EMYAKA NKAGA MUBUHEREZA BWA MUKAMA

Ningonza kuhikya okuramukya okwa hamutima hali benebaitu n’abanyanyazi boona omu ibara lya Mukama waitu Yesu Kristo. Nkokwanjura, nyakugondeze, kugarukamu ebigambo by’entumwa Paulo ayatungire obujunanizibwa kandi yayetwa omubuhereza, nkoku kyahandikirwe omu 1Timoteo 2:12:

“Ninsiima kristo Yesu Mukama waitu ayampaire amaani agokukora omulimo gunu, habwokuba akarora nkoku ndi mwesigwa, nukwo kunkoma kumuhereza”. 

Nnkoku inywena mumanyire, nkahayo obwomezi bwange hali Mukama omu 1949 ha ruterano rwa Pentekoti orwabaire Hamburg. Akaire nuko kamu nubwo nyamanyiiremu obuhereza bw’Owaisemu Branham. Mu 1955 nkatunga omugisa gw’okwetaba omu ruteranorwe mu Karlsruhe, Germany, okwo nuho nyamumanyire mubuntu murubazo rwaitu orw’okubanza. 

Hanyuma y’emyaka nkaga, ningonza kubamanyisa omurundi ogundi hakintu ekitali kyabulikiro ekyabaireho Balaza 2. 4. 1962. Nimbaza amazima mumaiso ga Ruhanga, kikabaho izoba litakaturukire nikiruga haidirisa lya ha mukono gw’obulyo. Mukama akabaza ebigambo binu; “Muhereza wange akaire kawe k’orubuga runu kalihaihi kuhwaho. Ninyija kukutuma omu mbuga ezindi kutebeza ekigambo kyange”. Nyaimukya emikono yange nyagamba; “Mukama tibaija kumpura”. Mukama yagarukamu ati; “Muhereza wange, akaire nikaija kuhika bakuhule. Yahura ebyokulya habwokuba ekiihe ky’enjara y’amaani nikiija. Kandi oija kwemera hagati y’abantu obahe ebyokulya.”

Mukwezi kwa ikuminebiri 1962, nkabungira Owaisemu Abranham mu Jeffersonville kurabira mu maani g’okusukulirwa, akagarukamu kigambo ha kigambo murulimi Orujungu ekya mukama akaba andagiire kukora ebiro 2. 4. 1962 mu Germany. Benebabu ngana babiri Fred Sothman hamu na Banks Wood nabo bakabaho nk’abaakaiso. Hanyuma akansoboora ati “Ebyokulya ebyorayahura tibiri byokulya by’omubiri nkoku obaire notekereza. Baitu ekigambo ekyanihizibwe habw’akaire kanu, niyo nyegesa eyekwasirwe habutambi. Baitu lindaho kuherezayo ebyokulya okuhika obwolitunga ebindi ebigenderaho.”

Itwena tumanyire ngu owaisemu Branham, omurangi ayanihizibwe (Maraki 4:5). Akagambirwa mukwo mukaaga 11, 1933. “Nka yohaana omu batiza nkoku yatumirwe okurangiira okwija kwokubanza kwa kristo, nahabwekyo naiwe otumirwe nobutumwa obulirangiira okwija kwa kabiri kwa kristo”. Eketaho eisira emirundi nyingi ngu: “Ttali nyowe, baitu obutumwa bulirangiira okwija kwa kabiri kwa Kristo”. Ruhanga akamukozesa kuzonzora ebintu ebigumire kusoboora n’okwahura ekyokulya kyo Mwoyo. Ebiro 11. 6. 1958 mu Dallas, Texas, hakumalira kworubazo rwaitu, akangamba: “Owaisemu Frank, okwija kugaruka Germany n’obutumwa bunu”. Kuruga akaire ako, enyegesa yaye ya sindikwaga hali itwe buli kaire ha butambi kandi nyatandika kubuhindura. 

Nka Mukama oku yampaire omulimo, nkagukora omungeri yoona. Okwihira owaisemu natwarwa, ndibasize ekigambo kya Ruhanga omunsi yoona. Omungendo zange zokutebeza, hakire ibiri oba isatu murubuga rumu ningenda murundi. Hanyuma amakanisa gayombekwaga abaisemu abaikarayoga. 

