Eiraka ry`okusisimura - okubara kurikugaruka enyima kwatandikire?

“Yesu kristo tahinduka, oku abaire ari nyomwazyo n’eri izooba nikwo ari kandi nikwo ariguma ebiro byona.” (Abaheburaayo 13:8)

EBARUHA EMPIKA HOONA okwamwenda 2005

Eiraka ry`okusisimura
okubara kurikugaruka enyima kwatandikire?

Ab`eishe-emwe n`abaishe-emwe kazi abakundwa omuri Kristo,

Banywani ba Mission,

Nimbaramusya mwena omu iziina ry`omuhendo erya MUKAMA waitu Yesu Kristo. Omu kureeba ebiriyo nibibaho obwire obu, natoorana okuba n`enyanjura egi:

“Reeba naabagambira bitakahikire.” (Mat. 24:25).

Omu mazima, buri omwe nayetegyereza ebyabaireho ebitari by`obutoosha omu kwamunaana 2005. Omu bwijwiire, nitureeba butunu okuhikirira kwebyaragwirwe omubwire obwahamuheru. Obunabi bwa Baibuli nibutugambira ebiri kukwata aha bintu ebiriho hati nibirikwija kubaho omu biro by`omumaisho. N`ahabw`ekyo tihariho orikubaasa kugamba, “ebintu nk`ebi nibutuura nibibaho burijo!”, ebindi n`ebindi nibija kuteera ensi omumaani maingi, Omukwiija kwa Kristo okw`okubanza omuri Israeli buri kyona ekyaragwirwe ekyomubusingye obwe kikahikirira. Hati ebirungi nibihikirira omunsi yoona nebyaragwiirwe kandi bikagambwa ahabwobwire byahamuheru.

Ensi yoona amaisho egahangire Israeli kandi ei bari kutekyereza ngu niyo eri kwiija kureeta obusingye omu Middle East. Okurugirira omu bunabi bwa Baibuli, Abayudaaya bakaba bashemereire kuruga omu mahanga goona “omu biro ebyahamuheru” kandi beshororeze omunsi y`abeishenkuru (Isa. 14:1, Yer. 31:1-10, Ezek 36:24 n`ahandi). Omushaija wa Ruhanga, William Branham, akakihamya arikugira ati: “Ku oraabe noyenda kumanya eshaaha noreeba aha shaaha yawe. Kandi ko oraabe noyenda kumanya ebiro by`okwezi noreeba aha kalenda. Kandi ku oraabe noyenda kumanya ebiro ebyaha mperu byahika nkahi noreeba Israeli.” Ahabantu abatorainwe abensi etorainwe ahabwebyaragasiibwe ebyomutaano. Kandi hariho n`ebindi ebyaraganisiibwe ebyomutaano ebyabo abatorainwe ab`omukanisa y`endagaano ensya. Byona ebirikwija kubaho Ekanisa y`omugore etakatwiirwe ahabugyenyi bw`omwaana gw`entaama omu iguru kandi na byona ebiribaho bwanyima bikahandikwa kare. Kandi nitushanga omubyahandikiirwe ebirikwera ebyaragwirwe. Eby`omu biro ebyahamuheru kandi bikoreekyera kimwe obugabe bw`ekirooma obwensi yoona obwahamuheru (Dan. 2:36-45; Dan. 7:19-26; Okush. 13; Okush 17, n`ahandi n`ahandi), oburikwija kuhinduka amahanga ga Buraaya ageteraine (European Union). Kandi nitwongyera tushoma amahe gaabukiizi bwabumosho (Ezek. 38, n`ahandi) kandi n`aha Bagabe baburugwa izooba (Okush. 16:12 n`ahandi n`ahandi) otarikwija kukwatanisa namahanga aga Bulaaya ageteraine (Okush 17:17) agari kushushana n`amahanga 10 agamazire kukora endagaano. Hariho amahanga agandi agatari kwiija kukwatanisa n`amahanga ga Bulaaya ageteraine (Europian Union), ahabw`okuba baine omurimo gw`okukuhikiriza omu kufubira ahamuheru ahabwa Ruhanga.

Haihi buri izooba nituhurira ebintu bitari bimwe nibiteera ensi ebirikutuntangaaza munonga. Katugambeho ahari ebi omubugufu:

Eky`okubanza: ebigwererezi

Ekyakabiri: okukwatanisa kwa Russia na China,

Ekyakashatu: Paapa okutayayira Bugirimaani.

Ekyakana: Ab`Israeli okuruga Gaaza.

Ekibuuzo kyaitu kituura kiri, “Ebyahandikirwe by`omuri Baibuli nibikigambaho ki kandi n`ebintu ebiri kubaho hati? Abantu burijo baine enteekateeka yaabo, kwonka tihariho n`omwe orikwenda ngu omanye amazima ori kubaasa kubitaho omutima. Ebintu ebirikukwata ahabwire ahabwahamuheru bishemereire kuba nibikwatagana na mashomo ga Baibuli. Tushemereire kwebemberwa (kuhaburwa) ebyahandikirwe. Omwe honka nimwo tukutunga (ansa) ekyokugarukwamu ekihikire. Abanyamakuru aba Kristaayo tibashemereire kutwiha ahakigyendererwa aha bwentekyereza y`omuntu eri kujanjara omu bantu. Nitwetenga Ekigambo ky`obunabi, nikwo okushururwa kwakyo kuba ekyererezi ekirikutumurikira omu mwirima (2. Pet 1:19 n`ahandi n`ahandi) 

MUKAMA waitu akaragura munomuno omuri Mat. 24, Mk. 13 hamwe na Lk 21 arikugamba aha bintu ebirikwenda kwija omunsi atakagarukire. Akatworeka obumanyiso obw`aha muheru kandi obu tushemereire kutaho omutima. Enyimaho abeegi bakamubuza, “Tugambire ebi ahu biribeeraho, n`akamanyiso k`okwija kwawe oku kuriba, n`ak`obunaku obu ensi egi erihweraho. Yesu yaabagarukamu ati: Mwerinde, omuntu weena ataribahabisa …” (Mat. 24:3-4).

