EBARUHA ERIKWETOROORA Okwakatano 2010

Endamutsyo ezirikurugira kimwe ahansi y’omutima gwangye ahari imwe mweena omwiziina ry’omuhendo erya MUKAMA waitu Yesu Kristo hamwe n’ekyahandikirwe kuruga omuri Matayo 4:4:

“Kwonka we yabagarukamu ati: kikahandikwa ngu, omuntu tatungwa by`okurya byonka, kureka n`ekigaambo kyona ekiruga omukanwa ka Ruhanga”. (Ekyebiragiro 8:3)

Omukutandika Ruhanga akagira ngu, “Reka habeho omushana!” Kandi omushana gwabaho. Rero Ruhanga yatanisa omushana kuruga aha mwirima. Omukutandika hakaba hariho kigaambo kutari kuvunuura. “Omukutandika hakaba hariho kigaambo (omurihaeburaayo Dabar – ogwe ogaamba) … omuriwe hakaba harimu amagara kandi ago magara gukaba guri omushana gwa’bantu. (Yohaana 1:1-5). Omwikiriiza ohikire tarikuba ohurire ahabwebyokurya by’omubiri byonka, kwihaho omumwooyo aba ohurire n’ekigaambo ekyaruga omukanwa ka Ruhanga. Ruhanga takwenda ngu ohindureho n’obukakuba akagammbao nakamwe, tarikufayo oba niryari, oba ninkahi nainga shi ou yakigambiire, oba n’omundagaano enkuru nainga shi omundagaano ensya. Kandi obwe, okuruga ahakutandika honyine byona bikaba biriho: omushana hamwe n’omwirima, eihan – we hamwe n’ekiro, okwikiriza hamwe n’obutikiriza, okworoba hamwe n’okujeema, oburungi hamwe n’obubi-amagara hamwe n’okufa. Nikwo biriguma okuhitsya aha muheru.

Omuri burikigaambo kya Ruhanga kyona harimu embibo ya magara, kwihaho embibo egyo yaheza kubyarwa omumitima yabaikiriza nibwe erikumera ekakura (Mako 4:26-29). Omuri Matayo 13, omubibi akabiba embibo nungi, rero abantu kubabaire bagojegyeire omuzigu nawe yaija yabibamu embibo eye. Byoona hamwe engano hamwe n`enkyenzi nibiza kura hamwe kuhika aha igyesha. MUKAMA weenka akashoboroora enfumu egi; “Ogwe o wabibire embibo enungi n’omwana w’omuntu; kandi omusiri n’ensi; embibo enungi n’abaana b’obukama; kandi enkyenzi na’abana b`omubi; omuzigu owabibire enkyenzi ni sitaani; kandi eigyesha n’omuheru gw’ensi; kandi abagyeshi ni bamaraika.” (enyiriri 37-39) Omubibi ku aheza kubiba ekigaambo (Mako 4:14; Luka 8:11), omuzigu nawe abiba okushoboroora. Embibo emwe n`eyamazima, kandi eyindi nekishuba kandi obuhabe. 

Okubanza Musa akareeta ekigaambo kya mazima, habwokuba Ruhanga akaijuka endagaano eyi yaraganise Aburahamu (Okutandika 15:13). Reero Balamu nawe yarugayo kuhabisa abantu ba Ruhanga (Okubara 22-24).

Okubanza Kristo, Nabi owaraganisibwe, akarebeka (Ekyebiragiro 18:18; Ebyakozirwe 3:22-23; Ebyakozirwe 7:37-38); akabiba ekigaambo. Reero haija omuzigu wa Kristo (anti-Christ) kandi Nabi webishuba (1. Yohaana 2:18; Okushuuruurwa 16:13); nawe yabiba okuvunuura. Kandi ba kristo bebishuba, abo abakweyeta abashukyurweho abebishuba, nahati ekyo bakyakikora. Nibabasa kworeka ebyokutangaaza kandi ebi barikutwara ngu nibyo birikubahamya kuni aba mazima (Matayo 7:21-23), nahabwekyo abatoreinwe baine kwegyendesereza munoonga kutabuzabuzibwa (Matayo 24:24).

