JINUKÚN GBÀKIJA TỌN
(THE SEED OF DISCREPANCY)
1965-01-18

Yẹn ko dè ohóta pẹvi de to whèjai he kavi owéhihia pẹvi de, eyín Oklunọ jlo nado ná mí nado mọdona ohó he tin to e mẹ, yèdọ to Owé MATIU 13:24-30 tọn mẹ. Podọ sọn whenẹnu, yẹn sọ jlo nado hia sọn afọ etọn 36-40 mẹ, to ojlẹ pẹvi de mẹ, dinvie, mì dótóai hlan hihia Ohó lọ tọn. Ohó ṣie lẹ na gbọvọ, ṣigba Ewọ tọn ma na gbọvọ gbede.

Oló devo wẹ é sọ zé do yé nukọn, dọmọ, Ahọludu olọn tọn taidi dawe de, he do okún dagbe do oglè etọn mẹ.

Ṣigba lé gbẹtọ lẹ damlọn, kẹ̀ntọ etọn wá bo do ogbé ylankan do likún mẹ, bo sọ tọ́nyì. Ṣigba whenuena apà etọn tọ́n, bo dè sinsẹ́n jẹgbonu, whenẹnu wẹ ogbé ylankan sọawúhia ga.

Mọwẹ afànumẹ whénọ lọ tọn lẹ wá bo dọ hlan ẹn dọmọ, Oklunọ, e ma yín okún dagbe wẹ a do do oglè towe mẹ? Fie wẹ e hẹn ogbé ylankan sọn?

É sọ dọ hlan yé, dọmọ, kẹ̀ntọ de wẹ basi ehe. Afànumẹ etọn lẹ sọ dọ hlan ẹn dọmọ, Bé hiẹ na jlo na mí ni yì ṣinyan yé sẹ̀?

É sọ dọmọ, Lala; na whenuena mì to ogbé ylankan ṣinyan, mì nikã họ̀n adọ̀ na likún po yé po.

Mì gbọ awelẹ ni whẹ́n dopọ́ kaka jẹ jijẹwhenu: to ojlẹ jijẹwhenu tọn mẹ yẹn na dọ hlan gbingbẹ̀ntọ lẹ, dọ, Mì bẹ́ ogbé ylankan pli whẹ́, mì bla yé do kọnùkọnù nado yí miyọn do mẹ̀ yé: ṣigba mì bẹ́ likún pli do zinhọ̀ ṣie mẹ.

Enẹwutu mì do ayi e go, dọ, “Mì bẹ́ ogbé ylankan pli whẹ́, bo bla yé do kọnùkọnù”? Dinvie, to ehe hihia mẹ, onú jonọ de sọawúhia mi to whenuena yẹn tin to aisinsin to Osó Katalina tọn lẹ ji to ozán he wáyì mẹ to odẹ̀ mẹ. Podọ yẹn lẹn to whenẹnu dọ, fie wẹ yẹn sọgan dè ohóta he ji yẹn jlo nado dọhó do to whèjai he ji sọn?

Podọ yẹn sọ jẹte wádò bo mọ ohógó gbàkija tọn, whenẹnu wẹ yẹn zé owégbó bo pọ́n núhe ohógó gbàkija tọn yín. Podọ tùnmẹ etọn wẹ yín “jinukún ylankan dido,” kavi “núhe jẹagọ̀,” kẹdẹdilé ogbè he yè nọ ylọ dọ Wẹbsta dọ dó, dọ, “jinukún ylankan dido yín onú gbọnvò de,” kavi “núhe jẹagọ̀dó núhe ko tin lọ.” Enẹwutu, yẹn lẹn to whèjai he dọ, yẹn na ylọ ohóta ṣie lọ dọ, Jinukún Gbàkija Tọn. Yẹn sọ yise dọ, Oklunọ na dona Ohó Etọn dinvie kẹdẹdilé mí to nukọnyì to E mẹ dó.

Podọ mí sọ mọdona dọ, É ná tùnmẹ sọn afọ gbàntọ́n-nukun-dopotọ (36) jẹ afọ kande-atọ̀ntọ (43) mẹ, dolé jinukún he yín whinwhẹ̀n lọ go do. Podọ whenuena mí to ohó dọ do e ji, mì gbọ na mí ni hia sọn afọ gbàntọ́n-nukun-dopotọ (36) jẹ afọ kande-atọ̀ntọ (43).

Whenẹnu wẹ Jesu do gbẹtọ lẹ hlan, bo sọ biọ owhè gbè: núplọ́ntọ etọn lẹ sọ wá ede, bo dọmọ, Dọ odò oló ogbé ylankan oglè mẹ tọn hlan mí. 

É sọ gblọn bo dọmọ, Mẹhe dó okún dagbe wẹ Ovi gbẹtọ tọn; 

Oglè wẹ aihọn: podọ okún dagbe lẹ, ehe lẹ wẹ Ovi ahọludu tọn; podọ ogbé ylankan wẹ Ovi mẹylankan nẹ tọn: 

Kẹntọ he dó yé wẹ Lẹgba lọ; jijẹ-whenu wẹ opòdó owhenu tọn; gbingbẹ̀ntọ lẹ wẹ angẹli lẹ.

Enẹwutu dilé yè bẹ́ ogbé ylankan pli, bọ yè yí miyọn do mẹ́ yé do; Mọwẹ e na te to pòdó owhenu lọ tọn. 

Ovi gbẹtọ tọn na dó angẹli etọn lẹ hlan gbonu, yé bo na bẹ́ onú he hẹn ahlida wá lẹpo sọn ahọludu mẹ, po yé he wà ylanwà lẹ po;

É na zé yé dlan zokán miyọn tọn mẹ: finẹ wẹ avi po adukúnkún po na te. 

Whenẹnu wẹ dódónọ lẹ na to sisẹ́ jẹgbonu di owhè to ahọludu Otọ́ yétọn tọn mẹ. Mẹhe tindo otó lẹ, gbọ é ni sè.

Jesu lọsu wẹ na túnmẹ oló lọ tọn, enẹwutu, mí mọdona onú he túnmẹ yín to whenẹnu. Podọ dinvie, kẹdẹdilé mí to dindọ̀n sẹpọ didó jinukún lọ tọn podọ gbingbẹ̀n jinukún lọ tọn po, dinvie É na túnmẹ etọn. Podọ whenẹnu yẹn yise dọ Jesu dọ oló he to ojlẹ Etọn mẹ, ṣigba e tin hlan opòdó aihọn tọn, kavi, vivọnu owhèta lẹ tọn, he yín egbé. Yẹn yise dọ, ohóta whèjai he tọn sọgbè hẹ ojlẹ he mẹ mí tin te go, nugbonugbo, na Jesu Lọsu dọ to ofi titegbe de dọ, “bẹ́plidopọ́ lọ na yín hlan aihọn he,” whenẹnu wẹ opòdo na wá; bẹ́plidopọ́ likún tọn lọ podọ ga bẹ́plidopọ́ ogbé ylankan lẹ lọ tọn nado dó miyọn yé ji, podọ nado bẹ́ likún lẹ do Ahọludu mẹ. Podọ yẹn yise dọ mọwẹ.

Mọwẹ yẹn wlán Owéfọ devo he hẹn mi yise domọ, to Owé MATIU 24:24 tọn mẹ, fie yè dọhó dogbọn jinukún gbàkija tọn lọ tọn dali te. Enẹwutu wẹ Jesu dọmọ, awelẹ na di yénọzo lẹ sọmọ bọ eyín e sọgan wiwà yèdọ nadọ klọ mẹṣinṣinyan lẹ ga. Yèdọ dopolọ.

Podọ yè wlán ẹn to ofi devo to Owé Wiwé lẹ mẹ dọ, jikún dopolọ wẹ nọ ja do dódónọ po mawàdódónọ po ji.

Dinvie, yẹn flin dọpọ́n ṣie tintan to whenuena yẹn tin to omẹ Pẹntikọsti tọn lẹ ṣẹnṣẹn. Do ayi e go dọ, yẹn ko tin to otò Miṣawaka tọn mẹ, to Indiana mẹ. Podọ to vọfọ́n daho de mẹ, gohọ̀ he taidi ehe hunkọ de, fie mẹhe sọn Agewàji po Ohùwàji po bẹ́ yédelẹ plidopọ́ te. Na kinklán he wá azán nẹlẹ mẹ tọn wutu, wẹ yé do bẹ́ yédelẹ plidopọ́ to finẹ. Do ayi e go, yẹn mọ mẹmẹsunnu awe he tindo aṣẹpipa to agùn Pẹntikọsti tọn mẹ lẹ. Yẹn ma ko sè dogbọn enẹlẹ tọn dali kavi ko mọ yé pọ́n gba. Dinvie, enẹ wẹ tintan he yẹn sè lé yé to ogbè hunkọhunkọ do dó. Podọ to opòdo vọfọ́n lọ tọn, yẹn mẹhe ma yín agùnvi de to yé mẹ, adavo devizọ́nwàtọ agùn Baptisti tọn pẹvi de wẹ yẹn, bọ yẹn to yìgọ̀-yìgọ̀ yì . Podọ tintan he yẹn sè mẹde to ogbè hunkọhunkọ do, yẹn matlẹ mọdona núhe e yín. Mì do ayi dawe awe helẹ go, dọ, yè zé yé do nukọn, dopo to yé mẹ nọ do ogbè hunkọhunkọ, bọ omẹ awetọ lọ nọ dètana núhe omẹ tintan lọ dọ. Mọwẹ yẹn ṣẹ̀ Biblu ṣie hia, podọ to vivẹnu de mẹ sọlé yẹn sọgan do, podọ to whenẹnu yẹn mọ dọ núhe yé to wiwà nẹ lọ sọgbè hẹ Owé Wiwé. Enẹ lọ wẹ onú titegbe he Owé Wiwé dọ, dọ, Gbigbọ Wiwé na basi.

Podọ to azán dopo nẹ lọ godo … To ozán nẹ lọ mẹ, ayiha ṣie gọ́na tukla. Whenẹnu wẹ yẹn mlọnai to oglè mẹ, na yẹn ma tindo akuẹ nado họ̀ adọ̀zán adavo ehe sọgan hẹn mi yì whégbè, podọ yẹn sọ tindo akla he ko họ̀ azán pẹde na núdùdù afọnnu ṣie tọn. Enẹwutu, yè kẹalọyí mi nado dù hẹ yé, ṣigba yẹn ma tindo akuẹ nado zé do e mẹ gba. Azán awubla tọn de wẹ azán nẹlẹ yín hlan mi to owhè fọtọ́n-fẹnẹ e lán kantọ̀n-wiatọ̀ntọ (1933) mẹ, enẹwutu, e sinyẹnawu talala nado nùtọ́n. Yẹn sọ lẹn dọ, “Nugbo, yẹn ma to na dù hẹ yé gba, ṣigba yẹn jlo nado mọdona núhe yé tindo. Na yé tindo núhe yẹn ma tindo wutu.”

Enẹwutu, to afọnnu etọn, yé dọmọ, “Devizọ́nwàtọ lẹpo ni wà agbà ji bo do yédelẹ hia, whenẹnu wẹ yé kànbiọ mi dọ, mẹnu wẹ hiẹ, podọ fie wẹ hiẹ sọn wá?”

Do ayi e go, yẹn sọ gblọn dọmọ, “William Branham, yèdọ evanjelisti de sọn otò Jefẹsọnvili tọn mẹ.” Podọ to ojlẹ nẹ mẹ, yẹn wẹ devizọ́nwàtọ yọpọvu he tin to agbà lọ ji. To azán nẹ godo, yé ylọ mi nado dọhó to agbà lọ ji, podọ whenuena yẹn dọhó mọ vọ, mí omẹ pó jaya dopọ́, sọn whenẹnu devizọ́nwàtọ alọpãlọpa ṣẹ̀ yiylọ mi nado wá dọyẹwhehó to agùn yetọn lẹ ji.

To enẹ godo, yẹn lẹn dọ, “Eyín yẹn sọgan jẹ otẹn he mẹ omẹ awe helẹ jẹ bo do to ogbè hunkọhunkọdó bo sọ to tadena!” Enẹ wẹ núvẹnamẹ to ayiha ṣie mẹ tọn, ehetọn yẹn tindo hùdo etọn talala. Podọ kẹdẹdilé yẹn ko dọ hlan mi dó to bibẹ́nu, yèdọ núniná pẹvi he go mì sọgan hẹn. Bé mì mọdona dọ, núniná po oylọ lẹ po matindo lẹnvọjọ gba, na mì tindo yé to gbẹ̀zán mìtọn lẹpo mẹ? Podọ eyín yé yín núniná Jiwheyẹwhe tọn, yè nọ ji mì po yé po. Mọwẹ hlan mi to whelẹponu, yèdọ sọn ovu whenu ṣie, na whelẹponu wẹ e nọ sọawúhia mi, podọ mẹhe mọdona gbẹ̀zán ṣie lẹpo yọ́nẹn dọ nugbo wẹ. Nugbo, yẹn ma mọdona núhe e yín to whenẹnu gba, bọ yẹn sọ nọ ylọ ẹ dọ númimọ de, yẹn matlẹ yọ́n núhe e yín lala. Ṣigba yẹn to linlẹn dọ, “Eyín yẹn gbẹ́ sọgan dọhó hlan yé!” Podọ gbigbọ he tin to gohọ̀ lọ mẹ sọawúhia di Gbigbọ Jiwheyẹwhe tọn.

Whenẹnu wẹ yẹn tẹnpọ́n bo dọhó hlan dopo to yé mẹ, bo kàn ohó vude biọ ẹ, yẹn sọ mọ dọ Yisenọ nugbo de wẹ ewọ. Mayise de matin to ewọ mẹ gba, na yisenọ nugbo de wẹ dawe lọ. Podọ dawe awetọ lọ, whenuena yẹn dọhó hlan ẹn, yẹn mọ dọ ewọ yín dopo to yẹnuwàtọ he yẹn ma ko mọ pọ́n gbèdé lẹ mẹ. Asi etọn wẹ nawe he tindo odà vệ, mọwẹ é tindo visunnu awe gbọn nawe he tindo odà yũ de dali. Podọ yẹn lẹn dọ, “Etẹwẹ dinvie? To finẹ, yẹn tin to wuwlu mẹ. Do ayi e go, yẹn mẹhe yinwanna Owé Wiwé; enẹwutu, e dóna yín Ohó lọ kavi e ma na yín mọ. Podọ to ofi, kẹdẹdilé yẹn mọdona dó, omẹ dopo sọawúhia di nugbonọ, podọ omẹ awetọ ma yín nugbonọ to alọdepope mẹ gba; mọ Gbigbọ lọ sọ jẹ yé omẹ awelẹ ji. Nawẹ enẹ sọgan yín dó dinvie?” Na e dablado mi titegbe.

To owhè awe godo, yẹn yì odò de mẹ to fie yẹn nọ hodẹ̀ te, bo to dẹ̀ho. Yẹn sọ gọ́na afín to odò lọ mẹ, podọ to whèjai de yẹn tọ́njẹgbonu, bo zé Biblu ṣie do atin de ji, bọ jẹhọn sọ hùn In do Owé HEBLU 6 tọn mẹ. Fie yè wlán ẹn te dọ, lé e na te to azán godo tọn lẹ mẹ eyín yé diọkọ sọn Nugbo lọ mẹ, e glo nado vọ yé lẹ́ yọ́yọ́ do lẹnvọjọ mẹ, na avọ́sánna ylando matin ba, podọ lé vẹwu po tẹwu po he dọ̀nsẹpọ́ gbigbẹ́ na yín fifiọ to opòdo dó; ṣigba na aigba he to osìn ojikun tọn he to jija do e ji whệwhệ zé nù; ṣigba ehe to vẹwu po tẹwu po sẹ́n, yè gbẹ́ ẹ, ṣigba yè na bla olikún lẹ dopọ́. Whenẹnu wẹ yẹn lẹn dọ, “Nugbo, e sọgan yín dọ jẹhọn lọ hùn ofi lọ.” Mọwẹ yẹn sọ vọ Biblu lọ zédai. Podọ yẹn sọ lẹn dọ, “Dinvie, yẹn na … Jẹhọn lọ sọ gọ̀wá bo sọ hùn In. Enẹ lọ sọ jọ whlãtọ̀n hunkọ. Yẹn sọ lẹn dọ, “Dinvie, enẹ yín onú jonọ de hlan mi.”

Podọ whenẹnu Yẹn sọ fọ́n tite, bo sọ dọmọ, “Oklunọ É, etẹwu wẹ Hiẹ jlo nado hún Owé wiwé he na mi nado hia, whenuena yẹn ṣẹ̀ owé lọ hia ji yẹn mọ ofi he yè dọhó, “vẹwun po tẹwun po tọn te ehe yín gbigbẹ́dai, podọ opódo mẹhe tọn yè simiyọn” Yẹn sọ lẹn dọ, “Oklunọ etẹwutu wẹ Hiẹ do hun owéfọ he hlan mi? Podọ kẹdẹdilé yẹn ko to mimọ do…

Dinvie, numimọ helẹ sọawúhia nugbonugbo matin huhlọn gbẹtọ tọn, ṣigba Jiwheyẹwhe tọn wẹ. Bé mì mọdona? Yẹn sọ pọ́n bo mọ aigba nẹ to lilẹ́pé to nukọn ṣie, yẹn sọ mọ ẹn di kasẹtipa de to aga. Yẹn sọ mọ dawe de he yè do avọ̀ wéwé de na, whenuena ewhlẹ ogbé aigba lọ tọn vọ wẹ, É ṣẹ̀ jinukùn do to yìyì; godo Etọn wẹ dawe he dobu talala de, he dó avọ̀ yũ de, bo to jinukùn gbàkija tọn vunvun pé. Yé omẹ awelẹ sọ wújẹgbonu. Podọ whenuena yé wújẹgbonu, yé ma mọ osìn nù na yé tindo hudo jikun tọn wutu. Podọ dopodopo yetọn lẹ sọ dẹ́ di mẹhe to dẹ̀ho hunkọ po ota yetọn lẹ po didẹ́ do odò, bo to didọmọ, “Oklunọ È, do jikun hlan, do jikun hlan.” Whenẹnu wẹ aslọ daho de sọawúhia, bọ jikun sọ ja do yé omẹ awlẹ ji. Whenuena e wà mọ vọ, olikún nẹ lọ zlọn bo dọmọ, “Mì pa Oklunọ! Mì pa Oklunọ!” To tẹndodoponẹ mẹ, jinukún gbàkija tọn lọsu sọ zlọn ga, bo sọ dọmọ, “Mì pa Oklunọ! Mì pa Oklunọ!”

