OHIA VẸ́ KỌLILẸWÁ ETỌN TỌN
He yín didọ to otò Jeffersonville- Indiana
To owhè 23 juin 1963 mẹ, to whèjai.

Mì gbọ mí ni ṣite bo dẹ́ ota mítọn lẹ dó odò to ṣẹju pẹ̀vi de mẹ na odẹ̀. Otọ́ mítọn he tin to olọn mẹ, mí dopẹ na We na núhe nukun mítọn ko mọ lẹpo, podọ onú he otó mítọn lẹ ko sè. Mí sọ dọnudo We, Oklunọ, na to egbé mí yọ́nẹn dọ Hiẹ wẹ Jiwheyẹwhe Jehova daho dopolọ, he A ko nọ yín bo sọ to mọ yín zọnmi.

Mí dọnudo We na Jesu Klisti mẹhẹ hẹn bọawú na mí nado biọ pọninọ̀ wiwé Etọn mẹ gbọn Ohùn homẹvọnọ Etọn tọn he É sọ̀ndai dali. Gbọn avọ́sinsán Ohùn lọ tọn dali, mí lẹzùn visunnu po viyọnnu Jiwheyẹwhe tọn lẹ po to egbé. Núhe mí ná wá yín ma ko sọawúhia to dinvie gba, ṣigba mí yọ́nẹn dọ mí na tin di Ewlọsu, na mí na mọ Ẹn kẹdẹdi lé É te. Otọ́ e, e ko pé mí nugbonugbo nado taidi Ewlọsu podọ nado sọawúhia to ninọ̀mẹ apajlẹ Etọn tọn mẹ.

Otọ́, mí ma jlo nado kọ̀ndopọ po onú aihọn he tọn lẹ po to ojlẹ he mẹ gba, ṣigba mí jlo na yín didiọ gbọn yọ́yọ́jẹ gbigbọ mítọn tọn dali podọ gbọn Gbigbọ Wiwé dali, na Ewọ ṣokẹdẹ nido sọgan pénukun ogbẹ̀ mítọn lẹ go, nado plán mí podọ nado hlẹali mí to azán he pò na mí to aigba he ji, podọ na mí nido doyẹyigona Oyín towe gigonọ. 

Mí dopẹna We na onú nẹ lẹpo tọn wutu. Podọ to todidó mẹ, mí jlo nọ̀hẹmẹ Towe to whèjai he kẹdẹdi lé mí ko plidopọ to ofi do, mí sọ yíse dọ Hiẹ na nọ̀hẹ mí kẹdẹdi lé A ko dopagbè na mí do. To Oyín Jesu Klisti tọn mẹ. Niṣẹ. Mì sinai.

Yẹn yise dọ David wẹ dọ, dọmọ: “ Yẹn yín homẹhunnọ whenuena yé dọ hlan mi dọ gbọ mí ni yì ohọ̀ Oklunọ tọn mẹ”. Mí yín homẹhunnọ nugbonugbo nado tin to ofi to whèjai he, po ojlọjẹ daho de po nado tin to ofi, podọ nado pego bo dọhó hẹ mì. Yẹn to kasẹti delẹ basi. Enẹwutu yẹn pọ́n hlan godo lẹ́do ohọ̀ he mẹ nado mọ eyín nọvisunnu lẹ to yíyí onú he mí to didọ lẹ, mọwẹ to dinvie, yé to yíyí. E yọ́n. Onú he wutu e do yín mọ, wẹ yín dọ yẹn ko dọ dọmọ, owẹn he mí na sẹ́do lẹ dóna yín yíyí do núji sọn ofi, to Gohọ̀ he mẹ.

Dinvie, yẹn jlo na dọhó de do gbọn núhe jọ̀ to afọnnu he tọn dali. To egbè to whèjai godo whenuena mí to awuwle nado dotana opli afọnnu he tọn, nújijọ de jọ. E sọgan yín dọ mẹdelẹ to mì mẹ ma tin to ofi bo ma sọ sè dogbọn onú lọ tọn dali. Yẹn tin to agbà lọ mẹ bo to fifó opli lọ, bo to pinpọ́n nọvisunnu de he to alọ do alọ mẹ na omẹ lẹ. He yín nọvisunnu Way. Asi etọn yín dotò he dó diplomu he yè hiajẹ de.

Devizọ́nwatọ Jiwheyẹwhe tọn wẹ nọvisunnu Way he tindo azọ́n de to aihọn mẹ. Ṣigba to owhè delẹ mẹ é tindo oylọ́ devizọ́nwiwà tọn to ayiha etọn mẹ. É mọdona dọ eyín pinplán gbọn Jiwheyẹwhe dali wá otẹn he mẹ, bo na nọte to azọ́n he mẹ kaka é na do mọ gbèdide lọ podọ nado yì wà devizọ́n lọ. Yẹn tindo ojlọjẹ nado dọhó hẹ ẹ podọ hẹ asi etọn to azán delẹ mẹ wá yì.

To afọnnu he, nado yígbè dọ yẹn tindo onú sinawu de, yẹn dọhó dogbọn nọvisunnu Way tọn dali he tindo onú sinawu de ga. To nugbo de mẹ, mọwẹ e te na omẹ popo. To ojlẹ de mẹ, nọvisunnu Way jẹ̀ awútù ahúnmẹ tọn bo sọ jayi bo kú. Yẹn mọ asi etọn to ojlẹ nẹ mẹ. Yẹn sọ dọ̀nsẹpọ omẹ susu he pọ̀ kúkú…

Yẹn yinwanna, nado pà Jesu Klisti po huhlọn Etọn po. Enẹwutu, yẹn yise dọ yè ma do na pà Ẹ na onú he É ma wà de tọn wutu gba. Ṣigba yẹn ko mọ whlasusu dọ Jesu Klisti fọ́n oṣiọ lẹ do ogbẹ̀, po dohia dotò lẹ tọn po. 

Na pọ́ndego de, yẹn basi opli de to ohọ daho yinyọ́nẹn de mẹ to (Connecticut). To agbà lọ kọ̀n dotò he yè nọ ylọ dọ Barten, dotò yisenọ de tin po yẹn po to finẹ podọ yisenọ yọnnu he yẹn yọ́nẹn de. Yọnnu adọkunnọ de wẹ bo sọ yọ́nwhànpẹ to nukunta. É sinai to amiọnlọ ṣie mẹ. Yẹn payi yọnnu lọ go whenuena yẹn to odẹ̀ho, ajiji…

Whenuena omẹ de kú to awubibọ mẹ, yè sọgan sunukun nẹ; ṣigba eyín omẹ de kú to asidan mẹ, whenuena ahún omẹ lọ tọn doalọte, nukun etọn lẹ nọ lẹ́ bọ wéwé lọ nọ sọawúhia. Onú enẹ wẹ yẹn payi e go whenuena é fẹ̀ yì dò. To awúyiya de mẹ yè ylọ dotò Barten, he do wèzún wá bo zé yọnnu lọ bo ṣite gún, bo to ota mimi, bo zé alọ etọn do yọnnu lọ ji bo sọ zé otó etọn do ahún etọn ji. Yọnnu lọ sọ kú. Yọnnu lọ sọ jai do aigba, oviyọnnu etọn sọ dawhá, opli lọ sọ doalọte… Yẹn gbẹ́ sọ to nukọn yì na yẹn ma mọ ohó de yí sọn Oklunọ de dogbọn yọnnu lọ tọn dali. Yẹn gbẹ́ sọ to nukọn yì.

Mẹde sọ dọ yè ni ylọ nọvisunnu Branham wá. Yèdọ: “Mí ma jlo na ylọ ẹ sọn odẹ̀ mẹ gba, na é tin to wuntùntùn gbigbọ lẹ tọn mẹ. Mì gbọ na mí ni ylọ Branham pẹvi lọ”. Enẹ wẹ Billy. Ṣigba, na yọnnu lọ ko yín oṣiọ, é ma sọ jlo na…

Do ayi e go, gbẹtọ lẹ ṣẹ̀ ayipa dọ mẹde kú. Ṣogan núde ma pò hú wémapo pẹvi de! Nugbọnvo devo de ma sọ pò to finẹ. Omẹ lọ ma sọ pò to finẹ: é ko juyì ofi devo. Whenenu wẹ é to budi nado dọ̀nsẹpọ yọnnu lọ na é ko yín oṣiọ wutu.

Podọ to afọdoponẹji Gbigbọ Wiwé dọhó hlan mi. Whenẹnu wẹ yẹn lẹ́, bo jẹte sọn agbà lọji nado pannukọn yọnnu lọ. Whenuena yẹn to zọnlinzin jei fie oṣiọ yọnnu lọ tọn te wẹ Gbigbọ Wiwé dọhó hlan mi; bọ yẹn sọ gblọn bo dọ “Malia”! Yọnnu lọ sọ yígbè dọ: “Nọvisunnu Branham!” mọwẹ yọnnu lọ sọ fọ́n do ogbẹ̀! Yọnnu lọ ma ko yọ́n mí dai gba, na tintan wẹ é wá opli he tó. 

To owhè ẹnẹ kavi atọ́n godo yẹn dọhó to whẹ̀họ̀sa he yè nọ ylọ dọ Shawano tọn. Gbẹtọ susu tin to finẹ ehe yín plipli omẹ Luther tọn lẹ tọn, agùn yinyọ́nẹn Luther mẹ lẹ tọn he tin to finẹ…Yẹn ma flin oyín etọn. Ehe yín agùn daho Luther mẹ lẹ tọn to Amẹlika. Amẹlika yín otò dagbe de na Luther mẹ lẹ! Podọ gbẹtọ owhè kanwe mẹho de tin to finẹ, po asi etọn po. Whenuena yẹn to ohódọ, yẹn payi e go dọ ota dawe lọ tọn ṣẹ̀hihọ́ yì godo dolé; alọ etọn lẹ po ewlọsu po to hihọ́ jẹdò: Bo sọ yín oṣiọ! to aisinu he ji é sinai do. Asi etọn sọ dawhá: “Mì wá gọ alọ na mi! Mì wá gọalọ na mi!”

Yẹn sọ pọ́n hlan bo dọmọ: “Mì nọ̀ otẹn mìtọn lẹ mẹ! Bo nọ̀ abọẹ!” Be mì mọdona? Yẹn to otó do Oklunọ nado sè ohó de. Yẹn to awuwle na dè nado ylọ omẹ lẹ wá agbà kọ̀n, to asiko nẹ mẹ gê wẹ Satani jlo nado dó é de hia. Bé mì nọ payi e go onú he nọ jọ whenuena mì yín yíylọ wá agbà kọ̀n? Yọpọ lẹ nọ ṣẹ̀ awhádó po onú mọtọnhunkọ lẹ po. Satani wẹ! Mì he to gbigbọ mẹ lẹ, mì mọdona.

Oklunọ sọ dọ oyín dawe lọ tọn na mi. Yẹn dawhá ylọ ẹ, dawe lọ sọ gọ̀wá ogbẹ̀ ma tin onú de!

Whlasusu wẹ yẹn mọ Oklunọ Jesu fọ́n oṣiọ lẹ do ogbẹ̀. Yọpọvu otò Mexico tọn tọn kú to afọnnu to ogàn ṣinẹnnẹ mẹ, é sọ gọ̀ wá ogbẹ̀ to gblagbla ogàn ao po ogàn widopo zanmẹ tọn po mẹ. Yẹn tindo kunnudewéma dotò lọ tọn he dohia dọ yọpọvu lọ yín oṣiọ to azọ́nhọ̀sa etọn to ogàn ṣinẹnnẹ mẹ to afọnnu nẹ. Yẹn yise dọ ahùnmẹzọ̀n wẹ. Dilé yẹn yọ́nẹn do, yọpọvu lọ gbẹ́ pò to ogbẹ̀ jẹ egbé. Onújijọ he jọ to nukun gbẹtọ fọtọ́n donù kande tọn mẹ!

To afọnnu he, yẹn payi nọvisunnu mítọn Way he nọ̀ mí ṣẹnṣẹn go. É tin to ote whenuena mí to ohàn he yín “ Gigo! Gigo! Aléluya!” tọn ji bo sọ to alọ do alọ mẹ na mínọzo lẹ. Yẹn mọ ẹn whenuena ogá lọ jẹ é go bọ ota etọn ṣẹ̀hihọ́ yì godo. Nọvisunnu Way ma yín mẹhe na tin to awukúzọ̀n mẹ. Yẹn mọ ẹn bọ é jayi yì godo: yẹn mọ asi etọn he yín dotò ahọlu tọn, ṣite gún. Yọnnu lọ sọ ṣẹ̀ awhádó whenuena é ṣite gún.

Nọviyọnnu Nash, nọviyọnnu whẹkànnọ he wá mí de, po omẹ devo he wá lẹpo. Asi Way tọn sọ ylọ mi na yẹn nido wá asú etọn de. Ṣigba yẹn dọmọ: “Mì omẹ po ni nọ̀ otẹn mìtọn lẹ mẹ abọẹ fie mì te!” Mì wà núwiwà mọtọnhunkọ lẹ to ninọ̀mẹ he mẹ gbède blo! Enẹlọ wẹ Satani to dindin. Mì nọte gún bo pọ́n onú he Oklunọ na dọ. Yín eyín omẹ de to aliho ji nado biọ gigo mẹ, onú he dóna jọ do mí omẹ pó ji kavi devo, na otẹn dagbe de ma sọ tin hú agùn na enẹ! Mì mọ, bibiọ ohọ Oklunọ tọn mẹ…

Ṣigba nọvisunnu he sọ họ́yì godo. Yẹn lẹndọ é tin to madogan mẹ taidi onú mọtọnhunkọ de, ṣigba yẹn mọ ota etọn họ́yì godo podọ to nukun etọn ji mí ma mọ núde hú nukun wéwé lọ! Mí ma sọgan ná apajlẹ de dogbọn nukun lọ tọn dali. Nukun yín didiọ whenuena ahùnmẹ etọn doalọte. Yẹn jẹte sọn agbà lọ ji. Omẹ he tindo owanyin de wá bo zé onú de do ota etọn go. Ṣigba afọ etọn lẹ, po alọ etọn lẹ po podọ ofi he pò lẹ po ko yín dindlẹn. Nukunmẹ etọn sọ diọ zun yù podọ vẹ́ taidi awù ṣie, nukun etọn sọ lẹ́. Yẹn yọ́n onú he nọ gbọ̀ ahùnmẹzọ̀n. Yẹn yọ́n lé e nọ jọ do. Yẹn sọ hẹn é go gún; omẹ de ma sọ pò to agbà lọ mẹ. Asi etọn he yín dotò ahọlu tọn, lọsu sọ hẹn é go gún: onú de ma sọ pò to finẹ.

To azán he wá yì mẹ, yẹn mọ nọvisunnu Way to ohúkàn odẹ̀ wuntùntùn tọn ji bọ yẹn mọ é tindo ahùnmẹzọ̀n. Enẹwutu wẹ yẹn do dọ hlan dè dọ: “Ahùnmẹzọ̀n wẹ.” Whenẹnu wẹ yẹn zé alọ ṣie lẹ do é ji bo dọmọ: “Jiwheyẹwhe ṣie! to Oyín Jesu Klisti tọn mẹ yẹn gọ̀ alindọn nọvisunnu ṣie tọn ylọ wá ogbẹ̀!” To Jiwheyẹwhe Jehova nukọn podọ to Biblu he nukọn, yẹn to didóhia dọ whenuena yẹn zé alọ ṣie do ahùn etọn ji (Yẹn sọ yọ́nẹn dọ yẹn na whèdọ to owhẹ̀dazángbe eyín lalo wẹ yẹn to didó), yẹn sè ahùn etọn to hihò bléblé whla atọ́n kavi ṣidopo dolé: gboun, gboun, gboun, gboun, gboun … enẹ godo é sọ gọ̀ wá ninọ̀mẹ etọn: gboun-gboun-gboun-gboun!

É tẹnpọ́n nado kẹ̀ onù etọn bo dawhá di omẹ he osìn to sisa gbọn olan etọn mẹ. Vivọnu, é dọmọ: “Nọvisunnu Branham!” Podọ é sọ dó ojlo nado gọ̀ amlọn dọ̀. Yẹn sọ dọngban ojlẹ pẹvide bo pọ́n ahùn etọn: e to hiho dolé e jẹ do. Yẹn to pinpọ́n ẹn: é lẹ́ nukunmẹ etọn pannukọn mi. É taidi omẹ he to amlọn gọ̀ sa. É masọ yọ́n ofi he é te ba. Ṣigba ahùn etọn to hihò dolé e jẹ do: Jiwheyẹwhe gọ̀ ẹ wá ogbẹ̀.

Dinvie, yẹn dọ ehe nado dóyẹyigona Jesu Klisti he yín Jiwheyẹwhe dopolọ podọ kakadoi. Whenuena yẹn to yẹwhehódọ, yẹn dọhó do azọ́n ṣie ji dindẹn, to didọ dọ agbọpe mi. Onú awe sọgan jọ. Kavi agbọpe nọvsunnu lọ, kavi whenuena yẹn dọhó onú sinawu lẹ tọn. Yẹn ma dọ ehe nado dotukla nọvisunnu ṣie gba, ṣigba nado yígbè dọ yẹn lọsu tindo onú sinawu de ga. Yẹn lẹn dọ eyín yẹn tlẹ kanbiọ mì to whèjai he dọ: “Mẹnu wẹ yọnẹn dọ ewlọsu tindo onú sinawu de?”, to wiwàmẹ omẹ dopodopo na zé alọ yiaga. Nọvisunnu Way, na mì nido yọ́nẹn, yẹn jlo na dohia mì dọ e ma tọ́n sọn wuntùntùn mẹ. Omẹ he yọnẹn dọ yè tindo tukla lẹ, mì zé alọ mìtọn doaga! Mì pọ́n! Mì mọdona? Yẹn ma yọ́nẹn eyín ohó he yẹn dọ gbleawu nẹ, ni yí ohó he di wọhẹ de, ṣigba ogá de jẹ é go bọ Oklunọ hẹn azọ̀n etọn gbọ nẹ.

Jiwheyẹwhe dopolọ wẹ omẹ he Paul to didóhia to asiko etọn mẹ, whenuena é hẹn yẹwhehó etọn dẹ̀n kaka jẹ zanhomẹ. Dawe de jai gbọn vẹsẹnu ohọ̀ he mẹ yé te tọn bo sọ yín oṣiọ. Ṣigba Paul whenuena é dẹ́ ede do é ji, é dọ hlan omẹ he to ohó etọn sè lẹ dọmọ, gbọn ojọmiọn Jiwheyẹwhe tọn dali: “ogbẹ̀ etọn tin to ewọ mẹ.” Yẹn yise dọ enẹ na hẹn yé omẹsusu he ma ko yise lẹ mọdona dọ Jesu Klisti wẹ dopolọ to osọ, dopolọ to egbé, podọ kakadoi.

To whèjai he, yẹn lẹnnù do ehe yẹn ko dọ na mì to afọnnu ji sọn sisosiso ayiha ṣie ton mẹ: nugbo wẹ. Yẹn dọhó na mì dogbọn onú sinawu he tọn dali, bo to didọ hlan mì hézéhézé, bo sọ to bibiọ mì dọ mì ni hodẹ̀ na gbẹtọ ṣie homẹ tọn ni yín didiọ dóhlan gbẹtọ lẹ dali, na yẹn nido sọgan wà azọ́n dopolọ kẹdẹdi lé Oklunọ ko wà do. Na É nido dohia dọ é jlo nado dó mi hlan ogle devizọ́n tọn mẹ, É yigbè na nujijọ lọ nado dóhia dọ É gbẹ́ sọ to azọ̀nhẹngbọ na azọ̀ntọ lẹ, bo sọ to oṣiọ lẹ fọ́n do ogbẹ̀.Yẹn yise dọ e ma yín núde hú ṣiṣẹ̀ onú he yẹn ko dọ yẹwhehó etọn hlan mì do Ahọludu Jiwheyẹwhe tọn go, podọ ehe tọn yẹn ko dekunnu hlan mì ga. Enẹlọ ko tin to titò he mẹ Jiwheyẹwhe ko dọhó etọn hlan nọvisunnu Roberson, podọ hlan mẹdevo ga to nọvisunnu lẹ mẹ.

Na mí yinwanna Ẹn na enẹ tọn wutu! Mí sọ yín homẹhunnọ dọ nọvisunnu Way tin to ṣẹnṣẹn mítọn to whèjai he. Nugbonugbo Jiwheyẹwhe ma ko fó azọ́n Etọn po nọvisunnu mítọn po gba, eyín lala é na ko yì to afọnnu he. Nọvisunnu Way gbẹ́ sọ tindo azọ́n na wà. Bọ yẹn sọ jlo dọ hiẹ ni tùnwùn dagbe, nọvisunnu Way, dọ agùn lẹ lọ podọ yẹn lọsu ga na hodẹ̀ na Jiwheyẹwhe nido dohia titò Etọn he pannukọn hiẹ po asi towe po. Na titò Jiwheyẹwhe tọn lọ nido bẹ́ azọ́n, É na zé we do otẹn nẹ mẹ. Yẹn yise dọ É na wà ẹ, nọvisunnu Way! Mí mẹhe yín yisenọ lẹpo, mí na yín homẹhunnọ na nọvisunnu Way tọn wutu. Bé e ma yín mọwẹ, nọvisunnu po nọviyọnnu lẹ po? Yẹn nasọ hodẹ̀ na nọvisunnu Way po asi etọn po nido mọ otẹnmẹ yetọn to Oklunọ mẹ na devizọ́n he yè ylọ yé na to aihọn he mẹ.

To whèjai he, yẹn jlo na dọhó na nọvisunnu Way, enẹwutu wẹ yẹn do yàwu wá. Yẹn na tùnwùn onú he é to linlẹn kavi onú he jọ. É ma sọ yọ́n onú he jọ bà. Mì mọdona? Ogbẹ̀ etọn yì; é jayi bo sọ yì: e vọ̀.

Nọvisunnu Way jlo na yọ́nẹn bo sọ kanbiọ dọ, eyín mẹde tin to ohọ̀ didó he mẹ he jei otò Arkansas tọn mẹ, mardi kavi azán devo he ji é jei opli he kọ̀n. Dinvie, e sọgan yín opli pẹvi dé he kàn mẹmẹsunnu lẹ. Yẹn yise dọ opli he na yín bibasi to ofi devo bọ e ma na yín omẹ susu wẹ na tin to finẹ gba, na, yẹn dọ to opli he kọ̀n yè ma yọ́nẹn dọ yẹn lọsu já. Họntọn ṣie he to finẹ lẹ ma yọ́nẹn dọ yẹn na tin to finẹ jẹnukọnna azán tintan kavi awetọ. Mẹhe to otò Arkansas tọn mẹ lẹ, he yọ́nẹn dọ yẹn na yì lẹ, ko tin to finẹ to opli lọ tó. Ṣigba, eyín mẹde to mẹhe jei finẹ lẹ mẹ tindo tẹnmẹ nado hẹn nọvisunnu Way, é na yín homẹhunnọ nado wá. E sọ yín lilá dọ e ma na yín agbàn to gbẹtọ lẹ ji, nado penukun é go whenuena é tin to finẹ. Eyín mẹde sọgan hẹn ẹn, e na yín ohia de hlan ẹn dọ Jiwheyẹwhe tindo wanyinna ẹn kavi ojlo Jiwheyẹwhe tọn hlan ẹn nado yì. Dinvie, mì omẹ pó wẹ yọ́n nọvisunnu Way he sinai to finẹ. Eyín mẹde jei opli he kọ̀n bo tindo tẹnmẹ vò nado hẹn ojonọ de, nọvisunnu Way na yín homẹhunnọ nado yì.

