Endamusyo z`omutaano ahari imwe mweena abari haihi n`ahare, abari omu burigw-izooba n`omu bugwa-izooba, omu bukiizi bwa bumosho n`omu bukiizi bwa buryo okurabira omu iziina eririkukuundwa ery`omuheendo erya MUKAMA waitu yesu Kristo omuri 1Tim. 1:12,

»Ninsiima kristo Yesu MUKAMA waitu owampaire amaani, ahabw`okuba akanteekateekaho kuba omwesigwa, yampa omurimo gw`okumuheereza…«

Nk`oku kiri kityo Akaanta omu buheereza bw`Ekanisa Ye. Kukaba kuri okusharamu kwe; tindashabirwe, kureka nka tumwa. Ekwataanisa yangye n`ow`eishe-emwe Branham eri nka eya Timoseo na Paulo oku yabaaire eri. Timoseo akaba ashemereire kwehayo aha b`eishe-emwe abetsigwa abandi ahabw`eki Paulo yaashomese, ngu babaase kushomesa obutumwa obutumwa nibwo bumwe (2 Tim. 2). Eky`amaani obutosha n`ekitiine kaatokoozi, enyegesa eya maani ey`Ekigambo kya Ruhanga: »Kwonka iwe, ogumizemu omu bi waayegire okamanyira kimwe, ahakuba noomanya abaabikwegyeise, kandi noijuka ngu okamanya ebyahandiikirwe ebiikwera ebirikubaasa kukuhaisa obwengye bw`okukuhabura omuhanda gw`okujunwa ahabw`okwikiriza Kristo Yesu.« (2 Tim. 3:14-15). Nk`oku tukiri omu biro bya Bibuli kandi n`obuteeka bw`obwa Ruhanga bugarwiirweho, nakyo n`eky`obujurizi ahari `inye. Ruhanga Akaba yaanyebeembiira ngu nshome ebyahandikirwe ebirikweera obu nabiire nyine emyaka ikumi n`ebiri n`okukuunda kw`omu mutima omuunda. Nkaba ngyeeragyeranisa ebyahandikiirwe bitari bimwe ndikuroonda ekigyeendererwa eky`amazima kandi nkaheebwa okwetegyereza aha biintu ebi nabiire mba ninshoma.

Ntakabugaine ow`eishe-emwe Branham omu 1955 omuri Karlsruhe, Bugirimaani, omurindi gw`okubaanza, nkaba nyine okurokooka okwangye nk`omuntu na MUKAMA, oku naatungire ntakahikize emyaka 16, omu ruteerane rw`aba Pentekooti omu 1949. Kikampikaho nk`oku Bibuli erikukiigambaho. Omuburizi kuruga omuri Amerika ou barikweeta Hall Herrmann akahereza omu wiikendi agyo omu kanisa ya Rev. Paulo Raabe omuri Hamburg, Bugirimaani. Aha muheru gw`oruteerane kikarangirirwa ngu boona ababiire nibeenda kubatizibwa n`Omwoyo Orikwera nabaasa kusigara enyima. Nkaba ndi omuri abo abantu nka 120 abayerundaniire omu shaara. Ritakabiire itumbi rya nyikiro nkatunga omugisha gw`amaani ogw`okwijuzibwa Omwoyo Orikwera. Omu mazima, nkateebwa omu kitiinisa, obusiingye obw`amaani hamwe n`okushemererwa okutakugambwa kandi okwijwire ekitiinisa kya MUKAMAkikijura amagara gangye kandi nahiimbisa Ruhanga omu rurimi orutarikwetegyerezibwa. Okurugira kimwe aha mutima gwangye iziba rikahimintika omu magara agatahwaho, nk`oku MUKAMA waitu yaagambiire omukazi Omusamaria. Omwoyo wa Ruhanga akaba naagyendagyeenda omu kushaba kw`ohwo mwabazyo omu mumuriingo gw`amaani kugira ngu boona ababiire bariho bakatunga okwetegyereza kwabo na MUKAMA.