Podọ yè dètana númimọ lọ. Do ayi e go, jikun dopolọ wẹ nọ ja do dódónọ po mawàdódónọ po ji. Mọwẹ Gbigbọ dopolọ sọ sọgan jẹdo opli de ji, bọ omẹ lẹpo nasọ jaya to e mẹ: yèdọ do yẹnuwàtọ lẹ po Yisenọ lẹ po ji, podọ dó yé omẹ pó ji. Mọwẹ nugbo. Ṣigba etẹwẹ e yín? Yèdọ mì na yọ́n yé gbọn sinsẹ́n yetọn lẹ mẹ. Bé mì mọdona? Enẹ wẹ ali dopo he ji yè sọgan yọ́n yé gbọn.

Dinvie, whenuena mì mọ enẹ, sọn zùnmẹ, kavi jinukún ylankan lọ sọ do ede hia di dagbe lọ, bo sọ dọnsẹ̀pọ́ dagbe lọ sọmọ bọ eyín e sọgan wiwà nado klọ Omẹ ṣinyanṣinyan lẹ. Yẹn yise dọ, mí tin to whèta he yè dó whenu na de, podọ whenuena yè na to yẹwhehó onú helẹ tọn dọ dó.

Dinvie, to afọ etọn kandenukun-dopotọ (41) mẹ, yé omẹ awelẹ sọ dọnsẹ̀pọ́ yédelẹ, yèdọ mọwẹ kaka jẹ azán godo tọn lẹ mẹ, sọmọ bọ É ma sọ tindo kànde ji de do agùn de go nado klan yé dovò, ehe yín Mẹtodisti de, kavi Baptisti de, kavi agùn Pẹntikọsti tọn de nado klán yé dovò gba. Na É dọmọ, “Ewọ na do angẹli Etọn lẹ hlan nado klan yé dovò.” Do ayi e go, angẹli de ja nado hẹn kinklan lọ wá, bo na klan dagbe lọ dovòna ylankan lọ. Podọ mẹdepope matin he sọgan wàzọ́n nẹ lọ adavo Angẹli Oklunọ lọ. Ewọ lọ wẹ Omẹ dopo he na dóhia ehe yín dagbe kavi yinylan. Enẹwutu, Jiwheyẹwhe dọ Ewọ na do angẹli Etọn lẹ hlan to ojlẹ godo tọn lẹ mẹ. E ma yín dọ, É na do angẹli lẹ hlan odò to ofi gba, adavo hlan ojlẹ godo tọn lẹ mẹ, bo na bẹ́plidopọ́. Podọ míwlẹ sọ yọ́nẹn dọ, ojlẹ ojijẹ tọn whenu wẹ mí tin te. Dinvie, tùnmẹ angẹli tọn wẹ “wẹnzagùn.” Podọ mí sọ yọ́nẹn dọ, angẹli ṣinawe wẹ tin na owhèta agùn ṣinawe lẹ tọn, yèdọ gbọn owhèta agùn lẹpo tọn mẹ.

Do ayi mẹhe É dọ núdotọ lọ yín go, podọ núhe likún lọ lọsu yín ga. Tintan tọn, núdotọ lọ wẹ Ewọ Ovi Jiwheyẹwhe tọn, Mẹhe jẹnukọn bo do Okún Etọn. Podọ godo Etọn wẹ kẹ̀ntọ de sọawúhia, mẹhe yín lẹgba bo do jinukún gbàkija tọn to godo he yè ko do Likún lọ vọ. Dinvie, họ́ntọn lẹ emi, enẹ lọ jọ gbọn owhèta dopodopo mẹ sọn whenuena aihọn ko tin. Mọwẹ. Sọn whẹ́whẹ́whenu, onú dopolọ wẹ sọawúhia.

Dinvie, É dọmọ, “Okún Jiwheyẹwhe tọn wẹ Ohó Jiwheyẹwhe tọn.” Na Jesu dọ to fide dọ, “Ohó lọ wẹ Okún de.” Podọ jinukún dopodopo dóna hẹn sinsẹ́n etọn jẹgbonu. Podọ dinvie, eyín Yisenọ he yín ovi Jiwheyẹwhe tọn lẹ, yèdọ ovi Ahọludu tọn lẹ ko lẹzùn Jiunkún Jiwheyẹwhe tọn, bé whenẹnu yé na yín Ohó Jiwheyẹwhe tọn, yèdọ Ohó Jiwheyẹwhe tọn he sọawúhia to owhèta he mẹ mí tin te, ehe wẹ Jinukún pagbè tọn na owhèta nẹ lọ. To whẹ́whẹ́nu, Jiwheyẹwhe na Ohó Etọn, podọ whèta dopodopo ko tindo Jinukún etọn, yèdọ ojlẹ etọn po pagbè etọn lẹ po po.

Dinvie, whenuena Noa sọawúhia, podọ Jinukún Jiwheyẹwhe wẹ ewọ, yèdọ Ohó Jiwheyẹwhe tọn na owhèta nẹ lọ.

Whenuena Mọse sọawúhia, ewọ ma sọgan sọawúhia po owẹn Noa tọn po gba, na enẹ lọ ma sọgan wàzọ́n, na ewọ wẹ Jinukún Jiwheyẹwhe tọn to ojlẹ nẹ lọ mẹ.

Podọ whenuena Klisti sọawúhia, Ewọ ma sọgan wá po owhèta Noa tọn kavi Mọse tọn po gba; na ojlẹ Ewọ tọn wẹ yín dọ, na awhli de na mọhò bo nasọ ji Visunnu de, podọ Ewọ na yín Messia.

Dinvie, mí ko tọ́nsọn owhèta Lutẹ tọn po Wẹsle tọn po mẹ (ehe yín owhèta Mẹtodisti tọn), gbọn owhèta lẹpo mẹ, podọ owhèta Pẹntikọsti tọn, podọ yè dopagbè Ohó lọ tọn de na owhèta dopodopo. Podọ gbẹtọ owhèta nẹ lọ tọn lẹ, he yè dó Ohó pagbè tọn nẹ lọ hia na lẹ, wẹ Jinukún owhèta nẹ lọ tọn kẹdẹdi núhe Jesu dọ to ofi, dọ, “Ovi Ahọludu tọn lẹ wẹ yé.” Mọwẹ. Ovi Etọn he mẹ awúsọhiamẹ Gbigbọ Wiwé tọn to azọ́nwà te lẹ wẹ Jinukún Ahọludu tọn lẹ to owhèta nẹ lọ mẹ.

Do ayi e go, ogbé ylankan lọ wẹ kẹ̀ntọ lọ, yèdọ Satani, mẹhe do jinukún gbàkija tọn lọ, ewọ wẹ mẹhe ji whẹ̀gbledo onú ylankan wiwà nẹ lọ tọn jẹdo. Satani do jinukún etọn sọn whẹ́whẹ́nu, whenuena Jiwheyẹwhe do ojijẹ gbẹtọ yínyín tọn hlan aigba ji. Nugbo, Adam yọ́nẹn dọ, oyọ́nẹn nugbo tọn nado mọdona dagbe po ylanylan po de tin, sọmọ bọ é ma wá oflin enẹ tọn mẹ.

Ṣigba mí mọ dọ, Jiwheyẹwhe na Ohó Etọn hlan ovi Etọn lẹ na Awọyinú yetọn. Enẹwutu, mí ma tindo Awọyinú devo de adavo Ohó Jiwheyẹwhe tọn. Enẹ lọ wẹ Awọyinú mítọn. Awhànfunnú de matin, kavi finọtẹn de, kavi fiwhiwhla de matin, e matin to otò Alizona tọn kavi otò Kalifonia tọn mẹ, kavi fidevo de gba; na Awọyinú dopo gẽ wẹ mí tindo, podọ enẹ wẹ Ohó lọ. Podọ Ohó lọ sọ diọ zùn agbasalan bo nọ̀ mí ṣẹnṣẹn, Ehe yín Klisti Jesu, na Ewọ kẹdẹ wẹ Awọyinú mítọn. Ewọ mẹ wẹ whlẹngan mítọn te.

Ylando depope ma yín hihia dokọ̀na yisenọ nugbo de gba. Bé mì mọdona enẹ? Na ewọ he yè dètọ́nsọn Jiwheyẹwhe de, ma nọ wàylando, ewọ ma sọgan wàylando gba. Bé mì mọdona? Yè ma tlẹ hia ylando depope dokọ̀nệ gba. Na Davidi dọmọ, “Donanọ wẹ dawe lọ, mẹhe Jiwheyẹwhe ma hia ylando dokọ̀na.” Enẹwutu, eyín mì tin to Klisti mẹ, mì ma na tindo ojlo nado wàylando gba. “Sinsẹ̀ntọ he yè lẹ̀wé, ma sọ tindo ojlo ylando tọn ba gba,” mì ma na tindo ojlo etọn gba. Dinvie, mì sọgan yín ylandonọ hlan aihọn lọ; ṣigba hlan Jiwheyẹwhe, e ma yín mọ gba, na mì tin to Klisti mẹ wutu. Nawẹ hiẹ na yín ylandonọ to whenuena hiẹ tin to Mẹhe ma tindo ylando mẹ do, bọ Jiwheyẹwhe nọ mọ Ewọ Mẹhe mẹ hiẹ tin te kẹdẹ?

Do ayi ojijẹ whenu go. To whẹ́whẹ́nu, whenuena Jiwheyẹwhe do Jinukún Etọn do aigba ji bo do E do ayiha ovi Etọn lẹ tọn mẹ, yèdọ whẹndo Etọn, nado hẹn Ohó nẹ lọ go, enẹ lọ kẹdẹ wẹ awọyinú yetọn, to hinhẹn Ohó lọ go mẹ! Ṣigba kẹ̀ntọ lọ sọawúhia bo gbà awọyinú lọ gbọn jinukún gbàkija tọn lọ dido dali, ehe jẹagọ̀do Ohó Jiwheyẹwhe tọn. Eyín enẹ yín gbàkija to whẹ́whẹ́nu, bé e gbẹ́sọ to mọ yín zọnmi. Mẹdepope he na gọ́ núdepope na Ohó Jiwheyẹwhe tọn, gbẹ́sọ to jinukún gbàkija tọn yín! Yẹn ma din na mọdona fidepope he e sọn wá, yín eyín sọn gbẹ́pipli de mẹ, kavi sọn pipli awhànfuntọ lẹ tọn mẹ, kavi sọn huhlọn otògán lẹ tọn mẹ, núdepope he tin jẹagọ̀do Ohó Jiwheyẹwhe tọn, jinukún gbàkija tọn wẹ.

Whenuena gbẹtọ de fọ́ntite bo dọ, dọmọ: yẹwhehódọtọ Wẹndagbe lọ tọn wẹ ewọ, bo sọ dọmọ, “azán nújawu tọn lẹ ko juwáyì,” jinukún gbàkija tọn wẹ enẹ lọ. Podọ whenuena gbẹtọ de sọ fọ́ntite bo dọ,dọmọ, devizọ́nwàtọ de wẹ ewọ, yèdọ mẹplọ́ntọ agùn de tọn to fide, bọ ewọ ma sọ yise dọ dopolọ wẹ Jesu Klisti to ninọ̀mẹ dopodopo mẹ (gbọnvòna agbasalan lọ), yèdọ to osọ, egbé podọ mọwẹ kakadoi, jinukún gbàkija tọn sọ wẹ enẹ ga. Whenuena é dọmọ, “nújawu lẹ po owhèta apọsteli lẹ tọn po ko juwáyì,” jinukún gbàkija tọn wẹ. Podọ whenuena yé dọmọ, “Núde matin he yè nọ ylọ dọ azọ̀nhẹngbọ Wiwé gba,” jinukú gbàkija tọn wẹ. Mọwẹ aihọn lẹpo sọ gọ́na jinukún gbàkija tọn dó. E tọ́njẹgbonu bo finyọn likún lọ.

Do ayi e go dọ, omẹ tintan he do jinukún gbàkija tọn po ohia po wẹ “lẹgba,” mí sọ yọ́nẹn dọ, mọwẹ to Owé GENẸSISI 1 tọn mẹ. Dinvie, mí mọ to Owé MATIU 13 tọn mẹ to ofi dọ, Jesu gbẹ́sọ to alọdlẹndó jinukún gbàkija tọn depope he pannukọn Ohó Etọn di “lẹgba.” Podọ to owhè fọtọ́n e lán fẹ̀nnẹ-kantọ̀n-gbàntọ́n-nukun-dopotọ (1956) he mẹ, mẹdepope he dó gbàkija, jẹagọ̀do Oho Jiwheyẹwhe tọn he yè wlán lọ, kavi na tùnmẹ whihwla de E, jinukún gbàkija tọn wẹ ewọ. Jiwheyẹwhe ma na doyẹyigona omẹ lọ gba. É ma sọgan gba. Mọ É ma sọ sọgan yín ṣiṣaka dopọ́ po onú nẹ lẹpo po gba. É ma sọgan gbọn alọ depope mẹ gba. E taidi okún mutali tọn; e ma sọgan yín ṣiṣaka po onú devo de po gba, hiẹ ma sọgan ṣaka Ẹ po onú devo de po gba, na E dóna yín onú nugbo de. Gbọnvo na enẹ, Jinukún gbàkija tọn wẹ!

Dinvie, mí mọdona dọ, whenuena Jiwheyẹwhe do Jinukún Etọn to jipa Edẹni tọn mẹ, e dè Abẹli tọ́n jẹgbonu wá. Ṣigba whenuena Satani do jinukún etọn gbàkija tọn, e dè Kaini tọ́njẹgbonu. Ode dè dódónọ tọ́njẹgbonu; awetọ dè mawàdódónọ tọ́njẹgbonu. Na Evi dótó ohó gbàkija tọn he jẹagọ̀dó Ohó Jiwheyẹwhe tọn wutu, podọ e sọ ṣẹ̀ dó núyiwà ylando tọn ji sọn whenẹnu, bo ko sọ to wiwà ẹ. Podọ mí ma sọgan dè yé omẹ pó sẹ̀ kaka jẹ whenuena angẹli lẹ na wá klán onú lẹ dovo, podọ whenẹnu wẹ Jiwheyẹwhe na bẹ́ ovi Etọn lẹ yì Ahọludu mẹ, bọ yè na fiọ ogbé ylankan lẹ. Do ayi vệngle awe nẹlẹ go!

Eyín mí tindo whenu susu do ohóta he ji, mí na dọ ohó vivẹ he tin to e mẹ, na mí nido yì nukọn bo hodẹ̀na awutunọ lẹ to ṣẹju pẹvi he pò lẹ mẹ.

Do ayi e go, jinukún yetọn lẹ whẹ́n dopọ́ dilé Jiwheyẹwhe ko dọ dó to ota wiatọ̀n (13) ohóta mítọn whejai he tọn tọn to Owé Matiu tọn lọ mẹ, dọ, “Mì gbọ awelẹ ni whẹ́n dopọ́.” Dinvie, Kaini jẹgbonu yì aigba Nọdi tọn ji, bo mọ asi na ede; podọ godo he é ko hù Abẹli, Jiwheyẹwhe fọ́n Ṣẹti tite nado yí tẹnmẹ etọn. Mọwẹ akọta lẹ ṣẹ̀ nukọnyì to dagbe po oylan po mẹ. Dinvie, dayi e go dọ, dopodopo yetọn lẹ pli dopọ́ to ojlẹ ojlẹ lẹ tọn godo, podọ gbẹtọ sọ ylankan sọmọ bọ linlẹn Jiwheyẹwhe tọn sọ diọ.

Ṣigba to opòdo, yé omẹ awelẹ sọawúhia, yèdọ jinukún gbàkija tọn lọ po Jinukún Jiwheyẹwhe tọn lọ po, yé sọ do yédelẹ hia titegbe, enẹ taidi Juda Iskaliọti po Jesu Klisti po. Na Ewọ wẹ Jinukún Jiwheyẹwhe tọn, Ewọ wẹ dòdó núdidá Jiwheyẹwhe tọn tọn, É ma yín núde gbọnvona Jiwheyẹwhe gba. Podọ yè ji Juda Iskaliọti kẹdẹdi ovi vàsúdo tọn, yèdọ mẹhe tọ́nsọn lọnzòdòmẹ wá bo sọ lẹ́gọ̀yì lọnzòdòmẹ. Do ayi e go, Jesu Klisti wẹ Ovi Jiwheyẹwhe tọn, yèdọ Ohó Jiwheyẹwhe tọn he sọawúhia lọ. Juda Iskaliọti, to gbàkija etọn mẹ, yín jinukún lẹgba tọn, he sọawúhia to aihọn mẹ, podọ nado klọ omẹ; kẹdẹdilé Kaini otọ́ etọn ko wà dó to whẹ́whẹ́whenu.

Juda yín agùnbasitọ poun wẹ. É ma yín nugbonọ gba. Mọ é ma sọ tindo yise gba; enẹwutu wẹ é do dè Jesu hia. Na é do jinukún gbàkija tọn. É lẹn dọ ewọ sọgan yín họ́ntọn hẹ aihọn, yèdọ mamọni bo sọ yín họ́ntọn hẹ Jesu, ṣigba whenu ko fẹ do é nado lẹnvọjọ sọn enẹ mẹ. Whenuena vivọnu ojlẹ tọn lọ wá, yèdọ whenuena é ko wà oylan nẹ lọ, wẹ é jẹ fie é ma sọgan yìgodo yìnukọn te. Whenẹnu wẹ é gbọ bo dèdo aliho he é ko dè dai lọ ji, di mẹklọtọ de. Enẹwutu, é dó jinukún gbàkija tọn, bo tẹnpọ́n nado mọ nukundagbe yí sọn gbẹ́pipli azán nẹ lọ tọn lẹ tọn gbè, po Falesi lẹ po, podọ Sadusi lẹ. Podọ é sọ lẹn dọ ewọ na mọ akuẹ de yí, nado yín mẹjọmẹ to gbẹtọ lẹ ṣẹnṣen. Enẹ lọ wẹ to gbẹtọ susu hẹn biọ gbàkija mẹ, yèdọ nado mọ nukundagbe yí to gbẹtọ lẹ de! Mì gbọ mí ni din nukundagbe sọn Jiwheyẹwhe de, bo ma yín sọn gbẹtọ de gba. Na enẹ wẹ Juda wà to whenuena gbàkija biọ ayiha etọn mẹ.

Podọ míwlẹ yọ́nẹn dọ, Jesu wẹ Ohó lọ, na Owé JOHANU 1 tọn, dọmọ, “To whẹ́whẹ́whenu wẹ Ohó lọ ko tin, Ohó lọ ko tin po Jiwheyẹwhe po, Ohó lọ wẹ Jiwheyẹwhe. Yè sọ lẹ́ Ohó lọ zùn agbasalan, É sọ nọ̀ mí ṣẹnṣẹn.” Enẹwutu, Jinukún lọ wẹ Ohó lọ, podọ to whenẹnu Jinukún lọ lẹzùn agbasalan bo sọ nọ̀ mí ṣẹnṣẹn. 