Eyín Oklunọ jlo, yẹn na wá to sẹgbè whèjai kavi afọnnu. Podọ eyín nọvisunnu Neville doalọte na oplọ́n sẹgbè afọnnu tọn, yẹn jlo nado basi kasẹti de, eyín yẹn sọgan. Eyín yẹn ma ṣinuwà yẹn lẹn dọ yẹn na dọhó do ohóta he yín: Bé gbẹ̀zán mìtọn jẹ hẹ Owẹn dagbe lọ? Enẹlọ wẹ yẹn jlo nado dọ. Eyín Oklunọ jlo, yẹn na basi kasẹti lọ.

To afọnnu he, yẹn ko lá dọ yẹn na basi kasẹti de to whèjai he. Yẹn yise dọ mẹplọ́ntọ mítọn ma dọhó de: dinvie, é ylọ mi wá agbà lọ ji. Whenuena yẹn na to kasẹti basi, bọ agbọpé mì kavi onú devo de, bọ mì jlo na tọ́njẹgbonu, mì wà dẹdẹ do tọ́n dilé e jẹ do, na miklo lẹ to aṣéji nado yí hlunhlungbè lẹ. Mí na basi kasẹti nẹ na devizọ́n aihọn lọ pete tọn. 

To whèjai he, whenuena mí ko hia Ohó Jiwheyẹwhe tọn vọ̀, yẹn jlo nado dọ ohóta ṣie whèjai he tọn hlan mì, ohóta he yẹn yí sọn Owẹndagbe Matiu tọn ota 24 mẹ. Mí na hia sọn afọ 32 mẹ. 

“Dinvie mì plọ́n oló ovotin tọn; Whenuena ala etọn ṣẹ̀ṣẹ̀ tọ́n, bo sọ kọamà, mìwlẹ yọ́nẹn dọ ojlẹ alúnlún tọn sẹpọ́: Yèdọ mọkẹdẹ wẹ mìwlẹ ga, whenuena mìwlẹ mọ onú helẹ pó, mì ni yọ́nẹn dọ É sẹpọ́, yèdọ to ohọ̀n ji. Nugbo wẹ yẹn dọ hlan mì, Whẹndo he ma to na juwayì, kaka yè nado hẹn onú helẹ pó ṣẹ̀. Olọn po aihọn na juwayì, ṣigba Ohó ṣie lẹ ma to na juwayì. Ṣigba azán nẹ po ojlẹ po tọn, mẹde ma yọ́nẹn, lala, é ma yín angẹli olọn tọn lẹ, adavo Otọ́ ṣie dopo akàn. Ṣigba le azán Noe tọn te, mọkẹdẹ wẹ wiwá Ovi gbẹtọ tọn na nọ.”

Nado hia bibẹ́nu owéta he tọn, mí mọ dọ núplọ́ntọ lẹ wá Jesu de to núglọ, whenuena yè tin to osó ji, nado kanbiọ Ẹ dọ: “Etẹ wẹ na yín ohia opòdo aihọn tọn? Etẹ wẹ na yín ohia wiwá Towe tọn? Podọ whetẹnu wẹ e najọ whenuena osé de ma na nọ̀ osé de ji ehe yè ma na nọ̀ ma họ́ liai?” Enẹ wẹ É ná gblọndo. Ṣigba mì gbọ mí ni hia bibẹ́nu owéta lọ tọn.

“JESU sọ tọ́njẹgbonu yì sọn tẹmpli mẹ: núplọ́ntọ etọn lẹ sọ wá é de nado dó didó tẹmpli tọn lẹ hia ẹ. Ṣigba ewọ gblọn bo dọ hlan yé, dọmọ, mì ma mọ onú helẹ pó? Nugbo wẹ yẹn dọ hlan mì, Yè ma to na jo zannu dopo dai to awetọ ji, ehe yè ma to na họ́ liai. Podọ le é sinai to osó Olivie tọn ji, núplọ́ntọ lẹ wá é de to nuglọ, dọmọ, Dọ na mí, whenuena onú helẹ na jọ? etẹwẹ na yín ohia wiwá towe tọn, po opòdo aihọn tọn po? ”

Mì mọ, yé kan ohó atọ̀n biọ Ẹ, É sọ na ogblọndo kanbiọ yetọn atọ̀n lẹ tọn.“Whetẹnu wẹ osé de ma yín jijodai to awetọ ji? Etẹwẹ na yín ohia wiwá Towe tọn? Etẹwẹ na yín ohia opòdo aihọn tọn?” Yẹn yise dọ susu to nọvisunnu mítọn lẹ mẹ ṣinuwà whenuena yé bẹ́ ohókanbiọ atọ̀n helẹ do basi dopo na kọlilẹwá Klisti tọn. Ṣigba É gblọn ohókanbiọ atọ̀n he yé kanbiọ Ẹ lẹ do vòvò. Whetẹnu wẹ osé de ma yín jijodai to awetọ ji, whetẹnu wẹ enẹ na jọ? Etẹwẹ na yín ohia wiwá Etọn tọn ? Etẹwẹ na jọ to opòdo aihọn tọn? Mì mọdona, ohókanbiọ vòvò atọ̀n wẹ. É ṣẹ ogblọndo na ohókanbiọ atọ̀n lẹ hinhẹn sọn ohókanbiọ he kàn tẹmpli lọ ji, whenuena osé de ma na nọ awetọ ji ba. Whenuena É gblọn ehe vọ, É dọhó do ohia kọlilẹwá Etọn tọn ji, enẹ godo do opòdo ayihọn tọn ji. 

To whèjai he, yẹn jlo na dọhó do dopo to ohóta atọ̀n he lẹ tọn ji: Hinhọn vẹ́ ohia kọlilẹwá Etọn tọn. Mí na dọhó titegbe do whenu Noe tọn ji. “Ṣigba le azán Noe tọn te, mọkẹdẹ wẹ wiwá Ovi gbẹtọ tọn na nọ.” To azán he wá yì lẹ mẹ, enẹ lọ dotukla mi. Yẹn to linlẹn dọ yẹn sọgan dọhó do ohóta he ji. Yẹn sọ wlán owéfọ susu dai ehe yẹn jlo nado dọhó do.

Whenuena núplọ́ntọ Jesu tọn lẹ kàn ohókanbiọ nẹlẹ biọ Ẹ, É dlẹn alọ do ohia awúsọhia Etọn tọn. To enẹ godo, É dọ ehe: “Olọn po aihọn po na juwayì, ṣigba Ohó ṣie lẹ ma na juwayì gba!” É dọ to ofi devo dọmọ: “Mì plọ́n oló ovotin tọn. Whenuena ala etọn ṣẹ̀ṣẹ̀ tọ́n, bo sọ kọamà, míwlẹ yọ́nẹn dọ ojlẹ alúnlún tọn sẹpọ́: Yèdọ mọkẹdẹ wẹ mìwlẹ ga, whenuena mìwlẹ mọ onú helẹ pó, mì ni yọ́nẹn dọ É sẹpọ́, yèdọ to ohọ̀n ji. Nugbo wẹ Yẹn dọ hlan mì, whẹndo he ma to na juwayì, kaka yè na hẹn onú lẹ pó ṣẹ̀.” Whẹndo tẹ wẹ! Whẹndo he na mọ nújijọ afọklẹn tọn he ji mí na dọhó do to whèjai he.

Ohóta he: Hinhọn vẹ́ ohia kọlilẹwá Etọn tọn nọ hẹn mi flin onú he nọ jọ whenuena mí to tenọpọ́n otlẹn to alihotó, whenuena omẹ lẹ to ote bo to tenọpọ́n, kẹdẹdile e nọ jọ do whenuena mí to tenọpọ́n otlẹn. Mì ma sọgan mọ ẹn kavi sè ogbè etọn gba, ṣigba mì na yọ́nẹn dọ ojlẹ lọ ko wá. Ogán alihọtọ sọgan dọ dọ: “E gbọ whenu pẹde; e ma na wá to ojlẹ lọ mẹ pẹ́. Mí ma yọ́n ojlẹ he mẹ gé é ja, ṣigba é na wá to madẹnmẹ.” To todidó mẹ, mì na to sajlo to alihotó po alọ mìtọn lẹpo to apò mìtọn lẹ mẹ, bo na sinai omẹ delẹ to agban yetọn lẹ ji, mẹde lẹ nasọ gọdo azínfledú go, kavi mì na yì bo to hódọ po omẹdevo lẹ po to awawetọ ji. Ṣigba do ayi e go, ajiji onú de jọ. Awhá to otlẹngàn lẹ ji, whenuena núhe glọ́nalina miyọ́ngbán vẹ́ lọ yín didesẹ, wẹ miyọ́ngbán vẹ́ lọ ṣẹ̀ kínklẹ́n. Etẹ wẹ enẹ to didohia? Otlẹn lọ ko wá dote. Sọle mì ma tlẹ sọgan mọ ẹn kavi sè ogbè etọn, na kínklẹ́n miyọ́ngbán lọ tọn to didohia mì dọ e ko wá. Eyín mì jlo nado biọ otlẹn nẹ mẹ, e na yọ́n na mì nado zé azínfledú he tin to alọ mìtọn mẹ dlangbe, bo doalọte na ohódidọ mìtọn lẹ, bo na ṣẹ̀ agban mìtọn lẹ dín, to afọdodoponẹji, mì dóna wleawu, eyín e ma yín mọ, mì na to ote to otẹn dopolọ mẹ bọ otlẹn lọ na wá bo sọ gọ yì, e ma na nọte. Enẹgodo, e yì! Eyín mì nọte bo sọ to hódọ hẹ họntọn mìtọn to awà awetọ ji to aliho, yè na jo mì do to godo.

Nawẹ mí na nọ wùnzẹn do whenuena mí mọ ohia vẹ́ he to didohia dọ É ko dọ̀nsẹpọ́ alihotó, bọ otlẹn hóhó Wẹndagbe lọ tọn dọ̀nsẹpọ́ nado yì! To whèjai he, mí na plọ́nnu do ohia vẹ́ lọ ji. Oklunọ sinai to osó Olivie tọn ji bo ṣẹ̀ ohódọ hlan yé, dọmọ: “Podọ le e wá jọ do to azán Noe tọn lẹ mẹ, yèdọ mọkẹdẹ wẹ e na te ga to azán Ovi gbẹtọ tọn lẹ tọn mẹ.”

Dinvie mí nasọ lẹ́gọ̀yì azán hóhó lẹ mẹ to kleunmẹ, nado pọ́n eyín mí sọgan mọ to egbé onú di ehe jọ to azán Noe tọn lẹ mẹ. Whenẹnu mí na yọ́nẹn eyín mí tin to azán nẹlẹ mẹ he Oklunọ mítọn dọ, podọ eyín whenu mítọn taidi whenu Noe tọn. Na enẹ tọn wutu, yẹn lẹn dọ e na yọn nado gọwá Owé GENẸSISI tọn mẹ, to azán Noe tọn mẹ. Mí ni hia to Owé GENẸSISI 6 tọn mẹ. Finẹ wẹ mí mọ vasúdo osin tọn te po owalọ gbigble whenẹnu tọn po. Mí ni hia bo sọ zé azán nẹ lọ jlẹdo azán egbé tọn go.

“E sọ wá jọ, whenuena gbẹtọ ṣẹ̀ susudeji to aigba ji…”

To ohó tintan lẹ mẹ, míyọ́ngbán vẹ́ lọ ṣẹ̀ kinklẹn nado dohia dọ azán nẹ lọ sẹpọ. Gbèdé to otànhó lẹ mẹ e ma tin susu gbẹtọ lẹ tọn taidi to egbè, podọ yé sọ to susudeji sọmọ bọ e vẹawu nado mọ tẹnmẹ. Ohólátọ de dọhlan mí dọ sọha gbẹtọ lẹ tọn yín susudeji sọmọ bọ to nukọnyìyì mẹ, to owhè kó godo núdùdú ma na tin na gbẹtọ lẹ gba. Núyọ́nẹntọ lẹ wẹ dọ enẹ na mí.

Whenuena mí pọ́n lẹ́do mí, mí sọgan mọ otò daho lẹ ofi he zunkan lẹ nọnọ̀ dai, ṣogan vijiji ma sọ doalọ te kakajẹ egbé, podọ ma sọ sọgan doalọ te gbèdé. Yẹn yise dọ yẹn ma ṣihódọ, ṣigba e sọawúhia to otò Chicago tọn mẹ dọ, yè nọ de adọgo fọtọ́n donu gbàn to osùn awe awe mẹ. Eyín mí na sọ hia dogọ́ enẹ lẹ pó, enẹ he pò bọ yé ma dọhó yetọn lẹ po… Mì mọdona? Enẹ lẹpo to otò daho dopo he mẹ gbẹtọ mliyọn donu ẹnẹ nọnọ̀! Etẹwẹ enẹ sọgan wà to aihọn lọ pete mẹ! Ṣogan to enẹ lẹpo mẹ, gbẹtọ lẹ súpọ do mọ bọ otẹnmẹ de matin.

To otò Indian tọn mẹ, yè tẹnpọ́n nado hẹn gbẹtọ lẹ zùn wẹnsinọ nado doalọtena ovijiji, na gbẹtọ to susudeji wutu. To alọnu-alọnu, gbẹtọ mliyọn donu fowe kandegbàn wẹ tin to otò Indian tọn mẹ.

Nawẹ otò China tọn tọn na yín, fie susu gbẹtọ lẹ tọn sọ sùhú te, kavi otò Rusia tọn podọ otò susu devo lẹ tọn? Whenuena gbẹtọ ṣẹ̀ susudeji to aigba ji… Mì mọdona? Mí ni gọ̀wá ojlẹ he jẹnukọnna osìn gigọ́ lọ tọn mẹ! 

 “ …Bọ yè sọ to viyọnnu ji hlan yé, bọ visunnu Jiwheyẹwhe tọn lẹ mọ viyọnnu gbẹtọ tọn lẹ dọ yé yọ́nwhanpẹ; bọ yé sọ mọ asi na yéde sọn enẹ he yé dè lẹpo mẹ. Oklunọ sọ dọmọ, Gbigbọ ṣie ma na nọ̀ gbẹtọ mẹ dli gba, na osẹ́ngbigbà yetọn wutu agbasalan wẹ ewọ ga; podọ mọ azán etọn lẹ na yín owhè kantọ̀n. Nẹfilimi lẹ tin to aihọn mẹ to azán nẹlẹ mẹ; podọ to enẹgodo ga, whenuena visunnu Jiwheyẹwhe tọn lẹ sọ biọ họmẹ yì viyọnnu gbẹtọ tọn lẹ de, bọ yé sọ jivi lẹ na yé: ehelẹ wẹ yín mẹgángán he tin to hóhówhenu, sunnu he diyín lẹ.” 

Ohóta tẹwẹ mí tindo to finẹ! Dopo to tintan lẹ mẹ he yẹn jlo nado flinnú mì, dọ visunnu Jiwheyẹwhe tọn lẹ mọ dọ viyọnnu gbẹtọ tọn lẹ yọ́nwhanpẹ. Eyín mí hia aihọn jẹ̀ to pọ́ninọ etọn mẹ, yẹn yise dọ e ma ko sọawúhia gbèdé to aigba ji gbọnvo na egbé, asiko he mẹ yọnnu lẹpo gọ́na whanpẹ te.

Podọ mì mẹho lẹ, mì sọgan flin lé e sinawudo to hóhówhenu nado mọ yọnnu whanpẹnọ. To egbé mí ma to núde mọ hú whanpẹ! Enẹ wẹ yín dọ yé to odapà bo to osẹ̀n sá do nukunmẹ, bo sọ to avọ̀ he dé yé dó “omẹ́” lẹ do nado to yéde lẹ dohia domọ. Ojlẹ lọ wá, bọ ogàn ko sọ hó kẹdẹdi lé Owé Wiwé dọ do, bọ yọnnu lẹ sọ to whanpẹnọ yín deji.

Whenuena yẹn mọ yọpọvu lẹ to egbé, yọpọvu yọnnu lẹ, enẹ nọ hẹn mi flin ovu whenu ṣie tọn, whenuena yẹn nọ yì wéhọmẹ. Yẹn nọ flin lé yọnnu lẹ nọ doaṣọ̀ do whenuena yẹn tin to jọunjọja mẹ; mì pọ́n lé ovi yọnnu lẹ te to egbé. Yẹn flin (e ma hú owhè kóatọ́n to egbé) dọ oviyọnnu he “húnnukun” dopo de tin to pipli mítọn mẹ. Oviyọnnu whanpẹnọ de wẹ ehe, yọpọsunnu lẹpo nọ jlo nado yín họntọn hẹ ẹ na ewọ wẹ ahọsi pipli mẹ lọ tọn. To otò daho depope mẹ, e sọgan yín dọ e ma hú awe kavi atọ̀n yọnnu whanpẹnọ di ehe hunkọ tọn. Ṣigba to egbé yọnnu lẹpo wẹ yọ́nwhanpẹ. Enẹ tin ga nado hẹn Owé Wiwé di. Podọ miyọ́ngbán vẹ́ de wẹ eyín bo to kinklẹn nado lá dọ ojlẹ ko sẹpọ́. 

Yè basi onú di osẹ̀n vẹ́ he yè nọ sá dó onùflo ji po onú tlẹdo nukunmẹ alọpãlọpa lẹpo na yọnnu enẹ he ma yọ́nwhanpẹ to nugbo de mẹ, nido dó ede hia di whanpẹnọ to nukunta, podọ to nùflo etọn ji nado basi enẹ he yè nọ basi lẹpo nado hẹn yède zùn whanpẹnọ.

Azọ́nwhe Max Factor to azọ́nwà to okle po ozán po sọmọ bọ yọnnu Amẹlika tọn lẹ nọ zán to owhè dopo mẹ akuẹ susu do aṣọ̀dónu agbasa tọn lẹ go hú ehe yé nọ zán do núdùdù lẹ go. Nugbo wẹ! Yẹn ma flín dọlla mliya sọha he yé nọ zán do yọnnu lẹ go to owhè dopo mẹ nado do aṣọ̀ na yé.

E ma yín dọ yẹn jlo nado dọhó jẹagọ de do enẹ go gba. Yẹn to didohia mì to vlẹkẹsi de mẹ dọ miyọ́ngbàn vẹ́ to kinklẹn nado na avasé mí dọ ojlẹ lọ ko wá. Na Jesu lọsu ko dọ dọmọ: “Ṣigba lé azán Noe tọn te, mọkẹdẹ wẹ wiwá Ovi gbẹtọ tọn na nọ.” Mì mọdona? Mọkẹdẹ wẹ.

Mì do ayi e go, dọ whenuena gbẹtọ lẹ ṣẹ̀ susudeji bo sọ to susudeji, viyọnnu gbẹtọ tọn lẹ yọ́nwhanpẹ. Bọ visunnu Jiwheyẹwhe tọn lẹ nọ pọ́n hlan whanpẹ yetọn lẹ bo sọ dè asi na yéde sọn enẹ he yé dè lẹpo mẹ. Yẹn ma dọ ehe sọn dè e mẹ, Biblu wẹ dọ ẹ. Jesu dọhlan mí dọ mí ni gọ̀yì Genẹsisi mẹ bo zéjlẹ do egbé go: Susu gbẹtọ lẹ tọn, whanpẹ yọnnu lẹ tọn.

Ohia daho de wẹ. To afọ atọ̀n Genẹsisi 6 tọn mẹ, Jehova na mí avasé de dọ: “OKLUNỌ sọ dọmọ…”

Dinvie, to godo he enẹ sọawúhia… Mì do ayi e go dọ Gbigbọ Wiwé wẹ wlán Biblu bọ Jesu sọ yín gigọfla to Gbigbọ Wiwé mẹ. Gbigbọ Wiwé mẹ kẹdẹ wẹ É dọhó gbọn. Podọ Owé Wiwe lẹ sọ yín winwlán gbọn Gbigbọ Wiwé dali. Ewọ mẹhe wlán Genẹsisi 6 dopolọ wẹ sọ dọhó hlan mí to Matiu 24 mẹ, na mí nido yọ́nẹn dọ ojlẹ lọ ko sẹpọ́, bọ mí sọ to zizé jlẹ do Genẹsisi 6 go.

Gbẹtọ lẹ sọ to susudeji to aigba ji ṣogan alọdotena vijiji ma pego nado glọ́nalina enẹ gba. Enẹ to nukọn yì to alọ lẹpo mẹ na mí tin to ojlẹ vivọnu lọ mẹ wutu.

Dinvie, to enẹ godo, É dọ yọnnu lẹ yọ́nwhanpẹ talala. Enẹlọ sọ yín onú he yè dindona, bo sọ mọdona.

E ma dẹn, bọ yẹn mọ to fọto hóhó delẹ mẹ fie mẹho mítọn lẹ to asadó aihọn he te. Yẹn ma sọ flin oyín yọnnu nẹ tọn, ṣigba é yín yinyọ́nẹn sọn otò San Fransco tọn mẹ kaka jẹ otò Boston tọn mẹ, mẹhe yín yọnnu whanpẹnọ hú yọnnu he to otò nẹ lẹpo mẹ. Oyín yọnnu lọ tọn nọ yín Pearl White. Eyín mẹhe yè hù sọn mẹyinwanna etọn de, mẹhe yín Scott Jackson.

To egbé, eyín yẹn nado dọ gbọn fọto mọhunkọ tọn dali, yè ma tlẹ to na pọ́n yọnnu mọhunkọ de. É na taidi yọ́nhónọ de to egbé, podọ yọnnu he mì to mimọ to egbé lẹ yín whanpẹnọ hú i whlatọ̀n. Mì mọdona, whanpẹ yọnnu tọn to susudeji.

Yẹn ma yọ́nẹn eyín yọnnu mítọn lẹ do ayi ehe go. Enẹwutu yẹn na jlo dọ kasẹti he ni yì ofi lẹpo. Mí yinwanna nado mọ yọnnu mítọn lẹ to whanpẹ mẹ, ṣigba ni yín whanpẹ jọwamọ tọn! Mí ma yinwanna whanpẹ he yè basi. Delẹ to yọnnu whanpẹnọ helẹ mẹ, eyín mì ylọ́n yé do basia osìn tọn mẹ, bọ mì lawuna yé ganji, bọ mì sọ doaṣọ̀na yé dolé e jẹ do, whenẹnu yé na tindo ninọ̀mẹ gbọnvo de! Ṣigba yé ma na basi mọ, mì ma sọ sọgan hẹn yé mọdona vogbingbọn he to e mẹ. Mí na lẹgọ̀wá ohó enẹ ji zãnde. Ohia vẹ́ de wẹ ehe sọ yín ga! 

Mì flin dọ whenuena gbẹtọ lẹ ṣẹ̀ susudeji to aigba ji, bọ yọnnu lẹ yín whanpẹnọ wẹ Oklunọ dọ: “Gbigbọ ṣie ma na nọ̀ gbẹtọ mẹ dli gba.” Mì mọdona ohó he Jiwheyẹwhe to didọ, mì mọ alọ Jiwheyẹwhe tọn? “Gbigbọ ṣie…” Viyọnnu gbẹtọ tọn lẹ yọ́nwhanpẹ, bọ yé sọ yí asi na yéde sọn enẹ he yé ko dè lẹpo mẹ. Oklunọ sọ dọ dọmọ: “ Gbigbọ ṣie ma na nọ̀ gbẹtọ mẹ dli gba. Yẹn na dò dogbona azán etọn lẹ.” Mì gbọ mí ni hia Owé Genẹsisi 6:4 tọn lọ:

“Nẹfilimi lẹ tin to aihọn mẹ to azán nẹlẹ mẹ; podọ to enẹ godo ga, whenuena visunnu gbẹtọ tọn lẹ biọ họmẹ yì viyọnnu gbẹtọ tọn lẹ de, bọ yé sọ ji ovi na yé: ehelẹ wẹ yín mẹgángán he tin to hóhówhenu, sunnu he diyín lẹ.”