Okuruga obwo emyaka 50 ehingwiireho eintingiiremu omugisha gw`okuratira MUKAMA n`okwetegyereza. Okuruga 1953 gukambaho nk`omurimo okuburira Ekigambo kandi n`okurangirira Engiri. Omuri egi emyaka 46 nkaheebwa omugisha gw`okwebembera abaingi, emyoyo miingi omu nsi yoona okuza aha MUKAMA wangye obuguzi bwingi kandi omucunguzi okurabira omu kurangirira Ekigambo kye. Ahari `nye omwaka gwa 1999 ni nk`ekijusyo, ninka omwaka gw`okujaguza. Hati aha muheru gw`eki kyenyini ninyenda kubashaba imwe mweena okunyegaitaho omu kuhimbisa MUKAMA ahabw`obwesigwa bwe. Reka tweena hamwe twebaze Ruhanga omwe owamazima ahabw`obu taremwa kubaho obutosha, okumanya ngu nayebembera abe abe omu muhanda murungi. MUKAMA n`owa mazima kandi n`omwetsigwa.

Omugisha ogw`omutaano ogwa magara gangye ag`Omwoyo ekaba eri emyaka 10 ei nmanyiiremu ow`eishe-emwe Branham okuhisya obu yatwaarwa omuka omukwa ikumi n`ebiri 1965. Nkaza aha nterane ze omu Buraaya hamwe na Amerika, nkamutayayiraho omu maka gye. Nkatuunga omugisha gw`okurya nawe aha meeza, nkagyenda nawe omu motoka emwe, we arikuvuga. Okuruga 1958 amatebezo ge agu yaburiire omuri Amerika gakanyoherezibwa omu Bugirimaani. N`ahabw`ekyo nkakura omu mwoyo ahansi y`obuhereza bwe kandi n`ahabw`ekyo nkaba obutosha ndi na n`ebi Ruhanga yabaire akora.

Nk`ommu bakye ahari abo abu Ruhanga Yaikiriize omu buhereza nkaikirizibwa kuburiira enaama ya Ruhanga omu myaka makumi ehingwiire. Nk`oku Paulo yabaire akira kujurira kuhurira MUKAMA n`agaamba omu rurimi rwe orw`omuka orw`oruheburaayo obwe arikweetwa kandi arikumuha oktumwa, n`ahabw`ekyo nimbaasa kugamba omu mazima n`okuhamya nikwo kumwe omu maisho ga Ruhanga, b`amaraika be abarikwera hamwe n`omu maisho g`abantu boona kuba bahuriire omu rurimi rw`orugirimaani Nyamuhanga,ryona ririkutahiriza eiraka ry`obushoboroozi omu kwa kana 2, 1962, obu izooba risya rihakye kuturuka. Kuruga ahari ogwe Omwe Owagambire bwanyima y`okuzooka kwe, »mpairwe obushoboorozi bwona omu iguru n`omu nsi.«, nkatunga okutumwa omu iraka ry`omu rururimi rwangye. Buri kigambo MUKAMA yaagambire kikaba nikihurirwa gye kandi kishohoziibwe gye n`omusiinzi. Eky`omugisha ninyeta MUKAMA Wenyini kuba omujurizi wangye aha bweki.

Okwiha obunaku obwo nk`orobera eiraka eryanyetsire kuruga omu iguru, ntambwiire kuruga omukibuga kimwe kuza omukiindi, kuruga omu ihanga rimwe kuza omu riindi, kuruga aha butaka bumwe kuza aha bundi okujaajanza Ekigambo kya Ruhanga kandi ndi kugaburira abandi ebyokurya by`Omwoyo ahari abo abaine enjara y`okuhurira Ekigambo (Amosi 8:11; Matayo 24:45). Tinkabaasa kandi tindi kwiija kubatebeza byona ebitari by`obutoosha ebi naatungire. Okumara emyaka egyo nkahurira eiraka rya MUKAMA emirundi miingi kandi nkatuunga n`ebiragiro. Obu obumanyirivu obu na MUKAMA bwiine ekiburi kumanyisa ahari `nye nk`omuntu. Ku naakubatebeza bimwe, aho nikiba kiri eky`enshonga ngu boona abana ba Ruhanga aba mazima bashemererwe naanye bakumanya ngu MUKAMA n`omwetsigwa omu muriingo oguri gwo kandi naayeyoreka n`oburi hati, eki turi kuheera Ruhanga ekitiinisa kyona.