Mukwakana 2. 1962, kikaba kiro Mukama ekiyamperiremu omulimo kandi yanteka mu buherezabwe. Omurugendo rw’emyaka nkaaga, Akagarukamu emirundi nyiingi nampereza engenderwaho ekwatagaine n’obuhereza bwange. Nkwenda kusoboora kurungi ngu, kitabeho mukiroto, baitu kibaho obumba nsisimukire. Nsobora kugamba ekiro, ekikaro n’esaaha. Nukwo kugamba ngu, ebiro 19. 9. 1976 mu Edmonton, kyasabiti nyenkyakara, Mukama akabaza ebigambo binu om’iraka eryokuragira: “Muhereza wange nkukomeremu kusigikiira mu Matayo 24: 45-47 kuherezayo ebyokulya mukaire kenyini.” Buli omu owasoma ekyahandikirwe kinu aija kusanga ngu orukara rwa 47 nirugamba, “… Mukama alimukwasa kurolera ebintubye byoona.” Mukaire kanu entegeka ya Ruhanga ezonzoirwe nkoku ekaba etakazonzorwahoga. Nka Paulo, nanyowe nsobora kuhereza obwakaiso, “Habwokuba nkaboleka entegeka yoona ya Ruhanga ntarukutiina.” (Ebikorwa 20:27). Mazimakwo emitwe yoona ya Baibuli yoona ekegesebwa kurabira mu bihandiko, mubitabu n’omu baruha. 

Mu Matayo 24, Mukama waitu atabaze ha kusiinsa yekaru kwonka orundi kusasaana kwabaana ba Isaleri, onruganikyo rw’omuti omutini. Okugaruka omunsi y’owabu (orukaka 32); Akabaza n’ebyo ebiribaho omukaire ka hampero nkabinu entaro, ekihe ky’enjara, endwaire, emisiki n’ebigwerererzi ebindi n’ebindi; N’omu rukara rwa Ikumi naina (24:14) “Kandi amakuru amarungi ganu ag’Obukama bwa Ruhanga galirangirirwa omunsi yoona gabe bwakaiso hamahanga goona; Obunubwo empero erihika…”, N’omukyahandikirwe murukara rwa 45-47, ebyo byoona biri ha kwatura kw’ekigambo n’okuhayo ekyokulya ky’omwoyo. 

Mazimakwo tukyali mubwire bwa Baibuli, nambere Mukama wenyini yasindikire omuhereza waye hamu n’Omurangi n’obutumwa kandi yampa engenderwaho y’okutebeza ekigambo ekisukulirwe kandi n’okugaba ebyokulya ebyahwirwe – Manna eyeserekerwe. omulimo gwa Ruhanga yampaire gukaba nigukwatagana n’omulimo gw’Owaisemu Branham, nkoku omulimo gwa Yoswa gukaba nigukwatagana nogwa Musa. Musa akekulembera abantu kuruga mubusibe nkoku akaba anihiize Abraham mu Okubanza 15:13, na Yoswa yayekulembera abantu okuhika omunsi ekaba enihiziibwe. Tuli baana abaraganiziibwe (Abagaratiya 4:28). Kandi mwikirize ebihandikirwe mu 2Abakorinto 1:20; “Ningira muli uwe, byona Ruhanga ebiyaraganisize biba ego. Nikyo tugambira tuti Amiina, nituraba omuli uwe habw’okuhaisa Ruhanga ekitinisa”. Nitwikiriza ngu byona ebya Ruhanga yanihize bituhairwe mukigambokye kandi nitubirora kandi nitubirabamu nibihikirizibwa. 

Leka nkisoboole kurungi; Tikiri habw’owaisemu Branham, rundi habw’owaisemu Frank baitu hali ebinihizo byekigambo ky’obwire bunu. Ogwo weena akomerwe Ruhanga habw’omulimo gwona acwerwamu uwe wenka, byona ebikusingaho guli mulimo ogukwatagaine nahantegeka ya Ruhanga eyo kujunwa. Paulo atasabe okwetwa, owaisemu Branham atasabe okweta; Ntasabe okwetwa. Baitu Ruhanga akakitegeka mumulingo gunu kuruga hantandikwa, kandi nukwo kyabaire mukaire kaitu. Ekya Mukama waitu yagambire nikikyabahoga na hati: “… mazimakwo nimbagambira nti;wena anyakujwahukiira ou ntumire, aba ajwahukiire nyowe; kandi anya kujwahukiira nyowe aba ajwahukiriire oli ayantumire”. (Yohaana 13:20). Abo abanga ebya Ruhanga akora kusigikiira hakigambo kye bongera banga Ruhanga kandi bombeka obukama obwabu bonka, nkabandi abali mu madiini. 

