EBARUHA ERIKWETORORA Okwakatano 2011

Endamusyo z’omutaano ahari imwe mwena omwiziina ry’omuhendo erya MUKAMA waitu Yesu Kristo n’ekigaambo ekiri kuruga omuri Luka 21:28:

“Kandi ebi kubiritandika kubaho, mureebe ahaiguru, mwimutsye emitwe yaanyu, ahakuba okucungurwa kwanyu kuryaba kuri haihi.“

Omukwijuka okwezi kwa kana ebiro 2

Okurugirira omubyafaayo byekanisa, esaande yamatagyi (palm Sunday), eizooba Yesu yatahireho omuri Yerusalemu rwagati yokushemererwa, nkokukyaragwireho omuri Zekaria 9:9 nkwoku kigambirweho omuri Matayo 21, nikigambwa ngu ekabaho omukwezi kwa kana ebiro 2. Ekyo nikyo dokita C.Larkin yahandikire omukitaabo kye “Amazima gemigigi” (Dispensational Truth) ekitabo eki oweishemwe Branham nawe yashomire kandi ahu yabasize kwiha obwire okwa makanisa mushanju gamier nigakuratana.

Titurikumanya yaba ebi ebiro nibyo bihikire; kwihaho, nkoku mwena muri kumanya ngu, okwezi kwa kana ebiro 2, 1962, rikaba riri eizoba ry’omuhando aha magara gangye hamwe n’okuhereza kwangye MUKAMA. Ahatari kwetwa oku nokutumwa ninkihamiza kimwe ngu tinkubasize kuba ninkora ebi ebibaireho emyaka makumi ana namwenda ehingwire. Ekyeteengo kyangye hamwe nekitekyerezo kyangye nomwaka gwa jubiri kutandika omu abeishemwe abamazima barikutungira obuhunguzi bwabo obubayehereirwe Ruhanga nka abaana abazarirwe omu kukunda kwa Ruhanga kandi abahunguzi b’obwa Ruhanga kandi abahunguzi hamwe na Kristo. Oku nikwo kwetegyereza kwenyini okwokugarurwa busya okwijwire nkoku Ruhanga yakituraganise ngu arya tubeera Ruhanga ahabwe mbabazi ze.

Tukiri omukushanyarara kwa maani ahabwomusisa ogwateire Japani, gukakuratwa omuyaga gwa maani gwa hanyanja ogwabeire gwimutsya amaizi kuhika ahari mita 20, hamwe nakabi ka mani akarugire omu mbundu z’obutwa (nuclear) ebyakuratsireho.

Hatwire nihabaho ebigwererezi bitari byaburijo; kwihaho ebiro ebi ebihingwire, nikyirebeka ngu ebi bigwererezi nibibaho buri kaire kandi biri ebyamani okukiraho enyima. Omusisa ogwateire Japani omukwezi kwa kashatu ebiro 11, gukaba guri gumwe aha yamani erabireho omunsi yoona. Omumuringo nigwo gumwe, nitukuratira obutabanguko omu byobutegyeki omumateemba ga Afirika (North Africa) hamwe nomumahanga ga baharabu ga burigwa eizoba (Middle East). Ebyempurizana byijwire za ripoota, kwonka nkabikiriza munoonga nituta omutima ahaki ebyahandikirwe ebiri kweera birikugaamba. Hariho ebyahandikirwe byingi omundagaano enkuru hamwe n’omundagaano ensya ebiri kugaamba ahabiri kuza kubaho omubiro bya bwanyima.