Eyín Juda yín okún mẹylánkan lọ tọn podọ jinukúngbakija tọn, he yí agbasa de dó bo wá nọ mí mẹ to dawe he yè ylọ dọ Juda Iscaliọti mẹ. E lẹn dọ ewọ tindo yise, ṣigba ewọ ma tindo yise nugbo gba. Podọ yisenọ he ma yín yisenọ, enẹ wẹ yé nọ ylọ dọ yé tindo yise.

Podọ yise nugbo Jiwheyẹwhe tọn nọ do yise to Jiwheyẹwhe mẹ, podọ Jiwheyẹwhe wẹ Ohó lọ yè ma sọgan zé onú de do gọ́ Ohó lọ gba, na Bible dọ hlan mí dọ, eyín mẹpope na dè dogọ́ onú helẹ Jiwheyẹwhe na dè azọ̀nylankan he yè wlán do owé he mẹ do gọ́ hlan ẹn: eyín omẹdepope na dè pò sọn ohó he tin to owé dọdai tọn he mẹ, Jiwheyẹwhe na dè otẹn etọn sọn owé ogbẹ̀ tọn mẹ, sọn otò daho wiwé lọ mẹ podọ sọn onú he yè wlán do onú helẹ mẹ. OSỌHIA 22:18,

To whẹwhẹwhenu, to bibẹ́nu Owé tintan Biblu mẹ tọn tọn, Jiwheyẹwhe ko dọ hlan yé dọmọ, yé maha gbà dopo Ohó lẹ lọ tọn gba, “Ohó lẹ lọ lẹpo dóna yín ayipadó e go” yé dóna nọ̀gbẹ̀ gbọn Ohó lọ dali. Jesu, lọsu to ṣẹnṣẹn Owé lọ tọn, wá to owheta Etọn mẹ bo dọ, dọmọ, “Gbẹtọ ma sọgan nọgbẹ̀ gbọn akla dopo kẹdẹ sin mẹ gba, adavo gbọn ohó he tọ́n sọn onù Jiwheyẹwhe tọn mẹ lẹ po dali.” Podọ yè ko dọ hlan mí dai to vivọnu owhèta Osọhia tọn tọn mẹ dọ, “Eyín mẹdepope na depò sọn Ohó he tin to Owé dọdai tọn he mẹ, Jiwheyẹwhe na de otẹn etọn sọn Owé Ogbẹ̀ tọn mẹ.”

Enẹwutu onú dozínvlu de ma na tin, adavo nugbo lọ, yèdọ Ohó maṣaka Jiwheyèwhe tọn! Enẹ wẹ ovi sunnu Jiwheyẹweh tọn lẹ, po ovi yọnnu Jiwheyẹwhe tọn lẹpo po, mẹhe yè ma ji gbọn ojlo gbẹtọ de tọn dali, kavi gbọn alọ yì do alọ mẹ dali, kavi gbọn baptẹmu alọpa de dali gba; ṣigba jiji do Gbigbọ Jiwheyẹwhe tọn tọn mẹ, gbọn Gbigbọ Wiwé dali, podọ gbọn awúsọhiamẹ Ohó lọ tọn dali to yé mẹ. Enẹ wẹ Jinukún nugbo Jiwheyẹwhe tọn lọ!

Mẹylankan nọ biọ agùn mẹ bo sọ nọ sinai, yèdọ zédai otànhóhó tọn lẹ, kavi onú mọhunkọ tọn lẹ. Ṣigba enẹ wẹ gbakija, enẹ wẹ yín onú he sã biọ Ohó Jiwheyẹwhe tọn Nugbo lọ mẹ. 

Podọ nawẹ mí sọgan yọnẹn do? Mí nọ dọ, dọmọ, “nugbo, be mì tindo jlọjẹ nado na tunmẹ Etọn? Lala, mẹdahó! Gbẹtọ depope ma tindo huhlọn nado ná tunmẹ Ohó Jiwheyẹwhe tọn gba. É nọ dó pagbè etọn, bo sọ nọ hẹn wá ṣiṣẹ̀ mẹ, enẹ wẹ tunmẹ he tin to e mẹ. Na whenuena É dó pagbè, É nọ hẹn Ẹn wá ṣiṣẹ̀ mẹ. Onú depope he jẹagọ do Ohó Jiwheyẹwhe tọn, jinukún gbakija tọn wẹ! Dandan!

Dinvie, kẹdẹdilé yẹn ko dọ dó dai, Juda ma tindo yise nugbo de gba. Na Ewọ tindo yise mẹhe nọ ylọ yede lẹ dọ yisenọ lẹ tọn. E tindo yise bo nọ lẹn dọ Jesu wẹ Ovi Jiwheyẹwhe tọn, ṣigba É ma yọnẹn dọ Jesu lọ wẹ Ovi Jiwheyẹwhe tọn gba. Na eyín é ko yọnẹn wẹ, é ma na ko wà enẹ he é wà gba. Podọ gbẹtọ depope he na jẹagọ do Ohó Jiwheyẹwhe tọn dọ É ma yín nugbo gba, omẹ nẹ yín mẹhe yè hẹn zùn yisenọ tata de. Na devizọ̀nwàtọ Jiwheyẹwhe tọn nugbo dóna hẹn Ohó lọ go.

To whèjai he wáyì delẹ mẹ, devizọ́nwàtọ de, sọn otò alizọna tọn mẹ, sọn wéhọ daho femọsi tọn mẹ to otò he mẹ, wá dẽ bo dọ hlan mi, dọmọ, “Yẹn jlo nado dó núhia we do onú de ji, enẹwutu whètẹnu wẹ hiẹ sọgan tindo vivo te?”

Yẹn sọ gblọn bo dọ hlan ẹn dọmọ, “Ehe wẹ jlọjẹ he yẹn yọnẹn dọ yẹn tindo. Enẹwutu dọ̀nsẹ̀pọ mi dinvie”

Whenẹnu wẹ é dọ̀nsẹ̀pọ mi, bo dọ hlan mi, dọmọ, “Mẹdahó Branham, hiẹ to tintẹnpọn… Yẹn yise dọ nugbonọ podọ mẹvivẹ de wẹ hiẹ, ṣigba hiẹ to tintẹnpọn nado hẹn aihọn lọ mọdona núplọ́nmẹ apọsteli lẹ tọn” bọ omẹ lọ sọ gblọn dọ, dọmọ, “Whèta apọsteli lẹ tọn ko wáyì po nuplọ́nmẹ apọsteli lẹ po.”

Yẹn sọ gblọn bo dọ hlan ẹn dọ, “Onú tintan he yẹn na kanbiọ we nọvisunnu ṣie, wẹ yín dọ, bé hiẹ yise dọ dọpọ́n kavi gbọdemẹ wẹ Ohó dopodopo Jiwheyẹwhe tọn?”

É sọ gblọn bo dọ, dọmọ “Mọwẹ, mẹdahó, yẹn yọnẹn dọ nugbo wẹ.”

Yẹn sọ gblọn bo dọ hlan ẹn dọmọ, “Bé hiẹ sọgan dohia mi to Ówé Wiwé mẹ fie owhèta apọsteli lẹ tọn ko doalọte te? Na eyín hiẹ dohia mi dinvie, yẹn nasọ yise po hiẹ po.” Podọ yẹn sọ dọ hlan ẹn, dọmọ, mẹhe wlánwé apọsteli lẹ tọn, yèdọ mẹhe tindo họ̀nhùngàn Ahọludu lọ tọn lẹ, podọ to azán Pẹntikọsti tọn gbè to whenuena owhèta apọsteli lẹ tọn yín didohia te, gbẹtọ lẹ lọ sọ dọmọ, “Mẹho mẹmẹsunnu, nawẹ mí na wà dó, nado yín whinwhlẹngan?” Pita sọ gblọn bo dọ hlan yé dọmọ, “Mì lẹnvọjọ, na yè ni sọ baptizi dopodopo mìtọn lẹ to Oyín Jesu Klisti tọn mẹ na desẹ̀ ylando tọn, mìwlẹ nasọ mọ nina Gbigbọ Wiwé tọn yí. Na opagbè he hlan mì wẹ, podọ hlan ovi mìtọn lẹ, podọ hlan mẹhe tin to aganu lẹpo, podọ hlan omẹ sọha he Oklunọ Jiwheyẹwhe mítọn na ylọ lẹ.” Dinvie, nawẹ Ohó lọ sọgan jẹagọ̀do É de dó?”

Dawe lọ sọ dọ, dọmọ, “avivọ to hùhù mi titegbe to ozán he mẹ.”

Yẹn sọ dọmọ, “Yẹn lọsu lẹn mọ ga.” Bé mì mọdona?

Dinvie, hiẹ sọgan dọ hlan mi, dọ, “Bé Jiwheyẹwhe gbẹ́sọ to mẹylọ wẹ?” Dinvie, eyín Jiwheyẹwhe gbẹ́sọ to mẹylọ, whenẹnu bé owhèta apọsteli lẹ tọn gbẹ́sọ tin to ote. Mọwẹ nugbo! Podọ omẹ sọha he Jiwheyẹwhe mítọn na ylọ lẹ, yèdọ yé mẹhe É ko ylọ, podọ yé mẹhe É ja na wá ylọ to egbè lẹpo, enẹ wẹ omẹ sọha he É to yíylọ lẹ, na egbẹ́sọ to owhèta apọsteli lẹ tọn yín wutu, na Jesu dopolọ wẹ to osọ̀, egbé, podọ mọwẹ kakadoi.

Do ayi e go, mí mọdona egbé dọ, jinukún gbàkija tọn he ko yín dido to owhéta lẹpo mẹ. Dinvie, eyín e bọawu nado mọdona to ṣẹ́ju ao kavi fọtọ̀n mẹ, yẹn na hẹn mi nado wà enẹ, ṣigba mì ma sọgan gba. Susu to mí mẹ nọ hia Biblu. Podọ dinvie, kẹdẹdilé Jesu wá bo mọ jinukún gbàkija tọn nẹ he jẹagọ̀do É. Ewọ wẹ Ohó he sọawúhia lọ, Ewọ lọ wẹ tadena Ohó Jiwheyẹwhe tọn tọn, na É dọmọ, “Mì to Owé Wiwé lẹ din pọ́n, na mì lẹn dọ, yé mẹ wẹ mì tindo Ogbẹ̀ Madopòdo te, podọ yé wẹ mẹhe to kunnudèna Mi.” Enẹ lọ wẹ. Ewọ wẹ tadena Ohó lọ tọn. Podọ visunnu po viyọnnu dopodopo he yè vọ́ji sọn Jiwheyẹwhe de to owhèta he mẹ, wẹ tadena Ohó lọ tọn. Podọ mì to episteli he gbẹtọ lẹ to hihia de wlán. Mọwẹ.

Do ayi e go, na É dọmọ, “Yaya wẹ yé to gbégbona Mi, bo to Oplọ́n gbàkija tọn plọ́nmẹ. Yaya wẹ yé to gbégbona Mi, bo to Oplọ́n gbàkija tọn plọ́nmẹ, yèdọ oplọ́n gbẹtọ tọn he yín zédai gbẹtọ tọn, to linlẹnmẹ dọ ehe wẹ Ohó Jiwheyẹwhe tọn, to whenuena ehe ma tindo núde nado wà po Ohó Jiwheyẹwhe tọn po.

Dinvie, whèta dopodopo dè onú mọtọnhunkọ lẹ tọnjẹgbonu, yèdọ whèta dopodopo ko wà enẹ lọ, podọ dinvie, jale matin to ojlẹ mítọn mẹ gba. Mí tindo onú dopolọ, podọ whèta míwlẹ tọn wẹ ehe klohú dọ̀ndopọ́ owhèta he pò lẹ tọn, na ehe lọ wẹ opòdo otànhó aihọn tọn. Ehe lọ wẹ gbàkija daho he ma ko sọawúhia to aigba ji gbèdé, e sọ tin to aihọn mẹ to egbé. Podọ to whèta he pò lẹpo mẹ, núyiwà gbàkija tọn lẹ ko dè yé sọn Jiwheyẹwhe Nugbo podọ Ogbẹ̀nọ lọ kọ̀n do boṣiọ lẹ de. To egbé, Jesu dọ to Owé MATIU 24:24 tọn mẹ dọ, yé na di yédelẹ sọmọ bọ eyín e sọgan yín wiwà, yèdọ nado klọ Omẹ didè lẹ. Mí to hódọ do gbàkija ji! E nọ dọn omẹ titegbe. Dinvie, Satani tin to gbẹtọ lẹ mẹ, podọ núyọ́nẹntọ aihọn tọn de kavi Dọtẹ yẹwhehódọtọ de sọgan plọ́nmẹ dọ Ohó lọ ko sọgbè. Na Jesu ko dọ wutu. Ṣigba mì payi é go dọ, fide tin to finẹ, É dọ, dọmọ “E yọ́n, dinvie, ehe ma yín enẹtọn gba.” Mọwẹ nugbo, e dóna yín mọ, na Jiwheyẹwhe ko dọ e na yín mọ wutu.

Do ayi núhe e wà go! Gbàkija yetọn dopolọ wẹ hẹn hòmẹgble Jiwheyẹwhe tọn wá to azán Noa tọn lẹ mẹ, to whenuena Jiwheyẹwhe do yẹwhegán Etọn hlan nado dọyẹwhehó lọ taidi miyọn he to jiji de, bo ylọ gbẹtọ do lẹnvọjọ kọ̀n, yè sọ và gbàkija súdo gbọn osìn dali. Etẹwẹ Satani wà to whenẹnu lo? É sọ sọawúhia to godo to Ham mẹ, bo sọ ṣẹ̀ do jinukún lọ dopolọ ji. Mọwẹ nugbo.

Podọ to enẹgodo wẹ Mọse sọawúhia, mẹhe yín yẹwhegán daho he hẹn ovi Islaẹli tọn lẹ tọ́njẹgbonu sọn zùngbo mẹ. Etẹwẹ jọ? Mọse mẹhe yín yẹwhegán Jiwheyẹwhe tọn daho, hẹn Nugbo blébu podọ Ehe yè hẹn ṣẹ̀ lọ wá ovi Islaẹli de. Do ayi e go, Mọse ko pé Jiwheyẹwhe nugbonugbo. Mọwẹ Jiwheyẹwhe sọ dohia dọ, Ewlọsu ko pé Mọse dó. Dinvie, nawẹ yẹwhenọ nẹlẹ he to godo finẹ, bo tindo sinsẹ̀n yetọn lẹ, po owọ́n yetọn lẹ po, po núyiwà yetọn lẹ po, po onú devodevo he pò lẹ po po wàdo, ṣigba Mọse sọawúhia di ṣiṣẹ̀ tadena Ohó lọ tọn. Mì wọnji enẹ lọ go blo! Na Mọwẹ wẹ tadena opagbè Jiwheyẹwhe tọn tọn te. Na é dọ é na wà ẹ; yèdọ ewọ wẹ tadena Jiwheyẹwhe tọn.

Etẹwẹ jọ? Na agùn lọ ṣẹ̀ sọn gbonujẹyì sọn Egypti mẹ, podọ etẹwẹ jọ to aliho yetọn ji to azán pẹde nẹlẹ mẹ? Satani sọawúhia po gbàkija etọn po to dawe de mẹ, yèdọ Kaini awetọ he yín Balami lọ, bo sọ dó gbàkija to gblagbla yetọn mẹ. Mí mọdona dọ nugbo wẹ. Podọ núplọ́nmẹ Balami tọn he yín, dọ, “omẹ dopolọ wẹ mí omẹ pó, mí sọ to Jiwheyẹwhe dopolọ sẹ̀n,” to pinpọ́n mẹ, é dọhó dagbe, na é sánvọ́ he Jiwheyẹwhe nọ sán; yèdọ agbò ṣinawe po gbọgbọẹ ṣinawe po to agbà ṣinawe ji, bo sọ hodẹ̀ hlan Jiwheyẹwhe kẹdẹdilé Mọse wà dó to zùngbo mẹ, yèdọ onú dopolọ. Ṣigba yé ma yín omẹ dopolọ gba! Na enẹ lọ yín oyẹ núhe na jọ tọn. Podọ Kaini sọ sọawúhia whladopo dogọ́ to Balami mẹ. Podọ to finẹ, Jiwheyẹwhe sọawúhia to Mọse mẹ, bo to tadena Ohó Etọn gbọn gbẹtọ de dali, bo hẹn Ede zùn yinyọ́nẹn po pagbè Etọn po to gbẹtọ de mẹ. To whenẹnu gbàkija sọ fọ́ntite…

Mọdopolọ wẹ é wà dó to ojlẹ Juda tọn mẹ, bo sọawúhia po gbàkija etọn po.

Do ayi e go dinvie, ylando he gbẹtọ nẹlẹ dó yise na dọ, “omẹ dopolọ wẹ mí omẹ pó, mí sọ to Jiwheyẹwhe dopolọ sẹ̀n, na enẹtọn wutu, agùn dopolọ tọn wẹ mí dóna yín, bo na yín omẹ dopolọ,” yè ma joylando nẹ lọ na Islaẹli gbèdé gba! Na Jesu Lọsu dọmọ, “Yé omẹ pó wẹ kú!”

Yé omẹ pó dọ̀n, adavo omẹ atọ̀n delẹ. Yéwlẹ wẹ mẹhe sinyẹnlin bo sọ yí pagbè lọ sè. Whenuena mẹhe agbọ̀pe lẹ dọmọ, Mí ma sọgan yí aigba lọ, podọ e sọ klo húgan mí,” po onú he pò lẹpo po; Kalẹbu po Jọṣua po hògbèdonù na gbẹtọ lẹ, bo dọmọ, “Mì húgan yé nado tindo e, na Jiwheyẹwhe ko dopa etọn na mí wutu! Núde depope ma kàn mí do ninọ̀mẹ yetọn lẹ go gba!

Podọ mí sọ sọgan dọyẹwhehó azọ̀nhẹngbọ̀ Nugbo tọn, po baptẹm Gbigbọ Wiwé tọn po, bo sọ tindo huhlọn Jiwheyẹwhe tọn nado klán mídelẹ dovo hlan onú aihọn tọn lẹ; na Jiwheyẹwhe wẹ dọ ẹ wutu! Podọ owhèta apọsteli lẹ tọn ma ko dóalọte, mọ e ma sọ sọgan dóalọte gba, na e gbẹ́sọ to nukọnyì.

Dinvie, mí sọ mọ gbàkijadótọ hóhó dopolọ. Podọ mí sọ do ayi e go dọ, yè ma joylando nẹ lọ gbèdé. Dinvie nọvisunnu, eyín yè ma joylando nẹ lọ to whenẹnu, etẹwẹ na yín dinvie tọn to whenuena jinukún nugbo owhèta lẹpo po tọn wá plidópọ́ to kọ̀ndopọ́ mẹ?