Mu 1962, kumpereza obujunanizibwa nkaba mu myaka 29 oyobukuru hati nyine haihi emyaka 89, kandi nindora mazire emyaka nyiingi namasemererwa mu buhereza bwe. Tindangiira obwakaiso obukwasire hali nyowe nyenka, mpera obwa kaiso mu maiso ga Ruhanga habwekyo ekiri kicweka kyomulimo nebyo ebya Ruhanga akozere mu mahanga goona agomunsi. Obutumwa obuthwaho obw’okujunwa nengenderwaho ya Baibuli erangirirwe munsi yoona. Mukama agamba “… hanyuma empero erija”. Itwe abaikiriza obutumwa obukusembayo tusobora kuha obwakaiso ngu Ruhanga atusukulire amakuru goona egekigambo ekyo kujunwa kandi eyegarulire bulikimu kyoona. rg

Nimbasaba kusoma ebyahandikirwe binu nobwegendesereza nkoku guli mulimo gwange “… Ekitebe eki nikyo nakomirwe kuba muhereza wakyo nkomulimo gwa Ruhanga ogu nahairwe habwanyu oku guli nukwo mmanyisize kimu ekigambo kya Ruhanga. Egi niyo nsita eyaserekerwe ira lyona nobusinge bwona, baitu hati enyakwolekerwe abantu be. Nubo Ruhanga yagondeze kwoleka ensita egi nkoku ina ekitinisa kingi omu Banyamahanga. Ensita egi nuwe kristo anykuli omuli inywe, omukwato gwaitu ogulitutungisa ekitinisa”. (Abakolosai 1:25-27)

Ruhanga akekulembera engendo zoona ezokutebeza mu myaka yoona. Okukoragana na bantu kukozerwe omunsi nukwo hati enyegesa esobole kusasanizibwa omu indimi zona omunsi yoona. Nukwo abaikiriza bamazima basobole kuhura ekya Mwoyo akugambira ekanisa, nukwo kugaruza ekanisa ye munkora yekigambo kye nkoku kyabaire mukubanza. 

Mukiikaro kyo kuteraniramu mu Krefeld, tikikyasoboka kutekaniza enteerano za mahanga goona mumulingo nigwo gumu zatekanizibwaga omu myaka 40 nendi eyerabireho. Kandi tinkyasobora kutekaniza engendo zo kutebeza. Hati nambere kikusoboka, abaikiriza boona mwesoroze kusaba kandi nokuhura enyegesa, kandi nahambere bakali baija kuba nibeetaba muli ebi Ruhanga akukora mukumaliriza omulimo gwe. 

Nitusemerererwa Mukama waitu habwa bagenzi baitu abakulengaho kurora ngu obutumwa busasanizibwe. Nabagenzi baitu abahindura mundimi zahukaine, nabagenzi baitu abakulembezi abakubagana ekigambo nikyo kimu. Ekyokulya eky’omwoyo kyenyini na bantu ba Ruhanga omunsi yoona. “Omuntu taba mwomezi habw’ebyokulya byonka, baitu aba mwomezi habw’ekigambo kyona ekiruga mukanwa ka Ruhanga”. (Matayo 4:4) Ekikusinga hati kiri ngu abo boona abali b’ekanisa bakulemberwa engozi za Ruhanga kurabira mu mwoyo Ahikirire mu mani g’obumu, nukwo bulyomu afune okukwatagana na Ruhanga kuraba mukwertekaniriza okujunwa nkoku kiri omu kubanza, kandia alindiire amasemererwa mukumalira endagano na buli kigambo kya Ruhanga. 

Owaisemu Branham okozere ogwaye, nanyowe nkozere ogwange. Mukama uwe wenka aija kumalira omulimo gwe ogw’okujuna kuraba mukulibata kwa mwoyo Ahikirire mukanisa nukwo abe ayetekannize kutangatangana kigabura (Matayo 25:10, 1Abateesolanika 4:15-18, 1Abakorinto 15:57-58). 

Niturora engeri ebyahandikirwe ebya bwire bunu bihikirizibwe butunu. Hati tusobora kwimukya emitwe yaitu nkoku kujunwa kwemibiri yaitu kuli haihi. 

“Mwyo Ahikirire n’omugole nibagamba Rugayo, kandi wena anyakuhura leka agambe Rugayo.” (Okusukururwa 22:17) “Amiina, nahabwekyo ija MUKAMA YESU”. 

Omuherezawe 

Bro. Frank