OHÓ NUKỌN TỌN

Jiwheyẹwhe olọn tọn–Didatọ aihọn lẹpo tọn–he zé pọninọ̀ Etọn po gbẹtọ lẹ po do aigba ji. Kẹdẹdi winwlántọ owé pẹvi he tọn, yẹn jlo dọ wéhiatọ lọ ni tindo wuntuntun do owé he ji, Jiwheyẹwhe Nugbonọ, Ogbẹnọ po Tito Etọn po hlan gbẹtọ lẹpo. To anádemẹ he mẹ mí na doalọ onú pẹvi delẹ go, to tódido nugbo tọn de mẹ, Gbigbọ Jiwheyẹwhe tọn na dá ojlo de do ayiha mẹ na hihiatọ lọ nido dindona yì sisosiso mẹ húmọ.

Míwlẹ ma to avùnho na agùn gba, ṣigba mì bo gbọ Jiwheyẹwhe Lọsu ni dọhó sọn Ede mẹ gbọn Ohó Wiwé Etọn dali. Kẹdẹdi lé omẹ de sọgan mọdona didè Jiwheyẹwhe tọn po gbèmimá Etọn po hlan Ablaham, Isaki, Jakọb podọ hlan yẹwhegán lẹpo do, nado na yé azọ́n titegbe he kàn otànhó whlẹngan tọn, mọkẹdẹ ga hlan apọsteli lẹ podọ hlan gbẹtọ otànhódọtọ agùn tọn lẹpo, eyín núhọakuẹ hlan mí nido mọdona azọ́n he Jiwheyẹwhe to wiwà to dinvie.

Po opẹdido sisosiso de po hlan Ẹn, mí mọ devizọ́nwiwà omẹ dóhlan sọn Jiwheyẹwhe dè de to asiko mítọn mẹ. Mí ma lẹn to ali depope mẹ nado zé gbẹtọ didè de daga gba, ṣigba Jiwheyẹwhe olọn mẹ tọn kẹdẹ wẹ mí ni na gigo. Mí ma sọgan nọ ma dọ onú he Oklunọ to wiwà to dinvie lẹ. Mì jale bo flín dọ mí tin to azán Biblu tọn lẹ mẹ. Oklunọ tin to ogbẹ̀ na É ko fọ́n bo sọ tin po mí po, kẹdẹdi lé É dopàgbe do dọ, É na tin po mí po kaka jẹ opòdo aihọn tọn.

Owé he lọ yín didètọ́n to ogbè susu mẹ bo nasọ yín hihia to otò hú kanwékó mẹ to aigba ji. E sọgan yín bibasi dọ owé he lọ ni jẹ alọ yé he yín agùn devo po yise devo lẹ tọn po mẹ. Gbẹtọ he tindo núyọ́nẹn depope dona yọ́nẹn dọ, núhe tọ́n sọn gbẹtọ mẹ sọgan jai gbọn núṣiwà de mẹ. Enẹwutu mí dóna gọ̀do Ewọ he ma nọ jai lọ kẹdẹ go.

Enẹwutu na owéhiatọ depope he na hia anádemẹhó owé pẹvi he tọn, ni yín alènọ to gbigbọ mẹ bo sọ din pọninọ̀ etọn po Oklunọ po. Enẹ wẹ odẹ̀ ṣie.

Owékantọ lọ