EBARUHA EMPIKA HOONA - okwakashatu 1983

“Yesu kristo tahinduka, oku abaire ari nyomwazyo n’eri izooba nikwo ari kandi nikwo ariguma ebiro byona.” (Abaheburaayo 13:8)

EBARUHA EMPIKA HOONA okwakashatu 1983

Nindamutsya imwe mwena na rukunddo mpango n`Ekigambo kya Ruhanga ky`omuhendo okuruga omuri zaburi 50:5: “Naagira ati: Muteerane abarikwera bangye, baije ahariinye, Abaaragaine naanye endagaano nibahayo ebitambo.”

Ruhanga Akakora endagaano hamwe n`abantu be omu ndagaano enkuru kandi hamwe n`Ekanisa ye e yendagaano entsya. Omu bwiire obumwe obw`omutaano, akeeta ngu abantu babateranire hamwe. Eki kikabaho ahanyima y`okucungurwa okuruga omuri misiri okurabira omuri Musa kandi hamwe n`obwendagaano yakoreirwe aha rushozi Sinai.

Yoshua akaterana hamwe abantu batakatahire omu nsi eyaraganisiibwe. Nk`oku Ruhanga yabaire Aragiire, abanyamurwa bakaba bari ab`ikwegura eshandukye y`endagaano aha mabega gaabo. Egyo shandukye y`endagaano ekaba erimu Ekigambo kya Ruhanga ahabwa Israeli hamwe n`ebyaraganisiibwe byoona ebyabaire nibiza kuhikiriira omu bwiire obwo. 

Nabi Eliya akateranira abantu hamwe aha rushozi Karumeri, ahu Ruhanga Yagarukisemu omuriro kandi kikaretera abantu kukora encwamu erikurigira kimwe omunda y`emitima y`abantu be.

Omu ky`ebiragiro 4:10, Musa akijusya abaana ba Israeli eki Ruhanga yabaire yabaragiire: “Nteranira hamwe abantu” kandi omu runyiriri rwa 13 akahanangiriza ekigyendererwa ky`okweteranira hamwe. “Akabamanyisa endagaano ye”. MUKAMA akabanza kushuruurira Musa ekyabeire nikiza kubaho. Musa akabamanyisa Ekigambo ky`endagaano eki yaatungire okurugira kimwe owa MUKAMA obwe ari kukimanyisa abantu b`endagaano. Akabaasa kurebera ensi hare kwonka tarikirizibwe kugitahamu. N`obu kiraabe kyabaire kityo, abantu b`endaano bo bakagitahamu kandi babaasa n`okureeba okuhikiriira kw`ebiruhanga yabaire yabaraganiise byoona.

Ruhanga ku aragiira ngu bamuteranira hamwe abantu be, aba aine ekintu kitari kya burijo eki arikwenda kukora. Okurugirira kimwe omukwezi kwa ikumi n`ebiri ebiro 28, 1982 mabasize kwetegyereza okukira oku nabiire n`etegyerize ngu obu hati Ruhanga ariyo nayeta abantu be ab`endagaano entsya kweteraana hamwe ahabw`omurundi gw`aha muheru, ahabw`okuba aine ekigyendererwa kyokugira eki yakora ekitari kya buriijo. Eki MUKAMA yangambiire omu kasheeshe k`eryo izooba omu iraka ruhango eriri kwikirizana na Baibuli kandi n`ebiriho hati hatariho n`akakye akashobiremu. “Nteranira hamwe abantu bangye baije ahindi abu nakozire nabo endagaano ahabw`ekitaambo”! Nkngaranisiibwe n`eiraka eriri kuruga ahaiguru aha Mukono gwa buryo, nkaranzya bumosho nareeba aha shaaha ziri shaaha 10 n`edakiika 13. Aga nigo mazima agari kukirayo kandi nagaruka namanyisibwa busya obujunanizibwa bwangye okugumizamu kukora obwesigwa n`obuhereza okuhikira kimwe aha muheru.