Omuri Matayo 24 abeegi bakabuza MUKAMA waitu, „Tugambire ebi ahu biribeeraho, n’akamanyiso k’okwija kwawe oku kariba, n’ak’obunaku obu ensi egi erihweraho. Yesu yaabagarukamu ati: Mwerinde, omuntu weena ataribahabisa; ahabw”okuba baingi baryaija omu iziina ryangye, nibagira bati; Ninye Kristo! Kandi baryahabisa baingi. Kandi muryahurira engamba n’okurangaanwa kwazo; mwerinde, mutaryemereza emitima, ahakuba ebyo byona tibiribura kwija; kwonka emperu yo eryaba etakahikire. Eihanga riryateera erindi ihanga, n’obugabe buryateera obundi bugabe; haryabaho enjara n’emitsitsa omu myanya mingi. Ebyo byona niyo ntandikiro y’obusaasi.“ (Enyiriri 3-8)

Obwokureberaho bwemperu bwaherize kweyoreka omu muringo mubi, namunoonga kurabira omu misisa omu mwaka oguhwire n’omu mwaka ogu omumahanga gatari gamwe, ahabwokuba “ niyo ntandikiro yobusasi”.Ebisha ebi, ebiri kuza kwija omunsi, nkomusisa, ebigwererezi ebitari bya burijo, enjara, hamwe n’obutabanguko omu byobutegyeki nibiza kweyongyera mporampora. Emperu eriyo neija, n’obuharabe hatariho nomwe orikumanya eizoba neinga eshaha. Nabwe, tushemereire kwetegyereza munoonga ebi bintu ebyaragwirweho byaba nibihikirira, ahakuba okucungurwa kw’emibiri yaitu kuriyo nikwirira haihi.

Omuri Isaaya 24:

“Ensi eyatikire kimwe, ensi eyabiire kimwe, ensi etengyetsiibwe munonga. Ensi neegwererana nk’omusinzi, Neezoonga nk’akaju; okushisha kwayo kugihingamiire, Neija kugwa, kandi teriimuka bundi.” (Enyiriri 19-20)

Omuri Ezekieli 7:5-6 hamwe 12-13 nihagira hati:

“Oku nikwo Mukama RUHANGA arikugamba naagira ati: Akabi, k’ahamuheru! Reeba nikaija. Muheru yaija, omuheru gwahika byakwimukirira. Reeba, nibikuhikaho. Obunaku bwahika, eizoba niriirira haihi. Omuguzi arekye kushemererwa, n’omutunzi arekye kuganya, ahabwokuba ekiniga kiri aha ihanga ryabo ryona. Abatunzi tibarigarurirwa bibaatunzire, n’obu bariba bakiriho; ahabwokuba ekiniga kiri aha ihanga ryabo ryona, kandi tikirihinduka; n’ahabwokutahikirira kwe tihariho muntu origumyaho amagara ge.”

Paulo ashemereire kuba yabaire natekyereza ahabiro ebi ebyabwanyima, hati ebiturimu obuyahandika ebi omu 1 Abakorinso 7;

“Ekyo nikyo ndikugambira nti: B’eishemwe, hatsigaire ebiro bikye; okuruga hati abaine abakazi babe nkabatabaine; abari kurira babe nk’abatari kurira; abarikushemererwa babe nkabatari kushemererwa; abari kugura babe nkabataine ki baine; n’abarikukoresa eby’ensi barekye kurengesereza, ahabwokuba omuhango gw’ensi egi niguhwaho.” (Enyiriri 29-31)

Ebiro ebi, abanyasayansi amaisho bagorekyereize oburengye rwa izooba bw’omwaro gwa Amerika (west coast). Bategyerize eshaha yoona “omusisa ogurikukirayo amani” kandi oguri kuza kukira ogwe ogwatire San Francisco omu kwezi kwakana ebiro 18, 1906. Enyimaho obutaka bwa Califonia bukabaganuka kutwarira kimwe oburaingwa bwa kiromita 1,280 reero abantu kuruga nkaha 3,000 kuhika 4,000 bakafa. Oweishemwe Branham akaba yakiragwireho omumwaka gwa 1965 kandi yashuba yahamya n’ekiyaga ekya maani ekirireta okushandara kwa maizi omu bicweka byaburengyerwa izooba bya Amerika. Akagira ngu ahabwomusisa ogwamaani ekicweka ekiri kukira Califonia nikija kutobera omu Nyanja obwe reero Hollywood hamwe na Los Angels bibe bitakiriho.s Enkumi nenkumi zabantu baryafa. Eki nikiteekwa kubaho Yesu Kristo atakagarukire. Ensi yona eri omukwerarikirira okuyabire etakagiragaho. Niki ekirikuza kukurataho? Tusigizeyo obwire buri kwingana ki?