Bé mì ma do ayi e go dọ to owéfọ he mẹ yé ma dọhó dogbọn alọwle tọn dali? Ovisunnu Jiwheyẹwhe tọn lẹ wá oviyọnnu gbẹtọ tọn lẹ de: e ma yín hókanbiọ alọwle tọn gba. To whèjai he yẹn dinpọ́n to ohógbè glẹki tọn mẹ, to afọ awetọ mẹ, núhe yọnnu yín. To ohógbè glẹki tọn mẹ, yè ma ylọ yé dọ asivu gba ṣigba yọnnu lẹ. Mì sọgan dinpọ́n to owégbó Emphatic Diaglott mẹ. Bọ mì na yọ́nẹn dọ bé e ma yín nugbo wẹ!

Yé nọ yí asi na yéde, e ma yín asivu gba. Yé nọ yí yé domọ. Wanyinyin oklọ tọn de wẹ, taidi egbè tọn hunkọ. To ohógbè devo lẹ mẹ, yé yín núdọnnu to azán nẹlẹ mẹ di to egbe. Yé nọ wà kẹdẹdi ojlo yetọn lẹ bo yí yọnnu lẹpo sọlé e jlo yé do.

Nado dọhó dogbọn enẹ lẹ tọn dali, gbẹtọ susu nọ dọ dọmọ gbẹtọ nẹlẹ po yọnnu nẹlẹ po wẹ angẹli he jai lẹ. Ṣigba, nado dohia hézéhézé dọ lalo wẹ yé dó, e pé nado dohia dọ Biblu ma dọ to ofi depope dọ angẹli lẹ yín sunnu kavi yọnnu gba. Dogọ, e ma tin to Biblu mẹ ofi he yé dọhó dogbọn angẹli yọnnu de tọn dali, gbèdé. Eyín mì jlo Owéfọ dogbọn ehe lọ tọn dali, to Owé MATIU 22:20 tọn mẹ: mì na mọẹn po awubibọ po. 

Angẹli yọnnu, matin gbèdé. Enẹ wẹ yín owhẹ̀jijọ he zọ́n bọ yọnnu mẹplọ́ntọ mado sọgan tin gbèdé. Wẹnzagun de wẹ angẹli yín. Ṣigba mì mọdona? Asiko lẹ todidiọ to egbé kẹdẹdile e diọ to asiko nẹ mẹ do. Yẹn do ayi otànhó de go he ji yẹn jlo dọ mí ni nọte to eji whenu pẹvi de.

To asiko Nọe tọn mẹ, yọnnu lẹ yín ohóta titegbe de ehe ji yè to ohódọ do. Ovisunnu Jiwheyẹwhe tọn lẹ (wẹ ovisunnu Ṣeti tọn lẹ) mọ dọ oviyọnnu Kaini tọn lẹ yọ́nwhanpẹ. Etẹwutu? Na yé yín ayihọn tọn wutu, yé yín oviyọnnu Kaini tọn lẹ wutu. Whenuena ovisunnu Jiwheyẹwhe tọn lẹ mọ dọ oviyọnnu gbẹtọ tọn lẹ yọ́nwhanpẹ, yé yí hlan yéde lẹ na asi. To finẹ ovisunnu Jiwheyẹwhe tọn lẹ hẹn ninọ̀mẹ yetọn bú to Jiwheyẹwhe mẹ, bọ yé wá lẹzùn yọnnu diọtọ lẹ. Bé e ma yín mọwẹ e to jijọ do to egbé? Nugbo wẹ!

Mì pọ́n agún lẹ to egbé, mì pọ́n ofi depope he mì jlo bo payi. Mí mọ to ofi lẹpo zizéjlẹdo asiko hóhówhenu tọn go. Enẹlẹ do na yín yọnnu whanpẹnọ. Sunnu lẹ wá lẹzùn afanumẹ. Otànhó dọ hlan mí dọ sunnu lẹ lẹzùn afanumẹ na yọnnu lẹ na whanpẹ yetọn wutu. Yé lẹzùn afanumẹ. Yé basi gohọ̀ lẹ na yé, bo nọ sẹ̀n yé nugbonugbo. Mì lẹnpọ́n dọ yé to sinsẹ̀n nugbonugbo agbasa po ohùn yọnnu tọn po to asiko nẹ mẹ. Otànhó wẹ dọ.

Zizéjlẹdo ehe to jijọ to egbé go. Nọvisunnu ṣie lẹ, mọwẹ! Sunnu lẹ to sinsẹ̀n yọnnu lẹ nugbonugbo. To otò mítọn mẹ, asi Kennedy tọn yín hihiajẹ whlawe hú ahọlu lọsu. Nugbo wẹ! Núvivẹ he wutu e do pà sunnu de wẹ yín dọ é tindo asi whanpẹnọ talala de.

Mí ni dọhó dogbọn yọnnu he to húnkùn tọn dali. Mí nọ sè dọ yọnnu ma nọ kùnhún wuwlu taidi sunnu lẹ gba. Lalo wẹ, yẹn nasọ dọ núhe wutu wẹ hlan mì. Nado do ayiha nugbo de, yẹn po Billy po, to whẹntintọ́n mítọn sọn Amẹlika mẹ, mí basi owhlẹ̀núkinkan tọn he ji mí dè odòtin awe do: sunnu po yọnnu po. Whedepopenu he yọnnu basi núṣiwà dogbọn zọnlin etọn lẹ tọn dali, mí nọ dowhẹ ẹ. Eyín sunnu de wẹ, mí sọ nọ dowhẹ sunnu lẹ ga. Eyín núpaṣa dọ, to owhẹhó fọdekanweko mẹ, fọdekanwe yín ehe yọnnu lẹ wà bọ sunnu lẹ tọn yín kò. Mì yọ́n onú he wutu wẹ? Na yè ma nọ yawu ylọwhẹ yọnnu lẹ to ogánwhe wutu wẹ. Pònọ de ma na wlé awhlivu whanpẹnọ de, adavo dopo to fọtọ́n mẹ vlavo. Pònọ na kàn nimẹlo telefonu etọn tọn biọ to fi he ejẹ dọ é ni wlé é te. E ma yín núpaṣa dọ susu núṣiwà yọnnu lẹ tọn ma yín yinyọ́nẹn to owhẹ̀họ̀sa lẹ gba! Enẹlẹ pó to egbé dohia dọ gbẹtọ sọ gọ̀wá ninọ̀mẹ etọn mẹ kẹdẹdi lé e te to Noe whenu: yé nọ dẹ́ to boṣiọ yọnnu whanpẹnọ tọn nukọn. Nugbo wẹ!

Nado sẹ̀n yọnnu lẹ, dóna ko yín onúbadabada to ojlẹ nẹ mẹ po yọnnu nẹlẹ pó he nọ do yéde lẹ hia to whanpẹ yétọn oklọ tọn lẹ mẹ! Eyín yé sọ wà húmọ to egbé, yẹn jaya dọ yẹn ma sọawúhia to aigba ji to ojlẹ nẹ mẹ! Mì lẹnpọ́n dọ yọnnu lẹ nọ wànu di egbe tọn hunkọ.

Mì do ayi e go dọ, Biblu dọ dọmọ: yé to dùdù bo to nùnù. E sọgbe dolé e jẹ do. Nugbo wẹ! Núdoyẹyigona wẹ alọwle. Mẹhe mọ asi dà, é mọ núdagbe na Jiwheyẹwhe wẹ didoaitọ. Ṣigba eyín sunnu nẹ yí asi mẹdevo tọn, depope yọnnu lọ yín, yèdọ awhli he yè to didà kavi yọnnumẹsi, depope he owhẹ̀hó yọnnu lọ tọn yín, é gbà padidò alọwle etọn tọn bo sọ wà núhe jẹagọ. Ylando wẹ to nukun Jiwheyẹwhe tọn mẹ. Biblu gblewhẹ̀do titegbe.

Mì do ayi e go dọ, Jiwheyẹwhe wẹ do e ai to ojipa Edẹni tọn mẹ, ṣigba po kandeji po É gblewhẹ̀do ogalilọ. Ṣigba to ojlẹ nẹlẹ mẹ, sunnu lẹ po yọnnu lẹ po dasá osẹ́n Jiwheyẹwhe tọn lẹ bo sọ zé do yéde lẹ ji nado wà onú nẹlẹ. Mì zéjlẹ do onú he to jijọ to egbé lẹ go! Mì pọ́n núhe to jijọ! Eyín mì jlo na mọ dọ otlẹn to ali ji já, mì pọ́n lé e to jijọ to egbé dilé Ohó Jesu klisti tọn he ma nọ gbọvọ gbèdé dọ do.

Mì do ayi ehe go ga, Biblu dọ dọmọ: (e to dándán) yé to dùdù bo to nùnù po yọnnu whanpẹnọ yetọn lẹ po. Yè yọ́nẹn hézéhézé dọ núdevo de ma tin he yè na dọ do e go. Nado dù podọ nado nù yín osẹ́n jọwámọ aihọn he mẹ tọn. Mí dóna basi i. Whenuena mì ma sọ to enẹ tọn lẹnpọ́n ba… Egbè, gbẹtọ lẹ lẹzun núdùtọ glánglaán podọ ahannùtọ. Yọnnu lẹ to ahannùmú to ahannùtẹn lẹ. Whenuena yè na yé ahansinsinyẹn, yọnnu lẹ sọ nọ nù hú sunnu lẹ. 

Jesu dọ dọmọ: “Na to azán he jẹnukọnna osìngigọ́ lẹ mẹ, gbẹtọ lẹ to dùdù bo sọ to nùnù, bo to alọwle bo sọ to niná to alọwle mẹ.” To ohógbè devo mẹ, yé to zinzán hẹ yọnnu nẹlẹ mawlealọ hẹ yé. To egbé, osẹ́ndoai yọ́yọ́ lẹ tin. To otò he yè nọ ylọ dọ Reno mẹ, mì sọgan dà mìde lẹ, bo sọgbẹ́ mìde lẹ bo sọ vọ asi kavi asú dà to gbèdopo nẹ. Ṣigba enẹ ko wá yì… To otò daho lẹ mẹ, yé he ylọ yéde dọ asú kavi asi tindo ohọ̀nhungán owhé lẹ tọn. Yẹn nọ tọ́nwhẹ̀n susu bo sọ yọ́nẹn dọ nugbo wẹ. To owhé nẹlẹ gbè, asú nọ dó opé etọn dovo podọ asi lọsu etọn dovo ga. Wúwlu po gbigble po tin sọmọ bọ núde ma pò hú whẹndo gbigbẹ́ de, he kúpẹ bo sọ yín adidọnọ, e ma yọ́n na núde bo sọ to zọnlin ji jei olọnzódomẹ. Do ayi ehe agbasa gbẹtọ tọn ko lẹzùn go to whẹndo lẹ mẹ. Mì pọ́n ẹn gbọn azọ́n etọn lẹ dali. Núyọ́nẹn to tintẹnpọ́n nado basi núdùdú dagbedagbe lẹ. Yè flusọ gbado lẹ, timati lẹ po oyìn lẹ po whenuena enẹ lẹ ma tlẹ yọ́n na onúde. Enẹ to gbẹtọ lẹ hù, Ṣigba yé ma tunwun. To nukọnyìyì owhè lẹ tọn mẹ gbẹtọ na lẹzùn madogannọ na nùdùdú lẹ tọn wutu. To owhè kandeao die, yè nọ dayihun bọlu tọn taidi lé e te to egbé, ṣigba mí ma nọ sé gbèdé dogbọn awúgbigble tọn dali gba. Ṣigba to egbe, wiawe kavi konukunẹnẹ nọ kú to bọluhòtọ lẹ mẹ to owhè dopo mẹ. E yín e wá jọ bọ yè hòbọlu li bọluhòtọ de, núde ma nọ pò to emẹ nado hẹn ẹn dogbẹ̀. É yín madogannọ sọmọ, bọ whenuena bọlu jẹ é go, é jai bo kú.

Whenuena dawe he yè nọ ylọ dọ Bob Fitzsimmons to avùnhò hẹ mẹhe yè nọ ylọ dọ Corbett, yẹn do ayi e go dọ whenuena yé basi lẹ́do donu kantọn-atọ́n to avùn lọ mẹ to whèjai dopo, bọ mẹde ma du to omẹ de ji! Omẹ nẹlẹ tindo húhlọn sọmọ bọ yé sọgan sinyẹnlin to avùn kọ̀n dẹn podọ nado hòavùn asigbãlọgba. Yé nọ ylọn alọ yetọn lẹ do vinẹgle mẹ to amlọn yetọn lẹ mẹ nado hẹn yé sinyẹn. Ganhihò avùnhihò lọ tọn ma hú ṣẹ́ju awe kavi atọ̀n taidi to egbé, bọ yé ma nọ zé núde do alọnúavùnhihò yetọn tọn glọ gba. Ṣogan, bọ omẹ de ma nọ kú! Na yewlẹ tọn, mì ma sọgan doalọte na lẹ́do de adavo mì zìn kẹntọ mìtọn do aigba. Bọ yé sọ hòavùn kaka yé do basi lẹ́do donu kantọn-atọ́n sọn lẹ́do nẹlẹ mẹ! Gbẹtọ lẹ wẹ yé! To egbé, é na jẹ dọ yé ni dó avùn te, ṣogan na alọnúavùnhihò po alọ yetọn lẹ po bibla, yé ma sọ sọgan hòavùn hú lẹ́do donu awe kavi atọ̀n eyín omẹ de ma kú. Etẹwutu eyín mọ? Gbẹtọ lẹ ma yín núde hú madogánnọ, núflusọnọ, podọ númadinúdenọ, bọ whẹndo nẹlẹ pó yín mẹhe jei kúkú gbe.

Bé Biblu ma dọ dọmọ, gbẹtọ lẹ na lẹzùn madogannọ podọ núyọ́nẹntọ? Mí pannukọ̀n asiko ehe mẹ gbẹtọ lẹ na tindo núdùdú yetọn to ninọ̀mẹ gbigble de mẹ! Aihọn ma yọ́n núde hú piplimẹ siganùtọ lẹ tọn, ahannùtọ lẹ tọn, mẹhe nọ yanmọna ahansinsinyẹn lẹ tọn, po dlọginùtọ lẹ tọn po. Kanyinylan yọpọvu lẹ tọn yín bibẹ́ sọn wéhọ̀mẹ. E ma yín núpaṣamẹ dọ whenuena mí mọ lé onọ yetọn lẹ yín pinplán to aliho do; yé nọ plọ́n ovi yetọn lẹ do ninọ̀mẹ mọhunkọ tọn lẹ ji.

Yọnnu whanpẹnọ lẹ to susudeji to whelẹponu. Ogbẹ̀ jọwamọ tọn sọ yín vivasúdo. Ṣigba azán gigonọ tẹ mẹ mí tin te to ṣẹnṣẹn onúhe lẹ tọn! Na yé na wà dó nado họngán? Ṣigba yé ma sọgan họngán gba! Etẹ wẹ yé to wiwà to asiko mítọn mẹ? Taidi to hóhówhenu! Yé gbà osẹ́n Jiwheyẹwhe tọn lẹ. Jiwheyẹwhe dọ dọmọ: “ Hiẹ ma na deayọ!” Yé nọ dohia dọ mí pégo nado deayọ bo sọ gbẹnkànna nado to ogbẹ̀ to e mẹ. Yé lẹndọ yé na to nukọnyì to e mẹ, ṣigba yé ma sọgan! E sọgan yín dọ e yọ́n to nukun mìtọn mẹ ma nado tùntóayi hlan mi. Ṣogan, Jiwheyẹwhe dọ dọmọ to ojlẹ he mẹ miyọ́ngbán vẹ́ ṣẹ̀ kinklẹn ji. Jesu wẹ dọ ehe.

Yé to ylando wà bo sọ to ylando vlẹ. Whlanẹbi wẹ mí to mimọ to egbé núhe aihọn to yiylọ dọ wiwé to whenuena Biblu to yiylọ dọ mawé! Ajinọ lẹ dè avọ̀ lẹ sọn oviyọnnu yetọn lẹ go, bo zé ṣokotoglì dó na yé po onú he pò lẹpo po, domọ to aliho lẹ ji yé lẹndọ yé doaṣọ̀ dagbe, na oviyọnnu yetọn lẹ nido to didohia agbasalan yọnnu yínyín yetọn tọn, Biblu dọ dọ ylando wẹ podọ onú mawé de! Ṣigba aihọn dọ dọ onú dagbe de wẹ! Mì mọdona? Yé do lalo do osẹ́n Jiwheyẹwhe tọn go. Bọ Agùn ma sọ dọhó depope! Ojlẹ sọ̀ whenuena omẹde na fọ́n tite nado hòavùn na dódó to Oyín Jesu klisti tọn mẹ, bo na dó dogbò na onú nẹlẹ pó, na to azán whẹ̀dida tọn gbè, mí na dógbè onú nẹlẹ tọn. 

Eyín omẹ delẹ mọ dọ enẹ yín ayihunhó, yé ni gọ̀yì godo to owhè delẹ mẹ bo zéjlẹ do onú he to jijọ to egbé go; to enẹ godo, yé ni lẹn nukọnmẹ tọn pọ́n! Nukọnmẹ devo de ma tin adavo kọlilẹwá Oklunọ tọn.

Jẹnukọnna osìngigọ́, mì zé onú he yọnnu nẹlẹ wà jlẹ do yọnnu egbé tọn lẹ tọn go! Mì pọ́n ninọ̀mẹ yetọn. Mì pọ́n onú he visunnu Jiwheyẹwhe tọn lẹ wà to whenẹnu. Mì pọ́n onú he yé to wiwà to egbé.

Yẹn yì opli de tó to madẹnmẹ, yẹn mọ núde he doalan ayiha ṣie go. Yẹwhehódọtọ de to ohódọ bọ omẹ lẹpo yinwanna nado dekunnu na ohó he é to didọ. Yẹn sinai to ola to nuglọ fide. To ṣẹ̀ju pẹvide mẹ, oviyọnnu de biọ họ̀mẹ he doaṣọ̀ masọgbe de. É to zọnlinzin gbọn ohọ̀ lọ mẹ, bo to gigó bo to afọ de dẹ̀dẹ́, kẹdẹdi lé Biblu dọ do. Yẹwhehódọtọ he tin to agbalọ ji dopodopo po agún lọ lẹ po ṣẹ̀ kọ̀lẹ nado pọ́n oviyọnnu lọ. Yẹn lẹn Owé Wiwé he tọn pọ́n, fie ovisunnu Jiwheyẹwhe tọn lẹ pọ́n oviyọnnu gbẹtọ tọn lẹ te, he yín ylandonọ lẹ, yọnnu mawe lẹ, ṣigba yọnnu whanpẹnọ lẹ! Sọha tẹwẹ to agùn lẹ mẹ he ma gble gbọn enẹ tọn dali! Enẹ wẹ gọ̀ Gbigbọ Jiwheyẹwhe tọn dó godo. Mì do ayi e go! Eyín whenuena visunnu Jiwheyẹwhe tọn lẹ pọ́n viyọnnu gbẹtọ tọn lẹ.

Mì flin dọ Jesu Klisti, Mẹhe ma nọ jai, wẹ dọ dọ e dóna yín mọ to egbé. É sọ dọmọ whenuena mí mọ onú helẹ to awúsọhia, mì ni yọ́nẹn dọ ojlẹ ko sẹpọ́, yèdọ to ohọ̀nji. Gbẹtọ susu ma to donamọna gba! Susu to yẹwhehódọtọ lẹ mẹ ma to gbèdedo gba. Yé sọgan dọ eyín yé do jlo. Ṣigba eyín yé dọ ẹ, agùn yetọn lẹ na yàn yé sọn agùn mẹ. Nugbo lọ nẹ.

Ṣigba mì payi ehe go dọ: eyín omẹde yín yíylọ gbọn Jiwheyẹwhe dali, é dóna hẹn Biblu go to onú depope he é to na wà mẹ. Mì dóna flin dọ nugbo wẹ. Nugbo nọ blá kavi nọ tlu. Kẹdẹdi ohó he Jesu Klisti dọ.

Visunnu Jiwheyẹwhe tọn lẹ jai na whanpẹ yọnnu lẹ tọn po nukunmẹ viyọnnu gbẹtọ lẹ tọn tọn po. Mọkẹdẹ wẹ e to jijọ do to egbé. Mọwẹ.

Eyín mí zé onú he jọ to hóhówhenu jlẹ do egbé tọn go: gbẹtọ lẹ to susudeji, yọnnu lẹ yọ́nwhanpẹ, visunnu Jiwheyẹwhe tọn lẹ jai, yè to alọwle bo sọ to niná to alọwle mẹ, bo sọ to alọwle gbà, bo sọ to ogbẹ̀ nọ̀ to ayọdide mẹ, po núhe po lẹpo.

Mì sọgan dọ, dọmọ: “Nọvisunnu Branham, yẹn nọ kanbiọ yín eyín nugbo…” Nọvisunnu lẹ, whẹpo yẹn nado dọhó depope, mì dotó ehe. Jesu klisti wẹ dọ dọ mẹ depope he pọ́n yọnnusi de nado wà núgbigble de hẹ ẹ, ko deayọ hẹ ẹ dote to ayiha etọn mẹ. Whenuena sunnu de tọ́n sọn azọ́nwhé etọn, kavi agùn mẹ, kavi owhé etọn gbé, bo tọ́n jẹ alihotó, etẹ wẹ é mọ, adavo awúsọhia omẹ́jijẹ yọnnu lẹ tọn, yọnnu nukunmẹ whanpẹnọ po aṣọ̀ he dè ninọ̀mẹ yetọn lẹ do omẹ́ po. Yè whlé yé pọ́n! Jiwheyẹwhe ko dọ dọ ehe na sọawúhia podọ whenuena e wá jọ, mì ni yọ́nẹn dọ ojlẹ ko sẹpọ́, yèdọ to ohọ̀nji. Onú helẹ wẹ jọ to Noe whenu, whenuena visunnu Jiwheyẹwhe tọn lẹ mọ viyọnnu gbẹtọ tọn lẹ bo yí hlan yéde lẹ. Mì mọdona? Mì pọ́n fie mí wá jẹ.

Mì nọ wunzẹn na onú nẹlẹ, na onú dopolọ wẹ to jijọ to egbé. Mí sọgan mọ to otànhó mẹ dọ yọnnu tindo awúsọhia “ninọ̀mẹ gblewa tọn de” ehe visunnu Jiwheyẹwhe tọn lẹ yí do basi yẹwhe de. Mì lẹn yọnnu he dó whanpẹ talala de tọn pọ́n podọ yọnnu he pò lẹ tọn. Yé yí i do basi yẹwhe de ehe nukọn yé nọ dẹ́ te. Mì sọgan dọ dọmọ: “Nọvisunnu Branham, mí ma tindo onú mọhunkọ tọn lẹ to egbé gba; mì ma dóna zé jlẹdo ojlẹ nẹ lọ go gba!” Mì jale yẹn kanbiọ! Yẹn yise dọ egbé tọn ylan hú hóhówhenu tọn.

Etẹ wẹ mí to mimọ to televiziọn mẹ? To ohójlawéma lẹ mẹ, yọnnu lẹ kẹdẹ wẹ mí nọ yawu mọ. To núdidè dó ahangò lẹ tọn go, to ohójlawéma lẹ mẹ, to ofi lẹpo, mí ma nọ mọ núdepope adavo viyọnnu whanpẹnọ lẹ “po avọ̀ yetọn he dè yé do omẹ́ lẹpo po” podọ aṣọ̀ he ma jẹ lẹpo. Mọwẹ to televiziọn mẹ, podọ to ofi lẹpo. Ofi depope he mí to pinpọ́n, mí nọ mọ yọnnu whanpẹnọ lẹ to ofi lẹpo. Yè nọ to siga lẹ nù kavi onú devo lẹ wà, yè ma sọgan sà sẹbọ adavo sẹbọ ṣokoto yetọn tọn! Nugbo wẹ! Etẹ wẹ enẹ yín? Etẹwutu e do yín mọ?