Nihetengwa abantu babiri kugira ngu endagaano ebase kukorwa. Ruhanga akakora naitwe endagaano etahwaho ahari Karivariyo omuri MUKAMA waitu kandi omujuni waitu Yesu Kristo, kwonka, buri omwe aine kwikiriza endagaano egi na Ruhanga. “Eego” yaitu nerebekyera omu muntu yahindukira Yesu Kristo, owabambirwe. Ogwe weena ori kwikiriza ngu Ruhanga aretsire eitambo ekihikire ahabw`ebibi omuri Kristo nabaasa kuba owe. N`obu kiraabe kiri kityo, kandi nk`oku nikwe kituura n`ekirikwetengyesibwa munoonga okukurata iraka rya Ruhanga. Abantu bashemereire kukwatanisiza hamwe okugira ngu babase kuhurira Ekigambo kya Ruhanga ekishuurwirwe nk`oku kyarugire omu kanwe ke. Okurabira omu kwebemberwa Omwoyo Orikwera honkaobwe nibwe hari kubaasa kubaho obumwe rwagati y`abantu be okugira ngu tubanze twahuri eki Ruhanga ari kugamba omurundi gw`aha muheru okugira ngu tubaase kwetegyereza okukora kwa Ruhanga omuri itwe okw`aha muheru.

Yakobo akeeta abaana be yabagambira ebyabeireho enyima kandi yagaruka yabamanyisa n`emigisha y`obunabi e y`omubiro by`omumaisho. Akagira ati: “Bwanyima Yakobo yayeeta abatabani, yaagira ati: Mweteerane hamwe, mbahanuurire ebiribaho omu biro by`omumaisho.” (Okut. 49:1). Yakobo akakora nka nabi. Akaba atari kuronda kitinisa kye nk`omuntu hamwe n`okuteraniira hamwe n`abantu okugira ngu abase kubagana nabo ebitekyerezo bye nk`omuntu – akaba ari omuntu ou amagara ge gabiire nigorobera Ekigambo ky`obunabi kandi obwe ari ahansi y`obwebembezi bw`Omwoyo Orikwera. Baanabi boona abu Ekigambo kya Ruhanga kyabaire kijaho bakaba bebemberwa Omwoyo Orikwera. Omu muringo nigwo gumwe, abaikiriza boona abari kuhurira Ekigambo kya Ruhanga ekishuurwiirwe bashemereire kworobera obwebembezi bw`Omwoyo Orikwera.

Ruhanga ataha nayeta abo bonka abu yayeheriire omugabo aha ntebekanisa ye ey`okujuna “mweterane hamwe mbagmbire eki Ruhanga angabiire.” Egi niyo nshonga erikukirayo obukuru. Okutumwa kwa Ruhanga, hamwe n`eiraka rya Ruhanga bishemereire kubanza kuhurirwa tutakakozire kintu kyona omu iziina rye. Yakobo akaba ari omugurutsi, n`amaisho ge gagireho oruho kwonka omu mwoyo akarindira kimwe okworekwa kwe kw`obunabi okuhikira kimwe aha muheru. Enaama ekaba erimuokugira ngu akaba yatungire obukuru obwo arikutunga obushoboroozi bw`obuhunguzi kandi n`emigisha. Kandi nikwo kiri n`ahabari kwikiriza boona. Hati obwiire obu baine obukuru n`obushoboorozi kuhungura emigisha yoona eyaraganisiibwe okuruga ahari Ruhanga. Okufukaana na Ruhanga kwa Yakoo kukashashura byoona: izooba rikamutungukiraho hatandika erindi izooba kandi okumarira kwe kwaba okwekitiinisa. Aha muheru gw`okwiruka kwaito kw`empaka nitwija kugamba ekyo kyonka eki Ruhanga akozire omu magara gaitu kandi nitwiija kuheebwa ekirunga ky`amagara.

N`ahabw`ekyo, tihakiriho mpaka zoona, envunuura mbi, hamwe n`okugira ngu hariho ebiri kuhabisa – okwihaho ekintu kimwe kyonka – “nteranira hamwe abantu bangye baije ahari nye” Niyo nshonga nkuru. Eiraka eririyo niryeta nirihurirwa ahaiguru kandi niryetegyerezibwa. Tihariho n`omwe oshemereire kuba naryehuzya okwihaho ashemereire kumanya ngu Ruhanga tarikwenda kuteranira hamwe abantu aha muntu weena nari aha nyegyesa yoona. Nayeenda ngu itwe tweena twije ahari we ahabw`okuba akakoora naabe endagaano aha musharaba Karivariyo. Ruhanga takigumizamu kureka abantu be kworobera okukunda okuri omu bitekyerezo by`abantu, okwihaho ahatari kiri kuremesa kyona ariyo nabanja obusyo obu yayenguriire n`eshagama ye. Narebereera obusyo bwe nk`omuriisa omurungi owahireyo amagara ge ahabw`entaama. N`eraka erya maani ariyo nayeeta: “reka abantu bangye, bagyende bampereze”!