Mì do ayi onú daho he Balami wà nẹ lọ go, e gbẹ́sọ to nukọnyì kakajẹ dinvie, podọ to vivọnu e sọ sọawúhia to Juda Ikaliọti po Jesu po ṣẹnṣẹn. Etẹwẹ enẹ yín? Juda po Jesu po yín apájlẹ Kaini po abẹli po tọn. Na dilé Juda yín sinsẹ̀ntọ dó, mọwẹ Kaini lọsu sọ yín sinsẹ̀ntọ dó. Kaini dó agbà de, bo sánvọ́, bo sẹ̀n Jiwheyẹwhe, bo sọ yín vivẹnunọ to e mẹ kẹdẹdilé Abẹli wà dó. Ṣigba é ma tindo núdohia núhe Ohó lọ yín tọn gba. Na é lẹn dọ, Adam po Evi po dù atinsinsẹ́n he yè nọ ylọ apu kavi atinsinsẹ́n devo de. Podọ Abẹli, gbọn núdohiamẹ de dali, é mọdona dọ enẹ ma sọgbè gba; na ohùn wẹ dè yé tọ́njẹgbonu wutu, enẹwutu, é yí lẹngbọvu de do sánvọ́. Podọ Jiwheyẹwhe sọ dèkunnu dọ avọ́sinsán etọn sọgbè. Whenẹnu wẹ Kaini yín awuwhannọ bo hù nọvisunnu etọn. Podọ kẹdẹdilé Kaini hù nọvisunnu etọn do, to agbà dopolọ ji fie lẹngbọvu lọ kú te, mọdopolọ wẹ Juda Ikaliọti lọsu dè Jesu Klisti jo dó to agbà Jiwheyẹwhe tọn ji do, bo sọ hù I kẹdẹdilé Kaini hù Abẹli dó. Na jinukún gbàkija tọn wẹ yín Kaini wutu.

Mọwẹ hlan Balami ga, yẹwhegán he yè ylọ de, mẹhe jẹ nado mọdona núhe sọgbè. Podọ Jiwheyẹwhe nà ẹ avasè gbọn ohia lẹ po nújawu lẹ po dali, podọ osọ́ lọsu sọ dọhó to ogbè yọ́yọ́ lẹ mẹ, ṣogan é gbẹ́sọ to nukọnyì to ninọ̀mẹ dopolọ mẹ. Na yè ji i nado yín jinukún gbàkija tọn wutu.

Podọ eyín Jesu dọ odọdai dogbọn owhèta he tọn dali dọ, e na wá opòdo to gbàkija daho he ma ko sọawúhia gbèdé de tọn dali, yèdọ whèta Laodikea tọn he gblọ́ de, he yan Én tọ́nsọn agùn lọ mẹ, nawẹ ehe sọgan yín núdevo de dó, adavo jinukùngbàkija tọn! Enẹ lọ wẹ nugbo lọ. Na e na dóalọte to whèta he lọ mẹ.

Podọ e nasọ yín Kaini po Abẹli po to Kalvali ji whladopo dogọ́.

Do ayi e go dinvie, whenuena Jesu yì Olọn mẹ, whenẹnu wẹ yè dó Gbigbọ Wiwé hlan. Enẹ lọ wẹ Jinukún dagbe lọ, yèdọ Ogbẹ̀námẹtọ do Ohó lọ kọ̀n, kẹdẹdilé mí dọ dó to osọ̀ he wáyì. Omẹ dopo wẹ nọ ná ogbẹ̀ Ohó lọ. Tùnmẹ Ogbẹ̀ tọn wẹ yín “nado hẹn nude wà Ogbẹ̀.” Gbigbé Wiwé nugbo wẹ nọ hẹn Ogbẹ̀ wá gbọn Ohó lọ mẹ. E ma nọ hẹn zédai Ogbẹ̀ tọn wá gba, e ma tlẹ sọgan yín mọ lala. Na zédai ma yín núde. Na Ogbẹ̀ Ohó Jiwheyẹwhe tọn tọn wẹ Jiwheyẹwhe Lọsu. Podọ Ewọ wẹ na ná Ogbẹ̀ Agbasa lọ.

Dinvie, do ayi e go kẹdẹdilé yé wà dó. Podọ Biblu sọ dọ, dọmọ, Johanu dọhó hlan yọpọ lẹ dọ, “Mì yọpọ lẹ emi, ojlẹ godomẹ tọn wẹ: lé mì ko sè dọ agọ̀jẹdo-Klistigotọ ja,” dọmọ, “yé ko tin to aihọn lọ mẹ, bo sọ to azọ́nwà to ovi tolivẹtọ tọn lẹ mẹ.” Dinvie, enẹ lọ jọ to owhè ogbàn godo to whenuena Gbigbọ Wiwé ko bẹ́ azọ́n. Mí mọdona whenuena Gbigbọ Wiwé wà, yèdọ Jinukún nugbo lọ, podọ Ogbẹ̀nátọ Jinukún nugbo lọ tọn tọn. Enẹ godo wẹ jinukún gbàkija tọn lọ sọawúhia, podọ mì do ayi e go, e gbẹ́sọ tọ mọ yín zọnmi.

Ohó nugbo lọ ko yín hinhẹn ṣẹ̀, yẹwhegán Alẹ̀nù Hóhó mẹ tọn lẹ hẹn ṣiṣẹ̀ Ohó Jiwheyẹwhe tọn tọn wá Nugbo mẹ kẹdẹdilé yé to nukọnyì dó. Eyín mẹdepope hia opli he yè basi to Nisene kavi ehe jẹnukọnna opli Nisene tọn, to azán fọtọ̀n nẹlẹ mẹ, politiki yetọn wẹ nado kọ̀n ohùn dai to whenuena yé gbẹ́pipli Lomunu lẹ tọn wá nado basi agùn pipli sọn Agùn Nugbo lọ mẹ. Yẹwhegán lẹ sọawúhia to avọ̀ lẹngbọyú tọn lẹ mẹ, bo sọ nọ dù ogbé lẹ, podọ yé sọ nọte na Ohó lọ! Ṣigba etẹwẹ jọ? Na e dóna yín taidi Kaini, podọ di Abẹli, na dopo dóna kú nugbonugbo. Mọwẹ e jọ dó. Podọ Ohó lọ ma sọ dóhuhlọn to gbẹtọ lẹ mẹ, bọ yé omẹ pó dè Ohó nugbo lọ jẹgbonu bo kẹalọyí zédai gbàkija tọn to agùn Katoliki tọn tintan mẹ. Whenẹnu wẹ yé ṣẹ̀ papa dó ji, po biṣópu po, bo nọ dè ehe po enẹ po na Ẹn. Na yé dè tùnmẹ nugbo he Pita ná lọ tọ́njẹgbonu, po Malia tọn po, po núhe pò lẹpo po dogbọn enẹtọn lọ dali, bo basi boṣiọ lẹ, bo ma sọ wà núde, adavo hùnwhẹ wiwà kosi lẹ tọn sọn Ehe yè ylọ dọ Agùn Yisenọ lẹ tọn mẹ. Etẹwẹ enẹ lọ yín? Yèdọ Jinukún gbàkija tọn! Enẹ lọ wẹ yè nọ ylọ dọ, pipli tintan he yè basi to aigba ji, yèdọ pipli agùn tọn de. Etẹwẹ enẹ lọ yín? Jinukún gbàkija tọn he yè ṣẹ̀ didó ji, bo nọ gọ́ núde na, mọwẹ yè sọ nọ dè nugbo lọ jẹgbonu dó.

Dinvie, bé mẹnu wẹ sè pọ́n to Biblu mẹ dọ, yè ni ma dù olan to Osẹ̀jẹ azán etọn atọ́ntọ gbè blo? Podọ mẹnu wẹ sè pọ́n to Biblu mẹ dogbọn osìn hùnhùn do omẹ go tọn dali, adavo dọ yè ni baptizi omẹ gbọn yinylọ́n do osìn mẹ tọn dali? Podọ mẹnu wẹ sọ sè pọ́n dogbọn onú helẹ tọn dali, dọ, “Mí dogbè we Malia” kavi onú mọtọnhunkọ? Mẹnu wẹ sọ sè pọ́n dogbọn onú gbigble he madóta Plọtẹstannọ lẹ tọn nẹlẹ tọn dali? Bé ozẹ́n sọgan ylọ panu dọ glasi wẹ?. Nugbo wẹ, agọ̀jijẹ pẹvide wẹ nọ hẹn onú lẹpo jẹagọ̀! Bé mẹnu wẹ sè pọ́n dọ Jiwheyẹwhe wàzọ́n po agùnplipli de po? Dinvie, mì dóhia asiko dopo he mẹ agùn lẹ bẹ́ yédelẹ plidopọ́ bo nọ̀gbẹ̀ te hia mi. Yé kú to nukunwhiwhe dopo mẹ, bo ma sọ sọgan fọ́n gbèdé ba! Do ayi e go, ojlẹ ko wá na núde nido yí tẹnmẹ, podọ ojlẹ lọ ko sọ̀ na Jiwheyẹwhe nido dèdo nukọn. Na jinukún nẹ lọ ko hù awuvivi Jiwheyẹwhe tọn sọn gbẹtọ lẹ mẹ.

Onú dopolọ wẹ to jijọ to egbé. Na yé hù awuvivi sọn gbẹtọ lẹ mẹ to whenuena yé to didọ, dọmọ, “Mì pọ́n gbẹtọ lelenọ, he to yédelẹ ylọ dọ mẹwiwé lẹ, agbatọnọ wẹ yé.” Podọ,etẹwutu, wẹ yé do to mọdọ, na yé yín jinukùngbàkija tọn wutu! Mì lẹ́ pannukọn Ohó lọ nado mọ núhe E yín, yèdọ eyín Jiwheyẹwhe to Ohó Etọn tùnmẹ. Na Jiwheyẹwhe pego nado fọ́n ovi na Ablaham sọn zannu nẹlẹ mẹ. Niṣẹ.

Do ayi e go, Ohó lọ yín hinhẹn ṣẹ̀ titegbe gbọn Yisenọ he jẹnukọn lẹ dali, podọ lé Jiwheyẹwhe whlẹ́n yé sọn onú lẹpo mẹ dó, podọ sọn azọ̀n ylankan lẹ mẹ dó, podọ lé yé tindo yẹwhegán lẹ dó, bo dogbè hunkọhunkọ lẹ, bo ná tùnmẹ ogbè hunkọhunkọ lẹ, bo sọ ná owẹn he to ede dohia di nugbo to ojlẹ lẹpo mẹ. Ṣigba to nukun yé mẹhe hẹn Ohó lọ ṣẹ̀ lẹ tọn mẹ, gbẹtọ lẹ lọ yan Ẹn tọ́n jẹgbonu, bo sọ dè agùn titò de hlan yede. Enẹ wẹ Onọ gbẹ́pipli lẹpo tọn.

Dinvie, yé omẹ awelẹ pó ko whẹ́n. Mọwẹ yé sọ ṣẹ̀ okún lẹ do ji whladopo dogọ́. E ko kú dai, ṣigba bo tọ́njẹgbonu to azán Lutẹ tọn lẹ mẹ, kẹdẹdilé mí mọdona dó sọn Owẹn tintan whenu núdùdù afọnnu tọn tọn mẹ. E tọ́njẹgbonu to azán Lutẹ tọn mẹ. Etẹwẹ yé wà to dinvie? To afọdodoponẹji, whenuena dawe huhlọnnọ nẹ kú, wẹ yé basi gbẹ́pipli de.

Dinvie, e tọ́njẹgbonu. Podọ ga, to azán Johanu Wẹsle tọn lẹ mẹ, whenuena agùn Anglikannu lẹ po po whiwhlatẹn yetọn kakadoi tọn po, podọ onú lẹpo yín kinkọ̀ndopọ́ to otẹn dopolọ mẹ to fie e jẹ dọ, e ni gbàpé biọ aihọn lẹpo mẹ te, etẹwẹ jọ lo? Jiwheyẹwhe zé dawe he yè nọ ylọ Johanu Wẹsle tite, bo dóalọtena onú lẹpo. Podọ etẹwẹ ewọ mẹhe ylọ dọ Asbuli po, po mẹhe pò lẹ po wà to whenuena Johanu Wẹsle kú? Yé bẹ́ yédelẹ plidopọ́, podọ enẹwutu wẹ mí do tindo agùn Mẹtodist tọn alọpãlọpa lẹ to egbé. Podọ to enẹgodo, eyín mẹde wá, mẹdevo sọ nọ wá ga, kaka jẹ Alẹsanda Kanbẹl, po Johanu Smiti po, podọ etẹwẹ mí nasọ dọ?

To opòdo, agùn Pẹntikọsti tọn tọ́njẹgbonu sọn yé omẹ pó mẹ. Etẹwẹ jọ to whenẹnu? Yé dèdo nukọn titegbe, dinvie etẹwẹ glọ́nalina mì? Na mì gọ̀yì biọ abábá mìtọn he mẹ mì tọ́nsọn, yèdọ biọ diho dopolọ mẹ he yín gbàkija, nado basi gbẹ́pipli lẹ, podọ domọ mì jẹagọ̀do Ohó lọ. Podọ whelẹponu wẹ Jiwheyẹwhe nọ do onú yọ́yọ́ hlan mì, bọ mì ma sọ nọ kẹalọyí gba. Mọwẹ nugbo! Gbàkija devo! DO ayi e go, whenuena yẹn dọ to azán de gbè wáyì, núdùnú pẹvi nẹ he tọ́njẹgbonu sọn adọ́ he mẹ, bo biọ amà lẹ mẹ kaka jẹ apà lẹ mẹ, bo sọ lẹ́do atin lọ go whẹpo e do tọ́njẹgbonu. Dinvie, onú pẹvi he nọ hù likún nẹ nọ taidi likún lọ, bọ mí sọ lẹn dọ mọwẹ e yín, ṣigba whenuena mì hùn in do nùvo, likún depope ma tlẹ tin to finẹ. Na ewọ yín alọgọtọ de poun na likún lọ, bo nọ kú ga, podọ ogbẹ̀ lọ nọ tọ́njẹgbonu bo sọ nọ gọ̀ biọ likún lọ mẹ. Do ayi e go, mọwẹ yé nọ ylọ agùn lẹ do …

Dinvie, mí mọ to egbé dọ, ehe yè nọ ylọ dọ agùn lẹ lọ, yèdọ hlan Pẹntikọstinọ lẹ, mí tọ́njẹgbonu yì, podọ yè ma sọ sọgan hẹn hòmẹ hùn mí, enẹwutu mí na basi gbẹ́pipli lẹ na míde. Do ayi e go, onú lẹpo sọawúhia, mí dóna tindo ehe, mọ mí sọ dóna tindo enẹ, mí dóna tindo awhànpa devo. Podọ dawe dẹpẹmẹ de fọ́ntite bo dọmọ, “É ja to aslọ wéwé de ji.” Omẹ devo sọ dọmọ, “Lala, adavo to osọ́ wéwé de ji.” E yọ́n, dinvie, mí na basi awhànpa awe. Mì mọdona, etẹwẹ? Gbàkija dido wẹ! Na whenuena É na wá, núdepope he É yín, É na dètana Ohó Ede titi tọn to whenuena É wá. Dinvie, mì gbọ mí ni nọte kaka ojlẹ lọ nado wá! Podọ to enẹ didọ mẹ, mì ma tlẹ mọdona Owẹn ojlẹ lọ tọn gba. Mì sọ to alọdlẹndó núhe Jiwheyẹwhe na wà, kavi ehe É ko wà, bo sọ gbẹ́kọ̀ sọn núhe É to wiwà dinvie go. Mọwẹ mí nọ dó gbàkija lẹ dó e mẹ do.

Do ayi e go, mí mọdona dọ agùn mítọn egbé tọn lẹpo ko biọ jẹhọn wuwlu lọ mẹ, bo sọ to jẹhọn ahizinọ gbẹ̀n. Enẹwutu, mí ma tindo pipli mẹ odẹ̀ tọn de, mọ mí ma sọ tindo sinsẹ̀n he yè nọ basi lẹ dai ba gba. Etẹwẹ jọ? Na mí dóalọtena huhlọn he tin to onú lẹpo ji wutu. Yèdọ ga, to agùn Pẹntikọsti mítọn lẹ mẹ, yọnnu he to odà-dọ̀n lẹ lọsu to e mẹ biọ. Núhe yé ma yigbèna dai. Mọ yé nọ to osẹ̀nsá do nukun mẹ, bo nọ to ofẹn he yè nọ sá osẹ̀ndo lẹ dó, po onú mọtọnhunkọ lẹpo po; bo nọ dè sunnu de to finẹ hlan yédelẹ taidi Likisi po onú mọtọnhunkọ lẹpo po; yèdọ mẹhe dà asú whlãtọ̀n kavi whla ẹnẹ hunkọ, podọ diakọni lẹ ga; ojé, gbàkija tẹwẹ ehe! Mawé wẹ! Nawẹ yé nọ basi i dó? Do ayi e go, Jiwheyẹwhe ma sọgan tindo enẹ to Agùn Etọn mẹ gba, enẹwutu, yé dóna yì biọ agùn pipli de mẹ nado wà enẹ. Mẹdelẹ to búdi nado dọhó dogbọn enẹ lọ tọn dali, na yé yọ́nẹn dọ yé na dè yetọn jẹgbonu sọn gbẹ́pipli lọ mẹ wutu. Enẹwutu, Jiwheyẹwhe ná mí gbẹtọ he ma tindo kànṣiṣa hẹ onú devo de, adavo Ohó Etọn he yín Nugbo he gbọn Ewọ tọn dali. Enẹ lọ wẹ onú titegbe he mí jlo lọ. Etẹwẹ mì wà lo? Mì dó gbàkija. Na mì ko do jẹhọn wuwlu de, bo sọ to jẹhọn ahizinọ gbẹ̀n.