Ahanyima yokugamba aha ngaamba, enjara, emisisa omuri Mat. 24 akagamba omu mushororoongo gwa 8, “Ebyo byona niyo ntandikiro y`obusaasi.” Kandi omu mushororoongo gwa 33, “Mutyo naimwe ku murireeba ebyo byona, mumanye ku ari haihi, ku yaahikire n`aha rwigi.” Kandi ebigambo nibyo bimwe nitubishanga omuri Mk 13:29: kandi twine okwehanangiriza okwekyanga kw`Omwoyo. “Haryaimuka baanabi baingi b`ebishuba, bahabise baingi. Ahabw`obugomi kukanya, okukunda kw`abaingi kuryahora. Kwonka origumisiriza okuhitsya aha muheru, niwe arijunwa. Kandi engiri egi ey`obukama eryagambwa omu nsi zoona okuba eky`okuhamya aha mahanga goona; obwo nibwo emperu erihika” (Mat. 24:11).

Omuri Lk 21 okutandika n`omushororongo gwa 25 nitushanga okurangirira oku, “…kandi aha nsi amahanga garyashaasha,gashobeirwe ahabw`okuhoorera kwenyanja n`ebingonzi” Kandi MUKAMA ygarika yagira ati “kandi ebi ku biritandika kubaho, mureebe ahaiguru, mwimutyse emitwe yaanyu, ahakuba okucungrwa kwanyu kuryaba kuri haihi.” (omushororongo gwa 28). Byatandikire kubaho kandi ebiri kukiraho obubi biri haihi kwiija.

Omu Kush. 15 hamwe 16 ebifubiro by`omukushuruurirwa by`amuheru nibushoboroorwa kurungi guti “Naagaruka naareba omu iguru eky`okureeberaho ekindi, ekikuru kandi eky`okutangaaza, bamaraika mushanju baine ebibonaboneso mushanju eby`aha mperu; ahabw`okuba omuribyo nimwo ekiniga kya Ruhanga kyabaire nikihwera.” Nitushoma okutandika kwebibonaboneso ebyagumizemu nibiija namaani, kandi nitugambirwa nemaririira y`ekiniga kya Ruhanga omukaire kakye k`obwire bwebibonaboneso, Kristo MUKAMA waitu atakatandikireho obugabe bwe.

Ebyo ebintu bina ebyomutaano biryareeta okwekanga kwemiringo mingi. Abo abahikirweho bakashoberwa munonga, batiina barikwebuza n`enki ekiryongerwaho. “Ahabwenki Ruhanga aikirize ebintu ebi byona okutuhikaho. Ahabwenki bibiire aharaitwe?” Abo abatsigireho bagumizemu nka buriijo. Abo ababaire nibikiriza nk`ebyahandikirwe bakareeba ebigwererezi ebi nka akamanyiso k`omutaano kandi bayetegyereza ngu okugaruka kwa Kristo kwiriire haihi. Tibarahwiire amaani nari okubanganisa nari okushoberwa kureka bakaimusya emitwe (amaisho) kandi bareeba ahaiguru, ahabw`okuba okucungurwa kwabo kwiriire haihi. Tibararinzire burengyerw`izooba bwenyanja ya USA okugumizamu San Andreas okugwa omunyanja ahabw`omusisa ogw`amaani. Hati n`obwiire bwokweta “Nyiriire haihi na Ruhanga, na Ruhanga anyiriire haihi!”

Omu kw`ikumi n`ebiri 2004 ensi yoona ekareeba ekigwererezi ky`omwegemure gwa Tsunami omumashuuma ga Asia. Omu bwiire bw`ekyanda (summer) 2005 tukareeba omwegyemure omuri Buraaya  omuri Czech Republic, Poland, Romania hamwe n`omuri Bavaria, Austria, Switzerland hamwe na France. Omwegyemure gukaba guri ogwamaani kugira ngu amagara g`abantu gakagyenda kandi ebintu ebyahwerekyereire bikabarirwa omu bukaikuru. Omu bikcweka ebindi ebyensi hakabayo omuriro gw`omumahamba ogwasisire ekicweka kihango. 

Ensi yoona ekahurira amakuru okuruga omuri Amerika munomuno okuruga New Orleans kandi nagandi mahanga ashatu agahikirweho munonga. Ekicweka ekirikwingana na Bungereza okuyabiire neyingana obunyakare (Great Britain) kikateerwa eihunga hamwe n`omwegyemure gwa amaizi. Obukaikuru bw`abantu bukahikwaho, kandi amaga na n`amagana g`abantu bafeerwa amagara gaabo. Purezidenti George W Bush akagira ngu Amerikakwiha ebaho ekaba etakaterwa ga eti ebigwererezi. Omumakuru, omutwe gumwe gukahandiikwa guti “Egi nentomi ya Ruhanga!”, ogundi guti “Omwegyemure gwa Katarina n`ekihikrizi ky`ekiniga kya Ruhanga!” Ti kutunga akakumu konka, nari okworekayo engaro, kureka nokuteera ekitomi!

