“Yesu Kristo, Niwe Omwe nyumwabazyo, kandi n`erizooba, kandi n`ebiro byona.” (Abaheburaayo 13:8)

Ebaruha erikwetoroora - Okwa kataano/Okwa mukaaga 1998

Endamusyo z`omutaano ahari imwe mweena omu nsi yoona omu iziina er`omuheendo erya MUKAMA waitu omukuundwa kandi omujuni Yesu Kristo n`ekihandiiko ky`omugasho eky`Okush. 1:1-3:

Ebyashuurwirwe Yesu Kristo, ebi Ruhanga yaamuhaire kworeka abahuuku be ebyabaire nibyenda kubaho juba, nawe akatuma maraika we kubimanyisa omuhuuku we Yohaana,

Owaahamize ebi yaareebire byona eby`Ekigambo kya Ruhanga n`eby`okuhamya oku yesu Kristo yaahamize.

Orikushoma ebigambo by`obunabi obu aine omugisha, kandi baine omugisha abarikubihurira, bakata omutima aha bihandiikirwemu; ahabw`okuba obunaku buri haihi.

Omu kyahandikirwe eky`obunabi buri kimwe ekyakubaasa kubaho okuhikira kimwe aha muheru kyayorekirwe. Omu kujuriza enaama ya Ruhanga (Ebyakozirwe 20:27), ebintu tibikuraangwa hati, kwonka byahandiikirwe omu Kigambo ky`obunabi. Ekicoonco ky`obunabi ekya Bibuli n`eky`okwombeka ekanisa y`ahansi kandi kishemereire kuba n`ebintu bishatu: okwetereza omu micwe, okuhabura okurikwo hamwe n`okuhumuriza (1 Abakorinso. 14:3). Aha mushororoongo gwa 29 ogw`eshuura niyo emwe entumwa n`egumizamu kworeka obuhereza bw`abaanabi, »kandi ababuurizi bagambe babiri nari bashatu, abandi babyetegyereze.« Ababuurizi nk`abo nibamwe aha buhereza butaano (Abaefeso 4:11) kandi omurimo gwaabo n`okwegyesa ekicweeka ky`obunabi eky`ebyahandiikirwe. Bibuli negira, omuntu ku aba nahurikiriza natuunga Okushuuruurirwa okurikwiija kuteerea ahari kwenda, reero aine kugamba obu ow`okubanza akikwiitse obusingye be (Omushororoongo 30). Omu bunabi obuhikire oburi kwiija buriho Omwoyo Oeikwera tihariho arikubaasa kuburemesa, ahabw`okuba kubukuba bui obuhikire n`okugaamba kwenyini okwa MUKAMA okuriho Omwoyo Orikwera. N`ahabw`ekyo ni »Oku niko MUKAMA Arikugira«.

Okurugirira aha kwanjura kwiitu kw`ekihandiiko nitweega ngu ebintu kubikuba byiine akakwate n`entebekanisa y`okujuna, obwe Ruhanga naba Ariyo n`akozesa omuheraza omwe arikwiija kuba nabi ahabw`obunaku kuretera Ekigambo ekirikumanywa kushuuruurwa, n`ahabw`ekyo abahereza abandi babaase kugabura okushuuruurwa niko kumwe. Maraika tarayohreziibwe aha bahereza biingi kureka ahari omwe arikwetwa Yohaana. Ekyerereezi eky`omutaano tikiriizire aha bahereza boona kureka ahari Paulo, ogwe owabiire aine omurimo n`obutumwa bw`omutaano (Ebyakozirwe 9+22+26). Omu mugigi gwaitu ekyererezi nikyo ekitari kyaburiijo kikizira W. M. Branham, tikiriziire ababurizi b`engiri abaandi. N`ahabw`ekyo akaba aine okwegyesebwa nikwo kumwe nk`okw`entumwa Paulo. Abo bonka abikiriize obwa Ruhanga obu Paulo yabaire yikiririize omu nyegyesa ze. Ekyo nakyo kihikire omu bwiire bwaitu. Ku okuhakanisa ekyererezi noba ohumire, ku okutambura n`ekyererezi n`oreeba omuhanda.