Otire aha rubaju ebi bihikirizi bishatu omuri Japani, obutabanguko pmumahanga ga Baharabu niyo nshonga nkuru omumahurire agariho ebiro ebi. Za gavumenti nizihwaho; buri kintu kyona kiriyo nikimutsya omutwe. Buri omwe weena ori kuhurira gye kandi akashuba akaranzya gye enyima namanya ngu buri kimwe kyona omunsi ya Baharabu kyorekyereire kurwanisa Israeli. Omurundi gw’okubanza ahanyima y’emyaka ashatu namukaaga emeeri ibiri za Irani zirugire kuraba omuri Suez Canal zayemerera omunyaja ya Mediterranean. Omusiramu rugambwa kuruga Siriya arugire kutinisiriza ngu okundi okuhwerekyerera kwa Israeli kuryabaho kuri kuruga Damasiko. Ekyahandikirwe ekiri kweera nikikigambaho kiti: “Omutwaaro gwa Damasiko. Reeba, Damasiko teriba rurembo bundi, kureka eryaba emituumo y’ebisheenyuka”. (Isaaya17:1) Eki nikiza kubaho nk’oku kihandikirwe. Orunyiriri rwa 12 narwo ruriyo niruhikirira: “Ai bambe, hurira okuhoorerwa kw’abantu baingi! nibahoorera nk’okuhoorera kw’enyanja. Ai bambe okurigita kwa mahanga! Nigarigita nk’okurigita kw’maizi g’amaani!

MUKAMA waitu kandi omujuni waitu akakora okuragura oku omuri Luka 21:25: “Haryabo obumanyiso aha izooba n’aha kwezi n’aha nyonyoozi, kandi ahansi amahanga garyashaasha, gashobeirwe ahabwokuhoorera kw’enyanja n’ebingonzi…”

Ebigaambo ebiri omuri Matayo 24:14 nabyo nebyomugasho gwomutaano aharitwe: “Kandi engiri egi eyobukama – engyiri eyijwire nk’okuyagambirwe omukutandika (Ebyakozirwe 2:37-41) – eryagambwa omunsi zoona okuba ekyokuhamya ahamahaanga goona; obwe nibwo emperu erihika.” Obwe nibwo obutumwa obwahamuheru, kandi twine omugisha kugutwara omumaisho. Abo boonka abari omukanisa y’omugore nibaza kwetegyereza okwetwa okwa ahamuheru: “Reeba, kishweera yaija! Mushohore tumubugane.” (Matayo 25:1-10)

Nabwe kurabira omuri Nabi Ezekieli Ruhanga akaba yaragwire ngu “Emperu eriyo neyija!” Kandi emperu yo neza kuhika. Ahari abo boona abaikiriza ba baiburi abamazima, orubaju orundi nikimanyisa okutandika okusya nangwa n’okuhikirira kw’ebyaraganisibwe okwi iguru erisya hamwe n’ensi ensya.

Japani omumwaka gwa 1945 bakagiteza embundu z’obutwa. Gavumenti omuri Tokyo terabasize kwikiriza obu abagirmaani bagira ngu bikirizane omukwezi kwa kataano 1945, omwebembezi wa Amerika Harry S. Truman akaragira ngu banage bomu y’obutwa ahari Hiroshima omukwezi kwa munaana ebiro 6, 1945, hamwe nendijo ahari Nagasaki omukwezi kwa munaana ebiro 9, 1945 ahu abantu abarikuhika nka emitwaaro ikumi baferireho. Nabasa kuba ari Ruhanga owabitahiremu ngu gavumenti ya Amerika etume omuzaani wa katemba (film maker) wa Hollywood Hal Herman ngu ashendekyereze abo ababire nibaza kuteera ezo bomu reero abikwate ahantaambi za filimu. Eki ekiyareebire kikamusiga aine obwooba bwingi okuhika ahakutekyerereza ekintu kimwe kyonka muheru gw’ensi. Reero ahanyimaho, akahinduka yaba omuburizi wengiri ruranganwa. Akakoraho enterane z’engiri omuri bugirimaani namunoonga omuri Hamburg hamwe na Berlin, kandi yashabira nabarwaire. Kuyaherize obujurizi bwe aha ruterane rumwe rwa bapentekoti omuri Hamburg omuri 1949, akagamba ahari oweishemwe Branham. Ogwe gukaba guri omurundi gwangye gw’okubanza okuhurura aha iziina “William Branham”. MUKAMA Ruhanga akantemera omuhanda kandi natunga omugisha gw’okwerebanira nawe misho namisho enyimaho omuri 1955. Okubugana kwangye hamwe n’oweishemwe hamwe nebitwahanwireho twembi rukaba orutiindo rw’okungaita nawe, obuhereza bwe, na Ruhanga hamwe n’ebyahandikirwe ebiri kweera omu muriingo gw’okwetegereza kw’omutano.