Hati nitwenda kubuza owayetegyereize ishomo eryo ery`amaani. Kandi shi ababurizi ruranganwa abakuburira ahari Televijoni, kandi shi abategyeki ba Amerika, abaingi ahari bo abatarikweyata abaporotesitanti kyonka, kureka abatari Kwenda kuhinduka kandi bakagira ngu nibikiriza Baibuli? Naba Methodist, aba Baptist nangwa naaba Pentekooti nabo babarimu. Nibabaasa bata kuhagira ebikorwa by`obutegyeki bwa Bush okukira munoonga orutaro rwa Iraq? Omuburizi ruranganwa ori kuburira aha televijoni ori kumanywa nka pat Robertson aha kiihuro kya kasheshe omuri White House akabaasa ata kugira ati, “nikitwaara esente nkye munonga okureeba ngu Fidel Castro hamwe na Roberto Chavez baitwa okukira okwongyera kugira orutaro orundi nk`okrw`omuri Iraaka orwatwiire sente nyingi eziri kuhingura obuhumbi 200 bwa doola”? Omuriro ti gukaraaza gundi! Ekyo nikiza kuretaho okuhoora enzigu okw`amaani! Eki ow`eishe-emwe Branham yareebire omukworekwa omuri 1933 eizooba rimwe kiryahikiriira. Akareeba Amerika yoona erikutahirirwa kandi erikuhwerekyerezibwa amahe.

MUKAMA waitu tashemereire kugamba n`amaganya maingi ati “O! Amarika, Amerika, noyatura n`eminwa yawe ngu ebicweka ebiri kukira 50 ahari 100 ahari miliyoni 280 zabaturagye baawe n`abakristaayo abarokore. Ni emirundi engahi ei Ruhanga abetsire kandi akabateranira hamwe omukgarurwa busya okw`amaani okw`obwiire bwoona! N`emirundi engahi ei Ruhanga akworekire embabazi, okusasirwa, okugarukana eki biri kumanyisa! N`emirundi engahi Ruhanga arikworeka emirimo erengire eby`obuhangwa butunu kurabira omu buhereza obutari bwa burijo obwa William Branham okuruga 1946 – 1965, okuruga aha nyambukiro kuza ahandijo, okukira munonga omuri Karifoniya na Lousiyania!” Obwiire obu MUKAMA takurebire Amerika kandi akagira ati “Ka ni kaingi obu naayenzire kubumbatira abaana baawe, nk`oku enkonko ebumbatira abaana baayo omunda y`amapapa gaayo, haza mutankundire!” (Mat. 23:37) kandi kagaruka akagamba ahari Kaperenaumu, ahu yabaire natuura, “Ahabw`okuba eby`okutangaaza ebyakoreirwe omuriiwe, kuri noogira ngu bikakorerwa Sodoma, ekaabaire ekiriho n`okuhitsya hati.” (Mat. 11:23)? Okuterwa kw`aha muheru gw`obusingye obu nikwija kuba kuri okurwanisa Israeli, eri kumanywa nka “Kasitaani akakye” omunsi z`abaisiraamu, hamwe n`ahari Amerika ei bari kweeta “Sitaane empaango”.

Hati twaza aha nsonga ya kabiri. Okurugirira aha bunabi bwa Baibuli, orutaro orwamaani orwahamuheru ni rumanywa nka Amagadoni. Googi hamwe na Magoogi, Mesheki hamwe na Tubali, amahanga g`omuri bugw`izooba ngambwaho omu muringo gw`omutaano. Omu kitabo kya Ezek. 38, nitubaasa kushoma ahari eki emirundi n`emirundi, “… omu bicweka by`aha muheru gw`aha bukiizibwabumosho, amahanga amaingi gari hamwe naiwe…” Nangwa nihagira hati, “… omu myaka ey`aha muheru oryahururwa, oteere egyo nsi eyaabaire ecwekyereziibwe rurara, bwanyima ekagarurwa omu buteeka, ekatuurwamu abantu abataarwirwe omu mahanga maingi, bakaza omu bibungo bya Israeli ebyabaire biri amatongo; abo bantu bakaihwa omu mahanga, mbwenu batwire buhooro boona oku baingana” (Oruny. 1-10). Nabi akaba aine kuragura ogundi murundi, aha bantu abarikurira kimwe omu bicweka by`omu mateemba kandi baije nk`ihe ry`amaani. Eryo ihe niriija kuba ririmu amahanga g`abaisramu: Persia – Iraani, Ethipia, Lybia, n`agandi n`agandi. (oruny 5). Ogundi omurindi nikihamisirizibwa, “… omu biro by`aha muheru…” (eny. 14-16). 

Twena tukamanya aha kwejezamu okukwataniise rwagati ya Russia na Chaina okwamazire ebiro ikumi omu kwamunaana 2005, okwejezamu okwatwariremu amahe gaabo bombi agarikurwanira omumwanya, amaato hamwe n`amahe ga ahitaka. Omu rutaro orw`aha muheru, abagabe b`omuri bwigw`izooba nigaija kurwanira hamwe n`amahe ag`ori kuruga obukiizi bwa bumosho. Russsia Edubu hamwe na Chaina ekinyamishwa bikwataniise, nk`oku empapura z`amakuru zatugambiire, “okurwana gye kumaraho obuzahambuki nikwo tugarureho obusingye bw`ensi”. Omu mazima, ti baratugambiire oku barikwiija kuhika ahari eki. Ogwe weena ori kureeba aha maapu y`ensi yoona, nashanga ngu omwaanya oguri Kwenda kukorerwamu, ekibuga Vlasivostok, ekyakizire kugambwaho omu makuru, omu mazima nikishangwa omu bukiizi bw`abumosho yareebera omuri Israeli kandi ni mayilo nkye okuruga aha nsharo za Chaina. Okwejezamu nibwe kwabiire kuhwire obu Russia yarangirira ngu okwejezesamu nk`okwo nikwija kugaruka kukorwe bakwataniise na Buhiindi. Hariho ekiriyo nikigyenda omu maisho omu kicweka ekyo. Weena ori kushoma Okush. 16, okuruga ha runyiri rwa 12, nayetegyereza ngu aha bwagabe b`urigwa-izooba – ahu izooba riri kureetwa – omuhanda gushemereire kubonezebwa okurabira aha mugyera Furaati. Omu Kush. 9:13-21 nitushoma aha bamaraika bana ab`okufubira abakomiirwe aha mugyera Furaati omuri Iraaka. Nibiija kukomororwa omu biro by`ebiboonaboneso kandi ekicweka ky`akashatu ekyabantu nikiija kwitwa.