Obumanyirivu obukugaruramu amaani obw`aha muheru obu naatungire omu kibuga kya Blgaria ekya Varna aha Nyanja Black Sea orwa kana, 15 okwa mushanju, 199, ahanyima y`eshaaha z`omu ituuntu. Nahati ninki buhurira omuri `nye.

Nkatwaarwa omu kitiinisa kandi nareeba ekintu ekirinka ekishengye kirikumuinkana ekikozirwe omu miino g`enjojo. Ogundi murundi ninyeta Ruhanga kuba omujurizi wangye. Abeshoongozi b`omu iguru bakaba nibeshongora n`amaani. Boona bakaba nibareeba orubaju rumwe ahu ekyererezi kyabaire nikiruga kandi bakaba bagorwiirwe emikono yaabo, ahaiguru kakye n`emitwe yabo. Bakaba nibeshongora Zaaburi ya 34 omurugirimaani. Amaraka goona gakaba nigakwatagana kugira ngu goona gakaba nigahurirwa nk`eriri rimwe, bakweshongora omushororoongo gwa 7, »Maraika wa MUKAMA ateera amahema okwehinguririza abarikumutiina, kandi abajuna.«, bakaba nibeshongorera ahaiguru, amaraka gaakubarabaruka, bakeshongoora kuhendera ekicweeka nka abaziibirwe, »KANDI MARAIKA WA MUKAMA HATI ARI AHA«. Ogwe niwe omwe akagarukamu omushororoongo ogukukurataho, »Yeimwe, nimuroze, mureebe MUKAMA ku ari murungi! Orikumwetsiga weena aine omugisha.« bwanyima y`ebi bigambo baakeshongora n`eiraka rihaango, »EEGO, MUKAMA HATI ARI AHA.«

Nk`etegyereza ngu Zaaburi egyo ekaba n`ekwaata aha kuhindurwa kwa Biburi okwa Martin Luther oku nabiire nkira kushoma omu bunyeeto bwangye. Omu kitiinisa abantu nimwe bariba okuruga omu mahanga goona n`endimi, bakweshongora okuhimbisa kwa MUKAMA. Ninkiijuka ngu ebigambo bya mwenda ebi Ruhanga yaangambire omukwa mukaaga 16, 1979, butakashesire n`eiraka ririkugambira ahaiguru rikaba rikwatireine n`okuvunuura kwa Luther. Ku nabiire ninshoma ebyahindwiirwe bingi nkatangaara.

Ebigambo tibikabaasa kumara okworereka ekisa kya rukundo kya Ruhanga. N`omwetsigwa kandi n`owa mazima. Obuundi nkaba nyine kuraba omu kugyezesibwa kwiingi ahabw`okwetwa kw`ahaiguru okw`obuhereza. Omuzigu akaba ayehireyo kucwecereza amagara gangye emirundi miingi, namunonga obu nabiire nyine omushwiija ogu, okurugirira aha kihandiiko ky`eirwariro, eyabiire n`manyisa okufa kwangye. Omuntu weena kuyakuba naiindikwa aha kagaari naatwarwa omu kashengye aku abantu barikufeeramu, abashaho baikiriize nk`oku nabiire ndi, naamanya ngu Ruhanga akozire eky`okutaangaza ky`amaani eky`okunkiza. Emiruundi miingi nkahurira mukuru w`abashaho, Prof. Dr. Becker, arikugambira tiimu ye eyabaire enyetorweire, »Nikikyererezi. Nikikyererezi.« kwonka Ruhanga nabaasa n`okuraho aho n`okutahirirwa kw`amaani kw`abazigu omu magara n`omubiri akakuhindura kukaba okusingura hamwe n`omugisha. Omu kw`okubaanza 3, 198, eryabaire rishemereire kuba izooba eri nabaire nshemereire kufeeraho, nkatunga bumwe aha bumanyirivu bw`ekitiinisa obu kiriyo nibushuka omugisha omuri `nye:

Gukaba guri omurindi gwa kabiri okwiihwa omu mubiri. Ogu omurundi nkatunga okutwaarwa (rapture). Kandi ogundi murundi ninyeta Ruhanga nk`omujurizi. Nkareeba omutwe gw`abantu biingi turikuteemba omu iguru, obwe ndi omu runyiriri rw`okubanza. Kwereeba ahari buryo, nkareeba ngu boona bakaba bari abato, omu ngiingo z`obunyeeto bwaabo. Boona bakaba bajwiire ebiri kweera, ishoke ririingwa ry`ab`eishe-emwe-kazi rikaba nirigwa enyima aha migoongo yaabo omu raangi zitarikushushana z`obuhangwa. Eky`amazima nkareebaho kakye omu kitiinisa kandi nareeba orureembo oruri kweera nka akanaara ahaiguru. Ekyererezi kikarugira kimwe aha katungu ahaiguru kandi kakaba nikacumita, nikaakira kimwe kandi kaakwengyeengyeta kakurabira kimwe omu kisiika ebyabaire biri nk`enjuma z`omwoonyo, bikumurikira ensi yoona

Omu busaasi bwangye bwona, obutikiirizana, okugyezesibwa, okutahirirwa, okugumizamu okwiita abazaani oku nabiire nyine kugumira, Ruhanga obutoosha Akaba amanya omuriingo gw`okumpumuririzamu. Akumire Ekigambo kye kandi takahaakanisa ga Obuyaambi bwe ahari `nye hamwe n`obwesigwa bwe kuba naanye omu kushoberwa kw`emiruundi miingi. Ahabw`ekitiisakye nimbaasa kujurira ngu omu nkumi z`amatebezo agu naatebiize nkaba ntaine kutereeza eki nabiire ngambire.

Nk`oroobera omubwetsigwa eki MUKAMA Yaangambiire omu kasheeshe ako zitakahikire shaaha 11 z`akasheeshee, omuri 1970 omuri Marseille, Bufaraansa, Arikugarukamu n`eiraka riri kuduumira omurundi gwa kabbiri, »Omuhereza wangye, yimuka oshome 2. Tim. 4!« Nkakora nk`oku nabiire ngambiirwe naashoma kuruga aha omushororongo gwa 1 okuhika aha gwa 5. Kandi naagaruka naatandika n`omushororoongo gwa 1. Aha mushororoongo gwa 2 nkamanya n`Omwoyo kuruga ahari MUKAMA eki yaabiire manye, ahabw`okuba omu mwabazyo gw`ebi byoona bitakabeireho nkaba mbuziibwe ebiri kukwaata aha nkuba mushanju kandi naburwa eky`okugarukamu. Okuhamisiriza kukaba kuri aha kutumwa, »Burira Ekigambo!« - nikwo kyabaire. Nketegyereza ngu Ekigambo ekyabaandize nikita okushoboroora kwona hamwe n`envunuura aheeru y`amaani.

Nkata Bibuli yaangye aha mutwe gw`akameeza, emikono yangye yaimuka ahaiguru naagiranti, ndikugamba na MUKAMA butunu, »Nk`oku kihamya, MUKAMA wangye,, okandagiira kushoma ekyahandikirwe eki, nk`oku ori kukihamya tihariho kiri kubaasa kuburiirwa kitari Kigambo ekyahandikirwe. Nk`oku ori kukihamya nk`oku amaraka g`enkuba mushanju gaagambire omu Kush.10 tikirahandiikirwe omu kigambo kya Ruhanga, nk`oku ori kukihamya tihariho orikubaasa kubiburiraho. « Ahabw`okuba kikahandiikwa, »Orikushoma ebigambo by`obunabi obu aine omugisha, kandi baine omugisha abarikubihurira, bakata omutima aha bihandiikirwemu; ahabw`okuba obunaku buri haihi.« (Okush. 1:3). Nk`oku turi kugambirwa Ruhanga Wenyini, tushemereire kuguma hamwe kandi n`omu Kigambo ekyahandikirwe. Kyonka ekituri kubaasa kushoma nitubaasa kukiriinda. Byona ebirikuteberezibwa ahari ebyo ebitahandikirwe tibiri by`obwa Ruhanga obw`abaandize kandi nibireetaho akavuyo. Maraika n`obu yakuruga omu iguru arikweyeterera kurangiriira enaama y`enkuba mushanju, nimbi nyine kumubiinga akagarukayo.