Do ayi e go, dọ, yé bẹ́ yédelẹ plidopọ́ na yè nido fiọ yé. Bé mì mọdona dọ, Jesu dọmọ, “Mì bẹ́ ogbé ylankan pli whẹ́, mì bla yé do kọnùkọnù dopọ́, Yẹn nasọ fiọ yé.” Biblado kọnù pẹvi he yè nọ ylọ dọ, agùn Mẹtodist tọn, po agùn Baptist tọn po, po agùn Plẹsbitelian tọn po, po agùn Lutẹ tọn po, na yé omẹ pó bẹ́ yédelẹ plidopọ́ do Gbẹ́pipli Agùn Aihọn tọn lẹ tọn mẹ. Etẹwẹ enẹ? “Mì bẹ́ yé pli whẹ́!” Alleluya! Bé mì mọdona dọ, É bẹ́ ogbé ylankan lẹ pli do apádopo sọn likún lọ mẹ whẹ́, “Mì bẹ́ yé plidopọ́, bo yí miyọn do fiọ yé.” Na yé omẹ pó dóna yín fifiọ gbọn whẹ̀dida Jiwheyẹwhe tọn dali, na yé dó gbàkija dó gbẹtọ lẹ mẹ wutu. Mẹhe tindo jijọ he taidi jijọ-di-Jiwheyẹwhe tọn, bo mọ́ Huhlọn Etọn, po Ohó Etọn po, nado tẹ́do núyiwà sinsẹ̀nnọ lẹ tọn go, yèdọ zédai he mẹde ko sisẹ́ do Ohó Jiwheyẹwhe tọn mẹ, e ma sọgan wàzọ́n gba, na gbàkija wẹ wutu.

Dinvie, yẹn to awhádo to egbé, dilé yẹwhegán daho Amọsi wà dó to gbènẹgbè, to whenuena é biọ otò daho lọ mẹ, bo to didọmọ, “Yẹn ma yín yẹwhegán de kavi ovi yẹwhegán de tọn gba. Ṣigba eyín kinnikinni li, mẹnu wẹ ma na sinú?” É sọ dọmọ, “Whenuena Jiwheyẹwhe dọhó, mẹnu wẹ ma na dọdọdai?” É dọdọdai whẹ̀dida tọn do whẹndo nẹ ji, dọmọ, “Jiwheyẹwhe Mẹhe mì dọ, mì to sinsẹ̀n na và mì súdo.”

Mì yí ehe do kasẹti ji, na mì nido flin. Jiwheyẹwhe he … Dinvie, yé gbẹtọ he to pipli jijẹ Gbẹ́pipli Agùn Aihọn tọn lẹ tọn helẹ bẹ́ pli, bọ to didọ hlan gbẹtọ lẹ dọ, “mì dóna biọ e mẹ”. Na mì ma sọgan nọ̀ gbonu etọn gba. Eyín hiẹ kẹdẹ ma sọgan tọ́nsọn e mẹ na de we, bé to whenẹnu hiẹ dóna gọ̀ biọ e mẹ. Mẹde matin he sọgan jẹagọ̀do yé gba. Na e na yín ohia kanlin lọ tọn, sọmọ bọ mẹde ma sọgan họ̀ kavi sà núdepope gba, adavo é tindo ohia lọ, kavi tindo gbàkija. Dinvie, mì nọ̀ ola! Mì jẹgbonu sọn yé mẹ! Mì tọ́nsọn e mẹ! Mì jẹagọ̀ sọn e mẹ! Na Jiwheyẹwhe he yé dọ yé to sinsẹ̀n na và yé súdo. Na Wanyin daho Jiwheyẹwhe tọn he ma …

Yé nọ dọ, dọmọ, “Mọwẹ e yín, na Jesu ko dọ, dọmọ, na mí omẹ pó ni yín dopo.”

É dọmọ, “Bé mẹawe na zinzọnlin to opọ́, adavo yé ha?” É dọhó dogbọn, “Dopoyínyín” tọn dali, kẹdẹdilé Ewọ po Otọ́ Etọn po yín dopo dó. Podọ Otọ́ lọ wẹ Ohó lọ, Ewọ sọ wẹ Ohó he sọawúhia lọ. Ewọ yín “Dopo” po Otó lọ po, na Ewọ wẹ awúsọhia Ohó pagbè Jiwheyẹwhe tọn tọn. Podọ mọwẹ e sọ te to egbé, kavi to whedepopenu, mọwẹ, mọwẹ. Dopo wẹ Jiwheyẹwhe. Enẹwutu, É jlo dọ míwlọsu ni yín dopo.

Nawẹ ehe sọgan yín dopo dó? Na ehe lọ gbẹ́kọ jiji gbèjininọ tọn go, podọ ehe sọ gbẹ́kọ azọ̀nhẹngbọ̀ wiwé go, po ehe po kavi enẹ, yé omẹ pó tin to wuwlu mọtọnhunkọ de mẹ?Podọ mẹdelẹ to yé mẹ he ma tlẹ yí Jiwheyẹwhe sè, bo ma yise dọ, Ewọ ko yín Ovi Jiwheyẹwhe tọn; bo yise dọ, Ewọ ko yín ovi Josẹfu tọn, he yè nọ ylọ Ovi Jiwheyẹwhe tọn. Nugbo. Nọvisunnu he yín ahohovi to agùn Lutẹ tọn mẹ, yèdọ Zinglis yise dọ, gbẹtọ dagbe de wẹ Ewọ. Podọ Núyọ́nẹn Agùn tọn dọ, dọ, yẹwhegán de wẹ Ewọ, di gbẹtọ poun de, É ma yín Omẹ Wiwé gba. Etẹwutu? Podọ eyín, É ma yín Omẹ Wiwé, bé Ewọ wẹ mẹklọtọ daho he aihọn lọ tindo. Ewọ sọgan yín Jiwheyẹwhe kavi É ma yín nude gba. Ṣigba Omẹ Wiwé wẹ Ewọ! Yèdọ Yẹwhe de, Ewlọsu wẹ diọ zùn agbasalan bo nọ̀ mí ṣẹnṣẹn, to Ovi Jiwheyẹwhe tọn tọn mẹ. Nugbo, enẹ wẹ núhe É ko yín.

Dinvie mí mọ jinukún gbakija tọn lọ sọawúhia, bọ mí sọ yọ́nẹn dọ e to ofi, mẹde ma sọgan gbẹ́ gba. Do ayi e go, Ewọ lọ wẹ na và yé mẹhe to didọ, dọmọ: yé jlo nado sẹ̀n Jiwheyẹwhe lẹ súdo. 

Do ayi e go, Jiwheyẹwhe do jinukún Etọn. Yẹn to na dóalọte, na whenu ko sọ̀ na ohùkàn odẹ̀ tọn wutu. Jiwheyẹwhe ko do okún Etọn, podọ okún Etọn wẹ Klisti. Yẹn jlo na dọhó dó enẹ ji na whenu pẹvide, fihe Jiwheyẹwhe mágbè nado zé Oyín Etọn do, eyín Oklunọ jlo e sọgan yín to nùdùdù whenu kavi to whenuena mí tindo gbọjẹ pẹvide. Mì pọ́n, Ewọ wẹ ali dopo gẽ whlẹngan tọn lọ. Ewọ wẹ alihiamẹtọ nugbo lọ. Ewọ wẹ Jiwheyẹwhe nugbo dopo gẽ lọ, mẹdevo de matin to adà Etọn mẹ. “Yẹn wẹ Jiwheyẹwhe, podọ Yẹn sókẹdẹ” Jesu dọ, dọmọ, “Ehe wẹ osẹ́ndoayi lọ: Islaẹli É, sè, Oklunọ lọ Jiwheyẹwhe mítọn Oklunọ dopo wẹ, dopo gẽ. Yẹn wẹ Ewọ lọ. Etẹwutu wẹ hiẹ to yẹwhe devo de din? Devo na wá… Ṣigba Yẹn wá to Oyín Otọ́ ṣie tọn mẹ bọ mì ma yí mi sè. Ṣigba omẹ devo nọ wá to oyín etọn titi mẹ mì nọ yí sè.” Podọ enẹ wẹ onú he yè wà to opli Nisia tọn tó. 

 

“Bé Chistiẹni wẹ hiẹ?”

“Baptisi wẹ yẹn”

“Bé Chistiẹni wẹ hiẹ?”

“Pẹnticosti wẹ yẹn” 

“Bé Chistiẹni wẹ hiẹ?”

“Mẹtodiste wẹ yẹn”, podọ oyín devo. 

Ṣigba whenuena e wá jẹ Oyín “JESU KLISTI” tọn nẹ lọ ji, yé nọ jẹla na Ẹn kẹdẹdilé yé sọgan dó, yé ma sọ jlo onú de na wà po Oyín nẹ po gba, na Ewọ wẹ Ohó lọ, Ohó he nọ dọ Ede. Do a yi e go, Ewọ wẹ whlẹngan tẹn dopo lọ! Ewọ wẹ atindido whanpẹnọ lọ, Biblu wẹ dọ Ẹ. Ewọ wẹ Ohóta lẹpo (to Biblu mẹ) he yín Jiwheyẹwhe tọn, he tin hlan Jesu Klisti. Ewọ wẹ Alfa, Omẹga, Bibẹ́nu podọ vivọ̀nu; Ewọ mẹhe ko tin, bo sọ tin, bo sọ gọ̀ja; Ewọ wẹ adọ Davidi tọn podọ Ovisunnu Davidi tọn, hinhọ́n sisẹ́ lọ podọ sunwlẹvu afọ́nnu tọn lọ, Ewọ wẹ atindido whanpẹnọ lọ; podọ atin whanpẹnọ zungbomẹ tọn; Alfa, Omẹga, Otọ́, Ovi, Gbigbọ Wiwé, popolẹpo to Jesu Klisti mẹ! Ewọ wẹ gigọ́fla awúsọhiamẹ Jihova Jiwheyẹwhe he lẹ̀zun agbasalan bo wá nọ̀ mí ṣẹnṣẹn tọn tọn. Mọwẹ E yín.

 

Ewọ lọ wẹ Amà Whànpẹnọ dido lọ. Etẹwẹ yé wà do Amà Whànpẹnọ lọ go? Yé fiyọ́n Ẹn jẹgbonu bo sọ gbidi I nado dè núwhẹ́nwán lọ jẹgbonu sọn E mẹ. Enẹwutu, yé dóna fiyọ́n amà whànpẹnọ de nado dè núwhẹ́nwán lọ jẹgbonu sọn amà lọ mẹ. Enẹ lọ wẹ Ogbẹ̀ whànpẹnọ de, na ogbẹ̀ depope ma ko tin he ko yín zinzán taidi I gba, enẹwutu wẹ yè dóna fiyọ́n Ẹn jẹgbonu to Kalvali.

Bé mì mọdona? na yé yí amìsisá Amà Whànpẹnọ lọ tọn bo kọ̀n ẹn do ota Aalọn tọn ji, na yè dóna sámìna ẹn nado yì nukọn Oklunọ tọn to otẹn wiwé lọ mẹ, to nukunmẹṣiọnnú wiwé lọ mẹ. Enẹwutu, é dóna yín mẹhe yè sámìna po Amà Whànpẹnọ lọ po, nado yì finẹ bo húnhún ohùn do aisintẹn lẹblanu tọn lọ ji to whèmẹ-whèmẹ. Na e to dandan mẹ dọ, amìsisá lọ dóna tin to ota etọn, yèdọ owán vivi dagbedagbe de hlan Oklunọ lọ, nado hẹn ohùn lẹngbọvu lọ tọn jẹnukọn etọn, godo he é ko sá ohùn lẹngbọvu lọ tọn do ede go. Podọ Pomẹglanate po ogàn he nọ dọnú lẹ po lilẹ́do tewugã etọn, na é dóna dèafọ yì nukọn, bo hodẹ̀ dọmọ, “wiwé, wiwé, wiwé wẹ hlan Oklunọ.”

Do ayi e go, Ewọ wẹ Amà Whànpẹnọ lọ, yèdọ Owán vivi dagbedagbe he yín Amìsisá lọ to omẹ Etọn lẹ ji. Na mì ma sọgan wá nukọn Etọn po zédai depope po, kavi po onú devo de po gba, adavo mẹhe yè sámìna po Amà Whànpẹnọ he yín Ohó lọ po. Ewọ sọ wẹ Atindido Zùngbo mẹ tọn.

Dinvie, nawẹ mì nọ basi bo do nọ mọ amàsinkún? Na mì nọ fiyọ́n amà lọ jẹgbonu nado mọ amàsinkún lọ yí sọn e mẹ. Na azọ́nwhé dọtẹ lẹ tọn, yé nọ zán amàsinkún lọ. Dinvie, mì zé dawe he to búdi bọ onú ṣikọna de, kavi yọnnu de he mọ dọ ayiha etọn to na fẹ́, bo to zọnlinzin to aigba ji po awhá po, yèdọ mẹhe ma mọdona núhe to wiwà ẹ, whenẹnu wẹ dọtẹ de na yí amàsinkún pẹvi nẹ lọ, bo na sisẹ́do awà etọn mẹ kavi do okàn etọn mẹ to ofi de, nado dóalọtena núhe to wiwà ẹ lọ. Whenẹnu wẹ yé omẹ pó na dóalọtena ojlẹ de. Ṣigba whenuena huhlọn amàsinkún lọ tọn vọ, whenẹnu wẹ azọ̀n nẹlẹ nasọ sọawúhia bo nasọ ylan hú nukọn tọn.

Ṣigba họ́ntọn lẹ emi, yẹn na dọ hlan mì, dọ, enẹ wẹ yín apajlẹ Amàsinkún he yè dè sọn Atindido Zùngbo mẹ tọn he yẹn yọ́nẹn lọ mẹ. Yèdọ Ewọ lọ wẹ Atindido Zùngbo mẹ tọn lọ. Na yè finyọ́n Ẹn jẹgbonu to Kalvali. Mọ yè sọ húnú I na osẹ́nmẹjẹ mítọn wutu, na gbọn obápa Etọn mẹ wẹ yè hẹnazọ̀n mítọn lẹ gbọ̀. Domọ, finfinyọ́n jẹgbonu sọn amà nẹ lọ mẹ, wẹ yín dọ, Ewọ wẹ Amà de. Na Ewọ wẹ Amà daho he yìagà, yèdọ Atindido Zùngbo mẹ tọn he yín Amà daho Whànpẹnọ lọ. Dinvie, É tin to ofi to whèjai he, yèdọ to gblagbla Olọn po aigba po tọn mẹ, yẹn yise dọ lé É te to whenẹnu, mọwẹ É te to dinvie nado bẹ́ ylando aihọn tọn yì bo hẹn azọ̀nhẹngbọ wá aihọn mẹ. Podọ Biblu dọmọ, Ewọ dopolọ wẹ to osọ̀, egbé, mọwẹ podọ kakadoi.

Họ́ntọn emi, whenuena Jiwheyẹwhe dọ hlan Mọse to zùngbo mẹ dọ, ewọ ni zé odàn gànvệnọ lọ dagà, yèdọ ehe yín apajlẹ Ewlọsu tọn. Podọ ogànvệ lọ nọte na whẹ̀dida ylando tọn, odàn gànvệnọ nọte na “ylando he yè ko dawhẹ̀na dai.” Kẹdẹdilé ogànvệ yín “whẹ̀dida Yẹwhe de tọn” dó, mọkẹdẹ wẹ agbà gànvệ tọn he ji yè nọ tẹ́ avọ́ do. Mọwẹ Elija sọ zìn nukun dagà bo dọ, dọ, aslọ taidi gànvệ, dọ whẹ̀dida Jiwheyẹwhe tọn tin to akọta mayisenọ he gọ̀ do godo sọn Jiwheyẹwhe de lẹ ji. Podọ ogànvệ nọte na owhẹ̀dida, yèdọ whẹ̀dida Jiwheyẹwhe tọn. Podọ odàn lọ nọte na ylando he yè ko dáwhẹ̀na dai; podọ Jesu wẹ odàn gànvệnọ he diọ zùn ylando na mí, bo bẹ́ whẹ̀dida Jiwheyẹwhe tọn lẹ do Ede ji. Enẹwutu, yè húnú I na ylando mítọn, yè sọ gbleawunệ na ylankan mítọn, hihó jijọho mítọn tọn tin to É ji, podọ gbọn obápa Etọn dali, yè hẹnazọ̀n mítọn lẹ gbọ̀.

Ojé, Jiwheyẹwhe tindo azọ́nwhé Etọn he gọ́na Amàsinkún na mì to whèjai he. Họ́ntọn yisenọ lẹ emi, dinvie mì to azọ̀njẹ bo sọ tin to tukla mẹ. Ojé, mọ mì sọ tin to madógan mẹ dó, bọ onú lẹpo sọ sinẹnawuna mì. Podọ mì ma sọ sọgan dóakọ́nna ba, mì ma sọ tin to mì delẹ mẹ ba to azán he mẹ mí tin te to dinvie.

Do ayi e go, bé mì mọ Ohùkàn Ogbẹ̀ tọn to whèjai he, dọ, ehe yè dọ, dọ, otò Hlusi tọn dọ, to owhè fọtọ́n fẹ̀nẹ̀ e lán kantọ̀n-gbàntọ́ntọ (1955) mẹ, dọ, yé na “pàṣẹ do aihọn lẹpo ji dandan”? Podọ whẹpo enẹ nado jọ, Bẹ́yìlọnmẹ na ko wá. Enẹwutu, bé nawẹ e dọnsẹ̀po dó họ́ntọn lẹ emi? E ko tin sẹ̀pọ́ ofi dinvie to alọnu-alọnu.

Bé mì ma din In to whèjai he po ayiha mìtọn lẹ po? Na Ewọ wẹ Atindido Zùngbo mẹ tọn lọ, podọ Ewọ lọ wẹ dopolọ to osọ, egbé, podọ mọwẹ kakadoi. Dinvie, É tin to ofi to whèjai he nado zé Ede dagà to omẹ Etọn lẹ ṣẹnṣẹn, kẹdẹdilé Mọse zé ohia ylando tọn he yín whẹ̀dida lọ dagà dó. Podọ e ma sọ yín ylando kẹdẹ gba, ṣigba awutu lọsu ga. Do ayi e go, Jesu dọ, dọmọ, “Dilé Mọse zé odàn do agà to zùngbo mẹ, mọkẹdẹ wẹ yè ma sọgan nọ ma zé Ovi gbẹtọ tọn dagà.” Etẹwutu wẹ Mọse do zé e dagà? Na ylando, po mayise po, podọ na awutu tọn wutu. Mọkẹdẹ wẹ yè sọ zé Jesu dagà dó, na ylando, po awutu po, podọ na mayise tọn wutu. Yèdọ onú dopolọ wẹ Ewọ.

Dinvie to whèjayi he, to azán lẹ mẹ whenuena mí tindo jinukún gbakija tọn, Jesu Klisti dopagbè to Owé Luku tọn mẹ dọ, to azán… etọn lẹ mẹ, jenukọnna Wiwà Oklunọ tọn, e na taidi lé e te to azán Sọdọmi lẹ tọn mẹ do, to whenuena Ovi gbẹtọ tọn na do Ede hia, kẹdẹdilé Ovi gbẹtọ tọn do Ede hia hlan Ablaham dó; yèdọ Elohim, Jiwheyẹwhe, he lẹzùn agbasalan to gbẹtọ lẹ ṣẹnṣẹn, bo nọ finẹ hẹ Ablaham bo donuhia ẹ, bo sọ dọ núhe Sala to linlẹn to gohọ mẹ, he É ma ko mọ pọ́n. Bo dọ hlan Salai…bo sọ ylọ oyín etọn dọ “Sala.” “Na Ablaham tọn É dọ, dọmọ” yè ma to oyín towe ylọ dọ, Ablam ba gba ṣigba Ablaham. E ma yín Salai ba gba, ṣigba Sala, “Fie wẹ asi towe Sala te?”