Okubanza entumwa eza mazima zikareebeka, hakurataho entumwa ez’ebishuba (2. Abakorinso 11:13; Okushururwa 2:2).

Okubanza entumwa ezitumirwe MUKAMA zikarangirira enyegyesa eya mazima (Ebyakozirwe 2:42; Abaefeso 2:20); reero entumwa ez’ebishuba nazo zaretamu ebizahurire kandi ebiri kuhabisa (2. Abakorinso 1-13; 2. Petero 2:1).

Okubanza oweishemwe Branham akaija ari omuburizi wengiri reero hakurataho ababurizi bengiri abayetumire kandi baine ekicoonco ky’obutambi ababurire abantu engiri eye byobutungi kandi ahatari kushoroora bayeyombekyera obugabe batunga sente nyingi munoonga (million dolars).

Niki ekiriyo nikibaho omubwaire bwaitu? Niki ekiriyo nikabaho hati kurigirira aha ntebekanisa ya Ruhanga y`okujunwa? Noha owabandize kweetwa aha bwa maani ga Ruhanga kutwara obutumwa bw’ekigaambo kuhika aha muheru gw’ensi? Noha owarebekire ahanyima omukweyeta kwe kandi noburi hati akyajanjaza enyegyesa ezihangire, ezirikwetwa “okushuuruurwa okw`omutaano” okugira ngu ahindure abeegi bamukurate? 

Matayo 24 hamwe na 25 nez’omugasho munoonga omukwetegyereza omu biro ebyabwanyima Kristo atakagarukire, hamwe naha bwekanisa. Okubanza MUKAMA omwesigwa nagarukamu ebibuzo ebikuru byoona kandi ashuba ahereza n’okurabura oku: “Mwerinde omuntu weena ataribahabisa”. Nagamba aha ntaro, emisisa, hamwe nahari ba Nabi bebishuba, kandi ashuba ahika naha nshonga enkuru egi: “Kandi engiri ey`obukama eryagambwa omu nsi zoona okuba eky’okuhamya aha mahanga goona; obwo nibwo emperu erihika.” (Matayo 24:14). Eki tikirabasize kubaho omu bwaire bwa Luther nainga shi omu bweire bwa Wesley nainga shi emyaka igana enyima. Kiriyo nikibaho hati kandi nitubasa kukireeba na maisho gaitu: Engiri eyijwire n’ebi Ruhanga yaraganise byona eriyo n’eburirwa omu mahanga goona kurabira omuri butumwa obwa amuheru-ahari bamwe nka abajurizi, kandi abandi abetsirwe kurugayo (2. Abakorinso 6:14-18). Nengiri eye biro n’ebiro, nk’oku yabaire eri kuruga ahakutandika (Okusuuruurwa 14:6) buri mwana wa Ruhanga weena nayikiriza kandi naba ohurire n`ekigaambo kyona kandi ashuba ayesima ahabwebyaraganisibwe ebiriyo nibihikirira omu bwaire bwaitu.

Reero MUKAMA agumizamu ashoboroora ahari biribaho okuhika ahakugaruka kw’omwana w’omuntu hamwe n’ebiboonabooneso nangwa nokuhika naha muheru gwenyini. Reero kandi ekindi kintu kyomuhendo kikurataho: “N’ahabw’ekyo mwegyere aha mutiini nk’eky’okureeberaho; eitagi ryagwo ku ryoroba, ryatooka amababi, mumanya ku omwaka guri haihi. Mutyo naimwe kumurireeba ebi byona mumanye ku ari haihi kuyahikire n`aha rwigi.” (Matayo 24:32-33). Kurigirira omuri Hosea 9:10 israeli nigwo muti gw’omutiini.