Hati tushemereire kumanyisa boona bari kwikiriza Baibuli abashaija n`abakazi kandi habuzibwe ekibuuzo eki: ebintu ebyo ebiri kuza kubaho Yesu Kristo yamazire kwiija byaba nibitebekanisibwa, obwe oktwarwa kushemerere kuba kuri haihi kuta? Omumazima, tushemereire kuta omutima aha kwehanangiriza kwa MUKAMA waitu, kandi tukite n`aha mutima kandi tukwatweho hona nabwe n`ahabwe kiyagambire, “Kandi ebi ku biritandika kubaho, mureebe ahaiguru, mwimutsye emitwe yaanyu, ahakuba okucungurwa kwanyu kuryaba kuri haihi.”, ahabw`okuba, “Reeba nabagambira bitakabireho.”  

 Hati nitwiija kuba aha nshonga y`akashatu: Orutayaayo rwa Papa omuri Bugirimaani, rukaba ni rukira aha byamakuru byabaire nibigamba. Kiriyo nikireebwa butunu omunsi yoona ngu ensi yoona ehangire omushaija ogu amaisho nk`ori omu mwanya gwa Kristo Kandi ariyo natenderezibwa. Orupapura rumwe orwamakuru omuri Amerika rukabuuza ruti “Omuntu owa maani kandi ruranganwa omunsi n`oha? Purezidenti wa Amerika, Paapa nari Bill Gates?” nk`oku orufumu ruri kugira, “tihariho bibuuzo by`obushema kwihaho eby`ougarukamu by`obushema.” Omurundi ogu tikiri kukora. George W. Bush niwe akizireyo kugaywa omu ba Pulezidenti ba Amerika boona. Bill Gates owaresire empinduka omu bya Kompyuta omu nsi, niwe orikukirayo obugaiga omu nsi yoona kwonka ebyediini hamwe n`ebyobutegyeki tabyinemu Mukono. Kureka Paapa ahatari kubanganisa niwe muntu owamaani omunsi ou ediini zoona nabe byobutegyeki bakutaho omutima kandi bamuroonda. N`ahabw`ekyo, obwa paapa nibwo buri kureberera gavumenti zoona omunsi ahabw`okwenda ngu ensi yoona eyeterane ebe emwe. 

Ebintu biingi ebyahanwiirwe obu omwebembezi ow`ekezila ya Rooma yatayayiire omunsi y`owaabo. Bimwe aha byahanwiirweho ni ekihuta kimwe ekyabaire kitahaho okuruga omu biro by`okuhunduuza (reformation) ekyatanwiire protesitanti n`amakereziya g`aba katoriki. Omu kush. 13 nitushoma aha kihuta ekyo ekya rurara – Ekigambo kya Ruhanga ni rurara ey`Omwoyo – kandi ekyakizire. Okukira kw`ekihuta kuriyo ni kugyenda omu maisho. Ekyabaire omuri Cologne ebiro 19 by`okwamunaana aha mugyera Rhine kikaretera abaikiriza ba Baibuli kukangarana. Okwe abatsigazi abari kwingana emitwaaro makumi ashatu ababiire bateranire hamwe kuruga omunsi yoona bakateera akari hamwe n`iraka rimwe bari kugira ngu “Tataitwe ori kweera tituraaze kukureka kugyenda otakabandize watuha omugisha!” Nitwijukibwa okurabura okwaho naho oku MUKAMA waitu Yaatuhire, “Kandi mutaryeta omuntu weena ow`omu nsi Shoimwe; ahabw`okuba mwine Shoimwe omwe ori omu iguru” (Mat. 23:9). Akaba ari Yakobo owayebugabuaniire na MUKAMA Ruhanga kandi akafukaana nawe, ari kurira n`omutima gwe gwoona, “Tindikwija kukurekura otampaire Mugisha.” (Okut. 32:22-32). Aha kiro ky`eminyeeto ky`ensi yoona, eminyeto enkatolika okuruga omu mahanga goona, ekigyendererwa kikaba kitari kumanya Ruhanga kurabira omuri Kristo omu muringo gw`ebyahandikirwe kureka kukaba kuri okumanyana na Paapa. Orutayaayo rwa Paapa Benedicto owa 16, kuza omu Sinagoogi omuri Cologne ebiro 20 by`okwamunaana kiakretaho obuzaare bwamaani ahagati y`ekereziya enkatorika hamwe n`ediini ye`kiyudaaya, ebyabaire byasisikiire okurugriira aha bintu ebyabeireh enyima. 