Obwiire bw`okuhiriza ebyaraganisiibwe bukahikiriira omu biro bya Musa. Ekyaraganisiibwe Abrahamukikahikirira ahanyima y`emyaka 430 “MUKAMA yaagambira Musa ati: Noogira ngu omukono gwa MUKAMA gubaire mugufu? Mbwenu noija kureeba Ekigambo kyangye ku kiraabe nikiija kuhikiriira ahabwawe nari kitarikwija kubakwo” Oh, Ruhanga n`omwesigwa! Nitwiija kureeba kandi tumanye okuhikiriira kw`Ekigambo kye. Musa akatumwa Ruhanga kuteranira hamwe abantu kandi akabebembera kuza kuhereza Ruhanga kandi hatari kuhenderera omu buhuuku bw`ediini ogundi murundi. Okubanza, Musa na Aroni bakagiraho okuhajaana kuriingwa na Faraho. Eby`okutangaaza n`obumanyiso eby`amaani bikabaho, kwonka omutima gwa Faraho gwaguma gugangiire. Okucungurwa kw`abantu ba Ruhanga kukaba ni kubaasa kubaho Israeli yoona yayorobera ebi Ruhanga yabaire aragiriire; obwe bitsire omwana gw`entaama kandi bakasiiga eshagama aha nyigi zaabo. Okuhajaana kukahendera. Israeli yoona ekacungurwa kandi tihariho kyona ekyatsigeire kitacungwiirwe.

Omu bwiire obu abantu ba Ruhanga bari kushaba n`okwiriza kandi bakaheebwa okujuna okwijwiire hamwe n`eshagama y`endagaano ensya, tihariho muntu n`omwe ow`omu mubiri gwa Yesu ori kuza kutsigara enyima, kwihaho boona nibaza kuguma nibeyongyera kutunga obusinguzi kandi aha muheru gwa byoona, batahe omu nsi eyaraganisiibwe.

Aha rushozi Sinai Musa akaba aine kweeta abakuru hamwe. Reero Ruhanga Yashuma aha rushozi, yacwanuura aha Mwoyo owabaire ahari Musa yaguta aha bakuru ababaire bari aho. N`ahabw`ekyo, obwengye obwarugire omu iguru bukaza ahari nabi Musa hamwe n`aha bakuru bari kubagana obujunanizibwa babusya omu bantu boona. Egi niyo ntwaza ya Baibuli. Musa na boona ababiire batumirwe bakebemberwa Omwoyo Omwe kandi bakaba baine Ekigambo kimwe n`ekigedererwa kimwe. Boona abamugomiire bakafa. Ruhanga takahinduraga ntwaza ye hamwe n`enkora ye. Omwoyo owabiire ari aha Kristo, ari aha baanabi, entumwa kandi n`aha ntumwa y`okumariira y`Ekanisa, obu hati ari ahari abo boona abarikuza kureeba emariira okurabira omubuhereza bw`aha muheru. Ogwe nigwo muringo gwonka ogw`okuhamya okwikirizana na Ruhanga, n`Ekigambo kye, hamwe n`okwikirizana ahagati y`abantu be.

Omu biro bya Musa, Omwoyo akaba nakora n`amaani okuhitsya obu Yoshua yagambiire ahaiguru ati: “Mukama wangye Musa, bazibire. Musa yamugarukamu ati: Waagira eihari ahabwangye? Nkaabaasibwa ki abantu ba MUKAMA abaha omwoyo gwe” (Okub 11:28-29). N`enki ekyabeireho aha kiro kya Pentekooti? Boona bakaba bateranira omu mwoyo gumwe reero Omwoyo wa Kristo yaija aha ntumwa, na boona ababiire bari omu mwanya ogwe kandi hamwe n`ahakanisa y`endagaano ensya yoona.

Obu hati, aha kumaririra tutegyereize okugarurwa busya kwoona kandi hamwe n`okushukwaho kw`omwoyo okw`amaani. Obwe reero, Ekanisa neija kuhindurwa eze omu mbeera y`okubaasa kuhikiriza okutumwa kw`okumaririira ahabw`ekitinisa kya MUKAMA. Niwe wenka ori kgamba naitwe buri kintu kyona ekiri kwetwa ngu n`ekitu kishemereire kuhunamisibwa. Tarikugamba kurabira omu bitekyerezo byaitu, okwihaho nagamba kurabira omu Kigambo kye eky`obunabi ekishuurirwe kand ieki ataireho amaisho okugira ngu ahikirize. Omukono gwe ti gukabiire mugufu kandi niguza kureeba Ekigambo kye nikihikirira omuri obu bwiire.