Omuri Luka 21:24, MUKAMA akaragura aha biri babaho: “Abantu baryaitwa rurara, baryanyagwa batware omu mahanga goona; na Yerusaalemu eryaguma neeribatiirirwa abanyamahanga, okuhitsya obu busingye bw`abanyamanga burihwaho.”

Enyimaho nabwe ebyaraganisibwe ebi bikaba biriho: “Iwe Yakobo, abaawe boona ndyabataaruura, ntaarure Abaisraeli abatsigaireho; Ndyabateeranira hamwe nk’entaama za Bozura, eziri omu kibuga kyazo, nk`obusyo oburi omu iriisizo ryabwo, bagire akaari kaingi ahabw`okuba baingi.” (Mika 2:12)

“Kandi muryatuura omu nsi ei naahaire baahwenkuriimwe; muryaba abantu bangye, nanye mbe Ruhanga waanyu.” (Ezekieli 36:28)

“Haza obwo oryamanya ku MUKAMA ow`amahe akuntumireho. Bwanyima MUKAMA aryahungura Yuda ebe omugabo gwe omu nsi erikwera, agarukye atoorane Yerusaalemu.” (Zekaria 2:12)

MUKAMA nagambira abe, “N’ahabw’ekyo naimwe ku murireeba ebyo nibibaho, mumanye ngu obukama bwa Ruhanga buri haihi.” (Luka 21:31). Amina! Okurundanwa kw’enganda ikumi nibiri za Israeli kuruga omu nsi yoona tikamanyiso koonka omu bundi bwoona kwihaho nakamanyiso kokugaruka kwa Kristo okwirire haihi.

Omuri Matayo 24:39-41, MUKAMA nagamba aha kutwarwa, obu babiri bariba bari omu musiri, babiri bari aharubeengo, kandi babiri bari omu kitaanda, obwe omwe atwarwe ondaijo atsigare. Nahereza okurabura oku: “N’ahabwekyo naimwe mwetegure: ahabw`okuba obunaku obu mutarikuteekateeka, nibwo Omwana w`omuntu ariiziramu.” (Orunyiriri rwa 44)

“Ku baabaire bagiire kugura, kishwera yaija; abaabaire beeteekateekire baataaha nawe omu nju omu bugyenyi bw`okushwera; orwigi rwakingwa.” (Matayo 25:10)

Omuri Matayo 24:45-47, MUKAMA waitu akaragurira omu nfumu aha bishemereire kubaho omu maka Matayo 25 etekahikirire kandi hamwe na kishwera atakaizire. Akabuza ekibuzo eki: “Ni mwambari ki ow`okwesigwa kandi ow`obwengye, ou MUKAMA we yaatsigiire ab`omu ka ye kubagaburira omu bunaku obuhikire?” – Tikutegyeka abahereza kwihaho n`okureeta ekigaambo ekishuurirwe nk`ekyokurya kisya ahari abo boona abaine obuhereza omukanisa hamwe n`okukibagana nabo. Turi abahurire aha bwekigaambo kya Ruhanga okukira okutwabaire turi. Orunyiriri rwa 47 narwo ni OKU NIKO MUKAMA ARIKUGIRA: “Buzimazima nimbagambira nti: Aryamukwatsa ebi atungire byona.” Oku nokugarurwa busya okwijwire kandi okwanjura enaama ya Ruhanga okuhikire.

Kurabira omu butumwa bwa baiburi obwa ahamuheru, enama zoona ezabaire zisherekirwe zikashuuruurwa. Tizirimu eki buri muntu, buri mukazi, buri mushaija nainga ekanisa yoona erikwetenga kugira ngu eyetebekanise, kwihao harimu ebirikushangwa omubuhereza butano obuuri omu Abaefeso eshura 4. Okwo nikwo buri muhereza weena arikubasa kuyambaho omubiri gwa Kristo nk`oku entumwa zabaire zigira: “Okuhisya obu twena turihika aha kugira obumwe bw`okwikiriza, n`okuhika aha kumanya Omwana wa Ruhanga, okuhitsya obu turiba abantu bakuru, tukahika aha bukuru obw`orugyero rwa Kristo oruhikire…“ (Abaefeso 4:11-16)