Okurugirira omu byahandiikirwe Ruhanga weenka niwe ari kubaasa kutuha omugisha. N`obukiraabe kiri kityo, ebintu ebi byona byine akakwate n`ebiri kuza kubaho omu biro by`abwanyima. Okugwa okwa`amaani okuruga ahari Ruhanga hamwe n`okwegamira omuntu ori kugira ngu niwe musigire wa Kristo omu nsi kiriyo nikyeyongera kureebwa butunu. Enju ei Paapa yazariirwemu baherize kujihindura omwanya gw`okuramizamu gw`ekikwangara. Ebyaro babihindwiire emyanya y`okuramagiramu. Paapa omu Polandi Yohaana Paul owa kabiri ofiire ebiro bikye ebihingwiire nibamweeta ori omuhikiriire ei yazariirwe Wadowice n`omuri Poland yoona. Abantu bo ti bari kumanya ngu “eshaara” nk`ezo nibaba batari kushaba Ruhanga kureka omuntu ogwo owafiire. Ti barikwetegyereza ngu n`omujenzo gw`ediini kandi tiharimu okuramya Ruhanga omuringo na gumwe okurugirira omu byahandikirwe. MUKAMA waitu akagira ati, “Ruhanga n`omwoyo; kandi abamuramya bashemereire kumuramiza omu Mwoyo n`omu mazima.” (Yoh. 4:24). 

Omu mazima n`ekintu omuntu ekyatari kubaasa kutekyereza ngu omuntu omuri Israeli akaba nabaasa kweta Aburahamu nari Musa ngu baije, nari nabi ondijo obwe baherize kufa. Kandi n`ahati n`ekintu eky`otari kubaasa kwikiririsa omuntu ngu omu biro by`entumwa bakaba nibabaasa kweta Petero, Yakobo nari Yohaana obwe bamazire kutwarwa. Ogwe n`omugunjano omujenzo gw`ekikafiiri ogwabiire gutari kubaasa kubaho omuri Israeli nari omu Kanisa y`endagaano enstya. Omu bwijwiire n`obuhabe bw`ediini obwa`abantu n`amadiini miingi bagwiire omu mutego batamanyire. Omu nshonga egi, tihariho n`omwe omuri abo abakugamba gye abari kweyeta abakristaayo tibari kubaasa kubaiha abo abari kumanya Ruhanga hamwe n`ebyahandiikirwe. Ruhanga otahwaho kandi ogwe otafa tari kubaasa kubagana kitinisa kye n`ogwe ari Kufa! Obujurizi bwentumwa ni obu, “Ruhanga Asiimwe, Ishe wa MUKAMA waitu Yesu Kristo…” (Abaef. 1:3; n`ahandi). Tihariho “kasingye Maria…”, n`ebindi n`ebindi.

Ruhanga akaija ahari itwe okurabira omuri Yesu Kristo omwana we omwe nyamunegyere owatufereire kandi akafa omu mwanya gwaitu. We weenka niwe muhanda, amazima hamwe n`agara agatahwaho, kandi tihariho noija ahari isheboona atarabire omu mwana we nyamunegyere, kurabira omuri we akeyoreka nk`omuntu. “ou twatungire okucungurwa, nikwo kusaasirwa ebibi byaitu.” (Abakorosai 1:14). Obujurizi ibw`amazima obwe byahandiikirwe bushemereire kumanywa omu nsi ahabw`okuburiira engiri e y`ebiro n`ebiro eya Yesu Kristo MUKAMA waitu. Okujunwa kwa Ruhanga tikuri kushangwa mu Kanisa yoona nari omu diini ahakuba tihariho iziina ahansi eryahairwe omuntu okumujuna okwihaho erya Yesu Kristo MUKAMA waitu. Hariho Ruhanga omwe kandi hariho omuterani omwe (1Tim.2:5). Hariho omutonganirizi omwe ori kutunganira ahari ishe itwe (1 Yoh 2:1) kandi omucunguzi omwe. N`obu kyakuhurirwa kubi, ebindi ebyatsigara n`emigyenzo y`ediini etari kuretera bantu kukwatanisa na Ruhanga. Omuntu weena atakutuunga embabazi za Ruhanga, oksasirwa ebibi, okuhikiriira kandi n`okwihwaho orubanja, hamwe n`okuzarwa obwakabiri omuntu ogwotaine kakwate n`akakye na Ruhanga kureka okukwatanisa n`Ekanisa hamwe n`oburyarya bwaayo obwe behamiize aha abantu hamwe n`oburyarya bwabo. Obutumwa bwonka obw`amazima, obutumwa obw`obwa Ruhanga ti buri butumwa bw`Ekanisa, ti buri butumwa bw`abakuru b`ediini, kureka n`engiri ya Yesu Kristo MUKAMA waitu Otahwaho kandi eshemereire kuburirwa nk`obuhame omu mahanga goona obwe emperu etakahikire. Ekyo kikaragurwaho na MUKAMA waitu (Mat. 24:14; Okush. 14:6; n`ahandi).

Hati tuze aha nshonga eyakana. Abayudaaya kuruga omuri Gaaza kikaba kiri ekintu ky`obusaasi ahari bo n`obu abegyesa b`ebiragiro (Rabiis) bagyerizeho okushagika ekiragiro kya Ruhanga nk`oku Musa yaakitungire kandi bakarwanira Sinagoogi zaabo. Ebyaaro birikwinga 21 bikagyemwa bikarugwamu n`amaani g`amahe. Okurugirira omu byahandiikirwe, ekyanga kya Gaaza ti kirahindukire ekicweka ky`ensi eyaraganisiibwe, ahabw`okuba kikaba kitatwirwemu ba Israeli omu biro bya Joshua. Ekyanga kya Gaaza nikiija kuterwa amaani g`ekinyamahe nikwo bwanyima eturwemu oruganda rwa Yuda “Ahabw`okuba Gaaza eryatsigwaho, Ashikelooni ehindukye amatongo, Ab`omuri Ashidoodi babingwe omu ihangwe, na Ekurooni erandurwe. Imwe ihanga ry`Abakeresi `mwe, Abatwire aha rubaju rw`enyana, muryakareeba! Imwe Abanyakaani, ensi y`Abafilistia, Ekigambo kya MUKAMA kiryabarwanisa. Ndyabacwekyereza okuhitsya obu hatarigira Mutuuzi weena owaatsigaraho. Kandi ezo mbaju z`enyanja ziryaba amariisizo, Amaka g`abariisa n`ag`amasyo g`entaama, Zibe ez`ab`enju ya Yuda…” (Zef. 2:4-7).