Omukwezi kwa kana 1, 1962 oweishemwe Branham akuguma nagamba ahakubiika ebyokurya. Akagira ati, “Omukirooto eki nshemerire kubiika ebyokurya omuri egi kanisa.” Akashuba yagira ati, “Kandi nkaba nyemereire aha honyine, ndikugira ngu bareete ebitemere byingi munoonga birimu ebyokurya ebirikukirayo oburungi ebinabire ntakareebaga.” Reero oweishemwe Branham yahandiika emiriingo etari emwe n’emwe eyebyokurya by’aburijo: nk’ebitakuri, radishes, turnips, emboga hamwe nebindi byingi. Ekiyagambire: “Akagira ati: biika ekyo kyokurya omu bwingi; reero kandi nkaba nyemereireho ndimu ninkihunika.” Omukwezi kwa kana ebiro 2, 1962, MUKAMA akagamba nanye aha njara y’amaani erikwija kubaho yangambira amaduuka agari kuguza ebyokurya gatakozirwe bantu (natural groceries), kandi gamwe aharigo gaine kuba garimu ebitakuri hamwe n’esaano. Abeishemwe hamwe nabaishemwekazi kuruga omuri ako kaire nibahamya ngu kwe buzima tukabiika ebyokurya byaburi kiro (natural food) turi kutekyereza ngu ebiro by’akabi k’enjara nibyija kuteera eihanga ryaitu. Ahanyima yebyo Nabi wa Ruhanga yangambira omukwezi kwa ikumi n’ebiri 3, 1962, ngu ekirooto nkaba nakyetegyereize kubi ahabwokuba mukama akaba namanyisa ekyokurya ky’omwoyo. Ebiri kweyongereho ahari eki ekinareebire mwena nimubimanya.

Omu biro bya Abrahamu hakabaho enjara (Okutandika 12) kandi n’omubiro bya Isaaka nabwe hakabaho enjara (Okutandika 26). Buri omwe namanya enjara eyabireho omu biro bya Yusufu (Okutandika 41-47) Ruusi akaija omuri Israeli ahabwenjara (Ruusi 1); akaba yatekatekirwe kare kuba nyina wa Obedi reero abe nyinenkuruza wa Daudi. N’omubiro bya Daudi namwe habamu enjara (2 Samueli 21). Yoshua akaragira abantu be, “Mutebekanise ebitara byanyu…” (Eshura 1) Omubiro ebyo, ekaba eri enjara ye byokurya bya burijo. Okubanza nkaba ntakyetegyereize kurungi ngu kikaba nikigamba aha byokurya by’omwoyo obunaragirwa ngu biika ebyokurya byokugabura. Nobukirabe kyabire kisyo omuntu taba ohurire ahabwebyokurya byomubiri byonka, kwihaho aba ohurire ahabwa buri kigaambo kyona ekiruga omukanwa ka Ruhanga. MUKAMA waitu akagira ati, “Ebyokurya byangye n’okukora ekyogwe owantumire akunda.”