Kwihaho, ogwe weenka ori kuha ekitinisa ekigaambo kya Ruhanga-harimu ekigaambo kyakaire ako – kandi ogwe orikwikiriza akashuba akateeka ekigaambo ahikishemereire kuba kiri naza kukishuuruurirwa. Ogwo nigwo muhanda gumwe gwonka ogu omuntu yakubasa kutaha omuntebekanisa ya Ruhanga y`okujunwa. Eki nikishuba kikwata aha baishemwe boona abahereza. Ekiraganiso kikuru ky`ekanisa omu bweire bwaitu neki: “Reeba, ndyabooherereza nabi Eliya, ekiro kya MUKAMA ekikuru kandi ekirikutinisa kitakizire. Niwe arihindura emitima y`abazaire bakagarukna n`abaana baabo, n`ey`abaana bakagarukana n`abazaire baabo, ngu ntakaija nkaitsa ensi omukyeeno.” (Malachi 4:5-6)

Ekiro kya Ruhanga nikishobororwa omu bwijwire omundagaano enkuru hamwe n`omundagaano ensya. Nabi Yoeli akahandika ebi: “Eizooba riryahinduka omwirima, n`okwezi kuhindukye eshagama, ekyo kiro kikuru kya MUKAMA ekirikutinisa kitakahikire.” (Yoeli 2:31). Ekiro ky`okujunwa kitakahikire aha muheru, eizooba ritakahindukire omwirima, n`okwezi kutakahindukire eshagama (Ebyakozirwe 2:20) ekicweka kyakabiri ekyokuraganisibwa okuruga omuri Malachi 4:6 kiriyo nikihikirira.

 Omuri Matayo 17:11-13 hamwe n`omuri Mako 9:12-13, MUKAMA waitu akoreeka aha kyaine akakatwe n`okuraganisibwa kwa Eliya. Akahamya obuhereza bwa Yohana omubatiza owakoriire omu mwooyo n`omu maani ga Eliya, kandi nabwe akashuba yayoreka ahabiri kwenda kubaho omu biro by`omumaisho: “n`ekyamazima Eliya aryaija, ashemeze byona”. Nahabwekyo, aha tibutumwa bw`engunjano, kwihaho n`obitumwa bwa Ruhanga bw`okujunwa n`okushemeza byona nk`okubyabaire biri omukanisa omukutandika kandi bikabura. Buri kintu kyoona kishemereire kuba nikigaruka omu buteeka: aha baishemwe, abahereza hamwe naha makanisa. Kurabira omu buhereza bwa Yohana omubatiza, emitima yaabo boona ababaire nibikiriza enyikiriza yaba ishenkurubo bakorekwa enyikiriza yabaana b`endagaano ensya, “…kandi n`okutebekanisiza MUKAMA abantu abeeteekateekire.” (Luka 1:16-17) kurabira omu buhereza obu Ruhanga yahaire oweishemwe Branham, emitima y`abaana ba Ruhanga abamazima negarurwa ahanyikiriza yabaishebo entumwa kutebekanisa orugaanda orutebekanisiibwe MUKAMA. 

Omukwezi kwa 6 ebiro 11, 1933, oweishemwe Branham akatunga okwetwa kwe hamwe nokutumwa kwe omu maisho g`abajurizi bingi. Kuyabaire naza kubatiza omuntu w`ikumi na mushanju aha mugyera Ohio, akagambirwa ebigaambo ebi ikuruga omucererezi ekitari ky`obuhangwa ekyamushumireho kandi ekyarebirwe abantu nka 4 000 kiri kugira kiti: “Nkoku Yohana omubatiza yatumirwe okuitebekanisa okwija kwa Kristo okw`okubanza, naiwe watumwa n`obutumwa oburitebekanisa okwija kwa Kristo kwa kabiri.”

