba Aburahamu era mulifuna Katonda kye yasuubiza." Bulidho ghabairengaagho embeera eyegaita ku kisuubizo. Kurisito ali n'okuba mu ife awo wonka ghe tusobola okuba mu ye. Ekyo ni kabiri tikiri n'akuba ndhegeresa aye mazima. Kiri n'okutukirira nga bwe kyaghandiikibwa mu mbbaluwa 1 Yoanne 4:13, "Kuno kwe tumanhira nga tuli mu oyo era nga yeena ali mu ife, kuba yatughaaha ku Mwoyo we." Ekibono nti Kurisito ali mu ife, ti kimala – aye kiri n'okuba kityo. Ekibuuzo eky'obumalirivu ni kino, oba nga mazima iraara tuli mu Kuristo. Tusobola okwekebedha beene nga Yoanne 8:31, "Bwe mukalangukira ku kibono kyange, ng'olwo muli beegeresebwa bange beenebeene." Okwikkiriza mu kibono ekyasuubizibwa kitugha okutuuka ku busiika bwaife. Olw'ekyo tusoma mu Ab'e Galatia 3:18, "… ekirabo Katonda kye yagha Aburahamu kyava mu kisuubizo."

Bulidho tuli n'okwekalirisa ebisuubizo ebyagheebwa era twaabimanha mu kutukirira kwabyo. Wonka ng'ekibono ekyasuubizibwa kiri mu ife, tusobola okuba mu kibono ekyasuubizibwa twaafuna obusika bwaife. Wonka ng'okugonza kwa Katonda kuyuyiibwa mu Myoyo gyaife. Okugonza okwo kusobola okubonebwa wonka k'ofunie Mwoyo mutukuvu, me twaasobola okwaania ebibaala eby'Omwoyo. Omuti tigumanhibwa n'aboneka ya kungulu, aye olw'ebibaala. Titwetaaga kugeegeenia kwaamuntu, ghazira kya kugundhaawo oba okukolebwa omuntu.

Mu B'e Galatia 4 tusoma okuteebwaagho ng'Omwana. Mu luniriri olwo 6 kikoba, "Era olw'okuba muli baana be, Katonda kyeyava n'atuma Mwoyo w'Omwana we angire mu Myoyo gyaife. … oyo ayeta ati: Abba! Ekitegeeza Iseife." Obwakyabazinga bwa Katonda ti bwa buwandiike buwandiike oba obufirosofo, aye mazima g'abwa Katonda. Bwe tuba mu bwakyabazinga bwe, awo ni obwakyabazinga bwe buba mu ife.

Okumanha Katonda ekyo Katonda kyali kukola buti mu kiseera kyeene eky'enkomerero, tuli n'okwisania ku ekyo kyeyaakola eira okuvira iraara mu kwinhama. Buli kintu ekyainhama naye kitukirire, era ke kitwizaayo yaali. Okwegata kwaife naye kuli ku kibono kya Katonda n'Omwoyo wansi w'Omusaayi ogw'ayuyibwa ke n'Omusaayi gw'endagaano empyaka.

Musengwa yaali yakyogeraku eira nti kiritukirira era yayogerera okukitira mu baghereeza be, Abaalanzi. N'okwinhama kw'endagaano empyaka okutukirira kw'ekisuubizo kirara kirara. Mu Yoanne Omubatiza n'obughereeza bwe ebiboono eby'obulanzi bwa Isaaya 40:3 ni Malaki 3:1 gaafuuka amazima agaagha obulamu. Yabuulira obwakyabazinga bwa Katonda; mu kiseera ne kirara yali kitundu ku bwakyabazinga. Ni Musengwa yamudhuliraku, "Amateeka n'abalanzi byaligho okutuuka ku Yoanne okuva n'olwo Obwkyabazinga bwa Katonda bwayegeresebwa nga n'Amawulire amalungi, era buli muntu agezaaku okubungiramu n'amaani." (Luka 16:16) Okusingira iraara oluniriri luno lukozesebwa okunoomola obutufu obw'endagaano enkaire. Aye ekiwandiike ekyo ti bwe kitegeeza naire mu nsambo yonayona. Ekyaghandiikibwa kino kitutegeeza kiti kyonakyona ekyasuubizibwa mu ndagaano enkaire buti ni yaali etukirira y'embbaluwa mu Ndagaano empyaka.

Mu kaniriri akairaku tusoma, "Aye kyangu eigulu n'ensi okuwaagho okusinga Amateeka okuvaaku waire akatoonheze." Buli kibono kya Katonda kitukirire era kiri n'ekifo kyakyo. Kyetagisa mu kiseera kino okuba n'okutegeera okwidhuvu. Mu kubuulira ebyaghandiikibwa byonabyona biri n'okwikirizibwa.