Omukaire ako tindamanyire ngu ekyo MUKAMA akaba yakigambireho kare okurabira omuri Nabi Amosi: “Reeba obunaku nibwija kuhika, obunditeeza ensi enjara, etari njara y’eby’okurya, nari eiriho y’eby’okunywa, kureka enjara y’okuhurira ekigambo kya MUKAMA…” (Amosi 8:11)

Oweishemwe Branham akangambira ngu “Ruhanga naza kwohereza enjara y’ekigaambo kye, kandi ekyokurya ekyorihunika kiryaba kiri ekigambo ekyaraganisibwe ekyakaire aka.” Reero yashuba yangira ati “Banza ogumisisrizeho okugabura eki kyokurya okuhitsya obworakitungye omu bwijwire bwakyo.“

Omugore atakatungire eiraka riri kugira ngu “Reeba kishwera yaija; mushohore tumubugane…” (Matayo 25), nitushangaho ekyahandikirwe ekirikugira ngu: “Nimwambari ki ow’okwesigwa kandi ow’obwengye, ou mukama we yatsigiire ab’omuka ye kubagaburira omu bunaku obuhikire?” (Matayo 24:45)

Nitwikiriza buri kigaambo, oba kihandikirwe omuri Nabi Malachi, omu ngiri ya Matayo nari ahandi hoona omuri baiburi, kandi ahabwembabazi za Ruhanga nitubasa kukita omumwanya gwakyo oguhikire omu bwa Ruhanga omuntebekanisa ya Ruhanga y’okujunwa. Obwire bwoona Ruhanga akaba agira abantu abuyabire atuma nk’oku entebekanisa ye yokujunwa yabaire eri, nka Noha, Abrahamu, nabandi nabandi. Musa akatumwa, (Okuruga 3); Isaaya akatumwa (eshura ya 6); Yeremia akatumwa (eshura 1). Yohana omubatiza akaba ari omuntu otumirwe Ruhanga. Paulo akatumwa Ruhanga (Ebyakozirwe 22:21) Entumwa nazo Ruhanga akazituma (Matayo 10; Luka 9). Buri muntu wa Ruhanga weena akaba namanya ekyahandikirwe ekyabire kimugambaho hamwe n’obuhereza bwe ahabwokuba kikaba kimushururirwa omwoyo wa Ruhanga. Omuri Malachi, MUKAMA akaraganisa, “Reeba ndyaboherereza Eliya Nabi…,” kandi nabwe ahanyima ya Yohana omubatza kurangirira obuhereza bwe, ekiraango kikakorwa: “Nekyamazima; Eliya aryaija, ashemeze byona (Matayo 17:11)

MUKAMA waitu akagira ati, “…nkoku tata yantumire, naanye nikwo ndikubatuma.” (Yohana 20:21) MUKAMA ashuba yagira ati, “oyakira omuntu weena ou ntuma, biri niinye ayakiire; kandi onyakiira biri ayakiire ogwo owantumire.” (Yohana 13:20)

Nekyomuhendo kugira ngu twikiirize ebyahandikirwe nkoku birikugamba. Eki kukira munoonga nikiikwata aha kanisa ahabikwatirine n’obwire bwabwanyima nentebekanisa ya Ruhanga y’okujunwa. Hati nkoku emperu yaherize kwirira haihi nokugaruka kwa Kristo kwahikire aha rwigi nikitwetagisa kushwijuma buri nyegyesa n’ebyahandikirwe biri kweera, nka abaikiriza omu Beroya okubakozire (Ebyakozirwe 17:11). Ekyobusasi habarukireho envunura nyiingi ezijanjaire omu butumwa haza zitari ahamusingi gwa Baiburi, kwonka hariho ekishuba kimwe kandi ekikuretaho okuhwerekyerera: ekiriyo nikihangwaho kikwatiraine n’ebigaambo ebi MUKAMA yagambaire oweishemwe Branham omukwezi kwa 6, 11, 1933 okuruga omukyererezi ekitari kyobuhwangwa.