É sọ dọmọ, “É tin to gohọ̀ lọ mẹ to godo Towe.”

Ewọ sọ dọmọ, “Yẹn nasọ lẹ́gọ̀wá kẹdẹdi asiko egbé tọn.” Podọ ewọ sọ konú. É sọ dọ hlan ẹn dọmọ, “Etẹwutu wẹ hiẹ konú?”

94. Dinvie, Jesu dọ, dọmọ, “Jẹnukọnna bibladopọ́ jinukún gbàkija daho lọ tọn nado yí miyọn do mẹ̀n ẹn, wẹ Ovi gbẹtọ tọn na dó Ede hia kẹdẹdilé E wà dó to whenẹnu.” Etẹwẹ ehe? Enẹ to didohia gbaungba to nukọn towe dọ, Jesu Klisti dopolọ to osọ, egbé podọ mọwẹ kakadoi. Bé hiẹ yí i sè? Dinvie, mì gbọ na mí ni dẹ́ ota mítọn lẹ do odò na odẹ̀.

Mẹvivẹ Jiwheyẹwhe È, mí yinwanna We. Podọ Oklunọ È, Ohó Towe wẹ Núdùdù mítọn he gọ́fla. Enẹwutu, mí yinwanna Ẹn! Na mí tin togbẹ̀ gbọn Ohó lọ dali, Oklunọ. Eyín didohia dọ, huhlọn mítọn ma pégo gba. Oklunọ È, na mí yinwanna nado sinai to tafo Towe kọ̀n, yèdọ lẹ́do Ohó Towe pé, bo yín hòmẹhunnọ na dona lẹ tọn, podọ whenuena mí sọawúhia dólé,yèdọ di nọvisunnu po nọviyọnnu he yè ko yí Ohùn lọ do fligọ̀ gbọn Ovi Jiwheyẹwhe tọn dali, podọ ehe yín fligọ̀kuẹ ohùn mìtọn tọn. Dinvie, Oklunọ È, mí sọawúhia to ofi to whèjai he, na mí ko dè whèjai he lọ nado hodẹ̀na awutunọ lẹ. Podọ kẹdẹdi Owé Wiwé lẹ, Hiẹ dọmọ, “gbọn obápa towe dali, yè hẹnazọ̀n mítọn gbọ̀.” Ojé, azán whlẹngan tọn tẹwẹ ehe! Podọ pagbè tẹwẹ ehe yè do gbọn Emmanuẹl dali! Enẹ lọ wẹ Nugbo titegbe lọ.

Do ayi e go, Hiẹ dọmọ, “Whenu vude, aihọn ma na mọ Mi ba, ṣigba mìwlẹ na mọ Mi, na Yẹn (na Dẽ)”, “Yẹn na tin po mì po, podọ to mì mẹ, yèdọ jẹ opòdo aihọn tọn.” Podọ to opòdo ojlẹ lọ tọn, whẹpo vàsudo daho he hó Hiẹ dọ nado sọawúhia, e na taidi dọ whẹpo miyọn nado jẹdo Sọdọmi ji bo fiọ́ aihọn Kosi lẹ tọn, whenẹnu wẹ núdohiamẹ Ovi gbẹtọ tọn tọn nasọ sọawúhia dilé e jọ dó to Sọdọmi whenu Enẹwutu, Otọ́ È, A dike gbẹtọ lẹ gbọagbá etọn blo.

Podọ Jiwheyẹwhe È, yẹn hodẹ̀ di ohó pẹvi de, (eyín yẹn dọhó jẹagọ̀, jona mi), zé do huhlọn mẹ. Oklunọ È, yẹn yinwanna yé. Na yẹn hodẹ̀ dọ, yé ma na gbọagbá etọn gba. Podọ Oklunọ È, dikena ojlẹ whèjai ehe tọn ni yín dopo to whèjai lẹpo mẹ. Oklunọ È, na awutunọ lẹ, po madógánnọ lẹ po, po nukuntọnnọ lẹ po, podọ mẹdepope he tin to ofi nì mọ azọ̀nhẹngbọ yí to whèjai he. Podọ na ylandonọ lẹpo ni yín whinwhlẹngan. Dinvie, to ayiha yetọn lẹ mẹ, eyín yé yín mayisenọ, bo sọ sọgan kẹalọyí Klisti to ojlẹ he lọ mẹ. Otọ́ È, basi na mí. Na popo lẹpo tin to alọ Towe lẹ mẹ. Dinvie, mí jo mídelẹ hlan We, nado mọ awúsọhia towe to ṣẹnṣẹn mítọn.

Podọ ga, Hiẹ dọ to Owé JOHANU 14:12 tọn mẹ, dọ, “Nugbo, nugbo wẹ Yẹn dọ hlan mì, mẹhe yí Mi sè, azọ́n he Yẹn wà, wẹ ewọ na wà ga.” Dinvie, nawẹ mí mọdona do dọ, Hiẹ hẹn Dewe zùn yinyọ́nẹn hlan omẹ towe lẹ, na Hiẹ wẹ Yẹwhegán nẹ lọ, yèdọ Mẹhe Mọse dọhó Etọn dọ, yè na fọ́n En tite lọ. Podọ yé ma tindo yẹwhegán lẹ na owhè fowe hunkọ, na gbàkija tin to alọ lẹpo mẹ, ṣogan Ohó Jiwheyẹwhe tọn dóna yín hinhẹn ṣẹ̀; na enẹtọn wutu, yè diọ Ohó lọ zùn agbasalan, podọ mọwẹ hlan gbàkija lọsu ga. Podọ Otọ́ È, mí sọ mọ ẹn to egbé ga, dọ, gbàkija lọ lẹzùn dopo to ale daho lẹ mẹ; mọwẹ mí sọ mọ Ohó lọ Lọsu sọawúhia to ninọ̀mẹ dopolọ mẹ. Enẹwutu, Otọ́ È, dona mí to whèjai he! Na mí jo mídelẹ hlan We, po Ohó Towe po. Podọ Oklunọ È, núdepope he Hiẹ jlo nado wà hẹ mí, basi i na mí! To Oyín Jesu tọn mẹ. Niṣẹ.

[Nọviyọnnu de dógbè hunkọhunkọ. –Ed.] Dinvie, mí ma mọdona núhe É dọ gba. E sọgan yín dọ é jlo na dọhó na mí, enẹwutu mì nọ̀ whiwhẹ̀ mẹ. [Nọvisunnu de sọ ná tunmẹ ohó lọ tọn.]

Niṣẹ. Bé mì ko hia to Owé Wiwé lẹ mẹ to ofi he, kẹntọ lẹ to zọnlinzin te, bọ yé bẹ́ yédelẹ plidopọ te? mì na mọ dọ yé na tin to huhlọn daho de mẹ to mọ. Podọ gbigbọ Jiwheyẹwhe tọn jẹ do gbẹtọ de ji, bo sọ dọ hlan ẹn dọ, ewọ ni dọ, dọdai, bọ yé sọ và kẹntọ yétọn lẹ sudo. Mì mọmidona? dopolọ wẹ enẹ. Finẹ lọ wẹ mì sọgan và kẹntọ lẹ sudo te, enẹwutu mì yí alọ Oklunọ tọn. Na alọ Oklunọ tọn wẹ Klisti, nugbo, yèdọ Ohó lọ, enẹwutu mì yí enẹ lọ do ayiha mìtọn lẹ mẹ to whèjayì ehe, to whenuena mí na biọ odẹ̀ lẹ mẹ.

Yẹn yise dọ Billy ko má owé odẹ̀ tọn lẹ whladopo dogọ to egbé. Owé odẹ̀ B tọn, mì gbọ mí ni yí owé odẹ̀ B tọn, osọha kanwé-atọ́ntọ (85). To whèjai osọ he wáyì tọn, mí tindo wéma fọtọn (15). Mí nọ tẹnpọ́n bo nọ yí sọha fọtọn (15) to whéjai lẹpo. Enẹwutu mì hẹn owé odẹ̀ mìtọn lẹ tọn do alọ mì tọn lẹ mẹ, na mí na wá yé ji to dinvie. Gbọ mí ni yí sọha fọtọntọ (15), yedọ sọha kanwé-atọ́n (85). Owé odẹ̀ B tọn, kẹdẹdi lé hiẹ mọdona do Branham. B, sọha kanwé-atọ́n (85) do jẹ kanwé-ko (100). Mì gbọ mí ni pọ́n mẹhe tindo owé odẹ̀ B tọn, sọha kanwẹ-atọ́n tọn (85), mi zé alọ mìtọn lẹ do aga…Oje! eyọn! gbọ mẹhe tindo sọha kanwe- atọ́n tọn (85) lẹ ni hẹ ji wá.

Dinvie, visunnu ṣie…e sọgan yín dọ jonọ de tin to ofi, bo ma yọn lé yé nọ basi ehe do. Visunnu ṣie wá fi dinvie, kavi omẹ de; eyín Nọvisunnu Bọdasi ma sọgan wá, mì gbọ mẹdevo ni wá. Na omẹ de ni wá bo bẹ́ owé odẹ̀ tọn, yèdọ kanwe-ko (100) hunkọ tọn, bo ṣite to gbẹtọ lẹ nukọn nado flú owé lẹ lọ dopọ. Na whenuena é na yí owé odẹ̀ tọn lọ na mì, e ma na sọgan dọ hlan mì, whenuena mì na hẹ agbà lọ ji, na é ma yọnẹn wutu. Podọ yẹn lọsu ma sọ yọnẹn gba. Yẹn na wá to whejai bo na dọ̀n owé odẹ̀ tọn ao (10) kavi fọtọ̀n (15), to owé odẹ̀ tọn lẹ mẹ. Enẹ ma tindo núde na wà hẹ azọ̀nhẹngbọ mìtọn lẹpo gba. Mì sọgan ṣinai finẹ. Bé mì mọ to whejai he wá yì mẹ? Mẹnu wẹ tin to mì mẹ bo sọawuhia fi to osọ̀? mì zé alọ mìtọn lẹ do aga. Mọwẹ gbẹtọ nẹ lẹpo mọ azọ̀nhẹngbọ yétọn to pipli mẹ lọ!

Dinvie, enẹ wẹ sọha kanwé-atọ́n (85), kavi kanwé-ṣidopo(86), kavi kanwé-ṣinawe(87), kavi kanwé-ṣinatọn(88), kavi kanwé-ṣinenẹ(89), podọ kanwé-aotọ (90). Mì gbọ yé ni wá dinvie. Owé odẹ̀ B tọn, sọn kanwé-atọ́n(85), kanwé-ṣidopo(86), kanwé-ṣinawe(87), kanwé-ṣinatọn(88), kanwé-ṣinenẹ(89), podọ kanwé-ao(90). Enẹ na yín dopo… Nugbo, mí tindo hudo…podọ eyín mẹde…devo sọ die, mọwẹ, enẹ na hẹn sọgbe. Sọn kanwé-ao(90) do jẹ kanwé-ko (100). Kanwe-widopo (91), Kanwe-wiawe (92), Kanwe-wiatọ̀n (93), kanwe-wiẹnẹ (94), kanwe-fọtọ̀n (95), kanwe-fọtọ̀n-nukun-dopo (96), kanwe-fọtọ̀n-nukun-awe (97), kanwe-fọtọ̀n-nukun-atọ̀n (98), podọ kanwe-fọtọ̀n-nukun-ẹnẹtọ (99).

Dinvie, eyín hiẹ ma sọgan sẹtẹn … Do ayi e go, yẹn mọ dọ mí tindo asú po asi po de, bọ yẹn sọ mọ kẹkẹvi ẹnẹ. Dinvie, eyín hiẹ tindo odẹ̀ wéma, bọ yè ylọ sọha wéma towe tọn, sọmọ bọ hiẹ ma sọgan sẹtẹn, sã zé alọ towe poun, mí na dọn kẹkẹvi lọ wá ofi.

Do ayi e go, eyín hiẹ matindo odẹ̀ wéma de, sã gbọṣi finẹ bo to dẹ̀ho, dọmọ, “Oklunọ È, gbọ na e ni yín yẹn to whèjai he!” Dinvie, omẹ nẹbi wẹ tin to ofi bo matindo odẹ̀ wéma de? Mì zé alọ mìtọn lẹ do agà! Ojé, Jiwheyẹwhe ṣie È! E sọgbè, dinvie mì dikena mí ni dọ ehe, ṣigba yẹn lẹn dọ e ma taidi ylankan didọ do onú wiwé go gba. Podọ nawe pẹvi de tin to ojlẹ de mẹ bo matindo odẹ̀ wéma, mẹhe hó mí ko dọ. Mẹhe to tintọ́n gbọn omẹ lẹ ṣẹnṣẹn, bo dọmọ, (mì dótó dinvie), “Eyín yẹn sọgan dóalọ avọ̀ Dawe nẹ lọ tọn lẹ go, yẹn na jẹ gángán.” Omẹ nẹbi wẹ mọdona otàn lọ? E yọ́n. Dinvie, etẹwẹ yọnnu nẹ lọ wà? Do ayi e go, é dóalọ É go, bo tọ́nyì bo sọ sinai. Podọ whenẹnu wẹ Jesu lẹ́ hlan godo, bo yọ́n fie yọnnu lọ sinai do. Bé e ma yín mọwẹ? Na É mọdona lé tukla yọnnu lọ tọn yín, Bé e ma yín mọwẹ? Na É mọdona tukla yọnnu lọ tọn wutu, enẹwutu É do dọ tukla etọn hlan ẹn. Podọ yọnnu lọ sọ mọ to agbasa ewlọsu tọn mẹ dọ, zẹ̀ntin ohùn tọn lọ ko dóalọte. Bé e ma yín mọwẹ? Na etẹwutu? Na nawe lọ dóalọ É go wutu.

Dinvie, yisenọ nẹbi wẹ tin to ofi to whèjai he, bo mọdona kẹdẹdi Owé Heblu tọn lẹ, dọ, kaka jẹ dinvie, Jesu gbẹ́sọ to Yẹwhenọ Daho yín, yèdọ Yẹwhenọ Daho he sọgan yín alọdógona gbọn azọ̀n mítọn lẹ dali? Bé É ma yín Ewọ wẹ? Nugbo wẹ, podọ eyín Ewọ lọ wẹ Yẹwhenọ Daho nẹ, to azọ́nwhé dopolọ, yèdọ Yẹwhenọ Daho lọ, bé nawẹ É sọgan wà dó to whenẹnu? Dinvie, É dóna wà ẹ kẹdẹdilé É wà dó to whenẹnu. Bé mì yí enẹ sè? Na É na wà ẹ kẹdẹdilé É wà dó to whenẹnu eyín mì sọgan yí enẹ lọ sè. Nugbo. Bé omẹ nẹbi wẹ yí enẹ sè? Dinvie, mì bo zé alọ mìtọn lẹ do agà, bo dọmọ, “Nugbo, yẹn yí enẹ lọ sè”.

Enẹwutu, whẹpo mí nado basi ohùkàn odẹ̀ tọn, mì gbọ mí ni yí sọn ohùkàn he tin to gbonu finẹ. Na yẹn yọ́nẹn dọ, É tin to ofi. Na yẹn mọdona dọ Awúsọhiamẹ Etọn tin to ofi. Dinvie, mì wá! Bé mì ko wléawu dai na ohùkàn odẹ̀ tọn lọ? Na yẹn jlo na ylọ yé jẹgbonu. Enẹwutu, mì lẹ́ pannukọn fi, bo hodẹ̀, bo sọ yise poun.

Do ayi e go, yọnnu pẹvi de tin to aisinsin to ofi bo to pinpọ́n hlan mi, mẹhe sinai to yọnnu he ṣinyọn gannukun dé de, bé mì ma mọ Onú he tin to otà yọnnu lọ tọn? mì pọ́n hlan ofi. Mì mọ? Nawe yọnnu lọ to azọ̀n ahún mẹ tọn jẹ. Bé hiẹ yise dọ Jiwheyẹwhe na hẹn we jẹ gángán? Eyín hiẹ yise, zé alọ towe daga. Enẹ wẹ yín tukla towe. Nugbo wẹ. Dinvie, eyín enẹ wẹ tukla towe, bo zé alọ towe daga na gbẹtọ lẹ ni do mọ we, zé alọ towe daga do mọ. Dinvie hiẹ ma sọ tindo azọ̀n nẹ ba. Na yise towe ko hẹn we jẹ gángán.

Na Ewọ wẹ dopolọ to osọ, egbé, podọ mọwẹ kakadoi. Ojé, gbàkija de tin; ṣigba Jesu Klisti yín dopolọ to osọ, egbé, podọ mọwẹ kakadoi. Dinvie, mì sã to dẹ̀ho, na e ma jẹ dọ mì ni tin to agà to ofi, na mì nido mọdona gba.

Dinvie, yọnnu de die. Podọ dẹnsọlé yẹn yọ́nẹn dó, yẹn ko mọ ẹn pọ́n togbẹ̀ ṣie mẹ, na yọnnu de wẹ ewọ bo to ote to ofi po odẹ̀ wéma de po, bo ma sọ yọ́nẹn eyín yè na ylọ ẹ kavi lala. Do ayi e go, omẹ de yí odẹ̀ wéma de na we to dinvie, bọ yè ko sọ ylọ sọha odẹ̀ wéma towe tọn, enẹwutu wẹ hiẹ do sọawúhia. Bé e ma yín mọwẹ? Do ayi e go, yẹn ma tindo asiko depope nado mọdona núhe hiẹ yín, podọ gbẹtọ he hiẹ yín, kavi ofie hiẹ sọn wá, podọ núhe hiẹ jlo gba, yèdọ yẹn ma mọdona núdepope dogbọn enẹtọn dali gba. Sunnu de poun wẹ yẹn, bọ hiẹ sọ yín yọnnu. Nugbo wẹ. Ninọ̀mẹ he dopolọ sọawúhia to Biblu mẹ, yèdọ to Owé JOHANU 4 tọn mẹ.