Omu kitabo ky`omubuurizi, omubuurizi naagamba omu shuura ya 3:14-15, »Nimmanya ngu, eki Ruhanga akora kyina kiryagumaho ebiro byona; tihaine kirikubaasa kukyongyerwaho, nari okukitubyaho; kandi Ruhanga akakihanga atyo, ngu abantu bamutiine.« kandi nitugambirwa omu shuura y`aha muheru eya Bibuli ngu tihaine kirikubaasa kugaitwa nari kwihwaho aha bigambo by`obunabi by`ekitabo Kye. Okumanya ebigambo nk`ebyo eby`amaani kandi n`okwiikiriza ngu Ruhanga takubaasa kukora kintu okwihaho nabaanza ashuuruura ekihama kye ahari omwe aha bahereza be, baanabi (Amosi 3:7) n`ekyomugasho. Omuhereza nk`pgwo ni nabi w`ekigamb atumirwe omu nsi yoona, batari bantu bakye bonka.

Omu kitabo ky`omubuurizi eshura ya 3 omubuurizi nayooreka emitwariize etari emwe n`emwe omu magara g`obutosha eine obunaku bwayo, kwonka omu kurebera omu butahwaho n`ebyabusha. Okuruga omu kuzaarwa okuhika aha kufa ebintu nibbibaho ahagati y`obwiire. Omu mitwarize y`Omwoyo buri kimwe nikibaho nk`obunaku bwakyo buri n`omubuteeka bwakyo. Tutyo tushome, »Buri kintu akakihanga kiri kirungi omu bunaku bwakyo; kandi yaata omu mitima y`abantu ebiteekateeko by`obunaku obutarihwaho, n`obu omuntu araabe atarikubaasa kumanya ebi Ruhanga yaakozire okwiha aha kutandika okuhitsya aha muheru.« (omushororoongo gwa 11).

N`okucondooza kwona omuntu takabaasa kumanya emirimo ya Ruhanga, n`amunonga amagara g`ensi hamwe n`enteekateeka yaabyo byaaba bikiri omu mitima yaabo. Ebyari kukora birengire okwetegyereza kw`omuntu, kihikire obutwiire bwona. Kwonka kishemreire kusheeruurwa kandi kikamanywa buri muntu. Omu kubanza Ruhanga naaha okuraganisa kandi bwanyima akihikiriza.

Ruhanga ku arikugira eki yaakora naaba nayyenda abantu be kukiikiriza n`okukyaakiira. Ebintu eby`Omwoyo nibibaho omuunda omu kyaanga ky`obuhangwa. MUKAMA ku yiizire ah`abe, Akaba ari omu mubiri gw`obuhangwa, kwonka tibaramukyengire kandi tibaramwaakiire. Abantu abe benyine bakamwanga, n`ahabw`ekyo baagira ekiniga. Omuri Luka 19:41-44 MUKAMA waitu Akaririra Yerusaalemu, arikugira, »Eri izooba, kuri noomanya ebyakukureetera obusingye! Kwonka shi hati bisherekirwe amaisho gaawe.« Eri n`izooba ryiitu, kandi tushemereire kwetegyereza Ekigambo ekyaraganisiibwe kandi tukiikiriza ekiitu. Kukirikuguma kitusherekirwe, embabazi nizaangwa kandi okucweerwa omushango nikwiija kubaho, hati nk`oku kyabaire kiri buri, »bakuteere ahansi n`abaana baawe abakutwiremu; tibarikutsigamu ibaare eriri aha rindi, ahabw`okuba toramanyire biro eby`okutayaayirwa kwawe.« Abo omu baana abayaangire buri kimwe kyona ekyarikukora hat ink`oku Ekigambo kye kiri biine kuraba omukucweerwa orubanja orw`akatabanguko ak`amaani. Amaisho hamwe n`amatu ag`abo abari kureeba kandi bakuhurira, MUKAMA Akabaragansa omugisha. N`ahati nikwo kiri.