Ab`eishe-emwe kubakuburiira okushuuruurirwa kwaabo kw`omutaano, nikireberwaho ngu nibanyuurura abeegi ngu babakurate. N`obu bakuba nibeyeterera ngu abo bonka abarikwikiriza envunuura zaabo hamwe n`okushuuruuriwa kwabo kwomutaano nibiija kwejumbira omu ktwaarwa (rapture), kandi ekyo n`okurogota.

Okutumwa kuri kandi nikwiija kuguma okuburiira Ekigambo nk`oku kyahandiikirwe, okurangirira obutumwa bw`akaire otwariiremu ebyaturaganisiibwe ahabwa akaire aka kandi tukakitwaara aha muheru gw`ensi. Omuntu nabaasata kweyeta omuburizi w`Ekigambo obwe ari kuburiira ebintu nangwa ebitahandiikirwe omu Kigambo?

Eki ninkigaamba nk`Ekigambo kya MUKAMA: enkuba mushanju ez`okushuuruurirwa 10 nizaija kushohoza amaraka gaazo obu MUKAMA nka maraika w`endagaano naija omuri Israeli – etari shaaha emwe omu bwiira nari izooba rimwe bwanyima. Bwanyima nikiija kuba amazima We nka mukama waayo owaabandize naija kuta ekijere kimwe aha nyaanja n`ana ekindi aha nsi. N`ahabw`ekyokihandiikirwe kandi nikiija kuhukiriira. Ekyo nikyo kyenyini eki ow`eishe-emwe Branham yaagambire omu kwa kashatu 17, 1963, aha kutandika kw`okubambuura obumanyiso. »Ku ori kwiija kwetegyereza ngu ni Kristo, ahabw`okuba omu ndagaano enkuru akaba nayetwa maraika w`endagaano, kandi ariyo nayizira kimwe Ahabayudaaya, ahabw`okuba Ekanisa ehwiire. Otyo. … Noijuka Maraika omu kushuuruurirwa 1? – nikyo kimwe. Maraika n`entumwa, kandi n`entumwa ahari Israeli. Ekanisa etwiirwe (raptured).« (Okushuuruurirwa kw`obumanyiso mushanju, orupapura 72). Omugore amutegyeriize nka Kishwera kandi naija kugyenda nawe aha bugyenyi bw`okushweera. 

Hariho biingi ebyashobire omu butumwa obw`aha muheru. Boona ababiire baine ekyeteengo kugira ou baaba ahansi y`Omwoyo w`omuzigu, ahu okugira ngu okwebeembera kw`obwa Ruhanga ekicweeka ekimwe bukaba bucwekyereziibwe. Ku ow`eishe-emwe kuruga omu mateemba ga Amerika yaarekire buri itebezo ry`ow`eishe-emwe Branham nk`oku kiri kandi ataine ekiyihiremu omu kihandiiko, bakukora obutumwa obwaabo ahabwaabo, tutwakugizire mihaanda etari kushushana. Nigasigara gari amazima: ow`eishe-emwe ku arikuruga aha Kigambo, Ruhanga namurugaho. Akomirwe aha Kigambo kye kyonka, kutari aha kuvunuura kwona. Eky`okureberaho, omuntu ku arikwiikiriza kandi yaayegyesa ngu emicwe eya 2 Pet. 1, eine obuhangwa bw`omucunguzi omu baacungwiire, hati n`wnkuba mushanju, abuzirweho okwegyesebwa kw`Omwoyo. Abantu nka abo nibaanga amazima, ahabw`okugira enteekateeka egwiire (2 Tim. 3:8).