Dinvie, mì nọ dọmọ, “Etẹwẹ hiẹ ko wà to ojlẹ de mẹ wáyì Nọvisunnu Branham?” Dinvie, nọte to finẹ na ojlẹ pẹvi de whẹ́! Mì mọdona!. Na yẹn ma yọ́nẹn gba, mì mọdona! Enẹwutu, É dóna wà ẹ. Yẹn ma yọ́nẹn gba. Nawẹ yọnnu he tin to gbonu finẹ wà dó? Na yẹn ma ko mọ yọnnu nẹ pọ́n togbẹ̀ ṣie mẹ. Na jonọ titegbe de wẹ ewọ hlan mi. Ṣigba yẹn yise dọ, yọnnu de wẹ ewọ. Bé mẹnu wẹ mẹhe mọ azọ̀nhẹngbọ yí to gbẹtọ lẹ mẹ to gbonu finẹ? Dinvie, jonọ wẹ mí yín hlan mínọzo lẹ. Eyín nugbo wẹ, bo húnhún alọ towe lẹ do agà dolé. Bé mì mọ? Na yẹn ma ko mọ nawe he pọ́n gbèdé. Ṣigba é tin to aisinsin to finẹ po yise po. Dinvie, nawe lọ ko dóalọ Núde go, bé e ma yín mọwẹ? Podọ e ma na yín dagbe hlan eyín é dóalọ ogo é.

Dinvie, bé mì ma yọ́nẹn dọ, Ohó Jiwheyẹwhe tọn wẹ Biblu? Na Ewọ wẹ dopolọ to osọ, egbé, podọ mọwẹ kakadoi. Enẹwutu, mí lẹzùn gohọ̀ Gbigbọ Wiwé tọn he yín Klisti. Bé mì mọdona? Enẹ lọ wẹ Jinukún nugbo lọ. Podọ eyín Gbigbọ Wiwé biọ Jinukún nugbo Ohó lọ tọn mẹ, E ma na yín apáde Etọn poun gba (na gbigbọ mawé nọ zán Ohó lọ ga wutu), ṣigba mì dóna yí Ohó lọ blébu, bé mì mọdona? Yèdọ dopodopo Ohó lọ tọn; na Ewọ ma yín Jiwheyẹwhe kanpò gba, adavo Jiwheyẹwhe blébu. Bé mì mọdona? Enẹ wẹ núhe to jijọ.

Dinvie, nawe yọnnu de tin to ofi, yèdọ mẹhe yẹn ma ko mọ pọ́n. Jesu Lọsu mọ nawe he hunkọ pọ́n to ojlẹ de mẹ, e sọgan yín dọ e ma yín to ninọ̀mẹ dopolọ gba, yẹn ma tlẹ mọdona lala. Yèdọ to whenuena É sinai to dòtọ̀ de kọ̀n. Na É dóna yì Samalia wutu. Podọ mí sọ mọ dọ, otò Samalia tọn tin to osó lọ glọ́. Do ayi e go, É jei otò Jeliko tọn mẹ ṣigba É gbọn otò Samalia tọn mẹ, bo wá fie yè nọ ylọ dọ otò Sika tọn mẹ. Do a yi e go, É sinai to odòtọ̀ kọ̀n, bo do núplọ́ntọ Etọn lẹ hlan nado yì họ̀ núdùdù.

Dinvie, gbẹtọ alọpã nẹbi wẹ tin to aihọn mẹ bo to yìyì, bo sọ to gigọ̀? Yèdọ gbẹtọ donu atọ̀n he yín Ham, Ṣẹm, podọ omẹ Jafẹti tọn lẹ ga. Na mí omẹ pó tọ́nsọn Noa mẹ. Podọ aihọn he sọ pò to ojlẹ nẹ lọ mẹ yín vivàsùdo. Ṣigba gbẹtọ donu atọ̀n gẽ wẹ sọ pò, yèdọ sọn Ju lẹ po Kosi lẹ po mẹ jẹ Samalianu lẹ ji (ehe yín adàdé sọn Ju lẹ mẹ podọ sọn Samalianu lẹ mẹ). Podọ enẹ wẹ gbẹtọ alọpã he tin to aihọn lẹpo mẹ, bé mì mọdona? Yèdọ gbẹtọ donu atọ̀n gẽ.

Do ayi e go, onú lẹpo to Jiwheyẹwhe mẹ sọgbè. Dinvie, mì pọ́n dọ, yẹn to hódọ do gbẹtọ donu atọ̀n lẹ ji to whèjai he: yèdọ do ninọ̀mẹ vòvo donu atọ̀n gbàkija tọn tọn ji, podọ ehe mẹ Ohó lọ sọawúhia gbọn, po onú mọtọnhunkọ lẹ po. Bé mì mọdona?

Dinvie, Ewọ Mẹhe dọhó hlan Ju lẹ, dọ hlan Filipi to whenuena é hẹn Natanaẹli wá, dọ, “Yẹn ko mọ we to whenuena hiẹ tin to atin glọ́.”Podọ ga, whenuena Andle hẹn Pita wá, É sọ dọmọ, “Oyín towe wẹ Simọni, podọ sọn dinvie yì, yè nasọ nọ ylọ we dọ, ‘Pita’”. É sọ dọmọ, “Ovi Jona tọn wẹ hiẹ.” Bé mì mọdona? Dinvie, Ju wẹ yé omẹ pó.

Ṣigba to ofi, É yì Samalianu dé de.

Ṣigba ojlẹ Kosi lẹ tọn wẹ dinvie. Podọ É ma ko sọ basi enẹ hlan Kosi lẹ gbèdé pọ́n. Mì din Owé Wiwé lẹ pọ́n!É ma wà mọ gbèdé. Ṣigba É dopa to Owé LUKU 22 tọn mẹ dọ, É na wà ẹ jẹnukọnna Wiwà Etọn lọ.

Ṣigba É sinai to finẹ, bo do ayi e go dọ, yọnnu adàdé sọn Ju lẹ mẹ podọ sọn Kosi lẹ mẹ sọawúhia. Podọ Ewọ sọ dọ hlan yọnnu lọ dọmọ, “Yọnnu, na Mi ma nù.”

Yọnnu lọ sọ dọmọ, “Na eyín dó bọ Hiẹ Mẹhe yín Ju to onú nùnù kànbiọ mi, yẹn mẹhe yín yọnnu Samalia tọn? Podọ dogbó de tin to ofi. Na Ju lẹ ma nọ wànú dopọ́ hẹ Samaliatọ lẹ gba. Podọ Jù de wẹ Hiẹ, yẹn sọ yín Samaliatọ.”

Jesu gblọn, bo dọ hlan ẹn, dọ, “Ṣigba eyín hiẹ yọ́n núniná Jiwheyẹwhe tọn, po Mẹhe dọ hlan we, dọ, Na Mi ma nù po; hiẹ do sọ kànbiọ sọn Yẹn si.” Dinvie, etẹwẹ É to wiwà? É to hódọ hẹ gbigbọ yọnnu lọ tọn. Podọ dẹnsọlé É mọdona tukla etọn, É dọ hlan ẹn, dọ, ewọ nì yì bo ylọ asú etọn wá. Ewọ sọ gblọn, dọ, ewọ matindo asú de gba. Jesu sọ dọmọ, “Hiẹ dọ dagbe dọ, yẹn matindo asú de: Na hiẹ ko tindo asú atọ́n dai.”

Do ayi e go to whenuena Falesi lẹ mọ Ẹn bọ É to mọ wà! Dinvie, mì pọ́n, enẹ wẹ gbàkija lọ to gblagbla Ohó lọ tọn mẹ, etẹwẹ yé dọ? yé dọ hlan dọ, “Beẹzebuli de wẹ Dawe he, yèdọ ogán aovi lẹ tọn de.” Bé mì mọdona?

Whenẹnu wẹ Jesu gblọn, dọmọ, “Mẹdepope he dọ onúde do Gbigbọ Wiwé go to whenuena e wá ṣẹ̀ dó azọ́n dopolọ ji, yè ma na jó na ẹn gbèdé.” Na enẹ wẹ gbàkija towe. Bé mì mọdona? Do ayie go, É dọmọ, Ewọ na jo ylando yetọn lẹ na yé to whenẹnu, na Gbigbọ Wiwé ma ko sọawúhia wutu; na yè ma ko hù Avọ́sánnú he yín Lẹngbọvu lọ wutu.

Podọ to whenẹnu yọnnu lọ ma lẹn enẹ lọ pọ́n gba. Na yọnnu lọ tọn, ewọ dọmọ, “Mẹdaho, yẹn mọ dọ, Yẹwhegán de wẹ Hiẹ.” Na yé ma ko tindo yẹwhegán de na owhè kanwe-kò hunkọ. Yọnnu lọ sọ dọmọ, “yẹn mọ dọ, Yẹwhegán de wẹ Hiẹ. Dinvie, mí yọ́nẹn dọ Messia he yè nọ ylọ dọ Klisti lọ, whenuena Ewọ na wá, enẹ wẹ onú he Éwọ na wà.”

Nugbo, eyín enẹ wẹ núhe Éwọ na wà, bé Ewọ yín dopolọ to osọ̀, podọ to egbé ga. Podọ mọwẹ É hẹn Ede zùn yinyọ́nẹn dó to whenẹnu, bé e ma yín mọdopolọ to egbé? E dóna yín mọ! Dinvie, yọnnu de po sunnu de po sọ pé yénọzo lẹ. Ewọ ma yín yọnnu nẹ lọ, mọ yẹn ma sọ yín Sunnu nẹ lọ gba. Ṣogan, Gbigbọ Wiwé dopolọ wẹ tin to ofi, bo dópagbè dọ, azọ́n he É wà lẹ, dopolọ wẹ mí na wà to azán he gbè Ovi gbẹtọ tọn na yín didohia te.

Dinvie, dilé yẹn ma yọ́n we dó (mọ hiẹ sọ mọdona dọ, nugbo wẹ), na mí yín jonọ hlan mídelẹ titegbe, podọ hiẹ ṣite to ofi. E sọgan yín dọ, núde to wiwà we, e sọ sọgan yín lala, yẹn ma mọdona gba. Ṣigba eyín Oklunọ Jesu na dohia mi gbọn Gbigbọ Wiwé dali, yèdọ núhe to wiwà we, bé hiẹ na yise to whenẹnu dọ Ovi Jiwheyẹwhe tọn wẹ, bo ma yín gbẹtọ agbasalannọ? Podọ ehe wẹ gohọ̀ he Jwheyẹwhe to zinzán de poun, yèdọ mẹdepope he É ko dè. Na É wà enẹ gbọn huhlọn jọmiọn tọn po didè tọn po dali. Enẹwutu, hiẹ ni sã yise. Bé hiẹ sọgan? [Yọnnu lọ sọ dọmọ, “Niṣẹ.”–Ed.]

Dinvie, omẹ nẹbi wẹ tin to gohọ̀ he mẹ bo na yise? Do ayi e go, mí omẹ awelẹ ṣite to Hinhọ́n lọ nukọn, podọ mí ma ko sọ mọ mídelẹ pọ́n togbẹ̀ mẹ, mọ yẹn ma sọ tindo linlẹn nado mọdona mẹhe yọnnu lọ yín, núhe é yín, po fie é sọn wá po, podọ hùdo etọn. Do ayi e go, yẹn ma ko mọ ẹn pọ́n gbèdé to gbẹ̀zán ṣie mẹ. Ṣigba ofi wẹ yẹn to tintẹnpọ́n nado mọdona we: yèdọ nado dè gbàkija nẹ lọ sọn hiẹ mẹ to dinvie, bo yí Ohó lọ sè to whenuena Ohó lọ lẹzùn agbasalan to mí ṣẹnṣẹn to ofi. Podọ Ohó lọ diọzùn ogbẹ̀ to agbasalan mítọn titi lẹ mẹ, bo to Awúsọhiamẹ Jiwheyẹwhe tọn dohia.

Dinvie, na Ewọ ni basi na ẹn. Na yọnnu lọ to tódó gblọndo he jẹ dé. Do ayi e go, ewọ tin matin ovi, podọ é to hùdo ovi de tọn mẹ. Na ewọ ko sẹpọ́ owhè kande hunkọ. E ma bọawu lala gba.

Podọ to gbonu finẹ dinvie, yọnnu he yín wẹnsinọ to gbẹ̀zán yetọn lẹpo mẹ, bo sọawúhia to agbà lọ nukọ̀n dólé, podọ Jiwheyẹwhe sọ ná ovi yé. Mẹhe mọdona to finẹ lẹ ni zé alọ yetọn lẹ do agà. Bé mì mọdona? Yẹn zé oviyọnnu yinwanna de hẹn to alọ mẹ to azán Osẹ̀ tọn de gbè, whenuena yẹn tọ́nsọn ofi to Osẹ̀gbè whèjai; Oklunọ dọ hlan mi dọ, wẹnsinọ de wẹ onọ etọn. Podọ viyọnnu lọ, ovi whànpẹnọ de wẹ, bé é tin to ofi? Fie wẹ é te? Mọwẹ. É tin to ofi, yèdọ to aisinsin fi. Podọ onọ lọ tin to finẹ ga. Oviyọnnu lọ lọsu ga. Bé mì mọ ẹn? Ewọ wẹ Ohó he yè dọ sọn Jiwheyẹwe de.

Dinvie, bé hiẹ na yí I sè po ayiha towe lẹpo po? Bé hiẹ yise dọ dona he hiẹ tindo nẹ, ehe hiẹ to mimọ to dewe mẹ nẹ to dinvie, gblọndo Jiwheyẹwhe tọn de wẹ? Do ayi e go, eyín Jiwheyẹwhe na dọ oyín towe na mi, na hiẹ nido ná oyín ovivu lọ, bé hiẹ na yise? Enẹwutu, Mẹmẹyọnnu Tọmsin, hiẹ lẹ́gọ̀do whégbè bo nasọ tindo ovi, eyín hiẹ sọgan yise po ayiha towe lẹpo po.

Bé hiẹ yise po ayiha towe lẹpo po? Sã yise, hiẹ yín mayisenọ blo, sã yí Jiwheyẹwhe sè. Na Jiwheyẹwhe wẹ Jiwheyẹwhe.

Mẹdaho, na wẹ hiẹ te dó? Yẹn sọgan dọ, dọ jonọ wẹ mí yín hlan mínọzo lẹ. Whladopo he yẹn mọ we pọ́n togbẹ̀ ṣie mẹ, dilé yẹn yọ́nẹn dó, wẹ whenuena hiẹ ja finẹ. Mọwẹ yẹn lẹn dọ tavẹ Nọvisunnu Ṣakalian tọn wẹ hiẹ, kavi mẹnu … Nọvisunnu Maṣagian, ohànjitọ lọ, whenuena hiẹ jù gbọn ofi. Podọ to whenẹnu, yẹn mọ we to whenu ohùkàn odẹ̀ tọn mẹ. Dinvie, ojonọ de wẹ mí yín hlan mínọzo lẹ. Enẹwutu, eyín Oklunọ Jesu na dọ núhe hiẹ yín de na mi, e sọgan yín núhe hiẹ to jijlo, mí ni bo dọmọ; na mí ni dọ, dọ, É dọ núhe hiẹ to jijlo de hlan mi. Dinvie, É ko yí i na we dote. Núhe pò wẹ yín yise pegan nado yí i sè.

Dinvie, omẹ nẹbi wẹ mọdona enẹ? Yise he pegan nado yise dọ, mì mọ núhe mì biọ yí! Bé mì mọdona?

Dinvie, dinvie, eyín mì tin to ofi bo tódó núde, bọ É sọgan dọ núhe ojlo mìtọn yín hlan mi, mọ mì sọ yọ́nẹn dọ yẹn ma mọdona ojlo mìtọn lẹ gba, whenẹnu e na yín dọ Núde tin to ofi bo to enẹ basi. Do ayi e go, kẹdẹdi Ohó lọ, É dopagbè nado wà ẹ. Na É mọdona linlẹn he tin to ayiha yetọn lẹ mẹ. Bé e ma yín mọwẹ? Nugbo wẹ.

Dinvie, hiẹ tindo ojlo daho azọ̀nhẹngbọ tọn. Na hiẹ tindo tukla onú dopo de tọn, enẹ wẹ homẹgble. Mọwẹ. Onú devo dogọ́, enẹ wẹ dọ hiẹ tindo tukla nẹgbe tọn de, podọ tukla nẹgbe tọn nẹ lọ sinawu talala to ojlẹ he wáyì de mẹ, sọmọ bọ yè ko wàzọ́nna we do e ji. Dinvie, enẹ wẹ LÉ WẸ OKLUNỌ DỌ. Nugbo wẹ. Bé mì mọdona? Nugbo wẹ. Onú devo sọ sọawúhia, ojlo daho towe wẹ yín dọ, hiẹ jlo na yí baptẹm Gbigbọ tọn. Ehe wẹ nugbo titegbe lọ. Enẹwutu, wá ofi!

Mẹvivẹ Jiwheyẹwhe È, to Oyín Jesu Klisti tọn mẹ, gbọ na dawe he ni yín gigọ́na Gbigbọ Wiwé, whẹpo éwọ nido tọ́njẹgbonu yì sọn gohọ̀ he mẹ, to Oyín Jesu tọn mẹ. Niṣẹ. Enẹwutu, kẹalọyí I, nọvisunnu ṣie! Sã tindo yise, a yín mayisenọ blo.

Nawẹ hiẹ te dó? Yẹn mọdona, kẹdẹdilé yẹn yọ́nẹn dó dọ, ojonọ wẹ mí yín hlan mínọzo lẹ. Eyín mọwẹ, etẹwutu, na omẹ lẹpo nido yọ́nẹn dọ, ojonọ wẹ mí yín hlan mínọzo lẹ, zé alọ towe do agà. Yẹn ma ko mọ yọnnu he pọ́n gbèdé to gbẹ̀zán ṣie mẹ kẹdẹdilé yẹn mọdona dó. Mọ yẹn sọ lẹn dọ, é ma ko mọ mi pọ́n gba, na e ni kã yín dọ é tọ́nsọn ṣẹnṣẹn gbẹtọ lẹ tọn. Na Otọ́ Olọn tọn lọ yọ́nẹn, podọ fiẹ wẹ Ohó Etọn sọ tin te, dọ, yẹn ma ko mọ nawe he lọ pọ́n gbèdé gba kẹdẹdilé yẹn mọdona dó to gbẹ̀zán ṣie mẹ. Enẹwutu, yẹn ma jlo nado mọdona núhe wutu hiẹ do wá ofi gba, na yẹn ma tindo linlẹn gbẹtọ he hunkọ tọn hiẹ yín, kavi núdepope gbọn dali towe gba. Mọ yẹn ma sọgan dọ núdepope hlan we gba.