Ruhanga n`ow`embabazi, kwonka tarikwikiriza bantu Be kwaanga buri kimwe kyona ekyarikukora n`embabazi Ze. Twine kwaakiira kandi tukakiikiriza, kitari ekyo ekiniga Kye kiryatwijaho, nk`oku Yaraganiise. Tihari ky`omugasho ahari itwe nk`okugira akakwaate n`aburi kimwe eki Ruhanga Arikukora okurugirira aha kigambo kye ekyaragansiibwe kandi ekirishangwa omu kunda kwe.

Israeli, abantu be ab`obuhangwa ab`endagaano, Akaba Aine okwiikiriza okucweerwa, ahabw`okuba tibarabasiize kwetegyereza orutayaayo orw`embabazi omu kwiija kwa Kristo okw`okubaanza. Kureka ahari abo abamwaakiire buzima, akabaha amaani g`okuba abaana ba Ruhanga (Yohaana 1:12-13). Nibo abo abataraziirwe ahabw`okukunda kw`omuntu kwonka bwanyima y`okukunda kw`omubiri, kureka abazairwe Ruhanga bwanyima y`okutuunga amagara agatahwaho. Twine kureeba amazima ngu Abayudaaya omu myaka ekumi ibiri ehingwiire eya kaire k`endagaani entsya bakabonabona ahabw`okuba tibaramwakiire. Pilaato akaba yarangiriire, »Tiinyine rubanja ahabw`eshagama y`omuntu ogu ohikiriire,« kwonka omutwe gw`abantu boona baagarukamu, »Eshagama ye ebe niitwe yaatukurira n`abaana baitu.« (Matayo 27:24-25). N`ahabw`ekyo kikabaho.

Omuri Yeremia 31:31 n`omu byahandikirwe ebindi MUKAMA Akaba yaaraganiise kukora endagaano entsya. Ekyo Akakikora. Obunaku kubwahikire, ekyahandikirwe kikahikiriira, endagaano entsya ekakorwa. Hati ebigambo by`endagaano tibyiine kuhandiikwa aha maabaare kureka omu mitima y`abantu be. Aha kyaakiro y`aha muheru MUKAMA waitu kandi omucunguzi akagambira abeegi be, »ahakuba egi n`eshagama yangye ey`endagaano ensya, esheesheka ahabwa baingi, ngu basaasirwe ebibi.« (Matayo 26:28). Abeebembezi b`Omwoyo aba kaire ako tibarayetegyeriize emihanda ya Ruhanga n`abatu be. Tibaratwiire obuhereza bwa Yohaana Omubatiza obwaraganisiibwe nk`enshonga. Akaba ari omushaija atumirwe kuruga owa Ruhanga, kwonka tibarakishuriirwe ngu kurabira omu buhereza bwe bw`ebyahandikirwe bukahikirira, nk`omuri Isaaya 40:3 hamwe na Malaki 3:1, nk`okukyahamiibwe omundagaano entsya. Okurugirira omu mitwarize yaabo bakariinda okuhereza, bakaba b`eshingora ebyeshongoro, bakaraba omumigyeenzo yoona, kwonka tibarayetegyereize eki Ruhanga Yabaire n`akora.

Omuri Yohaana 13:20 MUKAMA waitu Akagamba ahabyiriija kubaho, »Buzimazima nimbagambira nti: Oyakiira omuntu weena ou ntuma, biri niinye ayakiire; kandi onyakiira, biri ayakiire Ogwo owantumire.« buri kimwe kyona ekiri kubaho omu Bukama bwa Ruhanga nikibaasa kushangwa omu Kigambo kye. Abo bonka abakutunga obuhereza obw`ogwo atumirwe MUKAMA, ogwe ariija kuguma n`atebeekanisa omuhanda gwe, naija kwtegyereza okubaho kw`ebyaraganisiibwe kandi bagire akakwaate omukuhikirira kw`abyo. N`anomundagaano enkuru nikwo kyabiire, aha kwiija kwa Kristo okw`okubaanza, omuri kwona okugarurwa butsya omu kaire k`embabazi kandi n`ano myaka y`obunabi. Ruhanga Akumire Ekigambo kye kandi Atumire nabi, nk`oku yaaraganise omuri Malaki. 4 kandi akakihamya omuri Matayo 17:11, »Izooba rya MUKAMA« ritakabeireho nk`oku kyiine kuba. Omushaija nka Eliya na Yohaana, owatebeekanise omuhanda, orikweeta abantu ba Ruhanga ngu bagarukye aha Kigambo kandi akatebeekanisa omuhanda gwa MUKAMA.