Yẹn flin omẹ he nọ nọ̀ núglọ to alihotó bọ yẹn ko sọ wàzọ́n na, oyín mẹhe tọn nọ yín Chris Meisner. Omẹsusu to mìmẹ sọ flin i ga. Asi etọn nọ yín Lilian mẹhe sọn otò Ellinger tọn mẹ. É yọ́nwhanpẹ talala. To ojlẹ de mẹ wá yì, mẹde kanhóbiọ otọ́ etọn nado yí fọto etọn de bo tẹ̀ ẹ do ayú bọnbọnun tọn lẹ go. Ṣigba otọ́ viyọnnu lọ tọn, Janmanu he yín mẹhóhó Luther tọn de, é fọ́n ṣite bo dọhlan fọtodetọ lọ dọmọ: “Ozùngbe de wẹ hlan mi, na yẹn nido mọ fọto viyọnnu ṣie tọn to ayú bọnbọnun tọn he yè to na sà to otò ṣie mẹ lẹ go!” To egbè mí nọ mọ to ofi lẹpo, to pali ajọ́jla tọn lẹ go, to televiziọn mẹ, to ofi lẹpo, fọto yọnnu ylanylan nẹlẹ tọn, “gblewanọ lẹ”, aihọnmẹnù! Mì mọdona? Otlẹn to alọji nado wá alihotó! Biblu wẹ dọ ẹ: é na wá zãndevie. Mí sọgan to ogbè etọn sè.

Mí ko do onú devo lẹ hia to ohóta he mẹ, ṣigba mì flin dọ ehe sọ yín miyọ́ngbán de ga, dopo to miyọ́ngbán he to kinklẹn nẹlẹ mẹ to nukun mítọn lẹ mẹ to egbé. Mí to ninọ̀mẹ akọta tọn mọ. Mí to tukla politiki tọn lẹ mọ. Mí to ninọ̀mẹ agùn tọn mọ. Mí to yẹwhehódọ do onú nẹlẹ pó ji, ṣigba onú yọ́yọ́ de tin to ofi. Núde wẹ bọ omẹ lẹ ma yinwanna nado sè, ṣigba e jẹ dọ mí ni dọ ẹ, dó ogbèdedo onú dóna tin jẹagọ do enẹ go. Mì sọ flin dọ ohó he yẹn to didọ hlan mì to whèjai he, yẹn na sè ogbè yetọn lẹ to azán whẹ̀dida tọn gbè.

To ojlẹ de mẹ wá yì, yẹn mọ númimọ de sọn Oklunọ de, he to yọnnu de dohia mi (yẹn ma flin oyín etọn)… Ewọ wẹ Marilyn Monroe. Yẹn ma ko mọ ẹn pọ́n gbèdé: yẹn ma nọ yì sinema. Ṣigba yẹn mọ viyọnnu nẹ; whanpẹ etọn dọ̀nmẹ titegbe. É ko tẹnpọ́n nado wà núde. É ko pọ́ kúkú na ahúnmẹzọ̀n. Oklunọ dọ hlan mi dọmọ: “A na dọ dọmọ, é kú to ogàn ẹnẹ mẹ to afọnnu. É ma hù ede gba. A na dọ dọmọ, é kú to ogàn ẹnẹ mẹ to afọnnu, na ṣẹju pẹvide wẹ pò na ogàn ẹnẹ nido hò wutu.” Yẹn sọ mọ ofi he é te. Yẹn dọhó lọ na Billy, na whẹndo lọ po omẹ he to ofi nẹlẹ pó po. Azán pẹde godo, yè lá okú Marilyn Monroe tọn.

Yẹn tin to Canada to azán de mẹ wá yì, bọ yọpọvu lẹ nọ dọhó hlan mi to whepoponu dọ, ohọ̀ he nawe de dà na mí dai tindo televiziọn. Fimu de tin bọ yè lá tito etọn; ehe nọ yín: Otọ̀ he ma tindo Kọlilẹ. Otọ̀ nẹ tó wẹ yẹn nọ yì tọji te to whepoponu. Omẹ dopo de tin to họntọn ṣie lẹ mẹ, he yè nọ ylọ dọ John Smith, nọ yì finẹ whepoponu ga. Yọpọvu lọ lẹ dọ hlan mi dọmọ: “Yé basi fimu de do otọ̀ nẹ ji. E sọgan yín dọ mí na yì bo pọ́n fimu lọ mẹdaho Smith! A jlo nado pọ́n ẹn wẹ nọvisunnu Branham?” Yẹn gblọn hlan yé dọ: “E yọ́n, yẹn na pọ́n whenuena yẹn yì Canada to ogàn lọ mẹ.” Whenuena fimu lọ bẹ́, yẹn yì bo pọ́n. Mẹnu wẹ yẹn mọ bọ é sọawúhia to televiziọn lọ mẹ? Marilyn Monroe! É ko kú e hú owhè dopo, ewọ ka wá sọawúhia to televiziọn mẹ po ninọ̀mẹ aṣọ̀ he dọ̀nmẹ tọn de po. Mí sọgan sè ogbè etọn, bọ mí sọ sọgan sè na owhè susu na yè ko yí i do kasẹti ji wutu. Eyín kasẹti nẹ sọgan yí núwiwà nẹlẹ bọ yè sọgan mọ ẹn to ofi he e te (yẹn yise dọ yè whlẹn ẹn gán, ṣigba yẹn ma tunwun; enẹ kàn ewọ po Jiwheyẹwhe po), é ma sọgan mọ́n yé. Ewọ ma sọgan mọ́ yé, na yè ko yí yé do kasẹti ji wutu. Nẹmunẹmu wẹ Jiwheyẹwhe tọn yín nado yí kasẹti owalọ mítọn lẹ dopodopo tọn, po núyiwà dopodopo mítọn lẹ tọn po to núyinu gigonọ Etọn tọn ji! Mí ma sọgan họngán sọn núyinu Etọn nukọn. Onúpopo to e ji.

Mì flin dọ eyín yẹn bladopọ hẹ núyinu radio tọn he nọ má ohó he yín didọ to ofi hlan aihọn lọ blébu, mẹhe nọ lá hlan aihọn lọ lẹ na ko sè ogbè ṣie whẹpo nido tọ́n sọn agbà he ji wá mì de. Enẹ yín gbọn miyọ́nkan aihọn he tọn mẹ.

To awa devo ji, mì yọ́nẹn dọ ogbè ma nọ bú gbèdé. Núyọ́nẹn to didọ dọ to owhè kó mẹ, eyín e to nukọn yì to ninọ̀mẹ egbé tọn mẹ, gbẹtọ lẹ sọgan sè ogbè Jesu klisti tọn gbangba to whenuena É tin to aigba ji. Enẹ yín to owhè kó mẹ! E taidi whenuena omẹ de dlan zannu de do otọ̀ mẹ wẹ enẹ nọ jọ. Owhèvi pẹvi lẹ sọgan bú sọn nukọn mítọn, ṣigba núyọ́nẹn to didọ dọ yé tọ́n sọn ofi de jẹ ofi devo, bọ yé sọgan nù ohù de tọ́n bo sọ vọ ẹ nù tọ́n, bo na tọ́n sọn otẹn de mẹ jẹ devo mẹ, bo ma kú gbèdé. Mọkẹdẹ wẹ hlan ohó he mì nọ dọ lẹ: yé na wá tọ́npe mì to owhẹ̀dazán gbè bo na gblewhẹ̀do mì kavi whlẹn mì gán. Mì ma sọgan mọ́n yé.

Oyẹ gbẹtọ lẹ tọn to tintọ́n gbọn ohọ̀ he mẹ. Eyín mì mayise, mì bo tá televiziọn mìtọn! Ogbè gbẹtọ nẹlẹ tọn tin to ofi ga, eyín e tlẹ yín dọ awutugonu mítọn lẹ ma dọ̀n yé. Ninọ̀mẹ radio tọn po núdọ̀nnu de tọn po tin to ofi, he yín núwlénu radio tọn he nọ wlé ogbè lẹ, bo sọ nọ dè yé tọ́n. Ohó he Jesu klisti dọ lẹ kẹdẹ wẹ to Biblu mẹ. Yé tin to ogbẹ̀, kẹdẹdi ohó depope he yè dọ to whèjai he to aihọn lọ mẹ podọ to ofi depope.

Podọ eyín ohùn Jesu klisti tọn klọ́ ayiha mìtọn wé bo lẹzùn núyinu de na númatọ he, whenẹnu Jesu klisti yín dopolọ to osọ, egbé, mọwẹ podọ kakadoi hlan mì, É bo nasọ wà onú dopolọ lẹ he É wà to whenẹnu, na ohó Etọn ma sọgan kú. É togbẹ̀ kakadoi. Mí ma dóna nọte kaka owhè kó nado pé, na mí nido sọgbe na núyinu mọhunkọ tọn gba: to tẹndodoponẹ mẹ, mí na kẹalọyí enẹ. Mọwẹ!

To egbé, mí togbẹ̀ to ojlẹ gigonọ wiwá Oklunọ tọn tọn mẹ podọ to ofi lẹpo, miyọ́ngbán vẹ́ lẹ to kinklẹn nado lá kọlilẹwá Etọn. Mí sọgan mọ ẹn to politiki mẹ; mí sọgan mọ ẹn to agùn mẹ; mí sọgan mọ ẹn to ojlẹ he mẹ mí te. Ofidepope mí pọ́n dohlan, mí sọgan mọ ẹn. Owhè lọsu ma sọ tindo ninọ̀mẹ hóhówhenu tọn ba. Aigba ma sọ lódo ba. Yẹn sè dọ to agé waji, ohù ko siso hú hóhówhenu tọn. To ojlẹ hóhó tọn mẹ, yè nọ zinzọnlin gbọ̀n ofi he yè nọ ylọ dọ Behring. Dinvie e ko lẹzùn sisosiso titegbe. Etẹwutu e do yín mọ? Na aigba ko yín hinhẹnklo gbọn ofininọ lọ dali. Osìn hú sọn ofi he siso dai bo sọ lẹzùn sisosiso to ofi he pẹde te dai. Aihọn ma sọ lódo ba. E to didẹ́ bo sọ to whinwhan. Aihọn to jujuwayì.

To whèjai he, mí mọ dọ jijọ lọsu to ohia kọlilẹwá Etọn tọn dohia to agbasalan mẹ, na viyọnnu gbẹtọ tọn lẹ lẹzùn whanpẹnọ bọ visunnu Jiwheyẹwhe tọn lẹ nọ dè asi hlan yéde sọn yé mẹ. Ojlẹ tẹ lẹ mẹ wẹ mí tin te! Jiwheyẹwhe ṣie È! Podọ mọwẹ to ojlẹ helọ mẹ.

Otànhó dohia mí ninọ̀mẹ he gbleawu na sunnu he to yọnnu sẹ̀n, bọ mí wá mọ to egbé dọ aihọn lọ ko lẹzùn yọnnu lẹ tọn.

To ojlẹ de mẹ wá yì, yẹn tin to otò Suisse tọn mẹ. Mì do ayi e go dagbedagbe dọ yẹn ma tindo núde jẹagọ do yisenọ yọnnu lẹ go gba: onúvivẹ titegbe de wẹ yé. Ohó he yẹn to didọ yín aliho aihọn lọ lẹ tọn. Nọvisunnu Guggenbuhl po họntọn etọn yọnnu po tin to finẹ. Omẹde wẹ bo dó owhè ṣie hunkọ tọn. É ma dà asi pọ́n; mẹho he ma ko mọ yọnnu, é ko sọ sọawúhia po yọnnu awhli de po. Yọnnu awhli susu wẹ tin to ofi lọ. Dopo to yé mẹ dọhlan mi dọmọ: “Nọvisunnu Branham, mì dọ Amelika hó na mi. E taidi dọ odọ́n, otò yọnnu lẹ tọn wẹ.” Yẹn gblọn bo dọmọ: “Nugbo wẹ!” É dọhlan mi dọmọ: “Yẹn nọ jlo whepoponu nado yì finẹ.” Whenẹnu wẹ yẹn tunmẹ onú lẹ na ẹn. Ewọ dawhá bo dọmọ: “Do na?” Yẹn gblọn hlan ẹn dọ: “Mọwẹ nugbonugbo!” Ewọ sọ diọ linlẹn hadopolọ. É dọhlan mi dọ: “E yọ́n, nawẹ yè sọgan nọ̀gbẹ̀ di yisenọ do to otò mọhunkọ tọn mẹ!” Mì lẹn enẹ pọ́n!

Yẹn mọ awugblenu de to otò Lomu tọn mẹ whladopo. Tintọ́n sọn otẹli mẹ, yẹn pànta ofi he “Otọ̀sisà ahọludu atọ̀n lẹ tọn” te. To aliho, yẹn ma yọ́n sọha yọnnu he lẹ́do yẹn po Billy po tọn, he nọ gọalọna ponọ TWA tọn lẹ. Yẹn kanbiọ pònọ de to finẹ dọmọ: “Bé yọnnu nẹlẹ jẹ nado wà azọ́n helọ?”

É gblọn hlan mi dọmọ: “Lala, yé magbè po ponọ lẹ po wẹ. Yé tindo azọ́n dagbe, ṣogan yé gbẹnkanna ehe.” Otò pẹvi nẹ mẹ wẹ yẹn mọ yè tẹ́do, to bibiọ whíwhlatẹn Angẹli wéwé tọn tọn go, do gbèdide Vatikan tọn ji, wékantin he go yè wlán do dọ: “Oylọ na yọnnu Amelika tọn lẹ: gbọn osi mẹkúkú lẹ tọn dali, mì doaṣọ̀ whẹpo do biọ whégbè.”

Yẹn mọ yọnnu Amelikanu de to otò Paris tọn mẹ whladopo… To hóhówhenu, Paris wẹ aṣọ̀dido mítọn nọ tọ́n sọn wá. Ṣigba viyọnnu nẹ he tin po mẹjitọ́ etọn lẹ po, do aṣọ̀ he dè é do omẹ́, sọmọ bọ ponọ he to azọ́nwà to finẹ lẹpo jó fẹli po dòkunnú yetọn lẹ po do, bo kanwezun nado pọ́n viyọnnu Amelikanu nẹ.

Dinvie Amelika wẹ nọ zín awọntẹn do aṣọ̀dido lẹ go. To hóhówhenu Paris wẹ; ṣigba ofi wẹ yè nọ wá bẹ́ avọ̀kija he gblezọn nẹ te to dinvie. Podọ yè nọ dọ dọmọ: otò he ṣẹ̀ finfọ́n gbọn baptẹm Gbigbọ Wiwé tọn dali, po Oklunọ mítọn Jesu he dabla po to awúsọhiamẹ ohia Etọn lẹ tọn mẹ, po núdabla jọmiọn Etọn tọn po, to didohia mí dọ mí tin to asiko Noe tọn mẹ, bọ miyọ́ngbán vẹ́ de sọ to kinklẹn to aliho lẹpo ji, Jiwheyẹwhe he sọgan fọ́n oṣiọ lẹ de, Mẹhe nọ hẹn azọ̀n gbọ̀, bo sọ sọgan lá núhe ja jijọgbe hlan mí to magbọvọmẹ kẹdẹdi lé É dọ dó! Ṣigba mì sọgan dọ yẹwhehó hlan yọnnu mítọn amelikanu lẹ dẹnsọ lé mì jlo dó: sọn owhè de mẹ jẹ devo mẹ, yé nasọ ylán hú lé yé te!

To otò Durban tọn mẹ, to ohù wáji omẹwí lẹ tọn, omẹwí 200.000 wẹ pli whenuena Jiwheyẹwhe wà nújawu daho nẹ to oplitó. Gbẹtọ dagbe otò lọ tọn lẹ fọtọ́n donu ogban he ko tin to omẹ tintan lẹ mẹ sọawúhia ga. Yọnnu lẹ tin to omẹ́, bo yí kanlinyú de do sú omẹ́ yetọn. Sunnu lẹ sọ to omẹ́ ga… Yé nọ mlọ́nai to onú taidi avivọ̀wu de ji; Yé nọ ná yé kanlinyú de whenuena yé dó owhè de, taidi avọ̀dido de, bọ yé nọ nọ̀gbẹ̀ gbọn enẹ tọn dali, bo nọ mlọ́nai to e mẹ, bo nọ yí i do bú yéde, bọ yé nọ kú po e po, bo sọ yín didi po e po to zunglọ.

Yẹn mọ yọnnu hóhówhenu tọn nẹlẹ, kaka dopo to yé mẹ jivi dẹn do mi na afọdide kó. Yé ma nọ yì dotowhé gbèdé. Yọnnu alọgọnamẹtọ de tin to finẹ bo to alọgọna ẹn na ṣẹ́ju de, podọ to ṣẹ́ju atọ́n godo é jivi. É nọ zé ovi etọn bo nọ to nukunpé é go. Bé mì mọ ninọ̀mẹ he mẹ omẹ hóhówhenu tọn nẹlẹ te. Ṣigba whenuena omẹ hóhówhenu nẹ tọn lẹ mọ húhlọn Jiwheyẹwhe Ganhúnupotọ lọ tọn jẹte do visunnu pẹvide ji, he to azọ̀njẹ bo ma tindo owhẹ̀jijọ ewlọsu tọn de, é zé alọ etọn daga po ayiha etọn po bo to gigo na Jiwheyẹwhe, gbẹtọ fọtọ́n donu ogban otò lọ mẹ tọn nẹlẹ kẹalọyí Jesu Klisti kẹdẹdi Whlẹngantọ yetọn. Bé whenẹnu etẹ wẹ to jijọ? Mì flin dọ fọtọ́n donu ogban, yín donu ao yé gbẹtọ sọha he lẹnvọjọ to azán Pẹntikọsti tọn gbè lẹ tọn – gbẹtọ fọtọ́n donu ogban!

Yẹn mọ yọnnu hóhówhenu tọn nẹlẹ pó nukun ṣie lẹpo. Whenuena yè jai do aigba, yé gbà boṣiọ yetọn lẹ, bo jo ogbẹ̀ yetọn lẹ na Jesu klisti, yé ma yọ́n núdepope. Susu to yé mẹ ma ko sè Oyín Etọn gbèdé. Whenuena yé jẹkoli to oklo yetọn lẹ ji, yẹn kanbiọ yé eyín yé yín nugbonọ, nado gbà boṣiọ yetọn lẹ, yé gbà yé nugbonugbo. Yé jẹkoli to oklo yetọn lẹ ji bo jo ogbẹ̀ yetọn lẹ na Jesu klisti whenuena yẹn hodẹ̀ na yé, bọ yé fọ́ntite. Yọnnu nẹlẹ he hẹn alọ yénọzo lẹ tọn go whenuena yé ma tlẹ yọ́nẹn dọ yé to omẹ́, nado dọ dọ Klisti doalọ ogbẹ̀ yetọn go, yẹn mọ yé to alọ yetọn lẹ blá do agbasa yetọn lẹ go, bo sọ tin to olá na gbẹtọ lẹ. Eyín alọdomẹgo Jesu klisti tọn sọgan basi mọ na gbẹtọ he ma hunnukun de, bé É ma sọgan basi mọ na akọta he sè Owẹndagbe lọ na owhè kanwekó? Enẹlọ jọ to nukun ṣie mẹ; enẹlọ ma yín otàn he mẹde dọ hlan mi gba. Yẹn mọ ẹn. Eyín onújonọ de na mí nado ylọ míde lẹ dọ yisenọ to owhè dopo godo, e ma sọ yín mọ ba. Bọ agùn ma sọ to ayipa to e go ba.

Televiziọn sọ to agbasa yọnnu lẹ tọn sẹ̀n. Yọnnu ma yín yẹwhe de gba, ṣigba enẹ zé Amelika do dotẹn he jẹ mẹ nado hẹn Owé Wiwé di. Osọha Amelika tọn yín wiatọ̀n (13). Amelika to whepoponu yí yọnnu do basi yẹwhe. Yọnnu yín didè do akuẹ mítọn go; yè nọ mọ ẹn to ofi lẹpo. Bọ asiko ma yì na mí nado yí yọnnu do basi yẹwhe Amelika tọn de to nugbo de mẹ. Mì sọgan mọ alọ he wlán onú do adó go.

Nawẹ mí na basi do? Mì jẹte yì alihotó bo pọ́n: mì pọ́n yọnnu nẹlẹ pó, he to zọnlinzin to otòdaho mẹ to avọ̀ he majẹ na yọnnu he dó osi de, nado sọgan dó to abò etọn mẹ, yé to didó to otòdaho lọ mẹ. Yé na to zọnlinzin to alihotó to avọ̀ pẹvi he ma yín núdepope mẹ, ehe sọ finyọ́n yé… bo sọ to awù pẹvi he yé nọ dó bo do nọ lawu to ohùtó mẹ, bo ma yọ́nẹn dọ gbigbọ mawé wẹ to ahọludu to yé ji! Susu to yọnnu nẹlẹ mẹ nọ jihàn to ohànjigbẹ agùn tọn mẹ! Ṣigba ohó he Jesu dọ dọ, e na wá jọ dolé wẹ.

Yọnnu ma yín núde hú agbasalan po ohùn po; é ma yín yẹwhe de gba. Na yẹn tọn, (Jiwheyẹwhe ni joylando ṣie na mi eyín yẹn blẹ́ dê), aṣọ̀ ayọ̀dide tọn daho de wẹ yọnnu nẹlẹ nọ dó. Mí ma sọgan na owhẹ̀gbledo de mayisenọ eyín é jai biọ whlepọ́n mẹ, bọ é ma sọ sọgan nọte to ylando nukọn. Eyín núpaṣamẹ dọ yé ni ma bẹ́ enẹ lẹ yì blo, eyín mí mọ osọha yọnnu he to zọnlinzin to aliho nẹ ji lẹ tọn. Ṣigba eyín enẹ sọawúhia, nawẹ mí na dowhẹ̀ gbẹtọ do? Mì gbọ mí ni dowhẹ̀ mẹhe whẹ̀gbledo jẹ hẹ!

Yọnnu lẹ nọ dọhlan mi dọ: “Nọvisunnu Branham, yẹn yín nugbonọ!” Yẹn ma to núde lẹnpọ́n, nọviyọnnu ṣie, ṣigba mì flin dọ mì na wá whèdọ to whẹ̀dazángbe bọ yè na dowhẹ̀ ogalilọ tọn mì, na mì jo mìde hlan aṣọ̀dido he hẹn sunnu lẹ dójlo ayọ̀dide tọn? Jesu dọ dọmọ: “Mẹdepope he pọ́n yọnnusi de nado wà núgbigble de hẹ ẹ to ayiha etọn mẹ, é ko deayọ̀ hẹ ẹ dote.” Sunnu lọ na wá dógbè etọn. E sọgan yín dọ mì ma wà onú mọtọnhunkọ, ṣigba eyín mì dike Satani zé gbigbọ gbigble nẹ do mì mẹ, jijọ lọsu to pinplọ́n mí dọ oylan wẹ… Matin Gbigbọ Jiwheyẹwhe tọn, jijọ lọsu to pinplọ́n mí dọ oylan wẹ.

Yẹn to didọ dọ to madẹnmẹ, mí na mọ yé tintọ́n jẹ alihotó po aṣọ̀dido ylankan nẹ po he taidi amà votin tọn. To owhè ogban die, yẹn ko dọ ẹ dai dọ eyín ozungbè de na Biblu. Mì mọdona? Ṣigba yé dóna wà ẹ. Aṣọ̀ ayọ̀dide tọn wẹ to gbẹtọ lẹ mẹ.