Do ayi e go, onú dopo gẽ he hiẹ tindo wẹ núniná de. Kẹdẹdilé hiẹ sè lé yẹn tùnmẹ dó to ojlẹ he wáyì mẹ. Enẹwutu, hiẹ ni sẹ̀ wá ofi, bo sè núhe É dọ; na núhe yẹn mọ, enẹ wẹ yẹn na dọ. Podọ ehe É ma dọ, yẹn ma sọgan dọ gba. Na eyín yẹn dọ dẽ titi tọn, e na jẹagọ̀. Bé mì mọdona? E na jẹagọ̀. Ṣigba eyín Ewọ dọ ẹ, e na sọgbè nugbo. Na e ma sọgan, mọ e ma sọ sọgan jẹagọ̀ gbèdé. E ma sọgan jẹagọ̀ gbèdé eyín É gbẹ́sọ to Jiwheyẹwhe yín. Bé mì mọdona? Na Jiwheyẹwhe ma sọgan jẹagọ̀ gbèdé.

Ṣigba eyín Jiwheyẹwhe sọgan dọ núhe hiẹ jlo na mi, yèdọ ojlo towe, kavi núhe hiẹ wá ofi na, kavi onú mọtọnhunkọ lẹ, kavi mẹhe hiẹ yín, fie hiẹ sọn wá, kavi núdepope he É jlo nado dọ na mi, bé hiẹ na yise? Hiẹ basi.

Onú dopo dogọ́, enẹ wẹ yín dọ, hiẹ tindo azọ̀n to afọ towe go. Na afọ towe lẹ to tuklado we. [Yọnnu lọ sọ dọmọ, “Mọwẹ”–Ed.] Nugbo. Hiẹ tindo tukla yọnnu de tọn. [Yọnnu lọ sọ gblọn, dọmọ, “Mọwẹ.”] Podọ hiẹ sọ tindo ojlo daho de to ayiha towe mẹ, na hiẹ ba mẹde kavi núde pò to madẹnmẹ. Ovisunnu de wẹ ewọ, visunnu towe lọ tọ́nyì sọn whégbè bo họnyì, podọ hiẹ jlo dọ yẹn ni hodẹ̀ hlan ẹn na é nido lẹ́gọ̀wá whégbè. [Ewọ sọ dọmọ, “Mọwẹ.”]

Jiwheyẹwhe he tin to Olọn mẹ È, do ovi etọn hlan ẹn po azọ̀nhẹngbọ po. Bo sọ dikena Gbigbọ Wiwé ni hẹn visunnu nẹ dote to ali ji to whèjai he, na é ni lẹ́gọ̀yì onọ etọn de to Oyín Jesu tọn mẹ. Niṣẹ.

Do ayi e go, Ewọ Mẹhe yọ́n ovi lọ na do é hlan we. A dibú blo! Yise dinvie, hiẹ yín mayisenọ blo! Sã yise po ayiha towe lẹpo po. Hiẹ yise, podọ Jiwheyẹwhe nasọ ná ehe pò lẹ we.

Dinvie, núdepope he e yín, yẹn tẹnpọ́n nado mọ wuntuntun atọ̀n kavi ẹnẹ nẹlẹ kaka jẹ whenuena yẹn tọ́n yì sọn nukọn etọn. Yẹn ma sọgan dètana enẹ, na aliho de matin nado dètana gba. Mì nọ dọ, dọmọ, “Bé hiẹ to didọ, dọ, enẹ ylan hú yẹwhehó he hiẹ dọ to ṣeju kande-atọ́n kavi húganmọ tọn de mẹ?” Mọwẹ, mẹdaho. Podọ eyín ogànhihò atọ̀n wẹ, e ma na sọ̀ mọ gba.

Do ayi e go, nawe de dóalọ avọ̀ Oklunọ mítọn Jesu tọn go. Podọ gbẹtọ nẹlẹ ma to alọdó ogo é gba. Etẹwutu? Nawe he, pọ́n hlan mi. [Nọvisunnu dọ hlan nawe lọ, dọ, “Zé alọ towe do ogo é, bé mì mọdona?”–Ed.] Ewọ sọ dóalọ ogo é lẹ́do pé, podọ enẹ ma na wà núdepope gba, na gbẹtọ poun de wẹ yẹn. Ṣigba nawe lọ dóna dóalọ É go. Podọ yẹn, gbọn núniná de dali, tukla lọ dóna yì, mọ gbẹtọ yínyín ṣie lẹpo na yì odò, podọ yẹn nasọ dọ ehe yẹn mọ. Bé mì mọdona? Mọwẹ. Mì pọ́n! Na alọdó ogo é ma na wà núdepope gba, ṣigba nawe lọ dóalọ Jesu go gbọn yẹn mẹ. Mọkẹdẹ wẹ yọnnu nẹ dóalọ Jiwheyẹwhe go gbọn Jesu mẹ dó, to whenuena É ma mọdona núhe to jijọ po yọnnu lọ po gba. Do ayi e go, é dóalọ avọ̀ Etọn go, bo yì bo sinai. Podọ É sọ dọmọ, “Mẹnu wẹ dóalọ ogo É?”

Podọ apọsteli lẹ sọ dọmọ, “Etẹwutu, na omẹ lẹpo wẹ to alọdó ogo We. Etẹwutu Hiẹ do dọmọ?”

Ewọ sọ dọmọ, “Ṣigba Yẹn mọ dọ huhlọn de tọ́nsọn ogo É.”

Dinvie, bé mì mọdona núhe huhlọn yín? Yèdọ họnhlọn. Na É lẹzùn madógannọ dogbọn alọ dopo he yọnnu lọ dó É go dali, ṣogan Ovi Jiwheyẹwhe tọn wẹ Ewọ. Nẹmunẹmu wẹ yẹn, mẹhe yín ylandonọ he yè whlẹngan gbọn ojọmiọn Etọn dali. Bé mì mọdona núhe wutu e do yín mọ? Na É dọmọ, “Azọ́n he Yẹn wà, wẹ mì na wà ga. Azọ́n he sọ klohú ehelẹ wẹ mì na wà; na Yẹn yì Otọ́ ṣie de wutu.” Ohógbè he yín, “Klohú” tọn, yín didọ to finẹ, ṣigba to ogbè Glẹki tọn mẹ, yè nátùnmẹ e nugbo dọ, “Azọ́n he yìagà hú ehe wẹ mì na wà.”

Dinvie, na yọnnu he lọ tọn, yẹn ma yọ́nẹn. Na yẹn ma mọdona núdepope dogbọn ewọ tọn dali. Podọ ewọ taidi jonọ de hlan mi kẹdẹdi mẹhe pò lẹ. Na jonọ de wẹ mí yín hlan mínọzo lẹ. Dinvie, mì zé alọ mìtọn lẹ do agà na omẹ lẹpo nido yọ́nẹn, na mí ni dọ, “jonọ wẹ mí.” Dinvie, eyín Ovi Jiwheyẹwhe tọn pé yọnnu de to ojlẹ he wáyì lẹ, to ninọ̀mẹ pẹvi ehe hunkọ tọn mẹ to odòtọ̀ de dali, bo dọhó hlan ẹn na ojlẹ vude, bo mọdona fie tukla etọn te, bo sọ dọ núhe tukla etọn yín hlan ẹn. Podọ gbọn enẹtọn mẹ, yọnnu lọ mọdona dọ, Ewọ wẹ Mẹsia lọ. Dinvie, hiẹ ko dóalọ ogo é, mọ yẹn sọ dóalọ ogo we, sọmọ bọ núdepope ma sọ jọ. Ṣigba eyín gbọn yise ṣie dali (yèdọ gbọn núniná de dali), podọ gbọn yise towe dali (yèdọ gbọn yise to e mẹ dali), hiẹ sọgan dóalọ ogo é bọ, É sọgan dọhó gbọn yẹn mẹ hlan we, whenẹnu wẹ hiẹ na yọ́nẹn dọ, É tin to ofi kẹdẹdi to odòtọ̀ Syka tọn kọ̀n. Bé mì mọdona? Na Ewọ dopolọ wẹ to osọ̀, egbé, podọ mọwẹ kakadoi. Bé mì yí enẹ lọ sè?

Do ayi e go, hiẹ tindo tukla susu, yèdọ awufiẹsa susu, he ylan titegbe! Dopo to tukla he hiẹ jlo dọ, yè ni hodẹ̀na we na tọn wẹ yín azọ̀n ohúplomẹ tọn. Mọwẹ. Bé e ma yín mọwẹ? Do ayi e go, alọ towe nọ jẹpò to whedepopenu he hiẹ dlẹn ẹn.

Podọ yẹn flin titegbe lé hiẹ nọ zinzọnlin dẹdẹ dó. E sọgan yín to awuwhiwhle mẹ na ojlẹ pẹvi de, kavi onú devo de he sọgan yín didọ, nado wá yí … Kavi mì nọ mọ awúsọhiamẹ onú delẹ tọn; mì gbẹtọ lẹ mì mọdona dọ, e taidi dọ, gbofúfú de ja to E ji. Na yé dọ, dọmọ, “Etẹwutu wẹ é do lẹn mọ,” kavi mì mọdona onú mọtọnhunkọ.

Ṣigba hiẹ taidi omẹ whànpẹnọ de, enẹwutu, dọhó hlan mi na ojlẹ pẹvi de. Dinvie, mì gbọ mí ni nọte to ofi na asiko pẹvi de, na yẹn lẹn dọ, núde tin to ayiha towe mẹ, ehe hiẹ to jijlo sọn Jiwheyẹwhe de. Dinvie, yẹn ma sọgan ná gblọndo odẹ̀ towe tọn gba, ṣigba Ewọ sọgan … Na eyín hiẹ gbẹ́ yí i sè, yè ko na we gblọndo lọ dote. Ṣigba eyín hiẹ jlo nado yise; ewọ nasọ hẹn we yise. Dinvie, yẹn na dọ hlan mì, dogbọn mẹyinwanna he matin to ofi tọn de dali, podọ ewọ wẹ nọvisunnu de, nọvisunnu lọ ma sọ tin to otò he mẹ gba. Na ewọ tin to otò fifa de hunkọ mẹ, yèdọ ehe gọ́na otọ̀ susu. Yẹn sọgan dọ, taidi to otò Miṣigan tọn mẹ, kavi otò mọhunkọ tọn mẹ. Mọwẹ, otò Miṣigan tọn mẹ wẹ é tin te. Ewọ sọ tin to tukla azọ̀n he nọ hù omẹ súdo de tọn mẹ, ehe yín azọ̀n adọvi mẹ tọn he ma sọgan dóalọte, bo sọ to tukla do é. Mọwẹ. Bé e ma yín mọwẹ? Enẹ lọ wẹ LÉ WẸ OKLUNỌ DỌ. Enẹwutu, dùku he tin to alọ towe mẹ, yèdọ ehe hiẹ zé do agà hlan Jiwheyẹwhe dinvie, do e hlan nọvisunnu towe lọ, bo dọ hlan ẹn dọ, ewọ yín mayisenọ blo, ṣigba ewọ ni yise, podọ é nasọ mọ azọ̀nhẹngbọ dinvie eyín ewọ na yise.

Bé hiẹ yise po ayiha towe lẹpo po? Bé mì mọdona? Do ayi e go, eyín hiẹ yise, onú dopo gẽ wẹ hiẹ dóna wà, enẹ wẹ nado kẹalọyí i nugbo. Bé enẹ lọ sọgbè?

Dinvie, mì nọ dọmọ, “É to pinpọ́n hlan omẹ nẹlẹ. Enẹ wẹ núhe é to wiwà, yèdọ nado pọ́n hlan yé.” Mì bo payi enẹ lọ go titegbe!

Do ayi e go, viyọnnu alihotó tọn he sọawúhia to ofi, yèdọ awutunọ lọ, podọ mẹdepope he hiẹ yín. Dinvie, yẹn ma to pinpọ́n hlan ẹn gba. Bé hiẹ yise dọ Jiwheyẹwhe sọgan dohia mi, yèdọ núhe tukla towe yín? Zé alọ towe lẹ do agà viyọnnu eyín hiẹ sọgan yise, yèdọ hiẹ mẹhe to azọ̀njẹ. Mọwẹ. Mọwẹ. Whenẹnu eyín hiẹ na yise po ayiha towe lẹpo po, tukla gbọhũn tọn he na dóalọte. Enẹwutu, yì bo tindo yise!

E ma pọ́n hlan ẹn, bé e ma yín mọwẹ? Dinvie, pọ́n hlan awà he ji, na númimọ lọ tin to finẹ to depope he e sọgan yín dó. Niṣẹ! Bé hiẹ ma mọ ẹn? Na e to gbèsisọ mẹ kẹdẹdilé Jiwheyẹwhe tin to gbèsisọ mẹ dó!

Bé hiẹ lọsu yise ga, dọ gbọhũn lọ na jó we do? Bé hiẹ yise dọ, e na jó we do? Mọwẹ, dinvie, yì dọ hlan Oklunọ Jesu dọ, yẹn yí I sè.

Do ayi e go, azán dopo de ja, yèdọ whenuena hiẹ na bẹ́ atin lẹ plidopọ́ nado zinzọnlin eyín awutu húplomẹ tọn wá, ṣigba e ma sọgan bọawu gba. Hiẹ yise dọ, e ma na yín mọ, bé e ma yín mọwẹ? Dinvie, bé hiẹ yise dọ, hiẹ na jẹgángán? Enẹwutu, yì to aliho towe ji, na Jesu Klisti na hẹn we jẹgángán!

Hiẹ payi e go dọ, awutu ahúnmẹ tọn nọ hù gbẹtọ lẹ, ṣigba e ma na hù hiẹ gba! Bé hiẹ yise dọ, Jiwheyẹwhe na hẹnazọ̀n towe gbọ̀, bo sọ hẹn we jẹgángán? Enẹwutu, yì dinvie po yise po to ayiha towe mẹ, bo sọ to didọ, dọ, “Yẹn yí i sè nugbo.”

Bé hiẹ nọ do ogbè Glẹnsi tọn? Bé hiẹ sè ogbè Glẹnsi tọn? [Nọvisunnu ylọ gbètùnmẹtọ de–Ed.] (Omẹ de sọ sọawúhia.) Mọwẹ, nugbo. Dinvie, bé hiẹ sọgan dọ núhe yẹn na dọ hlan ẹn? Dọ hlan ẹn dọ, eyín é sọgan yise, tukla hòmẹ tọn nẹ lọ na jó é do. Bé é na yí i sè? Tukla nẹgbé towe tọn nẹ na jó we do ga, enẹwutu, hiẹ ni to yìyì to aliho towe ji po azọ̀nhẹngbọ po.

Nawẹ hiẹ te dó? Bé hiẹ yise? [Nawe lọ sọ dọmọ, “Mọwẹ, mẹdaho.”–Ed.]

Dawe he sinai finẹ po tukla nẹgbé tọn po, he to pinpọ́n hlan mi whenuena yẹn dọmọ. Mẹdaho, hiẹ nasọ mọ azọ̀nhẹngbọ ga, eyín hiẹ yise. Nugbo wẹ mẹdaho.

Do ayi yọnnu he sọ sinai to apá towe finẹ go, he tindo tukla okọ̀ tọn, bé e ma yín mọwẹ, nọviyọnnu? Bé hiẹ yise dọ, Jiwheyẹwhe na hẹnazọ̀n towe gbọ̀? Bé hiẹ jlo dọ, yẹn ni zé alọ do afọ visunnu pẹvi nẹ tọn na ewọ nido mọ azọ̀nhẹngbọ ga? Dinvie, bé hiẹ yise? Hiẹ tindo tukla yọnnu tọn, bo ma sọ tindo e to dinvie. Enẹwutu, yise towe ko hẹnazọ̀ngbọna we to dinvie, bọ hiẹ ko sọ jẹgángán.

Do ayi e go, bé mì yise dọ, Jesu Klisti wẹ dopolọ to osọ̀, egbé, podọ mọwẹ kakadoi? Enẹwutu, mì gbọ mí ni zé alọ mítọn lẹ do mínọzo lẹ ji, bo hodẹ̀ yise tọn he, na dopodopo mítọn lẹ ni hodẹ̀ yise tọn!

Mẹvivẹ Jiwheyẹwhe È, kẹdẹdilé mí dotà odò to Nukọn Wiwé Towe dó, nado mọ We to zọnlinzin gbọn gbẹtọ lọ mẹ, bo to azọ̀nhẹngbọna awutunọ lẹ to ofi popo. Na Hiẹ wẹ Jiwheyẹwhe. Dinvie, yẹn hodẹ̀ dọ Hiẹ ni hẹnazọ̀ngbọna gbẹtọ helẹ pó. Enẹwutu, gbọ na Gbọfúfú Jiwheyẹwhe tọn ni jẹ do ayiha yetọn lẹ mẹ to yọ́yọ́ jẹ mẹ, bo sọ gbọ yé ni yọ́nẹn dọ ojlẹ to yìyì. Na mí dẹn to ofi na ojlẹ pẹde, na mí nido tin po Ewọ Mẹhe mí yinwanna po. Podọ dinvie, na Awúsọhiamẹ Etọn ni hẹnazọ̀ngbọna dopodopo mítọn lẹ.

Dinvie, mí diọnukunsọ Satani, bo sọ diọnukunsọ núyiwà etọn lẹpo. To Oyín Jesu Klisti tọn mẹ, hiẹ Satani é, tọ́nsọn gbẹtọ lẹ mẹ!

Na omẹ he na yise lẹpo to dinvie, bo sọ kẹalọyí azọ̀nhẹngbọ mìtọn lẹ, mì fọ́ntite to afọ mìtọn lẹ ji dinvie, bo dọmọ, “Dinvie, yẹn mọ azọ̀nhẹngbọ ṣie yí. Na yẹn yí i sè wutu.” Eyín hiẹ sọgan yise nugbo to ninọ̀mẹ towe pọ́n, fọ́ntite to afọ towe lẹ ji! Dinvie, mì zé alọ mìtọn lẹ do agà, bo dọmọ, “A basi Oklunọ Jesu, na Hiẹ hẹnazọ̀ngbọna mi.” Na Jiwheyẹwhe ni nọ̀ hẹ mì!

“To whẹ́whẹ́whenu, whenuena Jiwheyẹwhe dó Jinukún Etọn do aigba ji, bo zé e do ayiha ovi Etọn lẹ tọn mẹ, yèdọ hẹnnumẹ Etọn lẹ mẹ, nado wà do Ohó lọ ji, dọ, enẹ kẹdẹ wẹ awọyínú yetọn, enẹwutu, mì yìn Ohó lọ! Ṣigba, omẹ ylankan lọ wá bo biọ e mẹ, bo sọ gbà aliglọ́nnú lọ, dogbọn dido jinukún gbàkija tọn dali, yèdọ ehe jẹagọ̀do Ohó Jiwheyẹwhe tọn go. Dinvie, eyín enẹ yín gbàkija to whẹ́whẹ́whenu, e sọ pò to gbàkija yín. Na mẹdepope he na gọ̀ núdepope na Ohó Jiwheyẹwhe tọn, jinukún gbàkija tọn wẹ!