Tweena nitubaasa kwetegyereza obusaasi bwa MUKAMA owabaire ari rukundo ya ruhanda kandi akaza aha musharaba, obu yabaire aine kurangirira okucweerwa orubanja aha bantu Be benyine. Ahamwe nitushoma, » … Ahakuba oku nikwo Ruhanga yaakunzire atyo ensi… « kandi ahandi akaba aine kurangiriira okucweerwa orubanja ahari abo abamwangire, »Ahakuba omu nsi haryabamu obusaasi bwingi, kandi n`ekiniga aha ihanga eri. Abantu baryaitwa rurara, baryanyagwa batwarwe omu mahanga goona; na Yerusaalemu eryaguma neeribatiirirwa abanyamahanga, okuhitsya obu obusingye bw`Abanyamahanga.«  (Luka 21:20-24). Eki kybaire okwiiha omu bwiire kandi n`okuhikira kimwe omu bunaku bwiitu okuraba omu kwiita enkumi n`enkumi z`abayudaaya.

Ruhanga Aijwiire embabazi. Emabazi ze tiziine bugarukiro. Kwonka omuntu ku arikwaanga ebi Arikukora ahu Arikworekyera embabazi, obwe nibwo ekiniga kye hamwe n`okucweerwa orubanja birikwiizira. Okumara emyaka enkumi ibiri bayudaaya batwiire nibahiganisibwa, kandi tikikahwiire. Bwanyima y`okutwaarwa omu kitiniisa kw`omugore w`ekanisa okucweerwa embaanja kuryabaho omu nsi. Kandi haryabo baingi abarikweyeta abaikiriza abaraija kuraba omu kabi, ahabw`okugira ngu tibarayakiire eki Ruhanga Ariyo nakora hati okurugirira aha kigambo kye ekyaraganisiibwe. Buri muntu nabaasa kurahuka kugira, »Twiine Yesu Kristo, twine Bibuli, titukweteenga omuntu kuruga ahari Ruhanga!« Kwonka ku akauba araganisiibwe omu kigambo kya Ruhanga, nituba twine kukiha ekitiinisa nka abantu ba Ruhanga, oyihireho ekyo ekiniga kya titukabaasa kukiruka. Ruhanga Naayenda abantu Be kwiikiriza Ekigambo kye n`omurimo gwe. 

Okushoborora eby`okuraganisibwa okw`ebyahandiikirwe tikwiine ou kuri kuyamba. Byiine kukyeengwa omu kuhikiirira kwabyo. Hati turimu nitutuunga okuhendera kw`entebekanisa y`ikujuna. Ebyaragwiirwe omu ndagaano enkuru hamwe n`entsya ahabw`obunaku bwaitu hati biriyo nibihikiirira omu maisho gaitu. Okubaho kw`omuntu hamwe n`ebyafaayo by`ekanisa tibikugarurwa nyima. Tikikaayemerezibwa. Buri kintu kyoona eki Ruhanga Ateebekaniise kiine kubaho, akaire ku kari kuhika. Eky`omugisha ahari itwe n`eby`okutebeereza omu byahandiikirwe ebirikukwata aha mperu y`akaire k`embabazi, ebituri kureeba nibihikiirira omu muhanda gwoona, naangwa n`omukwiija kw`ekyanga ky`abarooma (Roman empire) omu Buraaya ya rwagati nangwa naamunonga ekirikukwata ahari Israeli n`amahanga aga gyetoreire. Nk`oku abantu ba Ruhanga ab`obuhangwa Israeli babaire biine kugaruka omu nsi eyaraaganisiibwe batakarebire okuraganisa kw`okwihwaho orubanja kukubaheebwa, aha Mugore w`ekanisa nayateenga kuba omu Kigambo ekyaraganisiibwe ahabw`obunaku obu kureeba okwihwaho orubanja nikubaho aha kugaruka kwa MUKAMA Yesu Kristo.