Oyihireho ebi byona ebiteirweho MUKAMA n`amaani miingi naija kuhendera omurimo Gwe. Akamaririza obucunguzi, Yaimuka n`obusinguzi kandi naija kutuunga mugore-kigambo ayetsirwe kuruga omu kavuyo otareija kweshiisha ogundi murundi. Ayogiibwe omu shagama y`omwana gw`entaama kandi ayeziibwe amazi g`Ekigambo kandi ahiindwiirwe orikwera omu kigambo ky`amazima.

Ekyangye n`okuburira Ekigambo nk`okutumwa oku naatungire kandi n`okwikiriza ngu kwoona okutahiriira kw`omuzigu kuteirwe ahari `nye nk`oku kitari aha ndiijo weena omu nsi. Emyaka makumi abiri ehingwiire, omu 1979, omuzigu ayimukize geheena yoona kuncwekyereza kandi n`omurimo gwa Ruhanga. Omu shaaha egyo eya kiriima nkatuunga Ekigambo kuruga ahari MUKAMA ahabw`okunshumbuusha, nikishangwa omu Isa. 54:15-17, »Reeba, moangire omuheesi ojugutirira omuriro gw`amakara, akaihamu eby`okurwanisa; kandi mpangire omuhwerekyerezi kucwekyereza. Tihariho ky`okurwanisa, eki baheesire kukurwanisa, ekirikubaasa, kandi orurimi rwona oruriimuka kukutonganisa oryarusinga. Obwo nibwo buhunguzi bw`abaheereza ba MUKAMA, kandi okwo nikwo kuhikiirira kwabo okurikuruga ahariinye, nikwo MUKAMA arikugamba.«

Namunoonga abo abakujaanjaza envunuura ezabo nkabobehiireyo kundwanisa ahabw`okuba nyowe ninguma n`Ekigambo. Nk`oku baanabi babaire bari entumwa z`Ekigambo ekya mazima bahiganisiibwe, bakaterwa amabaare kuhika aha kufa hamwe n`okwiitwa kw`emiriingo miingi, MUKAMA waitu hamwe n`entumwa bakaba biine kuraba omu mbeera niyo emwe. Endwaano z`omuzigu obutosha nizorekyerera omwokorozi w`Ekigambo, ahabw`okuba omuri we obwa Ruhanga nibubaasa kwemerera nari kugwa. MUKAMA omu itebezo aha kibuungo akatuha okuhumuriza okuhikire, »Imwe mwine omugisha ku baribajuma, ku baribahiiga, ku baribabeherera Ekigambo kyona ekibi nibabantura. Mushemererwe, mwesiime munonga; ahabw`okuba ebihembo byanyu biryaba bingi omu iguru; kandi nikwo baahiigire batyo baanabi abaabandize imwe.« (Matayo 5:11-12). Hoona nabwe twine kushemererwa n`obu omutima niguhurira obusaasi bwoona.

Nimpiganisibwa ngu MUKAMA naija kumpa amaani ag`okugumirizamu kimwe aha muheru kandi nkaguma omu kigambo Kye. Nka entumwa Paulo, nimbaasa kugira ngu nimanya ou ndikwikiririzamu; nimumanya omu buntu kandi nyine obuhame nibwo bumwe nk`obw`entumwa. Nimpendera ekicweeka eki n`obujurizi bwe, kandi hoona oburi obujurizi bwangye, »…ahabw`okuba nimmanya ou naikiriize, kandi nimpamiza kimwe ngu nabaasa kurinda ki yankwatsize okuhitsya aha kiro ekyo. Eky`okureeberaho ky`ebigambo by`amazima ebi waahuriire ningamba, okikuratire omu kwikiriza n`okukunda ebiri omuri Kristo Yesu; orinde ekyo kirungi eki waakwatsiibwe Omwoyo Orikwera otuura omuriitwe.« (2.Tim. 1:12b-14). MUKAMA owantiire omu buhereza bwe n`omwetsigwa.