To egbè, Satani sọ to núdopolọ wà po visunnu Jiwheyẹwhe tọn lẹ po. Nugbo wẹ! Mì do ayi aihọn ajọwhé lẹ tọn go. Susu to ajọwhé mítọn lẹ mẹ wẹ yọnnu lẹ yín nukọntọ na. E tin susu. Nugbo wẹ. Mì pọ́n agùn mítọn lẹ, mì pọ́n akọta he, mì pọ́n lé visunnu Jiwheyẹwhe tọn lẹ to dídẹ́ yéde lẹ do nukọn na yẹwhe nẹ, yèdọ yọnnu! Na yẹn tọn, yé ma yín núde hú ogalọtọ lẹ. E sinẹnawu nado dọ, ṣigba nugbo wẹ. Yẹn yín kandejinọ dọ gbẹtọ lẹ na sè kasẹti nẹlẹ, bo nasọ dọhó he yẹn dọ nẹlẹ. Ṣigba nawẹ mí na dọhó jẹagọ do? Eyín mì sọawúhia to ninọ̀mẹ mọhunkọ tọn mẹ, bọ sunnu de pọ́n hlan mì, Jesu dọ dọmọ, mì ko deayọ̀ hẹ sunnu lọ. Bọ sunnu nẹlọ na wá whèdọ dogbọn owhẹ̀hó ogalilọ tọn dali. Ṣigba, mẹnu wẹ ṣinúwà? Yọnnu lọ he dè ede dó omẹ́ to nukọn ylandonọ lọ tọn. Nugbo wẹ! Etẹ wẹ mí na dọ lò, bé ohia lọ wẹ? Miyọ́ngbán vẹ́ ojlẹ godo mẹ tọn wẹ!

Yọnnu gbẹ́ aṣẹpipa onọyínyín etọn tọn dai; akọta lẹ tọ́nsọn ninọ̀mẹ yetọn lẹ mẹ. Eyín mì jlo na mọdona ofi he Jesu dọ enẹ te, mì hia Owé MATIU tọn 5:28. Popolẹpo tin to finẹ. Yé jai do huhlọn ayọ̀dide tọn glọ, he yín aijijẹ de. Eyín mì jlo nado yì nukọn do mọ, pọ́ndego lọ ma na gbọvọ́. Yẹn mọ aijijẹ akọta delẹ tọn: Egypt, Asia, Lomu po otò devodevo he pò lẹ po tọn. Yé jai na huhlọn yọnnu lẹ tọn wutu.

Mì do ayi e go, ṣogan, to whlẹngán mẹ vò, Jiwheyẹwhe ma ná núde gbẹtọ hú yọnnu jijọdagbenọ. Mẹde ma tin taidi yọnnu he na dóalọ akọnji na sunnu lọ whenuena agbọpe é. É ma sọgan deji do mẹdepope go adavo do asi etọn go. Mì nọvisunnu lẹ emi, mì sọgan yín donanọ whenuena mì tindo asi whiwhẹnọ podọ wiwénọ, nugbonọ, oplọ́nyítọ, he sọgan dọhó hlan mì whenuena mì biọ whégbe po agbọpemẹ po. É na wà mọ na mì húgan omẹ devo lẹ. Nugbo wẹ. Núvivẹ de wẹ yọnnu bo sọ yín ahọsi.

Ṣigba mì flin dọ yè basi yọnnu na sunnu e ma yín sunnu na yọnnu gba. Sunnu wẹ núdida Jiwheyẹwhe tọn he gbọn godo. Yọnnu yín apáde sunnu tọn, yè dè é tọ́nsọn sunnu mẹ. Yè dá ẹ na sunnu, e ma yín sunnu wẹ na ewọ gba. Sunnu lọ jai whenuena é ṣẹ̀ yọnnu sẹ̀n ji. Enẹ wẹ onú he jọ to whẹ́whẹ́whenu. Kẹdẹdi lé Adam, visunnu Jiwheyẹwhe tọn, ma sọgan tẹ́npọ́n nado wàylan, Satani biọ gbẹtọ he yè nọ ylọ dọ odàn mẹ, he taidi gbẹtọ. Finẹ wẹ núpopo ṣẹ̀ sọn. Evi sọ tọ́nsọn oyẹ Ohó Jiwheyẹwhe tọn tọn glọ podọ enẹ wẹ bibẹ́nu aijijẹ lẹpo po oyọwhé lẹpo po tọn. Finẹ wẹ bibẹ́nu oylan he yè wà to whẹ́whẹ́whenu lẹpo tọn. Mọwẹ.

Yọnnu wẹ hẹn ahlidida wá to whẹ́whẹ́whenu, ewọ nasọ tin to dotẹn enẹ mẹ jẹ opòdo. Ewọ wẹ bẹ́; ewọ wẹ nasọ fó e. E ma yín núpaṣa na Biblu nido dọ dọmọ, mẹhẹ họngán sọn Ziọni mẹ lẹ na yín gigopana to nukun Oklunọ tọn mẹ.

Isaia to didohia mí lé yọnnu lẹ na dóaṣọ̀ he dè yé do omẹ́ to ojlẹ godo tọn lẹ mẹ, lé yé na sọnú do, lé yé na pàda do… Biblu dọ ẹ to ISAIA 3 mẹ. Biblu dohia mí lé yé na to zọnlinzin dó bọ afọpàgéji yetọn lẹ na to núdọ, lé yé na há sẹbọ yetọn lẹ sọn afọpápá yetọn lẹ dó podọ núhe pò lẹ po. Yèdọ yé na bẹ́ enẹ lẹpo sọn yé si bọ yé nasọ tin to aṣọ̀ yetọn mawenọ he dè yé do omẹ́ lẹ mẹ. Yèdọ yọnnu ṣinawe na tẹ́do sunnu dopo go bo to didọ dọmọ: “Mí na dù núdùdù míde tọn, bo nasọ ṣinyọ́n avọ̀ míde tọn: ṣigba na yè ni ylọ oyín towe do mí go, nado dè winyan mítọn sẹ̀!” (ISAIA 4:1).

 Ṣigba É dohia gbangba lé e na dó gigo dó, yé awhànpa pẹvi he na họngán sọn onú nẹlẹ pó mẹ! Podọ lé yé na klán Oklunọ do wiwé dó to azán nẹ gbè po yọnnu nẹlẹ he yè vọji nugbonugbo po, he na yọ́n otẹn yetọn lẹ bo sọ nọnọ̀ e mẹ eyín yè tlẹ to yé vlẹ, yé ni ylọ yé dọ nulunọ he nọ dóaṣọ̀ yọ́nhonọ lẹ tọn, po onú mọtọnhunkọ lẹ po. Ṣigba yé na to nukọn yì di yọnnu jijọdagbenọ, bo sọ nọte gli di yọnnu walọdagbenọ, bo na nọ dóaṣọ̀, bo na nọ dọhó, bo nasọ nọ̀gbẹ̀ di yọnnu walọdagbenọ! Mọwẹ! Niṣẹ! (Niṣẹ! wẹ yín dọ ni yín mọ!) Mì dibú blo! Enẹ ma na wà oylan de do mì.

Ohó Jesu tọn lọsu wẹ dọ dọ, onú he na wá jọ, bo sọ do e hia mí hézéhézé. É dohia mí onú he jọ to Lọti whenu. Eyín mì jlo na payi e go, mì na mọ to Owé LUKU 17:28 mẹ tọn. É dọ, gbẹtọ lẹ to dùdù, bo to nùnù, bo to hihọ, bo to sisa, bo to dido, bo to họ̀dó… Nugbonugbo, núhe osẹ́n yigbena lẹ wẹ, ṣigba (mì payi enẹ go dagbedagbe) gbẹtọ nẹlẹ ma sọ to onú devo de lẹ́npọn hú enẹ lẹ.

To Lọti whenu, yọnnu lẹ gblewa sọmọ bọ sunnu lẹ nọ gbẹkọ zinzán jọwamọ yọnnu lẹ tọn go, bo sọ nọ wàn do yénọzo lẹ go. Ojlo jọwamọ sunnu tọn dóhlan yọnnu diọ, na yọnnu lẹ ylankan sọmọ wutu wẹ.

To azán delẹ godo wá yì, yẹn tin to otò Tucson tọn mẹ, fie yẹn nọ họ akla te. Yọpọ sunnu de tin to gbonu finẹ po yọpọvu sunnu awe delẹ po to mọto mẹ. Mẹde biọ họ̀mẹ bo kàn siga pali dopo biọ. Núsatọ lọ, mẹho owhànọ de, dekọpọ́n ẹn bo sọ kanbiọ ẹ dọmọ: “Mẹnu tọn wẹ siga helẹ, bé onọ towe tọn wẹ?” Yọpọvu sunnu lọ sọ gblọn bo dọmọ: “Lala, yọpọ sunnu nẹlọ tọn wẹ!” Núsatọ lọ sọ yíhó dọmọ: “É ko whẹ́n nado nù siga wẹ?” Yọpọvu sunnu lọ sọ yígbè bo gblọn dọmọ: “Mọwẹ dawe!” Núsatọ lọ sọ pọ́n ẹn sùu. Yẹn tin to finẹ, po akla de po to alọ de mẹ, po ogo osìn tọn de po to alọ devo mẹ, bo to pinpọ́n. Núsatọ lọ sọ dọhlan yọpọvu sunnu lọ dọmọ: “E yọ́n!” bo sọ bẹ́ siga lẹ lọ do alọ yọpọvu sunnu lọ tọn mẹ. Núsatọ lọ sọ dọhlan mi dọmọ: “Yẹn ma yise dọ é ko dó owhè mọhunkọ tọn gba!”.

Yẹn sọ dọhlan ẹn dọmọ: “É ma sọgan dó owhè mọhunkọ tọn gba. Depope he owhè etọn na yín, yè ma nọ whẹ́n nado nù siga gba!” Núsatọ lọ sọ dọhlan mi dọmọ: “Yẹn yígbè hlan ohó towe. Bé e sinawu na mì nado dóalọtena siganùnù wẹ?”

Yẹn sọ gblọnna ẹn dọmọ: “Yẹn ma wà onú mọhunkọ tọn pọ́n gbèdé. Siganùtọ wẹ omẹjitọ ṣie lẹ, ṣigba Oklunọ whlá mi sọn e mẹ.”

Ewọ sọ lẹ́ pannukọ̀n mi bo pọ́n mi dagbedagbe, bo sọ dọmọ: “Eyín núhuwinyan na mi na ninọ̀mẹ egbé tọn nado zé yọnnu do aga. To asiko hóhó lẹ mẹ, yè nọ doyẹyigona ẹn. Yè nọ hùn gbakún to nukọn etọn. Eyín yè sè dọ yè wà onùyìdo de hlan yọnnu de, yè nọ hò omẹ lọ badabada. Yè doyẹyìgona yọnnu lẹ! Ṣigba eyín onú nẹlẹ to mọ to egbé, yọnnu lẹ wutu wẹ! To osọ he wá yì, to mọto otò tọn de mẹ, whenuena yọnnu de biọ e mẹ, sunnu lẹpo nọ fọ́nṣite bo nọ hùn gbakún yetọn kaka ewọ do sinai. E ma to mọ to egbé ba gba. Yè nọ to yẹyiwle na ẹn bo nọ to aliho dè… Ṣigba yewlẹ wutu wẹ e do yín mọ.” Nugbo wẹ. Yé jai jẹ huhlọn gbigbọ mawé Hollywood tọn glọ, enẹ godo e biọ ohójlawéma lẹ mẹ po televiziọn lẹ po mẹ kaka bọ enẹ lẹpo lẹzùn ozẹ́n osùnú tọn daho de. Nugbo wẹ!

Yẹn yọ́nen dọ e ma yín enẹ didọ mẹ wẹ yẹn na tindo họntọn lẹ te gba, Ṣigba nugbo he sọgbe lọ wẹ. Nugbo wẹ! Ohó Oklunọ tọn wẹ, ehe sọ wẹ ohia he jẹnukọnna wiwá Klisti tọn to asiko mítọn mẹ. Ohó lọ dọ, dọmọ: “Owhẹndo he ma na juwáyi kaka enẹ lẹpo nado wá jọ.” É sọ dọmọ: “Olọn po aigba po na ju, ṣigba Ohó ṣie lẹ ma na juwáyi gbèdé.” Avasè de wẹ, miyọ́ngbán vẹ́ he to kinklẹn de wẹ nado na mí avasè dọ aihọn na jai to zãndevie. Mí ko sẹpọ́ vivọnu.

Mí mọ ohia Oklunọ mítọn Jesu tọn lẹ whenuena É to azọ̀nhẹngbọ, whenuena É to oṣiọ lẹ fọ́n bo sọ to gbigbọ mawe lẹ yànjẹgbonu. Mí mọ agùn he Gbigbọ Wiwé klando wiwé, mí mọ gbẹ̀zán lẹ to didiọ. Mí to ohia dahodaho lẹ mọ. Mí to ohia dabla lẹ mọ to agàhomẹ onú he yè ma sọgan dọ apajlẹ etọn to whẹhọ̀sa lẹ, gbẹtọ he to ohódọ do onú nẹlẹ go to televiziọn mẹ, yé omẹ he nọ wlán wéma dahodaho lẹ do gbọn onú nẹ lọ tọn dali, mẹde ma sọ yọ́n ehe yè sọgan lẹnpọ́n dogbọn onú nẹ lọ tọn dali. Ohia dabla alọpãlọpa lẹpo wẹ sọawúhia, Oklunọ Jesu jẹte to ninọ̀mẹ dotin miyọ́n tọn de mẹ, yè dé fọto enẹ lọ tọn, mí sọgan mọ dọ É tin togbẹ̀ to ṣẹnṣẹn mítọn, dopolọ to osọ, to egbé podọ kakadoi.

Mí mọ onú nẹlẹ pó sọawúhia. Mí mọ mahunzo agùn lọ tọn. Mí mọ blublu agùn titò lẹ tọn. “Whenuena alà votin lọ tọn ṣẹ̀ṣẹ̀ tọ́nkun bọ amà etọn lẹ wújẹgbonu…” Mí mọ ovotin lọ, enẹ wẹ Ju lẹ, bọ yé lẹ́gọ̀wá otò yewlọsu tọn titi mẹ. Mí mọ agùn Presbyterian lẹ tọn, agùn Methodist lẹ tọn, agùn Baptist lẹ tọn, agùn Luther lẹ tọn, agùn Pentecost lẹ tọn, agùn lẹpo wú sinsẹ́n yetọn lẹ jẹgbonu to vọfọ́n lẹ mẹ… É dọmọ: “Mí wleawu na ojlẹ lọ ko sẹpọ́.” Whenuena mí mọ onú nẹlẹ pó sọawúhia, eyín asiko he mẹ Jiwheyẹwhe to Awúwle nado ylọ omẹ didè Etọn lẹ. É dọhó do ohia alọpãlọpa nẹlẹ pó go: “Whenuena mì mọ yọnnu lẹ lẹzùn whanpẹnọ talala, eyín mì mọ dọ ovisunnu Jiwheyẹwhe tọn lẹ dè asi na yéde lẹ, bọ mì sọ mọ sunnu lẹ to ehe basi kavi enẹ…” É dọ dọ: “Whenẹnu wẹ mì yọ́nẹn dọ ojlẹ lọ ko sẹpọ́, podọ to ohọ̀nji!” Finẹ wẹ mí te!

Yẹn sọ wlán pọ́ndego devo de. Mì do ayi viyọnnu Lọti tọn awe lẹ go to otòdaho Sọdọmi tọn mẹ (mọwẹ, mí do ayi e go.) Jesu dọ to Owé LUKU 17 tọn mẹ: “Núhe jọ to Lọti whenu…” Mì flin dọ sunnu lẹ diọ zinzán jọwámọ yọnnu lẹ tọn sọmọ bọ ojlo zinzán jọwámọ aihọn tọn ma sọ tin ba. E sinawu nado dọ ehe po ogbè lélé po sọn agbà lọ ji, ṣigba eyín yè nado dọ nugbo lọ, sọn agbà lọ ji to ofi wẹ. Onú popo to yínylan egbé sọmọ bọ otasọdonanú susu tin, sọn Sọdọminu lẹ de, bọ enẹ nasọ to whinwhẹ́n do e ji.

Lé e te to Sọdọmi whenu zinzán jọwámọ gbẹtọ tọn nado jivi do aigba ji yínzinzán jẹagọ, bọ e to jujujei, lé onú lẹ to mizọnmizọn ji do, ojlo nado jivi na juwáyi to plaun mẹ. Eyín e to nukọn yì domọ, egbé to owhè ao kavi fọtọ̀n dogọ onú depope ma sọ to na pò ba. Yẹn hia dogbọn onú he dawe he yè ylọ dọ Edgar Hoover dọ tọn dali, ṣigba yẹn flin dọ yẹn ma hẹn yé wá ofi gba.

Mí nasọ deana na devo delẹ to ohóta he ji. Mí na hia to episteli Juda tọn mẹ, owé pẹvi he, kẹdẹdi lé yẹn nọ ylọ ẹ dọ. Mí ni hia afọ 7 lọ. Owé he jẹnukọnna Osọhia wẹ. Gbẹtọ he nọ gbà alẹ̀nù alọwle tọn lẹ bo nọ gọ̀yì agbasalan jonọ de dé wẹ yé. Mì dóto.

“…yèdọ di Sọdọmu po Gomọla po, po otòdaho he lẹ́do yé lẹ po,
yí yéde hlan galilọ, bo to tintọ́n hodo agbasalan devo, yè zé do
 nukọn na ohia, yé to oya ahọsú miyọ́n madopọ̀do tọn ji”
(enẹ yín dọ yè fiọ yé mlẹnmlẹn bọ yé ma sọ tin ba gba).

To ojlẹ de mẹ wá yì, to otò Los Angeles tọn mẹ, yẹn dóna yì ofi he yẹn ko nọ yì whẹwhẹ. To aliho ji, yẹn zẹ̀ viyọnnu de go he to zọnlinzin to aliho afọzọntọ lẹ tọn ji. É yọ́nwhanpẹ talala. É dóaṣọ̀ alọpa de taidi mọdónamẹtọ de, aṣọ̀ alọpa de po kanbibla de po to nukọn etọn, he gbló na jijlẹ alọviyẹyẹ ṣidopo kavi ṣinatọ̀n tọn, po kẹyẹ he jijlẹ etọn yì alọviyẹyẹ atọ̀n kavi ẹnẹ tọn na odòyìyì avọ̀ lọ tọn; po avọ̀ pẹvi de po he whè sọmọ bọ mì sọgan bẹ́ popolẹpo pli dopọ to alọ mìtọn mẹ. É zé gbakún jọunjọja lẹ tọn alọpa de do ota, po afọpa etọn po to afọ etọn. Nado dọ, whanpẹ etọn klọ́ omẹ. To linlẹn ṣie mẹ, yẹn sọgan mọ dọ sunnu lẹ to tenọ na etọn wutu po awhá po nado zinzọnlin hẹ ẹ to aliho, bo nasọ to gigoyì… 

Yẹn gbẹnkànna gbejizọnlin ṣie. Whenuena yẹn jẹ ofi lọ, e wá linlẹn ṣie mẹ nado lẹ́gọ̀ to afọdodoponẹji, Podọ nado lẹ́ pannukọ̀n viyọnnu lọ bo dọhlan ẹn dọmọ: “Viyọnnu, yẹn jlo nado dọhó hẹ we to Oyín Oklunọ Jesu klisti tọn mẹ. Viyọnnu whanpẹnọ talala wẹ hiẹ, nugbo wẹ! Nado dọ, e yọ́n na we nado sè finfan ohún lẹ tọn. Ṣigba, bé hiẹ yọnẹn dọ gbigbọ he to kọgọna we nado to onú nẹlẹ wà na plán we biọ lọnzodo mẹ fie hiẹ na te to awufiẹsamẹ to azán he ja lẹ mẹ? Bé hiẹ do ayi e go dọ agbasa pẹvi he lọ, he yè basi po whanpẹ po sọmọ, aláka whanpẹnọ helẹ, po odà whanpẹnọ nẹlẹ po, po nùflo whanpẹnọ vẹ́ nẹ lọ po, enẹ lẹpo, owán lẹ sọgan dù yé to osùn ṣidopo mapemape mẹ? Podọ alindọn he tin to hiẹ mẹ to egbè whenẹnu na wá tin to awúfiẹsa mẹ to lọnzodo mẹ?”

Ṣigba núde hẹn mi dote taidi dọ Oklunọ to ohó de dọ hlan mi, dọmọ: “ Eyín hiẹ wà enẹ, yè na wle we do oganhọ̀ mẹ!” Be mì mọdona? Enẹ lọ wẹ! Whenẹnu wẹ Billy tọ́n sọn mọto etọn mẹ bo basi alọ hlan mi dọ yẹn ni wá na ogàn ko hò nado yì opli whenuena yè to ohanji dọ “sa ko yise.”

Mẹmẹsunnu ṣie lẹ é mi! Nawẹ gbigbọ azé tọn sọgan blá gbẹtọ lẹ domọ dogbọn onú mọhunkọ lẹ tọn dali? Na yé gbẹkọ Ohó Jiwheyẹwhe tọn go wutu wẹ.

Núdevo dogọ. Yè gbẹ́na yẹwhehódọtọ lẹ he kọndopọ po agùn pipli lẹ po he to onú nẹlẹ hia bo sọ yọ́n yé ma nado dọhó dogbọn onú nẹlẹ tọn dali, na gbẹtọ lẹ niká klán sọn yé go. Agùn nẹlẹ to dindin nado tindo agùnvi lẹ. Ṣigba Jiwheyẹwhe, Ewọ, to dindin mẹwiwé lẹ he yè vọji to Jiwheyẹwhe Ogbẹ̀nọ mẹ, bo na to sisẹ́ di sunwhlẹvu lẹ. Na Jiwheyẹwhe ni gọalọ na mí nado yín nugbonọ podọ nado dọ nugbo he yín ohó he Jesu Klisti dọ. Ṣigba mì pọ́n azán he mẹ mí te lẹ! Ohia he Jesu ko dọhó yetọn jẹnukọn lẹ wẹ bọ mí sọ to yé mọ hézéhézé.

Mí ni gọ̀wá owé Juda tọn mẹ, afọ 7: Otàn Sọdọmi po Gọmọla po tọn sọ lẹ́gọ̀wá whenu mítọn. E blawú bo sọ ylan! Sunnu lẹ nọ mọ asi na yéde ma wlealọ hẹ yé: yé hodo agbasalan devo lẹ. Whenuena sunnu de po yọnnu de po wlealọ, yé ma sọ yín awe ba gba ṣigba dopo. Podọ sunnu de he to tintọ́n po yọnnu devo de po whenuena é ko tindo asi etọn titi to ohọ̀ etọn mẹ, ko klán sọn asi etọn go dote. Mọkẹdẹ ga wẹ na yọnnu he jẹgodo na sunnu devo de whenuena asu etọn tin togbẹ̀, ewọ masọ to ogbẹ̀ hlan asu etọn ba gba. E mọ́n agbasa ede titi tọn, bo dọn ede sún sọn e mẹ. Nugbo wẹ! Yé omẹ awe lẹ na whedọ to whẹdazángbe.