Obunabi obu butakahikiriire  kandi n`okucwekye kutakabireho, aba Israeli kuruga Gaaza kukaba kushemereire kubaho ngu nabo batakabarirwa ekifubiro ekyabaire kyaragwiirwe ahari Gaaza. Obwe aba Israeli batuure omu myanya ei Ruhanga yabatereireho emyatano, obwe nibwo eki Ruhanga Yatebekaniise kirateebwe omu nkora. Obu nibwo bwiire bwabo boona abari kushangwa omu Kanisa ya Ruhanga ohuriire kugarurwa omu buteeka bwa Ruhanga bw`okujuna kandi baruge n`omu bintu byoona ebitiine kakwaate na Baibuli. Omu biro bya Joshua Ruhanga akahikiriza endagaano ei yabiire ahiire Aburahamu. “Omwanya gwona ogu muriribatamu, ngubahaire, nk`oku naagambiire Musa” (Yosh. 1:3). Ab`Israeli kukubuura ensi eyaraganisiibwe bukaba buri obusinguzi bw`amaani kandi kukaba kuri okwesiima kuhango. Ekigambo ky`endagaano kikaba kiri omu shandukye y`endagaano, eyegwirwe abanyamurwa (priests). Iraka ry`enzaamba rikahurirwa, omgyera Yorudaani gwayebaganisamu, ebisiika bya Yeriko byakumbagara. Eizooba n`okwezi byaguma byemereire omu myanya yabyo okumara izooba ryoona, okuhitsya obu obusinguzi bwa Ruhanga bwarebekire. Eky`obusaasi obwe nibwo ekintu ekyokucwa entegye kyatandikire, ahakuba omu biro bya Yoshua bakaba batakubwire kyanga kya Gaaza. Akacweka ako katsigariinwe n`abazigu ba Israeli kandi kyaguma kiri ekyomugisha mubi kandi enkongi eri kuteeza ensibo ahari Israeli n`okuhitsya hati. Samusooni niwe yabandize kureeba oburyarya bw`aba Filistita omuri Gaaza (Abaramuzi 13-16). 

Okuraganisibwa kwa Ruhanga n`ekintu ky`omuhendo kwonka oshemereire kubanja n`obumanzi hamwe n`okwikiriza kandi nikyo kishemereire kuba naha bikiriza b`endagaano enstya. Okuraganisibwa kwa Ruhanga kwoona ni “Eego” hamwe na “Amiina” omuri Kristo, kwonka nk`oku kihandikirwe, “… omuriitwe” (2 Cor. 1:20). Abaikiriza bashemereire kubanja buri kyona ekyaraganisiibwe kandi basingure omuzigu embaju zoona. Ekiri kuturema kubanja nikiguma omu mikono y`omuzigu kandi ebyo bicweka ebirasigare bitasingwirwe niho muzigu ari kwiija kuraba kututahirira. Okwikiriza nibwo businguzi kandi tushemereire kubworeka turi kubanja ebi Ruhanga yaaturaganiise.

Omuri Yoshua 13 nitushoma “… kwonka hakitsigaireyo ensi mpango munonga eshemereire kukubuurwa. Ensi ekitsigaire n`egi; ebyanga byona eby`Abfilistia …” kandi Gaza, Ashidoodi, Ashkelooni nibigambwaho, okuhika Afeki omumateemba, ensi y`abafilistia omu byafaayo ni kilomita 43 okwingana na Gaza ey`obwiire obu. Nabwo ekaba yagambirweho aha bikwatireine na Abrahamu, owatwiireho akanya kakye omuri Gerari (Okut.20) na Isaaka wenka akaturayokandi baguma n`omugabe wabafilistia Abimeleki (Okut. 26)

Omu kitabo kyabaramuzi eshuura ya 2 nitushangamu ishomo rikuru munonga eriri kugamba aha kuhikirira kw`okuraganisa kwa Ruhanga. Ku bakubishaba n`okwikiriza, abazigu nibasingurwa. Okuraganisibwa kwaremwa kuhikririra, omuzigu agumaho kandi anyangaraza amagara gaitu. Eryo ni ishomo rikuru munonga aha bikiriza b`endagaano entsya. Kandi n`ekyomugasho: ebyo byonka ebi turi kushaba Ruhanga haza Ruhanga akatuyamba nigwo mugabo gwaitu, twemerere aha byaraganisiibwe eby`omwoyo n`ebyomubiri twabishaba Ruhanga hatariho kubanganisa nabituha. Buri kintu kyona ekitarikwija omu kukundwa kwa Ruhanga buri nikuba kuri okwohebwa. OKU NIKWO MUKAMA ARI KUGAMBA, “Nkabaiha Misiri, naabareeta omu nsi ei naarahiire kuha baashwenkuriimwe, ningira nti: Tindiita ndagaano yangye ei naaragaine naimwe; kandi naimwe mutariragaana endagaano n`abatwire omu nsi egi; kureka murysheenya amatambiro gaabo. Kwonka timuroorobeire kiragiro kyangye. N`enki ekyabareeteire kukora mutyo? Naanye nikyo ndikugirira nti, Tindibabinga mu maisho gaa nyu; kureka baryaba nk`amahwa omu mbaju zaanyu, na baaruhanga baabo bababeere emitego.” (eny 1-5). Ruhanga naguma ari omwetsigwa tari kubaasa kwita endagaano, tari kubaasa kuremwa kuhikiriza eki yaraganiise. N`ahabw`ekyo kikahandiikwa, “Omu bigambo byona ebirungi ebi MUKAMA yaagambiire ab`enju y`Abaisraeli, tihariho na kimwe ekyabuzire; byona bikaba kwo” (Yosh.21:45)