Omumwebazyo gw`okwakatano ebiro 7, 1946, entumwa erikuruga omwiguru ekaija ahari oweishemwe Branham nkoku yaiziire Zekaria omuri Luka 1 kandi yamushobororera okutumwa okwarugire omwiguru okwijwire. Okura obwe akatandika obuhereza bwe bw`omutaano obu Ruhanga wenyini yakakaise emirundi nka rukumi.

Ahamuheru, oweishemwe Branham ou obuhereza bwe bwaine akakatwe n`entebekanisa ye Ruhanga y`okujunwa akatunga okuragirwa ku abiika ekyokurya ky`omwoyo, ekigaambo ekya raganisibwe kandi ekyashurirwe. Kwihaho, taragambirwe ngu aryagabura ekyo kyokurya nainga ngu agambirwe ku arifa reero akazooka kwijuriza ubuhereza bwe. Abaana ba Ruhanga abazirwe obwa kabiri kandi bijwire omwoyo ori kweera nibikiriza eki ebya handikirwe biri kugaamba. Nkoku yatungire okumaniyisibwa oku kuruga omwiguru okwezi kwa mukaaga 11, 1933, obutumwa bw`enaama ya Ruhanga yoona obwamukwasibwe nibutebekanisa okwija kwa Kristo kwa kabiri-kandi eki nkikirizana n`obujurizi bwebyahandikirwe ebiri kweera. 

Ogundi murundi omu byakozirwe 3:21 ni OKU NIKWO MUKAMA ARI KUGIRA kandi kishemereire kuba nikihikirira Kristo atakagarukire: “ou eiguru rishemereire kwakiira, okuhitsya obunaku bw`okugaruramu ebintu byona obusya, obu Ruhanga yaabaire aganbira omu kanwa ka baanabi be abarikwera abaabire bariho okuruga aha kuhangwa kw`ensi” kurabira omu butumwa obwahairwe oweishemwe Branham kyoona ekyabeire kyabuzire omukanisa ya Kristo kitugarurirwe aha bwembabazi. Ekigaambo ekishurirwe kihikire aha nshonda ina z`ensi.

Nkoku kyarangirwe omuri Amosi 8:11, Ruhanga ayohereize enjara ya ekyokurya ky`omwoyo okuhurira ebigaambo bya MUKAMA. Abantu nibavuga kilomita nka rukumi okwegaita aha nterane omu ekigaambo ekyashuurirwe kandi kika raganisibwa kiri kuburirwa, ekigammbo ekiriyo nikihikirir hati: ne maanu ensya ei MUKAMA yaraganise abasinguzi (Okushuuruurwa 2:17).

Hati tutegyereize okukora kutari kw`obuhangwa kw`omwoyo ori kweera nk`okukyabeire aha kiro Pentekoti kandi kugira ngu Ruhanga we wenka ayegarurireho obuhereza butaano, ebicoonco byona by`omwoyo, ebyana byon aby`omwoyo hamwe namani goona omu kanisa, ahabwokuba okuhendera kwine kushushwana n`okutandika akakiraganisa; kandi naza kukyekorera aha bwenkora eya maani eya mwoyo ori kwera.

Ruhanga keeta omuhereza kandi nabi okwezi kwa ikumu n`ebiri 24, 1965. Ningamba ebi n`ikigyenderirwe kugira ngu abo abashemereire kwijuza ekokopo kyabo ky`obusisi babase kukora hati nainga boona abatebekanisibwe n`omusingye gw`ensi gutakabireho babase kwesiima n`emitima yabo yoona.