Ṣigba to egbè, yé ma jlo na ná otó owẹn mọtọnhunkọ lẹ! Gbẹtọ lẹ ma yinwanna nado sè ehe lẹ. Yé jlo na sè onú he na vivi to otó yetọn lẹ mẹ. Mọwẹ Gbigbọ Wiwé dọ whenuena yẹn zé osé tintan agùn tọn doai. É dọhlan mi dọ:

“ Nọ dọyẹwhehó Ohó lọ tọn; do magbọjẹ na dewe to ojlẹ mẹ podọ to mayín ojlẹ mẹ; nọ yí linsinsinyẹn po oplọ́n lẹpo po do wọ́hẹmẹ, nọ yí do pọ́nmẹgo, bo sọ nọ jlahomẹdonamẹ. Na ojlẹ na wá bọ yé ma to na doakọ́nna oplọ́n he pégan; ṣigba to wantúntún yetọn titi mẹ, yé he tlitó, yé na bẹ́ mẹplọntọ pli na yéde; yé na lẹ́ otó yetọn sọn nugbo mẹ, bo nasọ gọ̀ do otàn ovọ́ kọ̀n.” É dọhlan mi dọmọ: “ Whenuena hiẹ na tọ́n sọn numimọ lọ mẹ, hia 2Timọti 4.” É dọ: “ Ma wọn blo, 2Timọti 4!” Whenẹnu wẹ numimọ lọ sọ yì. Yẹn tin to finẹ, yẹn ovi owhè fọtọnnukunẹnẹ mẹ tọn to ote to aliho ṣinawetọ ji. Ogbè Jiwheyẹwhe tọn ko dọhó hẹ mi to abo ṣie mẹ bo dọhlan mi dọmọ: “ 2Timọti 4!” Mọkẹdẹ wẹ onú he to jijọ to dinvie.

Ojlẹ na wá whenuena yé ma na doakọ́nna oplọ́n he pégan. Omẹ Pẹntekọsti tọn lẹ jlo mẹhe na to alọ doakọ́nji na yé bo na jo yé do na yé ni nọgbẹ̀ dolé yé jlo do, yé ni to piano lẹ hò bo to kantiki lẹ ji po huhlọn lẹpo po, bo nọ lọ́n po owe po biọ jẹhọn mẹ, bo jo yọnnu lẹ do na yé ni to bibasi kẹdẹdi lé e te to egbè, podọ mọkẹdẹ wẹ na sunnu lẹ ga. Na agùn Presbyterian lẹ tọn, Methodist lẹ tọn, Lutherian lẹ tọn, Baptist lẹ tọn, to agùn pipli nẹ lẹpo mẹ gbẹtọ nugbonọ susu tin to yé mẹ. Nugbo wẹ. Ṣigba núyíwa yetọn lẹ blá yé sọmọ bọ yé nọ lẹn dọ whenuena yé tin to agùn de mẹ, bọ oyín yetọn lẹ yín winwlán do owégbo agùn lọ tọn mẹ wẹ yé do pégan nado biọ olọn mẹ. Yè ni wlán oyín mẹtọn to owégbo agùn de tọn mẹ, ma hẹn mẹ biọ olọn mẹ gba [Nọvisunnu Branham hò alọviyẹyẹ etọn lẹ dopọ po huhlọn po-N.d.R] To Jiwheyẹwhe nukọn! Oyín mìtọn dóna yín winwlán to Owé Ogbẹ̀ tọn Lẹngbọvu lọ tọn mẹ gbọn Ohùn Jesu Klisti tọn dali, ehe to kunnude dọ yè ko jona ylando mìtọn lẹ. Nugbo wẹ!

Ṣigba yewlẹ yinwanna lẹngbọhọtọ mọtọnhunkọ lẹ. Yé ma sọ jlo onú devo de. Ṣogan, núnina he yè ná to Biblu mẹ lẹpo, núnina he Jesu Klisti dopagbe etọn lẹpo, núnina lẹpo, ohia lẹpo, ohia ojlẹ godomẹ tọn lẹpo, he yé dopagbe etọn lẹpo to Biblu mẹ, dolé yẹn lọsu sọgan mọ do, yè ko hẹn popolẹpo sọawúhia to akọta he nukọn! Ṣigba e bọawúna ẹn talala dọ e wlé aliho lọnzodomẹ tọn. Mì dọ yẹwhehó onú helẹ tọn hlan yé eyín mì jlo, to alọ lẹpo mẹ yé na gbẹ́sọ to whezundo nado biọ lọnzodomẹ janwẹ. Yẹn nasọ ná mì owéfọ devo lẹ dogọ whẹpo yẹn nado doalọte. Biblu dọ yé wlé aliho dindọn madopodomẹ tọn.

To egbè, akọta he ko biọ gbigble daho de mẹ. E to e mẹ to whejai he. Mì yọnẹn! Yẹn ma to ohógblo dọ gba. Yẹn ma nọ dọ, “yé dọ, yé dọ gba”. Nugbo wẹ: Mì hia owé Genẹsisi 6:12 tọn. Agbasalan lẹpo ko hẹn aliho yetọn lẹ gble to aigba ji. Gbẹtọ dèaliho ede tọn bo sọ jegodona linlẹn ede tọn titi, bo gbẹ́kọ sọn osẹ́n Jiwheyẹwhe tọn lẹ go. Enẹ wẹ gbẹtọ to wiwà to egbè. Gbẹtọ lẹ ma jlo na sè ogbè Jiwheyẹwhe tọn gba. Yé ma jlo na ná otó É. Yé yinwanna nado to yìyì to aliho yéde titi tọn lẹ ji.

Jezabẹli gbẹ́ nado sè Ohó Oklunọ tọn. É ma jlo na yí Elija kẹdẹdi lẹngbọhọtọ etọn gba. Nugbo wẹ. Jiwheyẹwhe do é hlan bọ é sọ lá owẹn etọn po awhá po. É sọawúhia ma yì owéhọmẹ bọ gbẹtọ lẹ ma yọ́n fie é sọ́n wá podọ fie é jei. Ṣigba é sọawúhia po Ohó Jiwheyẹwhe tọn po. É lá owẹn etọn, bo dọyẹwhehó, bo sọ dáwhẹna núdepope he yín ylando. Ṣigba Jezabẹli nukunhùnhùn egbè tọn tọn ko yí azé etọn do lẹ́kọna gbẹtọ lẹpo gbọn huhlọn zinvlu etọn tọn dali, kaka akọta lọ blebu do biọ gbigble mẹ. Elija kẹdẹ wẹ po to osó ji. Ṣigba Jiwheyẹwhe dọhlan ẹn dọ: “ Elija ma lẹndọ hiẹ kẹdẹ wẹ pò blo! Yẹn gbẹ̀ sọ tindo omẹ fọtọ́n donu ṣinawe to ofi mẹhe ayiha yetọn yín nugbonọ lẹ.” Ehe wẹ pull etọn awetọ, mọwẹ atọ̀ntọ nasọ wá na yé.

Ṣigba mì flin dọ lẹblanunọ wẹ Jiwheyẹwhe, owẹn Elija tọn gblewhẹ̀do whẹndo mayisenọ he. Owẹn Noe tọn gblewhẹ̀do whẹndo he bo sọ hẹn whẹdida flẹ jẹ yé mẹhe gbẹ́ nado yí ohó etọn sè lẹ ji, Ṣigba bo hẹn whlẹngan wá na yé mẹhe yise lẹ. Kẹdẹdi Noe whenu, to Genẹsisi 6 mẹ, gbẹtọ lẹ na gbẹ́ osẹ́n Jiwheyẹwhe tọn lẹ dai to wiwá Ovi gbẹtọ tọn whenu. Yé nọ to didọ: “ Ohó Madopodo tọn!…”

To Owé Wiwé mẹ, Ohó Jiwheyẹwhe tọn dọ… Mì tùntóai hlan mi dagbedagbe! Yẹn ma dọ ehe na mẹde dovo gba! Yẹn kẹdẹdi nọvisunnu mìtọn, azọ́n ṣie wẹ. Azọ́n ṣie wẹ nado dọ nugbo lẹpo hlan mì. Kẹdẹdi lé Paul dọ do whẹpo do yì: “… Na yẹn ko yí nuplọ́nmẹ Jiwheyẹwhe tọn lẹpo hia mì, bo ma whlá núde do mì.”

Biblu dọ hlan mí to egbé dọ yọnnu ma dóna pàda. Depope to yẹwhehótọ lẹ mẹ he na to didọ dọ enẹ ma yín núde: onú he ylan wẹ! Depope he sọha agùn lẹ tọn lẹ yín he yigbè dọ, yọnnu dóna pàda, ṣogan Biblu gblewhẹ̀do dọ e ylan! Winyannu wẹ eyín hlan ẹn eyín é basi mọ. Ṣigba yọnnu lẹ gbẹ́sọ to nukọn yì to e mẹ! Etẹ wà wẹ yé te lo to mọ bibasi mẹ? To linlẹn yetọn lẹ mẹ, yé to whanpẹ basi; yé lẹndọ yé yọ́nwhanpẹ.

Ṣigba Ohó Jiwheyẹwhe tọn to avasèna yé na yé ma nado wà onú nẹlẹ. Yé ma dóna sọnú di sunnu gba, ṣigba yé gbẹ́ sọ to nukọnyì to e mẹ janwẹ. Mì tẹnpọ́n nado glọ́naliho na yé! Yé na dọ hlan mì dọmọ: “etẹwutu wẹ mì to awhádo whelẹponu jẹagọ do onú nẹlẹ, nọvisunnu Branham? Kavi ahùn alẹ̀ wẹ? Gbẹtọ di hiẹ hunkọ e jẹ dọ yè ni…” Na yẹn tọn núdepope he gbẹtọ lẹ to linlẹn… mì mọdona mi dagbedagbe: núhe gbẹtọ lẹ to linlẹn yín núvivẹ na mi, ṣigba núhe vẹ́ na mi hugan wẹ linlẹn Jiwheyẹwhe tọn, podọ núhe É to linlẹn, enẹ wẹ É nọ dọ to Ohó Etọn mẹ!

Eyín mì dọhlan yé dọ núhe yé to wiwà ylan, yé na gbẹ́ sọ to nukọn yì to e mẹ. Mì mọdona? Etẹwutu? To ayihọn yisenọ lẹpo tọn mẹ, mọwẹ yọnnu lẹ to wiwà do, ṣigba agùn ma tlẹ lẹnpọn. Etẹwutu? Visunnu Jiwheyẹwhe tọn lẹ jai na wantuntun do agbasalan yọnnu tọn go wutu; yé gbẹ́ Jiwheyẹwhe Lọsu, po Ohùn he flí yé nado klán yé sọn onú mawe nẹ lẹpo mẹ. Niṣẹ! Nugbo wẹ! Jiwheyẹwhe ni gọalọna mi na nugbo wẹ!

Mì tẹnpọ́n nado glọ́naliho na yé! Mì yise dọ yẹwhehó Noe tọn glọ́nalina yé nado wà enẹ he yé jlo lẹ? Lala! Whenẹnu etẹ wẹ jọ? Na ogbè de dóna dawhá! Ogbè lọ. Whenuena mí omẹpo na sọawúhia to whẹ̀dazángbe, owẹn dopolọ he yẹn to lilá hlan mì to whèjai he, nasọ lẹ́gọ̀wá hlan mì ohó de bọdo de go. Whenẹnu etẹ mí na wà ló? Miyọ́ngbán vẹ́ de wẹ to kinklẹn!

Whenu de wẹ e yín na yọnnu lẹ nado tẹ́do núyíwà nẹlẹ go. Mí tọn wẹ nado do onú nẹlẹ hia, na yọnnu tọn wẹ é to didọ. Mì dóna kanbiọ mìde lẹ dọ, etẹwutu wẹ yẹn nọ to awhádo to whelẹponu jẹagọ do onú nẹlẹ go. Yẹn tindo owéfọ susu to ofi na núhe tọn wutu whẹpo yẹn nado doalọte. Enẹwutu wẹ yẹn dóna nọte gligli to nugbo mẹ hlan Ohó Jiwheyẹwhe tọn. Podọ devizọ́nwatọ Jiwheyẹwhe tọn lẹpo dóna yín nugbonọ hlan Ohó lọ. Mì dóna yín nugbonọ na e jẹ dọ ogbè de ni to awhádo jẹagọdo onú enẹ lẹ go. Depope he mẹdevo lẹ na to wiwà ma yín mítọn. Mẹdopodopo na whè etọn titi dọ. E ma yín taidi agùnvi Methodist tọn, kavi di Baptist tọn, kavi di Penticost tọn gba, ṣigba di didọ mẹdopodopo tọn kẹdẹdi gbẹ̀zán etọn titi. 

Mí sọgan mọ ohia nẹlẹ pó, ṣogan yé na gbẹ́ sọ to nukọn yì! Mì sọgan dọ hlan yé dọ onú he jẹagọ wẹ, ṣigba mì na sè onú he yé na dọ. Yè ko dè yé nado wà mọ. Mọkẹdẹ wẹ Evi wàdo ga ṣogan é na ko yọn onú he é dóna wà! Ṣigba bé é basi wẹ? É tindo Ohó Jiwheyẹwhe tọn he dọ, dọ: “Azán he gbè hiẹ dù sọn e mẹ te, hiẹ na kú dandan” Whenẹnu etẹwutu é dù sọn e mẹ ló, na é jlo na hodo aliho ede tọn titi. Etẹwutu wẹ yọnnu lẹ jlo na pàda? Ẹtẹwutu wẹ yọnnun lẹ jlo nado dóaṣọ̀ di sunnu, whenuena Owé Wiwé to didohia yé lé e jẹ yé ni nọ sọnú do? Podọ whenuena yé to onú nẹlẹ wà, yè ko gblewhẹ̀do yé dote. Nugbo wẹ! Whenẹnu etẹwutu wẹ yé to mọ wà ló? Na yé jlo na hodo aliho yéde titi tọn lẹ wẹ. Mọwẹ! yé jlo na hodo aliho yéde titi tọn. Podọ agùn ma sọ dọhó jẹagọdo e gba. Agùn ma jẹagọdo e gba, whenuena e jẹ dọ ni yín Asivu Jesu Klisti tọn. Mọwẹ agùn ma degbèdo gba.

 Eyín mì gbẹ́ núde na yé, mì yọ́n onú he yé na gblọn hlan mì? E taidi dọ yé to didọ hlan mì dọ: “Yẹn ma na jo dê do na owé hóhó de ni glọ́naliho na mi, bo ma nasọ dike na yẹn ni dayihun pẹde!” Mọwẹ! Yé sọgan nọ ma dọ hlan mì to ohógbè nẹlẹ mẹ, ṣigba núhe yé jlo na dọ wẹ. Mì sọgan dọhlan yé hézéhézé dọ, yè wlán do Owé Wiwe lẹ mẹ dọ… Bé mì mọdona hówhinwhẹn hóhó he dọ, dọmọ: “Owalọ mítọn lẹ nọ dawhá ogbè lélé hú ohó onù mítọn mẹ tọn?” Bé e ma yín nugbo wẹ? Owalọ mítọn lẹ nọ dawhá ogbè lélé hú ohó onù mítọn mẹ tọn. Depope he mì na dọ do, owalọ mítọn lẹ na dawhá ogbè lélé sọmọ bọ omẹ de ma sọgan sè ohó onù mìtọn mẹ tọn. Kẹdẹdi lé yẹn dọ do to afọnu he, mì ma pagigona mìde yì aga hú lé mì nọ nọgbẹ̀ do blo. Bé mì mọdona? Owalọ mìtọn lẹ nọ dawhá ogbè lélé hú ohó onù mìtọn mẹ tọn. Mì dọhó kẹdẹdi lé mì te na depope he mì na dọ do, owalọ mìtọn lẹ na dọ núhe mì yín. Eyín mì dọhó jẹagọ do núhe mì yín go nugbo, enẹ na lẹzùn yẹnúwiwà. Jesu dọ, dọmọ: “Okún odàn tọn lẹ, nawẹ mì na dọhó dagbe lẹ do, mẹylankan he mì yín? Na sọn sisosiso ayiha tọn mẹ wẹ onù nọ dọhó jẹgbonu sọn.” Mì mọdona, yé to ohó he yé ma lẹn dọ. Mì mọ, yọnnu lẹ na dọ to alọ lẹpo mẹ dọ: “Yẹn jlo nado wà onú he jlo mi!”

Etẹ wẹ jọ do yé go? Owéfọ Biblu tọn devo die. To pàdido alọwle tọn mẹ, ohógo mẹmẹglọnọ tin to e mẹ. Yọnnu wẹ nọ pọ́n owhé go, wiwenọ podọ azọ́n dagbe lẹ wàtọ. Ṣigba to egbé, yé nọ kò mì bo nọ yì wàzọ́n to azọ́nwhé dahodaho lẹ kavi azọ́nwhé pẹvipẹvi lẹ. –“Asu ṣie…” Ojê, yẹn to ayiha awe mẹ dogbọn enẹ tọn dali! Podọ yọnnu nẹlẹ he to azọ́nwà to pònọ lẹ mẹ! Winyan tẹ wẹ ehe! Bé enẹ ma yín ohia alọslonamẹ tọn to otòdaho depope mẹ? Po sunnu nẹlẹ pó to whégbè ma tindo azọ́n, yé nọ bẹ́ yọnnu lẹ do azọ́nmẹ whenuena Biblu dọmọ: yọnnu dóna nọ̀whégbè na ewọ wẹ whègopọ́ntọ jijọdagbenọ. Ṣigba yọnnu yín gbèdotọ onú he sọgan jọ to owhègbè lẹpo tọn! Mì dóna mọ yé… Ṣigba do ayi e go! Yẹn ma to ohó dọ to ofi dogbọn yọnnu jijọdagbenọ lẹ tọn dali gba! Yẹn ma jlo na dowhẹ̀ he mì yọnnu wiwé nugbonọ lẹ gba. Na Jiwheyẹwhe ni dona mì! Núhe dọ mí te tin to kasẹti ji bo nasọ gbọn aihọn lẹpo mẹ. Ṣigba onúhe yẹn jlo na dọ, wẹ yín dọ, dogbọn yọnnu wiwenọ tọn dali, to kanwekó mẹ ehe mí sọgan mọ ma hú fọtọ̀n! Ehe pò lẹ, dopo ma to yé mẹ he sọgan sè onú he mì sọgan dọ.

–“Mì hẹn Biblu mìtọn lẹ go na mìde! Mì dọyẹwhehó na mìde lẹ! Mí ma jlo na tùntoai hlan enẹ!”

Whiwhẹ! Yé na dọ onú mọtọnhunkọ de dọ: “Mì pintàn hóhó Biblu tọn nẹlẹ hlan omẹ devo! Mì hẹn Jiwheyẹwhe mìtọn nẹ go bo yí i hlan omẹ, devo bo jo yẹn do na yẹn ni gbọjẹ! Etẹwutu wẹ mì nọ to awhádo jẹagọ do mi whelẹponu? Yẹn ma biọ mì dọ mì ni dọ onú nẹlẹ hlan mi gba!”

–Yẹn yọ́nẹn, ṣigba Jiwheyẹwhe zọ́n mi azọ́n nado dọ ẹ. Bé mì mọdona? Enẹ wẹ!

Yé hẹn aliho yetọn lẹ gble. Kẹdẹdi lé Oklunọ dọ do, núhe yé wà to osọ̀ dopolọ wẹ yé sọ to wiwà to egbé. Vogbingbọn de ma tin; enẹ ma na diọ gba.

Tasinsinyẹn po tólivivẹ po sọ wlé ovi yetọn lẹ; gànpa to apáde sunnu po yọnnu po tọn bẹ́, ṣigba olọnzodo na bẹ́ yé omẹ pó mìn dopọ. Nugbo wẹ. Miyọ́n na fiọ yé omẹ pó. Whenuena yẹwhehó Jiwheyẹwhe tọn he yè hlan yé taidi osìn he yè kọ̀n do pápá nẹgbe ji. Yé (viyọnnu lẹ) ma tlẹ sọgan sètónu. Yé nọ dọ, dọ: “Mì hẹn Biblu mìtọn lẹ go na mìde! Na mílẹ tọn, mí jlo na dayihun!”

Yẹn sọgan sè nọviyọnnu delẹ to didọ, dọmọ (e sọgan yín dọ yé ma tin to ofi to ojlẹ he mẹ): “Yẹn ni whiwhẹ́ na asú ṣie? Yẹn wẹ nọ gọkọna ẹn!” E yọ́n, ṣigba finẹ wẹ mì búali te! –“Yẹn ni nọ̀ klandowiwe mẹ to owhégbè? Enẹ ma yín ṣie, Biblu tọn wẹ! Mì jo mi do abọẹ!” Mì tuntóai, nọviyọnnu lẹ! E ma yín dọ nado gọ̀yì asiko hóhó lẹ mẹ wẹ gba. Ogbè he to hódọ to egbé wẹ. Sọn osìngigọ́ whenu, onú mọtọnhunkọ lẹ jọ, ṣigba e nasọ jọ whladopo dogọ to egbé. Mọkẹdẹ wẹ!

Yé nasọ dọ: “Mẹhunnukun wẹ yín mi, Amelika wẹ yẹn nọnọ̀!” Enẹ ma yín núde hú dọ mì nọnọ̀ hànpo mẹ. Otò he mẹ mì te ma yín núhe vẹ na Jiwheyẹwhe gba. Núhe mì yín wẹ mì yín to ayiha mìtọn mẹ. Nugbo wẹ. Nọviyọnnu lẹ, mì ma lẹn dọ mì yín mẹhunnukun hú mọ blo, dọ mì yín dopo to mẹhunnukun lẹ mẹ taidi lé mì to linlẹn do blo. Dogbọn núhe Biblu dọ tọn dali, owhèta zinvlu tọn mẹ wẹ mì tọ́nsọn jẹnukọnna osìngigọ́ whenu Nọe tọn. To azán nẹ mẹ, lé yé to wiwà do to egbé mọwẹ yé wà do. Enẹwutu, mì ma yín mẹhunnukun hú enẹ, e ma yín mọwẹ? Eyín yé to zọnlinzin domọ to egbé, enẹ dohia dọ mí sọ lẹ́gọ̀wá owhèta zinvlu tọn mẹ, owhèta zinvlu gọ́ngọ́n tọn mẹ.

Mì sunnu lẹ emi, eyín mì jo asi mìtọn lẹ do bọ yé to mọ wà, mì ma sọ yín ovisunnu Jiwheyẹwhe tọn lẹ ba gba. Eyín yọnnu lẹ to kọgọna mì, enẹ taidi dọ mì sọ gọ biọ aihọn Sọdọmi tọn mẹ! Nugbo wẹ!

Dinvie, yẹn ma yọ́nẹn eyín yẹn na dọ ehe kavi lala. E sọgan yín e na yọ́n na mi ma nado dọ… E dobú!

Onú nẹlẹ pó to didohia mí asiko he mẹ mí tin te. Bé mì sọgan mọ dinvie ló, kinklẹn miyọ́ngbán vẹ́ lọ tọn?

Opẹ̀n Jiwheyẹwhe tọn na dọnú,

Bọ ojlẹ ma na tin ba.

Afọnnu na wá, madopòdo, hinhọnnọ podọ wiwé;

Whenẹnu omẹdide Etọn lẹ na bẹ́ yéde plidopọ (sọn kọgudu aigba tọn lẹpo mẹ)

Nado biọ Owhé yetọn gbè to olọn mẹ. (Azán gigonọ tẹ die!)

Mí sọ gọ̀wá whenu Sọdọmi tọn. Ṣigba mì dibú blo, na agbá miyọ́nnọ lẹ to ote nado lẹ̀ aigba lọ blébu zùn wiwé. E na jọ dandan. Whenẹnu yè na klọ́ ẹ wé, kẹdẹdi lé mí ko mọ do to ohiadonu ṣidopotọ mẹ, na awhànpa omẹ he kẹalọyí Jesu Klisti lẹ tọn, he lẹzùn yisenọ, he gbẹ́ lẹnpọ́n po aṣafọ aihọn he tọn po, bo wá Jesu klisti de, bo to pinpọ́n ẹn Ewọ ṣo kẹdẹ, to titò Etọn vlẹkẹsi po whiwhẹ́nọ po ehe yín dọ nado wá É de, nado yí I se podọ nado kẹalọyí Ogbẹ̀ madopòdo. Enẹwutu, eyín mì dọ dọ mì tindo Ogbẹ̀ madopòdo ṣigba bo tin to gbèmasọ mẹ po Owé Wiwé po, ogbẹ̀ madopòdo mìtọn ma yín Ogbẹ̀ madopòdo he Jiwheyẹwhe nọ ná gba. Okú hẹn mì búali bọ mì ma tindo Ogbẹ̀. Nugbo wẹ.