Obugheereeza bwa Yoanne Omubatiza bwaali ti bwe taga kuvuunuula aye bwaali bwa kutegerebwa era buteebweegho nga ebyaghandiikibwa bwe biri. Nga bwe kyogeirwa, Yoanne Omubatiza, ti yali kuvuunuula. Era ke waali wazira ndhegeresa eyamukolebwa ku. Okubitira mu ye ekiboono ekyasuubizibwa ekyekiseera kino yaafuuka kya mazima yalaga entama dha Katonda dhonadhona. Wonka Katonda akola ng'ekibono kye bwekiri, waliwo Obwakybaziinga bwe. Yoanne yabuulira mu irungu; mu kiseera n'ekirara yagolola olugudo lwa Musengwa. Ti kyaaliwo lwa bukumu oba maani aye okubitira mu Mwoyo wa Katonda eyawumulira ku balanzi abaali n'ekibono kya Katonda ekyasuubizibwa ekyekiseera ekyo. Ku kino tutuuse ku kirubirirwa ekikologho eky'okwolekebwa kwonakwona. Tuli n'okutegeera nti byonanyona biri n'okukolebwa ku kibono kya Katonda mu kiseera ekigere.

Nkkumi nakkumi edhe myaka kyali kisuubizo kyaghandiikibwa, awo ni me kyatambula ke kyogera, amazima agagha obulamu. Tuli n'okukitegeera tuti entegeka ya Katonda etaawaagho n'ekirubirirwa eri kumalirizibwa mu bwa kyabazinga bwe. Ebisuubizo byonabyona ebyogera ku kwidha okusooka okwa Kurisito byatukirira mu mbbaluwa. Bwe kiri n'okuba buti me okwidha kwe okw'okubiri kutuuke. Buli kisuubizo ekyatugheebwa tikiri na kukubaganizibwaku bidhubo oba kuvuunuula, aye kiri n'okufuuka amazima agagha obulamu okubitira mu kutukirira kwabyo. Katonda yakitaagho atyo, me tusobole okwekebedha era tukakase ebintu byonabyona era tubone oba ekisuubizo n'okutukirira bisaania. Era n'ebintu ebija okubaagho mu bulambulukufu byateebwa mu ntegeeka.

Mu Kubuulira "Okukolera Katonda omulimu awazira kwenda kwe", okwabuulirwa mu mwezi gw'omusanvu 18^th, 1965, Owoluganda Branhamu yagha okulabula mu liina lya Yesu Kurisito, "Otongeraku waire kintu kirara, otakitaamu bidhubo byo ku bubwo … otaatwala kintu kindi kiyaaka, biri kutambula buli wantu, era bija kusingaaku naagho ebija okwidha. Aye otaatwala bintu bino biyaaka."

Naani ayekumye ebintu ebyo? Bintu bimeka ebiyaaka ebigundhibwaagho! Bwe kiba ekintu ekirara tikisika, ekintu ekindi kiba kiri kuteebwaagho. Aye bwe tuba n'ekiwumulo mu Katonda, mu buguminkiiriza tuja kulindirira okufuna buli kisuubizo Katonda kye yatugha. Bulidho akuma ekibono kye. Yenayena amwikiriza, taliswazibwa.

Yesu Kurisito, Musengwa waife, yali ni Massiya eyasuubizibwa. Mu ye ekibono kyafuka mubiri. Obulanzi bwonabwona, nga mwotwalire n'obwo obwogera ku kuboonaboona kwe era n'okufa n'okuzuukira, n'okutwalibwa mu igulu, bwa tukirira. Ng'omununuzi waife yali n'okutambulira mu majira oti ni gano okughangula okufa n'emagombe era yazuukira ng'omughanguzi. Bonabona abaanunurwa boona balighangula okubita mu ye eyatusobozesa. Owoluganda Branhamu yakoba, ekibono kyekiseera kino bwandi komereirwa. Kino tikyandibairewo nga bwe kyayogerwa wonka oba okughandiikibwa. Waali wali n'okubaagho abo mu oyo ekibono ye kyaafuuka amazima g'eirara. Akasigo k'engghaano kona kali n'okufa me obulamu obuyaaka bw'avaayo. Ensigo ya Katonda ebita mu mitendera dhokufa aye tesigala mu kufa, kuba ekigha obulamu kivaayo.

Bwe tuba mu bwakyabazinga bwa Katonda, tituba na ntegeeka dhaife ku bwaife. Tuba na kwenda kulala kwonka: okweyagaana mu ntegeeka ya Katonda. Em okulafuubaana kwaife kubwaife kwonakwona kuliwaagho. Okusookera iraara twidha okumanha okwenda kwa Katonda okubitira mu kibono kya Katonda. Awo ni tuli n'okuba abeetegeefu okuba abagonvu era n'okukola nga bwe kikoba. Mu byaghandiikibwa ebitukuvu buli kintu n'ebintu ebisembayo ebyoleka entegeeka ey'obulokozi byayogerwaku eira mu bulambulukufu. Mu kiseera ekitufu atuma omulanzi okukobera abantu be byonabyona ebyokubaagho (Yeremia 1:5, Amosi 3:7).