Oweishemwe Branham akangambira nka nabi omu maisho ga abajurizi omukwezi kwa mukaaga 11, 1958, omuri Dallas, Texas, “Oweishemwe Frank, noza kugaruka Bugirimani n`obutumwa obu…”

Oweishemwe Branham akangambira nka nabi omu maisho gabajurizi nibo bamwe omukwezi kwa ikumi n`ebiri 3, 1962, “… borekire kugabura ekyokurya kuhisya obu orakitungye kyoona…”

Omu mwebazyo gw‘okwakana 11, 1966 ahaizooba ry`okuziikwa kw`oweishemwe Branham, omwoyo akagamba nanye nk`oku yagambeire Filipo “hati akaire kawe kahika akokugabura ekyokurya kandi kokuruga omukibuga okaza omukindi, kokuburira ekigaambo kya Ruhanga”. Nyorobire okweetwa okwarugire omu iguru okuruga ahaizooba ry`okubanza kandi nimbasa kugamba nkoku Paulo yagambire:

“Kwonka aha bwokuhwerwa kwa Ruhanga nkemereire nokuhitsya eri izooba, nimoamiza abato n`abakuru, ntaine kindi eki ndikugamba kureka ebi baanabi na Musa baaragwire ku biribaho…” (Eyakozirwe 26:22) 

Kandi nabwe OKU NIKWO MUKAMA ARIKUGIRA, owanyetsire n`eiraka eririkugira: “Muhuku wangye nakwemeka nk`omuri Matayo 24:45-47, kugabura ekyokurya!” Nekyamazima nkoku Yohaana 3:16 eri eya mazima. Tikugira ngu ebi nkabyehangiraho nk`omuntu, kwihaho mweena mutwiire nimubimanya kurabira omu baruha agari kwetoroora (circular letters) kutandikira omu myaka eya 60 hamwe neya 70.

Mbasize kutwara okutumwa oku MUKAMA omwesigwa yankwasize eizooba ritakaturikire okwezi kwa kana 2,1962, kugyendera kimwe omu myaka 44 ehingwire kwiha oweishemwe Branham yatwarwa mbasize kutwara okutumwa oku omu mahanga agari kureenga 150. Nkoku Yozefu omundagaano enkuru yayijwize ebitara n`ebyokurya byaburijo (natural food), nanye omu muringo nigwo gumwe nkatunga emyaka mushanju yenyine kuruga aha muheru gwa 1958 mpaka aha muheru gwa 1965 kwijusa eibikiro nekyokurya ky`omwoyo (Malachi 3:6-10), kandi noburi hati ninkibasa kukyigabura. Buri eitebezo ry`oweishemwe Branham ryoona bakarinyoherereza. Oweishemwe branham we wenyini akanyohereza owa Leo Mercier, owabire navunanizibwa aha byentambi byoona, kugira ngu babinyoherereze. Nahabwekyo timuri Jeffersonville honka kwihaho naaha naho ekyokurya nikyo kimwe ky`omwoyo kikaba kiriyo nikihunikwa, nk`oku MUKAMA yaragirire. Tutwire omubiro by`okuhendera kwa 1940, 1950, ninga 1960, kandi nabwe titurikuhunda omu mwanya ogu baziikiremu nabi. Turi omu bwire bwokubaho kwa Ruhanga omuri burikigaambo kandi tuhirwe kugira akakwate n`omurimo gwa ruhanga gwa aha muheru ahabwembabazi.

Nabi owamazima takahindukaga wekishuba; mazima tigakahindukaga kishuba; omuhereza omwesigwa kandi owa mazima takahinduka ga owebishuba kandi omubi. Ahabwa Ruhanga buri kimwe kiri omu buteeka bwakyo: omushana n`omwirima bibaganisibwe, amazima n`ekishuba bitanisibwe. Buri mbibo neyezaara kandi “…turyabamanyira aha byana byaabo”. Weena ozeirwe Ruhanga ayikiriza buri kigaambo kyoona, buri kyaraganisibwe kyoona kandi abaishiki abashugina boona abarikuza kubugana kishwera tibari kweshisha n`enyegesa zitari aha musingi gwa baiburi-nabagore abogire omu shagama y`omwana gw`entaama bashemezibwe omu kigaambo kya mazima kandi batibweho akamanyiso k`omwoyo ori kweera kuhitsya aha kiro ky`okucungurwa.