Omubujurizi bwe omukwezi kwa kabiri 10, 1960, omuri San Juan, Puerto Rico, akashuba yagarukamu ebigaambo ebi: “Nkoku Yohaana, omubatiza yatumirwe kutebekanisa okugaruka kwa Kristo kwokubanza, obutumwa obukuhairwe nibuza kutebekanisa okugaruka kwa Kristo kwa kabiri.” Reero oweishemwe Branham yashuba yahamya ekigaambo eki ati: “Tikugira ngu ninye ndaze kukora okutebekanisa oku, kureka obutumwa nibwo burakore okutebekanisa.”

Nobukirabe kiri kityo, omubarikweyeta ngu nabanyabutumwa omunsi yoona, Amerika egarukire yakivunura eti: “Nkoku Yohaana omubatiza yatumirwe kutebekanisa okugaruka kwa Kristo, kw’okubanza naiwe otumirwe okutebekanisa okugaruka kwe kwa kabiri.” Ekigaambo “obutumwa” tikirimu omukuvunura oku; kandi obwe, obutumwa nibwo bwokutebekanisa okugaruka kwa Kristo kwa kabiri, nkoku Ruhanga we weenka yakitebekanise.

Hati ohikire nooha? MUKAMA kuruga omukyererezi nikyo kimwe akaza ahari Paulo akashuba akaza nahari Branham, owakozise ebigaambo nibyo bimwe nkoku yabaire abihairwe? Nainga abo abri kugyezaho kwehangira ekishuba nkekyo? MUKAMA hamwe n’oweishemwe Branham babahindwire abanyabishuba, okushushanwa nogwe orikweyeta ngu natwara obutumwa omunsi yoona ahabwokutumwa Ruhanga. Garyaguma gari amazima ngu oweishemwe Branham akaba ari Nabi owaraganisibwe kandi ngu akareeta obutumwa bwa Ruhanga kurabira omuri bwe enaama zoona kuruga aha kutandika 1 okuhika ahakushuuruurwa 22 zashuuruurirwe kandi hati ziriyo niziburirwa omu mahanga goona– obutumwa obwokwetwa, okutanisa, okutebekanisa, hamwe nokugarura busya.

Aharuterane rumwe omuri Bungyereza, (England) oweishemwe akagira ati, “oweishemwe Frank, tukuhurire emirundi miingi nogira ngu tiwokugizire butumwa bwoona ahatari buhereza bw’oweishemwe Branham. Naitwe erizooba nitugira ngu ahatari buhereza bwawe, naitwe nkaiwe tukabaire tutaine butumwa”

Kandi nabwe ekyabeireho ekyamaani kikwatiraine nokubambura obumanyiso mushanju kiriyo nikyetegyerezebwa kubi kandi nikivunurwa omubishuba. Omukwezi kwa kabiri 28, 1963 oweishemwe Branham akaba ari aharushozi Sunset omuri Arizona obuyahurira enkuba mushanju zamaani nizibwatuka ahuyagambireirwe ngu agarukye Jeffersonville ahabwokuba obumanyiso mushanju nibuza kubamburwa. Oweishemwe akaguma nagamba omurundi gutari gumwe ahari ezo nkuba mushanju ezabwatukire, nobuyagambire ahakwikiriza kw’okutwarwa ezo nkuba mushanju zikashohoza amaraka gaazo ahabikwatirine n’okubambura obumanyiso mushanju. Okubambura obumanyiso mushanju nekintu ky’omuhendo ekisingire kubaho omu bwaire bwaitu ahabikwatiraine n’entebekanisa y’okujunwa! Buri kimwe kyoona ekitwabire nitwetenga kumanya kishuuruurirwe omu bumanyiso mushanju n’okwikiriza kw’okutwarwa nimwo kuahamize. Okushuuruurwa kuhaireyo. Tihaine ekituri kubasa kwongeraho. Ruhanga tihaine ekiyayebirwe kyoona. Ebihinda mushanju ebiri omukushururwa ikumi tibyaine kakwate n’ekanisa kwihaho na Israeli, obu MUKAMA arayeshumire we weenka nka maraika wendagaano. Kwonka eki tukihandikireho emirundi miingi kandi twayoreka turi kukihamya n’ebyahandikirwe ebirikweera hamwe n’ebyoweishemwe Branham yayegise.