kani nikwo kiri n`omukanisa y`endagaano ensya. Ruhanga akaragaana endagaano ensya okurabira omu shagama y`omwana gw`entaama. Ruhanga tarihenda ndagaano ye ebiro n`ebiro; Okuraganisa kwa Ruhanga kuri “Eego” na “Amiina”. Tushemereire kushaba okuraganisibwa kwaitu n`okwikiriza hatariho ekyokwekwaasa kyona nikwo kube okuhuriire ahari itwe. Ruhanga akaba atari Kwenda abaana ba Israeli kwejwanzya n`abandi baturagye ababiire batwiire omu nsi egyo kandi atarikwenda ngu aba Israeli beunise amatambiro gaabo kutamba ebitambo. Ruhanga akaba nayeenda abantu be okuba omu nsi ye, aha butaka obu yabaraganiise kandi babe niwe bahereeza wenka. Omwanya ogu abaana ba Israeli bataratwiiremu n`okuraganisibwa oku tutari kushaba kandi tukakutuunga ti kuri kwiija kuturugiramu ebirungi.

Eki nikyo kyabireho ahabw`okuramya ba Ruhanga b`amahanga, “Ahabw`ebyo MUKAMA akaba agirira Abaisraeli ekiniga kingi, agira ati: Abantu aba baitsire endagaano yangye ei naaragaine na baishenkurubo nimbaragiira, kandi tibaahurira iraka ryangye, n`ahabw`ekyo naanye tindigaruka kubinga ihanga ryona omu maisho gaabo ahari ago agaatsigaireho obu Yoshua yaafa, mbone kurengyesa Abaisraeli amahanga ago, ndeebe ku baraabe nibaija kugyendera omu muhanda gwa MUKAMA, nk`oku baishenkurubo baabaire batwaza, naris hi batarikwija kutwaza batyo.” (Abaramuzi 2:20-23). 

Eki turi kweega kuruga omuri eki ni ngu Ruhanga naguma naitwe twashaba okuraganisibwa kwe n`okwikiriza, kandi tukabyerebera itwe twenka. Atakatembire omu iguru MUKAMA akaha okuraganisa okwa maani kandi okw`omugasho ahabw`obuhereza omu kanisa, “Kandi reeba, ninyija kubooherereza eki Tata yaaraganiise; kwonka mugume omu rurembo okuhitsya obu murijwekwa amaani agarikuruga omu iguru.” (Lk. 24:49).

“Ku yaabaire ateeraine nabo, yaabeehanangiriza kutaruga omuri Yerusaalemu, ati: kureka mutegyereze eki Isheboona yaraganiise, eki naabagambiire; ahakuba Yohaana akabatiza n`amaizi, kwonka imwe nimwija kubatizibwa n`Omwoyo Orikwera …” (Ebyak. 1:4-5)

Nk`Ekanisa ya Ruhanga ehuriire twine okuraganisiba okw`amaani kumwe okw`obwiire bwaitu obwe tu kureeba okugaruka kwa Kristo. (Yoh.14) kandi ekikwatireine n`okuraganisibwa oku nitugambirwa ngu Eliya aryabanza kwija okugarura emitima y`abaana ba Ruhanga aha kwikiriza n`aha kwegyesa kw`entumwa aha kutandika. Eki kikaba kishemereire kubaho ekiro kikuru kandi ekiri kutinisa kitakaizire (Malaki 4:5-6). Okuraganisibwa oku ni okw`omugasho na MUKAMA waitu akakigambaho omuri Mat. 17:11 kandi n`omuri Mako 9:12. Ahanyima y`obuhereza bwa Yohaana okuhendera, akagira ati “Yaabagarukamu ati: N`eky`amazima; Eliya aryaija, ashemeze byona” Ti turi kwikiriza omuntu weena kutwihaho okuraganisibwa oku nari kukubangaanisaho. Nitumanya ngu Yohaana Omubatiza akaba aine obuhereza bw`omutaano emyaka enkumi ibiri ehingwiire akaijira omu maani n`omu Mwoyo gwa Eliya. Akaba nahikiriza Isaaya 40:3 na Malaki 3:1. Kandi hati, omu bwiire bw`aha muheru bw`embabazi, ekiro kya MUKAMA kitakabeireho, ensi etakasharirwe rubanja, kandi n`ensi etakokiibwe, omu mazima Ruhanga ayoheriize nabi nk`oku Yaraganiise. Aba Ruhanga nibaija kwikiriza okuraganiisa oku kandi batuungye omugabo omu bi Ruhanga Ariyo nakora omu bwiire obu. Omuntu weena n`obu yakugira ngu n`omwikiria kwonka atarikwiriza ebyaraganisiibwe akabishaba n`okwiriza omuzigu naguma nasingura okuhika aha muheru. Ekigambo kya Ruhanga n`okuraganisa kwe tibishemereire kuvunuurwa kubi, bishemereire kushabwa n`okwikiriza kandi obitungye omu bwijwiire. 