Há, mì dibusi Jiwheyẹwhe bo sọ hẹn Ohó Etọn go! Gbèdide Etọn lẹpo to finẹ! Miyọ́ngbán vẹ́ lẹ to kinklẹn podọ ojlẹ lọ sẹpọ́, yèdọ to ohọ̀n ji. Bọ núhe jọ to Nọe whenu… Mì mọdona, yé yí núhe osẹ́n degbèna lẹ, ṣigba yé sọtadona yé. Yé yí núdùdù, po nùnù po, po ohọ̀gbigbá po, po enẹ lẹpo po bo sọtadona yé. Jesu jlo dọ mí ni gbáhọ̀ bo dowhé, bé mì mọdona? Ṣigba mì bo pọ́n núhe e lẹzùn! É jlo dọ mí ni dùnú; ṣigba mì bo pọ́n núhe e lẹzùn! Dogbọn nùnù tọn dali, osìn jẹ dọ mí ni nù kavi núhe mí dóna nù, ṣigba to finẹ, gbẹtọ lẹ to ahànnumu, yèdọ ahànsinsinyẹn lẹ, po onú mọtọnhunkọ lẹ po, yé sọ nọ hẹn asi yetọn lẹ yì po yé po! Bé mì mọdona?

Etẹ wẹ to jijọ do gbẹtọ he to susudeji kẹdẹdi to asiko Nọe tọn lẹ mẹ go? Etẹ wẹ to jijọ do whanpẹ yọnnu he to susudeji lẹ tọn go? Miyọ́ngbán vẹ́ lọ wẹ to kinklẹn! Bé mì mọdona? Etẹ wẹ to jijọ to ojlẹ he mẹ yọnnu lẹ jọ goyítọ to onú nẹlẹ mẹ te, kọdlẹntọ he ma jlo na sè núdepope? Aliho yetọn lẹ ko yọ́n to yé de, enẹwutu mì sọgan dọyẹwhehó Ohó lọ tọn osọha he mì jlo hlan yé, yé na gbẹ́ to nukọnyì to owalọ yetọn lẹ mẹ. Mì mọdona? Etẹ wẹ to jijọ? Kẹdẹdi to Nọe whenu: to azán dopo ji, yè na sú ohọ̀n ojọmiọn tọn. Whenẹnu wẹ ogohọ̀ lọ na gọ́na azọ̀ kẹdẹdi lé Owé Wiwé dọ do. Enẹ to didohia dọ Owhẹ̀yídọtọ lọ na jó e do. Kẹdẹdi lé yẹn ko dọ ẹ do to afọnnu he to ofi kavi ofidevo, dọ dẹnsọlé Lẹngbọvu lọ to nukọn Etọn nado dọwhẹ̀gbọ, ojọmiọn lọ tin to finẹ. Ṣigba kandeji tẹwẹ mí tindo lo whenuena mí mọ dọ otlẹn ko wá alihotó, to ojlẹ he mẹ mí mọ ohia kọlilẹwá Oklunọ tọn, he yín miyọ́ngbán vẹ́ he to kinklẹn?

Yẹn sọgan dọhó do onú alọpãlọpa he mí yọ́nẹn dọ É ko dopà nado wà to ojlẹ godo tọn mẹ lẹ ji, he mí to mimọ to nukun mítọn lẹ mẹ lẹ! Podọ to whèjai he, mí ko sọ mọ miyọ́n devo he to kinklẹn: ninọ̀mẹ yọnnu nẹlẹ tọn. Dogbon nújlẹnu dopodopo tọn, po alidohianu dopodopo po, podọ onú lẹpo to alọdlẹn do aliho kọlilẹwá Etọn tọn.

Mí tin to asiko vivọnu lọ. Lé yẹn yọ́nẹn do, núde ma sọ pò bo to na wá adavo kọlilẹwá Oklunọ tọn. Mẹyinwanna ṣie vivẹ he ma ko tin to Klisti mẹ lẹ, etẹ wẹ mì to linlẹn do enẹ lọ go? To nugbo de mẹ, yẹn jlo nado kàn ohó vlẹkẹsi pẹvi de biọ mì: Bé mì nọ zé adọgbo mìtọn lẹ do amìsisá pẹvi de glọ kavi do onúhóhó he mì ko tindo de ji? E sọgan yín dọ mì ko yín homẹhunnọ pọ́n bọ mì dúwe taidi omẹ susu, taidi agùn Penticost tọn, taidi agùn Nazalẹte tọn, taidi agùn Owhẹzẹtọ klándowiwénọ lẹ tọn tọn. Yé yise dọ eyín e wá jọ bọ yè yín homẹhunnọ talala nado to wedù, yé ko wá gbèsisọ mẹ. Ṣigba asi yetọn lẹ gbẹ́ sọ to dàpa, bo sọ nọ do onú gli lẹ! Bé Gbigbọ Wiwé sọgan hẹn mì wà onú nẹlẹ whenuena É to owhẹ̀gbledo yé to Biblu mẹ?

Etẹ wẹ nọ jọ whenuena mì dọ, dọmọ: “Yẹn yín agùn he tọn. Penticost tọn wẹ yẹn, Methodist tọn wẹ yẹn, kavi agùn depope eyín; agùnvi wẹ yẹn, onọ ṣie tin to zédai agùn nukọntọ lẹ tọn mẹ; yẹn lọsu yín dopo to zédai agùn nukọntọ lẹ tọn mẹ!”? Gbigbọ he to mìwlọsu lẹ mẹ nọ hẹn mì nado basi onù he Biblu gblewhẹ̀do. Mì nọ dọ, dọmọ: “Yẹn nọ do ogbè hunkọhunkọ, nọvisunnu Branham; mì ma dọhó do finẹ na mi blo! Yẹn do ogbè hunkọhunkọ, enẹ yín azọ́n Gbigbọ Wiwé tọn.” Eyín ogbẹ̀zán mìtọn… Eyín mì sọ sọgan sán odà mìtọn lẹ, kavi wà onú he Biblu kọ́ dọ yè ni ma wà lẹ blo, mì sọgan do ogbè hunkọhunkọ okle po ozán po, enẹ ma tindo kànṣiṣa de po Jiwheyẹwhe po gba. Yè nọ yọ́n atín de gbọn sinsẹ́n etọn lẹ mẹ.

Yẹn whẹ́n! Bọ yẹn ko yọ́nẹn. Yẹn to tukla mọ to egbesọ-egbesọ. Mọwẹ hlan dopodopo mítọn lẹ. Nado dọ ẹ nugbonugbo! Onú dopo he blawúna mi titegbe to awúblanú lẹ mẹ, wẹ yín dọ dopo to sunnu nẹlẹ kavi to yọnnu nẹlẹ he ma yí Klisti sè gbèdé lẹ mẹ, he lẹzùn agùnvi agùn ylankan nẹlẹ tọn, he ylan hú Satani lọsu tọn, mẹvlẹtọ podọ mẹnudọtọ lẹ, he nọ dọ to whelẹponu dọ: “Mì yọ́nẹn dọ, yẹn ma yise to ehe mẹ kavi to enẹ mẹ…” Enẹ wẹ jẹgbakún awúbla tọn he mẹ Satani sọgan ṣinyọn ogbẹ̀ mẹde tọn ji. Podọ yọnnu yọ́nhonọ dọnsẹpọ́ okú he do owhè kandé-kó kavi kandé-gban nẹlẹ, he tindo agbasalan yínylan, po nukunmẹ he kúpẹ po, to onú lẹpo mẹ mẹhe nọ padà na aṣọ̀ bo nọ diọ yé zùn ninọ̀mẹ ẹnẹ kavi atọ́n, bo to dindanpé to ṣokoto gli mẹ… Eyín enẹ ma yín ojẹgbakún Satani tọn, bé yẹn ma yọ́n núhe e yín! Podọ yọ́nhonọ húvẹtọnọ…

Jiwheyẹwhe ṣie É, wàlẹblanu na mi na yẹn ni ká yíwhẹdo dé ji! Yẹn jlo dọ ogbẹ̀ omẹ he tọn hiẹ zé do alọ ṣie mẹ lẹ tọn… Jiwhetẹwhe ṣie É, gọalọna mi na yè nido ṣinyọn ojẹgbakún na ogbẹ̀ ṣie, depope oyajiji he mẹ yẹn na tọ́n gbọn na yín, onú depope sọgan to jijọ podọ depope yé he diọnukunsọ mi lẹ tọn na yín, onú dopo wẹ yẹn yọ́nẹn: lé yẹn to yọ́nhópò sọ, mọwẹ yẹn to kinklan sọn họntọn ṣie lẹ go do; bọ họntọn yínyín mítọn ma na wá tin ba. Yẹn yọ́nẹn dọ eyín e dẹn kavi e yá, mẹde ma na wá kannubiọ mi ba. Eyín yẹn nọ̀ ogbẹ̀ dẹn, susu yé he yẹn yọ́nẹn lẹ tọn to winyanwinyan ṣie mẹ, ma na wá tin ba. Họntọn ṣie lẹ to didepo lé yẹn to whinwhẹ́n sọ.

Yẹn sọ yọ́nẹn dọ gbèdopo, yẹn na kú. Yẹn yise dọ, Jiwheyẹwhe ma na dike na yẹn ni whẹ́n jẹ ofi he Satani na yí yọ́nhopipò do blá mi te gba, podọ asi ṣie taidi yọnnu ylankan ojlẹwàtọ de. Mọwẹ yẹn jlodo na mì ga. Yẹn hodẹ̀ nọvisunnu, na sinsẹ́n Gbigbọ Wiwé tọn ni ṣinyọn ojẹgbakún na ogbẹ̀ mítọn lẹ: owanyin, ayajẹ, jijọho, nugbowa, dagbewa, linsinsinyẹn, dodowa, yise to Gbigbọ Wiwé mẹ.

Yẹn hẹ́ agbà he ji dinvie e ko yì owhè gbántọ́n; whenuena yẹn ṣẹ̀ṣẹ̀ tọ́n sọn jọunjọja mẹ. Ṣigba egbé, yẹn kopòyọ́nho bo ma sọ tindo odà to ota ba, abaflonu ṣie lẹ fẹ̀yìdò, agbọ́pe mi. Ogbẹ̀ ṣie to vivọnu yì podọ okàn ogbẹ̀ ṣie tọn ko pọ̀ winwẹ́n. Họntọn ṣie lẹ to didepo lé yẹn to whinwhẹ́n sọ. E sọgan wá jọ bọ ohàn kantiki tọn lẹ ma na wá do ayajijẹ na mi ba, dilé e ko nọ yín na mi do dai. Ovi ṣie lẹ sọgan wá dọ hlan ovivi ṣie lẹ dọ, dọmọ: “Mì wà dẹdẹ́, mì hẹn glan–papa gblehomẹ blo!” Yẹn sọgan nọ̀gbẹ̀ dẹn jẹ finẹ.

Podọ e na wá yín dọ, yẹn ma sọ sọgan fọ́nṣite sọn aisintẹn ṣie mẹ ba. Ajiji, yẹn na wá jẹ dogbó okú tọn ji bọ okú na yí mi. Okú ma sọgan wà núde hlan mi adavo nado plan mi yì jẹ Ogán ṣie de. Okú ma yín ogán ṣie gba, yẹn ma sọ yín afànumẹ etọn gba. Ewọ wẹ afànumẹ ṣie. Klisti ko gbawhàn na mi. Onú dopo gê wẹ e dóna wà, enẹ wẹ nado plan mi yì jẹ Mẹdatọ ṣie nukọn. Whenuena gohọ̀ aigbanù he tọn na gble.

Whenuena yọnnu de tin to ajipanù, po jijọ etọn ylankan nẹ po, é nọ yín huwhẹnọ bo sọ nọ lẹzùn omẹ dagbe jẹnukọnna ovijiji etọn. Etẹwutu? Whenuena ohú ovivu lọ tọn lẹ to hihódopọ to ohò onọ etọn tọn mẹ, agbasa gbigbọnọ de to awúsọhia nado biọ é mẹ. To madẹnmẹ yè nọ zé ovi lọ jo na onọ etọn, doto lọ, ajinọ lọ, kavi mẹdepope he na zé ovi lọ bo húnhún in; whenẹnu é nọ ṣẹ̀ gbigbọ ogbẹ̀ tọn gbọ ji. Bọ gbigbọ angẹli tọn pẹvide nọ biọ é mẹ po gbigbọ ogbẹ̀ tọn po, whenẹnu wẹ núdida pẹvi he lọ na lẹzùn alindọn gbẹ̀tenọ. Eyín mí tindo Klisti to ayiha mítọn mẹ, bọ É sọ lẹzùn onú nugbo de to ayiha mítọn mẹ, mí taidi ovivu de.

Whenuena gohọ̀ aigbanù he tọn na gble… Yẹn jlo na fó bo to ehe dọ: To Owé JOHANU 14 tọn mẹ, yè wlán ẹn dọ: “Mì dike ayiha mìtọn yín tuklanọ blo: mì yise to Jiwheyẹwhe mẹ, mì yise to yẹn mẹ ga. To owhé Otọ́ ṣie tọn gbè ofi ninọ̀ susu wẹ tin: eyín e ma yín mọ, yẹn do ko dọ hlan mì. Yẹn jei nado wleawu otẹn de tọn dai na mì. Eyín yẹn yì bo wleawu otẹn de tọn dai na mì, yẹn na sọ lẹ́gọ̀, bo hẹn mì yì dê de; na ofi he yẹn te finẹ wẹ mì na nọ̀ ga.” Yẹn jlo nado tin to É de!

Kẹdẹdi ovivu he whenuena é ṣẹ̀ awhádo, whenuena yè ko wleawu ogbẹ̀ yọ́yọ́ lọ tọn podọ ogbẹ̀ hóhó lọ jai, bọ ogbẹ̀ kúkú lọ po onú he pò lẹ po ko juwáyi, yẹn yọ́nẹn dọ núde na jẹ ogo é. Enẹ wẹ okú nọ wà. Okú na linú mì, ṣigba enẹ ma yín núde hú dọ mì ni yín jiji do ahọludu yọ́yọ́ de mẹ; mì na jù yì awa devo ji fie azọ̀n ma na tin te, kavi lẹnpọ́n, kavi yọ́nhópipò, kavi onú mọtọnhunkọ lẹ. Na Jiwheyẹwhe ni gọalọna mí!

To Jesu mẹ vo, họntọn ṣie lẹ e mi, bé mì sọgan gbẹ́ onú mọtọnhunkọ whenuena mì yọ́nẹn dọ tódido de ma tin to aihọn he mẹ? Miyọ́ngbán vẹ́ lẹ to kinklẹn!

 Akọta lẹ to dòmẹ biọ bo to yìyì; bọ Islaẹli to finfọ́n;

 Ohia Biblu tọn lẹ to ṣiṣẹ̀! (yọnnu he to dàpa lẹ bo sọ to ṣokoto dó: miyọ́ngbán vẹ́ lọ ko tá)

 Yè hia azán akọta lẹ tọn, azán he gọ́na awubla!

 Mì lẹ́gọ̀, mì mẹhe ko dánbú lẹ.

 Azán ofligọ̀ tọn to sisẹpọ́;

 Ayiha gbẹtọ lẹ tọn gọ́na obú;

Mì gọ́na Gbigbọ!

Mì gbọ miyọ́ngbán mìtọn ni to jiji bo sọ họ́nun, 

Mì zé nukun mìtọn lẹ daga, na ofligọ̀ mìtọn sẹpọ́!

Yẹn yinwanna Ẹn! Yẹn sọ jlo dọ mìwlọsu ni yiwanna Ẹn ga. Dinvie, nado fó, mí na dẹ́ ota mítọn lẹ do odò na whenu odẹ̀ tọn. Miyọ́ngbán vẹ́ lọ to kinklẹn; ohia lọ ko bẹ́ azọ́n; Oklunọ ko wá ohọ̀n ji. É to hódọ hlan togùn lẹ; É to hódọ hlan gbẹtọ lẹ; É to hódọ gbọn nújawu lẹ po ohia lẹpo po dali. Mí mọ núhe jọ to Sọdọmi; mí ko dohia lé Angẹli nẹ wá Ablaham de do bo sọ basi ohia lẹ jẹnukọnna fifiọ otò daho lọ tọn. Mí mọ nújijọ nẹlẹ pó.

Jesu dọ, dọmọ: “Mọkẹdẹ ga yèdọ, dilé e wá jọ do to azán Lọti tọn lẹ mẹ; yé to dùdù, yé to nùnù, yé to hihọ̀, yé to sisà, yé to dido, yé to ohọ̀dó.” Mí pọ́n hlan núhe to jijọ to egbé! E taidi azán Nọe tọn: yọnnu lẹ to whànpẹ basi na yéde, bo lẹzùn omọ̀ na visunnu Jiwheyẹwhe tọn lẹ, bo sọ to yé hẹn dahli, agbasa wẹ yè to sinsẹ̀n to ninọ̀mẹ yọnnu tọn mẹ. Enẹlẹ pó he mí dọhó yetọn to whèjai he to jijọ to alọnu. Miyọ́ngbán vẹ́ lọ to kinklẹn: wiwá Oklunọ tọn sẹpọ́. Bé mì gbẹ́ sọ to agùnvi agùn de tọn yín wẹ? Bé mì do kandeji de na alọ he ji mì te, nọvisunnu ṣie lẹ? Nawẹ mì sọgan yọ́nẹn do eyín mì na nọ̀gbẹ̀ jẹ osọ afọnnu? Mì lẹn ehe jọ do nọvisunnu Way go to afọnnu he tọn pọ́n! Whenuena é lẹ́kọ̀ nado na alọ nọvisunnu de, é jai bo kú! Ṣigba mìwlẹ ma yọ́nẹn eyín mì sọgan do jlọjẹ nado gọ̀wá whenuena mì ko kú godo. Mì ma yọ́n whenuena mì na wá gbọ̀ gbigbọ godo tọn. Mì lẹnpọ́n!

Miyọ́ngbán vẹ́ he to kinklẹn lọ, to lilá wiwà Oklunọ tọn. Mì do ayi ohia nẹlẹ go! Mì do ayi onú he yẹn dọ na mì whèjai dinvie lẹ go eyín yé ma yín nugbo! E sọgan nọ ma yọ́n sè, ṣigba nugbo wẹ! Onú he Jiwheyẹwhe dọ wẹ: onú lẹpo to finẹ.

Yọnnu lẹ ma jlo na nọ̀ whègbè ba gba. Yé ma jlo na pénukun whẹndo yetọn lẹ go ba. Ṣigba yé nọ yigbè nado pọ́n ovi mẹdevo tọn lẹ go na akuẹ wutu podọ na yé nido sọgan tọ́n na yéde lẹ to whèjai. Visunnu lẹ po viyọnnu lẹ po lẹzùn tólivẹtọ po onú mọhunkọ tọn he to jijọ lẹ po. Yé to nukọnyì to whànpẹ bibasi mẹ. Visunnu lẹ, visunnu Jiwheyẹwhe tọn lẹ jai jẹ omọ̀ nẹlẹ mẹ he Satani do na yé nado hẹn yé dọ̀n. Mọkẹdẹ wẹ Jesu dọ. E dóna jọ domọ. É dọ, dọ, e na jọ, bọ e sọ jọ. Jesu dọ, dọmọ: “Whenuena mì mọ onú nẹlẹ to jijọ, mì yọ́nẹn dọ whẹndo nẹ (owhè 40) ma na juwáyì whẹ́po onú lẹpo nado wá jọ.” Mì lẹnpọ́n!

Agùnvi de poun wẹ mì gbẹ́ sọ to yínyín? Bé mì ṣinúwà wẹ? Na sunnu dopodopo, yọnnu dopodopo ni lẹn gbẹ̀zán etọn pọ́n to whèjai he. Mì dindona mìde, mì do ayi núṣiwà mìwlọsu tọn lẹ go. Etẹ wẹ yín ninọ̀mẹ mìtọn dinvie tọn? Eyín Klisti tin to aigba ji dinvie nado dọyẹwhehó onú nẹlẹ tọn… Mì nọ dọ, dọ: “Eyín yẹn ko tin to asiko nẹ mẹ whenuena É to yẹwhehódọ, yẹn do ko lẹnvọjọ.” Yín eyín mọwẹ: mì ko sè Ohó Etọn to whèjai he, mì sọ do jlọjẹ nado wà ẹ to dinvie.

Eyín mì ma dó Jiwheyẹwhe bọ mì sọ yọ́nẹn… Mì na dọ, dọmọ: “Ṣigba agùn ehe tọn wẹ yẹn; yẹn nọ dogbè hunkọhunkọ; yẹn nọ wà ehe podọ enẹ…” Mì gbọ mí ni jo onú nẹlẹ pó do godo. Mì dindona mìde dagbedagbe. Mì dindona gbẹ̀zán mìtọn gbọn Ohó Jiwheyẹwhe tọn dali. Bé mì na tin to yé he to agọjoyì godo lẹ mẹ bo na to didọ, dọmọ: “Nọvisunnu Branham, depope he Ohó Jiwheyẹwhe tọn to didọ! Yẹn yọ́nẹn dọ mì jẹagọ!” E ma yín yẹn wẹ jẹagọ gba! Eyín agọjijẹ de tin to fide, bé to Ohó Jiwheyẹwhe tọn mẹ wẹ e na yín! Ṣigba mì ma ko yọ́n Ohó Jiwheyẹwhe tọn dolé e jẹ do gba. Mì tindo kandeji de dọ, eyín Jesu lẹ́kọ̀wá to ojlẹ he mẹ dinvie, bé mì sọgan wleawu nado yì pé É? Etẹwutu mì do gọ̀ṣí onú nẹlẹ mẹ whenuena okú to họ̀nji, sọlé opòdo to sisẹpọ́?

Whenuena mí to awuwle nado hodẹ̀, eyín mẹde tin to mì mẹ he jlo dọ mí ni flin yé to odẹ̀ mẹ whenuena mí to fifó, mì hẹn mì na zé alọ bo na dọ dolé dọ: “Nọvisunnu, hodẹ̀ na mí!” Na Jiwheyẹwhe ni dona mì, nọviyọnnu. Na Jiwheyẹwhe ni dona mì, nọvisunnu, po nọviyọnnu he pò lẹ po. Alọ susu wẹ to aga na odẹ̀!