Tweena hamwe nabahereza ba Ruhanga boona, ningumizamu kutwara obutumwa bwa Ruhanga obu oburikweera omumahanaga agatari gamwe nagamwe agomunsi. Ekigaambo kye ekiri kweera kandi ekyashuurirwe kikatukwatsibwa. Nokuhisya nahati tinkikiraize okuvunura na kumwe kwoona, kandi tindikikora, ahabwokuba envunura zoona hamwe n’ebishuba byoona tinkabasa kubyemera–nebishuba kandi nibikomooka ahari sitaani, owabihiire Eva omu kibanja Eden. MUKAMA anyesire kurangirira ekigaambo kye hamwe n’okugabura ekyokurya ky’omwoyo, kandi ekyo ninza kukikora MUKAMA Ruhanga ampaire amaani hamwe n’embabazi zaakyo. Oweishemwe Branham akagira ati, “Baingi nibebaza Ruhanga ahabwebyarugire kukora, bange amaisho ebyarikuza kukora behuzya ebyariyo nakora hati.“ Habikwatiraine n’okwetwa, okutanisa hamwe n’okutebekanisa ekanisa y’omugore, kyoona kiri aha kugarurwa busya okwijwaire hamwe nahabi Ruhanga yaraganise omukigaambo kye. Yetegyereze akaire n’obutumwa bwako! Gahairwe omugisha ago maisho agarikureeba, namatu ago agari kuhurira, hamwe n’emitima eri kwikiriza.

Abo boona omuritwe abaherize kwakira obutumwa bwa ahamuheru nitureba kandi twetegyereza obumanyiso bwemperu. Enjara y’ebyomwoyo nebasa kuhurirwa kandi nitugireeba buri kwezi obu abantu abari rwagati ya rwenda na rukumi kuruga omu mahanga goona aga buraya nabandi bakaruga omugandi mahanga bari kwaija kuteranira aha kanisa yaitu (mission center). Abanatu abari kuhika nka runaana hamwe namakanisa agatari gamwe nagamwe nibatwegeteiraho ahambeiho kuraga omu mahanga 88 omunsi yoona. Kurabira aha mutimbagano gwa intaneti nibegaita aha kurangirirwa kwekigaambo ekya shuurirwe. Obuhereza oburi kurabira aha maredio nibudhohorera omundimi ikumi naibiri. Okwongera aharyekyo nitwohereza nka amabaare (DVDs) enkumi itano kurabira aha mutimbagano gwa intaneti eza zasavisi ezirikorwa omusande y’okubanza eyokwezi okwo. Kanakaire karungi; kanakaire k’embabazi! Tutegyereize okuhikirira kw’eki Ruhanga yaraganise kuhikirira omu bwaire bwaitu, nangwa tikiri nahare kiri haihi munoonga. Owa Ruhanga weena ayakira entumwa, ayakira obutumwa kandi ashuba ayegaita ahabi ruhanga ariyo nakora omuri aka kaire. Ruhanga akatwikiriza kumanya emihanda ye ahakuba tukatunga embabazi. N’omwesigwa kandi naija kumaririza omurimo gwe nabaana be ab’bwojo hamwe nabw’obwiki okuhitsya ahaizooba ry’okugaruka kw’omukundwa waitu MUKAMA. Omucunguzi naija kugira ekanisa ehikire, etaine eibara narishi omufunya (Abaefeso 5:27), ahabwokuba omugore we yaherize kwetekateka (Okushuuruurwa 19:7). Hallelujah, Amina!

Ripoota y’obuhereza bwaheeru nehandikwa buri kwezi. Tintumwa kwihaho obutumwa, ekigaambo nikihikiriza ekikyatumiirwe omuri abo abri kukyakiira. Ni MUKAMA waitu kandi omwesigwa orikuhereza omubibi embibo kandi akashuba akahereza omugati owokugurya (Isaaya 55:10-11). Nitubebaza imwe mweena ahabwe shaara zanyu hamwe n’okuhagira Ruhanga. Ekicoonco kyanyu nikyaija kuba ekyamaani. Amina.

Ahabwogwo owatumirwe

Bro. Frank