Hati, katube abamazima! Kandi shi obucweka bwingi oburi omu butumwaobw`aha muheru n`eminwa yaabo nibaatura ngu nibikiriza okuraganisa kwa Malaki 4 kandi bagamba n`aha kutwarwa, kwonka omu mazima batatugire okuhikirza kw`okuraganisibwa bo bonka? 

Kandi shi okwetwa kurugayo, okushoroora, okutebekanisa Ekanisa y`omugore? Obutumwa bw`okugarurwa butsya tibwe bushemereire kubanza okugarurwa butsya kutakabeireho? 

Kandi si itwe twenka okwerebera kandi tuketegyereza ebyaturaganisiibwe? 

Kandi shi okutayo okushaba kw`ebyo byona eby`Ekanisa yabaire aine aha kutandika kandi ebyabuzire?

Kandi shi okugyenda na Ruhanga okuri kwikirizana n`Ekigambo kye?

Kandi shi okukunda okuhikire oku omuntu ariba ataine kugira ngu atahe omu kitinisa?

Nikiija kututwarira bwire ki kugira ngu Ekanisa eyahati ebaase kushushwana n`ey`okubanza. 

Nikiza kutwarira bwire ki abaana ba Ruhanga kutegyereza okugarurwa butsya nk`okukwaturaganisiibwe kandi kukatuburirwa okurabira omu butumwa bw`aha muheru?

Hati twaba nitureeba ebi byona nibibaho, titushemereire kwetegyereza ngu ekanaisa y`omujigaijo, abatoreinwe ab`amazima, bashemereire kugira omutima gumwe n`Omwoyo gumwe nk`oku kyabeire kiri aha kutandika?

Tweena titushemereire kuhika aha Byakozirwe-entumwa 2, tukatunga Omwoyo Orikwera Aijwiire – amaani ga Ruhanga – amagara ga Ruhanga? Obwe nibwe ebi Ruhanga yaraganiise byoona birakurateho. Ahakuba OKU NIKWO MUKAMA ARIKUGIRA, “Ti habw`amaani, kandi ti habw`obushoboorozi, kureka n`ahabw`Omwoyo wangye; nikwo MUKAMA ow`amahe arikugira” (Zek:4-6). Ekindi eky`omugasho munoonga n`ekyaraganisiibwe ebyakozirwe entumwa 3 ngu Yesu Kristo aryaguma omu iguru okuhitsya obu ebintu byona biri garurwa butsya, nk`oku Ruhanga yaraganiise kurabira omu minwa y`abanabi be abarikwera okuruga omu kutandika. (oruny. 21)

Kanddi eky`aha muheru, Ekigambo kimwe kandi eky`omugasho munonga ekyagambirwe ow`eishe-emwe Branham, “Reeba ebi Ruhanga yaraganiise omubiri ogu. Oburi hati omubiri gwiine kukora nibyo bimwe, ahabw`okuba omubiri ni – omutwe hamwe n`omubiri biri hamwe. Ekyo kihikire? Kristo ku araabe ari omutwe, akaba ari Kigambo, omubiri gwe gwiine kuba ekintu nikyo kimwe nk`omutwe gwe oku guri (ekyo kihikire?), Ekanisa y`Ekigambo kandi yazairwe Ekigambo, Ekanisa eshugaine ezirwe kuruga omu Kigambo, hati tekiri diini; Ekanisa eshugaine eziirwe kuruga omu Kigambo.” Ow`eishe-emwe Branham akahurira iraka, “Aha niho Mwoyo Yagiriire ati, ‘kwata akacumu.’ Nyine ebindareke bikagyenda kandi nyine ebindakuretere. Nikwe kiri. Obu hati, eki nikyo ndikugyezaho kukugambira, buri kihangirwe nikyezaara (Okut. 1:11). Ebiro ebi ebyabwanyima, Ekanisa ey`omugore ey`amazima eriyo nehika aha mbugiro, neija kuba Ekanisa erikukirayo oburungi oruganda orukukirayo oburungi. Baaba nibiririra kuhika aha mbugiro nibaza kushushwana – bashushwanire kimwe nawe, kandi nabwe nibaza kuba omu kishushwani kye okugira ngu begiite hamwe nawe. Nibaza kuba omwe. Nibaza kuba ekishushwani ky`Ekigambo kya Ruhanga ohuriire.” Eki nakyo MUKAMA akakiraguraho, n`ahabw`ekyo, mukikirize kandi mukishabe n`okwikiriza.

Hati tushemereire kwetegyereza ngu buri kyahandikiirwe kyona, na kyona ekyaraganisiibwe n`akyoona ekyaragwiirwe biriyo nibihikiriira. Ti tutwiire mu biro bya bwanyima kwonka kwihaho ni twirira okuhendera kw`ebiro by`embabazi. Okwiija kwa Yesu Kristo kuri haihi. MUKAMA ogundi omurundi natugambira ati, “Reeba, nabagambira kitakabeireho.” Kandi agaruka agira ati, “kandi ebi ku biritandika kubaho, mureebe ahaiguru, mwimutsye emitwe yaanyu, ahakuba okucungurwa kwanyu kuryaba kuri haihi.” Kandi nagira ati, “Reeba, ninyija juba!” Abo bonka abariba beteekatekire nibo barizayo kandi nibo barikwikiriza ebyaraganisiibwe byoona kandi bakaba ekicweka aha kuhikiriira kwabyo kandi nibo bakuza kytebwaho akamanyiso k`omwoyo owaraganisiibwe (Abaef. 1:1-14).

Ogwe owatumirwe

Ow`eishe-emwe Frank