Mì dindona mìde lẹ to dinvie. Nọviyọnnu vivẹ lẹ, po tódido yise tọn de po, mì kanbiọ mìde dolé dọ: “Jiwheyẹwhe, yẹn zé dê whè to nukọn Towe, etẹ wẹ yín hùdo ṣie nugbo?” Mì dọ ehe dolé, dọ: “Nọvisunnu Branham, yẹn gbẹ́ sọ to onú nẹlẹ wà, ṣigba yẹn tin to jijọho, yẹn tin to homẹhunmẹ.” Bé mì yọ́nẹn dọ kosi lẹ lọsu yín ayajẹnọ hú mì? Mì yọ́nẹn dọ to oyẹ ahànsinsinyẹn tọn glọ́, ahànnumunọ yín homẹhunnọ hú mì. Eyín mì yín ayajẹnọ to núde mẹ jẹagọ do Ohó Jiwheyẹwhe tọn go, enẹ lọ Satani de wẹ e tọ́n sọn wá! Eyín mì dọ, dọ: “Yẹn yín homẹhunnọ to agùnpipli ṣie mẹ” bọ mì sọ sè Ohó Jiwheyẹwhe tọn he yè to didọ bọ É ma sọ diọ mì do gba, to finẹ mì tindo gbọ̀demẹ he jẹagọ. Depope gbọ̀demẹ he mì mọ yí tọn yín… Yẹn mọ gbẹtọ lẹ to awhádo, bo to linlọ́n po onú mọtọnhunkọ tọn lẹ po, yé to ohùn gbẹtọ tọn nù bo sọ to awhàdo ylọ Satani: Yé yín ayajẹnọ hú mì. Hùnzinzọn lọsu sọgan wà onú mọtọnhunkọ tọn lẹpo to apáwhé gbigbọ mìtọn tọn mẹ. Ṣigba dọpọ́n Klisti tọn yín núgbọnvo de he nọ jọ to ayiha mẹ, mọwẹ blébu gbẹtọ lọ tọn nọ diọ zùn yọ́yọ́. Mì lẹn ehe pọ́n talala.

Mì dindona mìde dagbedagbe. Mì yí dọ mì tin to mẹpọ́nnu de nukọn ehe mẹ mì to mìde pọ́n te. Mì bo kanbiọ mìde dọ: “Bé yẹn yín nugbonọ? Bé yẹn sọgbe? Bé yẹn to Oklunọ sẹ̀n nugbonugbo to ayiha ṣie mẹ?” Bé mì sọgan dọ, dọmọ: “Yẹn to sinsẹ̀n Ẹn!”?

Podọ mì yọnnu ṣokotodotọ lẹ emi, po mì he nọ pàda lẹ po, mì lẹn núhe mì to wiwà lẹ pọ́n! Po mì sunnu he nọ yigbèna asi mìtọn lẹ nado to onú nẹlẹ wà, mì dóna kanbiọ mìde lẹ dọ: “Bé ovisunnu Jiwheyẹwhe tọn de wẹ yẹn, kavi Sọdọminu de?”

Mì yọnnu lẹ emi, mì kanbiọ mìde lẹ ga dọ: “Bé oviyọnnu Jiwheyẹwhe tọn nugbo de wẹ yẹn, kavi dopo to yé he osìngigọ́ vàsúdo lẹ mẹ, he Jesu dọhó yetọn dọ yé na vọ́ sọawúhia whladopo to azán godo tọn lẹ mẹ?” Mì lẹn enẹ pọ́n talala; mì pọ́n mẹpọ́nnu mìtọn lẹ mẹ bo mọ núhe yè na dohia mì.

Gbẹ̀zán gbẹtọ yínyín mìtọn tọn na dohia núhe mì yín. Eyín mì ma to zọnlinzin to aliho dódó tọn ji, bé mì sọgan yín nugbonọ dinvie nado zé alọ mìtọn lẹ daga, bo dọ, dọmọ: “Oklunọ é, yẹn ma zé alọ daga hlan nọvisunnu Branham gba, kavi hlan mẹdepope gba, yẹn zé e daga hlan We! Yẹn tin to núṣiwà mẹ. Jona ylando ṣie lẹ. Nọvisunnu Branham dopa nado hodẹ̀ na mi. Enẹwutu wẹ yẹn zé alọ ṣie lẹ daga bo dọmọ: ‘Jesu, wà lẹblanuna mi dinvie. Whlẹn mi na Klisti tọn wutu: Yẹn ma jlo na dọ̀n! Núde ma na ylán na mi hú dọ yẹn ni nọgbẹ́ he Hiẹ ná mi, whenuena hiẹ na mi jlọjẹ nado mọ po nukun ṣie lẹ po, miyọ́ngbán vẹ́ he to kinklẹn gbọn ofi lẹpo nado to wiwá zogbè Oklunọ tọn lá wẹ. Hiẹ dopana mi nado do ohia nẹlẹ hia, nado hẹnazọ̀ngbọna azọ̀ntọ lẹ, nado fọ́n oṣiọ lẹ, nado yàn aovi lẹ jẹgbonu podọ yé mẹhe na yí enẹ sè lẹ na yín omẹ pẹvi de, podọ aihọn na vlẹ yé bo na sọ kò yé…’’’.

Mọwẹ e jẹ do, dọ, yè ni vlẹ mí! To nugbo de mẹ, mọwẹ e jẹ do, dọ, yè ni vlẹ mí. Jesu dọ, dọmọ: “Mẹdepope he dọhó do Ovi gbẹtọ tọn go, yè na jona ẹn.” Ṣigba É sọ dọ, dogbọn onú he mí to mimọ bọ yè to wiwá to ofi dinvie lẹ go: “Ṣigba mẹdepope he dọhó do Gbigbọ Wiwé go, whenuena É na wá to onú nẹlẹ wà, yè ma na jona ẹn to aihọn he mẹ, podọ to aihọn he ja mẹ.” Mì mọdona, mọwẹ e jẹ do, dọ, yé ni wà. E jẹ dọ Owẹn mọhunkọ de ni tin na gbẹtọ lẹ nido vlẹ ẹ, sọmọ bọ Jiwheyẹwhe nido sọgan hẹn dódó etọn ṣẹ̀, nado gblewhẹ̀do aihọn lẹpo bo va ẹ súdo.

Whenuena ojọmiọn gbẹ́ to te, bọ Jesu to awufiẹsa yajiji etọn tọn mẹ, ohọ̀n lọ to hunhun yèdọ kaka jẹ dinvie, bé mì jlo nado kẹalọyí I nado biọ whégbè, mẹvivẹ ṣie lẹ emi?

Kẹdẹdi owalọ mítọn, mí nọ ylọ omẹ lẹ wá agbà lọ kọ̀n. Onú dagbe talala de wẹ, yẹn ma jẹagọdo e gba. Ṣigba Owé Wiwé dọ, dọmọ: “Yé omẹ sọha he yise lẹpo wẹ yè baptizi.” Eyín po ayiha mìtọn blébu po, mì jlo na jó ogbẹ̀ mìtọn na Jesu Klisti to fie mì tin te to ojlẹ he mẹ, to ofi he mì sègbè Etọn te whenuena alọ mìtọn lẹ yín zizé daga…

Jiwheyẹwhe dopolọ, nado dohia dọ nugbo wẹ yẹn to didọ hlan mì, wẹ fọ́n dawe he ko kú do ogbẹ̀ to nukọn mìtọn to afọnnu he… Mẹnu wẹ sọgan fọ́n oṣiọ do ogbẹ̀ eyín e ma yín Jiwheyẹwhe?

E ma yín mọwẹ? E ma yín lẹngbọhọtọ mìtọn de gba! Klisti wẹ, Mẹhe yinwanna mì. Podọ É sọ to hódọ hlan mì to whèjai he. É to didọ hlan mì, dọmọ: “Mì ko sè Ohó nugbo lọ; mì ko mọ Nugbo lọ. Enẹ lọ tin to Ohó ṣie mẹ. Mì ko mọ dọ Ohó ṣie fọ́n oṣiọ lẹ dogbẹ̀. Mì ko mọ enẹ he Ohó ṣie ko dọ jẹnukọn lẹ. To owhè he wá yì nẹlẹ pó mẹ, mì ko mọ enẹlẹ he Ohó ṣie ko dọ jẹnukọn lẹpo dọ yè sọawúhia, bọ dopo ma gbọawupo nado yín hinhẹn ṣẹ̀.” Dinvie, etẹ wẹ mì na wà po Jesu po whenuena miyọ́ngbán vẹ́ he lọ gbẹ́ sọ to kinklẹn? Etẹwutu wẹ mì ma na zé apò hóhó núsisẹ́ aihọn tọn nẹlẹ pó tọn yìngbe? Etẹwutu wẹ mì ma na zéyìngbe apò hóhó aihọn tọn he gọ́na onú alọpãlọpa nẹlẹ, ehe mẹ mì to zọnlinzin gbọn azán de bọdo azán de go? Etẹwutu wẹ mì ma na sisẹ́ televiziọn nẹlẹ do núglọ bo lẹ́ nukunmẹ yetọn lẹ pannukọn adó, eyín yé to aliglọ́nna mì nado yì sẹ̀n Oklunọ? Etẹwutu wẹ mì ma na zé zẹgẹ lẹ yìngbe po ylando he bọawu nado tẹ́do mí go po? Etẹwutu wẹ mì ma na zé ayiha mìtọn lẹ daga hlan Klisti bo dọmọ: “Oklunọ é, e vọ̀ to whèjai he! Yẹn to awuwlena dê! Yẹn to mimọ dọ Hiẹ na sọawúhia zãndevie. Yẹn zé saki ṣie he yín Ohó Jiwheyẹwhe tọn Ehe gọ́na ogbẹ̀ madopòdo lò, podọ sọn dinvie yì, yẹn na nọ̀gbẹ̀ na onú he tin to É mẹ lẹpo!” Bé mì ma jlo na wà ehe whenuena mí todẹ̀ho?

Otọ́ mítọn he tin to olọn mẹ, e ma yín dọ yẹn jlo nado dọhó po fifiẹ po gba, lala, ṣigba owẹn egbé tọn nọte to whenu po ojlẹ he mẹ mí tin te po ji, e ma nọte to gbẹtọ de ji gba, kavi do omẹ dèdovo de ji gba; adavo do azán he ji. E taidi dọ, Gbigbọ Wiwé to sisẹ́sisẹ́ mi nado dọhó do azán egbé tọn lẹ go. Whedepope he yẹn hẹ́ agbà lọ ji, e nọ sọawúhia mi nado dọhó do asiko Lọti tọn ji, do Sọdọmi tọn ji, azán he dali Jesu dọhó gbọn lẹ, ohia ojlẹ lẹ tọn po ohia sọha he to kọlilẹ́wá Oklunọ tọn dohia lẹ po. To enẹlẹ pó godo, núhe yẹn ko dọ jẹnukọn, to ohó sinsinyẹn he yẹn dọ jẹagọdo yọnnu egbè tọn lẹ go, he to ofi lẹ po yé he tin to otò lọ blébu po mẹ, yẹn yise dọ Gbigbọ Wiwé wẹ to ohódọ hlan mi nado dọ hlan gbẹtọ lẹ núhe wutu yẹn wà mọ. Gbọdemẹ Ohó Towe mẹ tọn biọ ayiha ṣie mẹ sọmọ bọ yẹn ma sọgan nabọẹ.

Otọ́ ṣie, alọ kandéao yì kandé-kóatọ́n yín zizé daga to ohọ̀ he mẹ, whenuena Ohó sinsinyẹn podọ dídá di Ohí Oklunọ tọn lọ ko tọ́n godo; ṣigba É hẹn ayiha yetọn lẹ hoapa, po mọ po yé ko sè dọ otlẹn ko to pẹ̀nkún. Mẹwiwé lẹ ko sọ to yéde lẹ plidopọ. Akọta lẹ to wuwlu. Ohia wiwá Oklunọ tọn to awúsọhia, miyọ́ngbán vẹ́ lọ to kinklẹn, mí sọ mọ to whèjai he lé nújijọ yọnnu tọn lẹ sọawúhia gbahungba do to azán mítọn lẹ mẹ, dọ e sọgbe po ehe Oklunọ ko dọ dogbọn azán egbè tọn lẹ dali po, mọwẹ e te.

Ogbè Jesu Klisti tọn he ma nọ gbọvọ́ ko na mí avàse nado do ayi onú he jọ to azán Noe tọn mẹ lẹ go, bo sọ zé e jlẹ do núhe to jijọ to egbè lẹ go. Mọwẹ mí mọ dọ, onú nẹlẹ to jijọ, dọ yọnnu lẹ to whànpẹ basi deji sọmọ bọ visunnu Jiwheyẹwhe tọn lẹ nọ yí na yéde na asi, podọ lé enẹlẹ pó na jọ do. Enẹwutu wẹ mí do yọ́nẹn dọ whẹndo he wẹ na mọ wiwà Oklunọ tọn. Whenuena mí mọ miyọ́ngbán lọ to kinklẹn, mí yọ́nẹn dọ kọlilẹ́wá etọn to sisẹpọ́.

Otọ́ mítọn he tin to olọn mẹ, yẹn vẹ̀ We dọ, Hiẹ ni dona yé omẹ he zé alọ daga lẹpo. Yẹn vẹ̀ We to vlẹkẹsi de mẹ, po ayiha huwhẹ de po, podọ to nugbo de mẹ, yé sọ yọ́nẹn dọ Hiẹ na sè ṣie. Hiẹ yín dagbenọ hlan nọvisunnu Way to afọnnu he, whenuena Hiẹ basi bọ odẹ̀ huwhẹ tọn fọ́n ẹn dogbẹ̀; ohó vivẹ de wẹ eyín na nọvisunnu he jai to awa asi etọn tọn glọ; whenuena é ko kú bo fá godo! Oklunọ, gbọ na gbẹtọ lẹ ni mọdona núhe yè ylọ dọ “yè kú to ylando mẹ” podọ tasinsinyẹn ylán hú dọ gbẹtọ ni kú to agbasa mẹ, na eyín mì kú to ylando po tasinsinyẹn lẹ po mẹ, mẹhe na hẹn mì gọ̀wá ogbẹ̀ de ma tin.

Oklunọ, yẹn biọ ehe We to Oyín Oklunọ Jesu tọn mẹ: yẹn vẹ̀ We na alindọn omẹ dopodopo he ko zé alọ to whèjai helẹ tọn, dọ, zohunhun de ni biọ gbẹ̀zán yetọn lẹ mẹ, na ogbè mimá de ni tin to ayiha yetọn mẹ sọmọ bọ yé ma nado sọgan wàylan do Jiwheyẹwhe go ba gba, na yé nido sọgan nọte gligli to Ohó madopòdo podọ donanọ Jiwheyẹwhe tọn ji sọn dinvie zọnmi. Na yè nido yìn yé gbọn Gbigbọ Wiwé dali, bo plán yé azán de bọdo azán de go gbọn aliho ogbẹ̀ tọn lẹ ji to gbẹ̀zọnlin yetọn lẹ ji to ayigba he ji.

Otọ́ olọn tọn, e sọgan yín dọ, yẹn ma na mọ yé gbèdé ba. E sọgan yín dọ, yẹn ma na do jlọjẹ nado hẹn alọ yetọn lẹ go to aigba he ji gbèdé ba, sọlé yẹn na jlo nado basi mọ. Ṣigba, Oklunọ Jiwheyẹwhe, yẹn vẹ̀ We dọ, Hiẹ ni ná gblọndo odẹ̀ he. Hiẹ dọ to Ohó Towe mẹ, dọ: “Nugbo, nugbo wẹ yẹn dọ hlan mì, mẹdepope he sè ohó ṣie, bo yí ewọ he do mi hlan sè, tindo ogbẹ̀ madopòdo bo ma na dó mimá to whẹ̀dida mẹ, ṣigba é tọ́n sọn okú mẹ biọ ogbẹ̀ mẹ.” To ohó he yẹn dọ to whèjai he lẹ mẹ nado hẹn Nugbo Jiwheyẹwhe tọn wá, mẹsusu sè Ohó Jiwheyẹwhe tọn. Oklunọ, Hiẹ ko dópa dọ Hiẹ na whlẹn yé gán, bọ yé ma na dọ̀n, bọ omẹ de ma na dọ̀n yé sún sọn alọ Towe mẹ, bọ odà dopo ma na sún sọn ota yetọn, podọ Hiẹ na fọ́n yé tite to azán opòdo tọn gbè. Hiẹ ko dópa etọn!

Dinvie, Oklunọ, yẹn hodẹ̀ di devizọ́nwatọ Towe podọ di nọvisunnu yetọn: yẹn bẹ́ yé do alọ Jiwheyẹwhe tọn lẹ mẹ na oylán de nikã wá yé ji gbèdé, podọ na Satani nikã dọ̀n yé sún sọn alọ Jiwheyẹwhe tọn lẹ mẹ. Towe wẹ yé podọ awhàngbigba Towe lẹ wẹ. Dinvie, yẹn do kándeji dọ Hie na sọ ná yé ogbẹ̀ gã, podọ eyín e vi bibasi na yé nido mọ wiwá Oklunọ Jesu tọn. Na yé nido sọgan yì sọn ofi to whèjai he taidi mẹhe duale alindọn lẹ tọn, he na yì dọhó na mẹdevo lẹ bo na dọ̀n yé wá nuyọ́nẹn whlẹngan Klisti tọn tọn kọ̀n. Yẹn vẹ̀ We dọ hiẹ ni basi i, Otọ́ é! Onú popo to alọ Towe lẹ mẹ. To Oyín Jesu Klisti tọn mẹ. Whenuena ota mítọn gbẹ́ sọ tin to odò na ojlẹ de, yẹn to kinkanbiọ eyín omẹ de tin to mì mẹ finẹ he jlo dọ yè ni hodẹ̀ nẹ, bo to mimọ to yéde mẹ dọ onú he ma nọ jọ do yé go dai to awúsọhia, eyín mì mọ dọ sọn dinvie, mì na zán gbẹ̀zán Klisti tọn, eyín mì mọ dọ wiwá Oklunọ tọn sẹpọ́, eyín mì yise dọ yẹwhehó he yẹn dọ do miyọ́ngbán vẹ́ he to kinklẹn lọ ji podọ do nújijọ egbè tọn lẹ ji yín nugbo, eyín mì tunwùn dọ Ohó Oklunọ tọn wẹ, bo yise dọ Klisti wẹ sọ dọ ẹ, eyín mì sọ yise dọ sọn whèjai he yì mì na zán gbẹ̀zán he yọ́n talala de, podọ he dọ̀nsẹpọ́ Klisti gbọn odẹ̀ he mì hò to whèjai he tọn dali, podọ gbọn ogbèyíyí mìtọn tọn dali, to vlẹkẹsi de mẹ mì zé alọ mìtọn lẹ daga, bo dọmọ: “Yẹn yise! Bẹ́ sọn whèjai he yẹn na zán gbẹ̀zán gbọnvo de.” – Jiwheyẹwhe ni dona mì! Núdagbe wẹ! Yẹn yise dọ to wiwà mẹ, mẹhe zé alọ daga dai lẹpo sọ vọ alọ yetọn lẹ zé, bo dekunnu dọ yé kẹalọyí enẹ.

Eyín mì ma ko yí baptẹm to Oyín Oklunọ Jesu Klisti tọn mẹ na dèsẹ ylando tọn, mì do ayi e go dọ oyín devo de ma tin to olọn glọ he yè namẹ to gbẹtọ mẹ he yè nado whlẹn mì gán: oyín devo de ma tin adavo Oyín Jesu Klisti tọn. Mì flin dọ Asivu dopo gê wẹ tin, Asivu Klisti tọn, he hẹn Oyín Etọn do ota.

Eyín yè ma ko ylọ́n we do osìn mẹ gbèdé to Oyín Jesu Klisti tọn mẹ, eyín Jiwheyẹwhe ko sọawúhia mì gbọn ohia lẹ mẹ, gbọn nújawu lẹ mẹ podọ gbọn Ohó Etọn mẹ dọ, yẹn dọ Nugbo, whenu kẹdẹdi devizọ́nwatọ Etọn, yẹn degbèna mì kẹdẹdi lé Paul dọ to Owé Owalọ 19 tọn mẹ, whenuena é dọhó hlan omẹ agùn Baptist tọn delẹ. Omẹ nẹlẹ yí baptẹm Johanu Baptist tọn. Paul kanbiọ yé dọ, dọmọ: “Bé mì ko mọ Gbigbọ Wiwé yí whenuena mì ko yise?” Yé gblọn bo dọmọ: “Míwlẹ ma ko sè jẹ mọ dọ Gbigbọ Wiwé de tin.” Paul sọ kanbiọ yé dọmọ: “Etẹ mẹ wẹ yè ka baptizi mì do?” Yé sọ dọ hlan ẹn, dọ: “Do baptẹm Johanu tọn mẹ, dawe nẹ dopolọ he baptizi Jesu to otọ̀ Jọdani tọn mẹ.”

Baptẹm nugbo he sọgbe de wẹ, ṣigba Paul dọ hlan yé, dọmọ: “Ṣigba dinvie, e ma sọ yọ́n na onú de ba.” Mọwẹ é degbèna yé nado yín bibaptizi to Oyín Jesu Klisti tọn mẹ. Enẹ tin to Owé Owalọ 19:5 tọn mẹ. Paul dọ to fidevo, dọmọ: “Eyín angẹli de sọn olọn mẹ wá, sọ dọyẹwhehó devo de hlan mì, he gbọnvo do ehe yẹn ko dọyẹwhehó etọn hlan mì go, mì gbọ é ni yín anatema” (Galatia 1:8). É sọ vọ dọ, dọmọ: “Dilé yẹn ko dọ, do: Eyín angẹli de (nẹmunẹmu wẹ yẹwhehódọtọ de, biṣọpu de, papa de, kavi omẹ mọhunkọtọn depope de), kavi kelubimi de sọn olọn mẹ sọ dọyẹwhehó wẹndagbe devo de tọn hú ehe lọ, ni yín anatema!” Enẹwutu yẹn degbèna mì, eyín yè ma ko ylọ́n mì gbèdé do osìn mẹ to Oyín Jesu Klisti tọn mẹ, dọ mì ni tọ́njẹgbonu dinvie whenuena aliho he jẹ na yè nido baptizi mì gbẹ́ to ote. Avọ̀ baptẹm tọn he yè wleawuna lẹ tin to ofi! Mì wá na yè ni baptizi mì! Na yè ni ylọ Oyín Oklunọ tọn do mì ji! Mìwlẹ na sọ mọ niná Gbigbọ Wiwé tọn yí. Na opàgbe he hlan mì wẹ, hlan ovi mìtọn lẹ, podọ hlan mẹhe tin to aganu lẹpo, podọ omẹ sọha he Oklunọ Jiwheyẹwhe mítọn na ylọ lẹ.

Otọ́ mítọn he tin to olọn mẹ, dinvie onú lẹpo tin to alọ Towe mẹ. Yẹn tẹnpọ́n nado hẹn gbẹtọ lẹ mọdona, ṣigba yẹn ma sọgan hẹn yé po huhlọn po nado wà gba. Hiẹ ma nọ jẹagọdo ojlo gbẹtọ de tọn go gbèdé, na eyín dọ yè ko dè sunnu de kavi yọnnu de jẹnukọnna ogbẹ̀ madopòdo, whenẹnu hinhọn Jiwheyẹwhe tọn na họ́nwun do okún lọ ji, ewọ na sọ gọ̀wá ogbẹ̀. Podọ to whèjai he, Otọ́, Ogbẹ̀ tin to ṣẹnṣẹn mítọn, Hiẹ ko sọ hẹn hinhọn Towe họ́nwun do e ji; yé mọ Nugbo! Gbọ na yé ni sọgan wá baptẹm kọ̀n to huwhẹ mẹ po vivi po nado yí baptẹm to Oyín Oviyinwanna Towe Jesu Klisti tọn mẹ. Mí mọ to Biblu mẹ dọ, omẹ dopodopo dóna yí baptẹm kavi vọ baptẹm yí. Yé omẹ he ma yí baptem to oyín Jesu Klist tọn mẹ lẹ, dóna vọ baptem yí. Podọ to azán pẹntikọsti tọn gbè, apọsteli daho nẹ he tindo ṣavi Ahọludu olọn tọn lẹ tọn dọ, dọmọ: “Mì lẹnvọjọ, na yè ni sọ baptizi dopodopo mìtọn tọn to oyín Jesu Klist tọn mẹ na desẹ̀ ylando mìtọn lẹ tọn, mìwlẹ nasọ mọ niná Gbigbọ Wiwé tọn yí. Na opàgbe he hlan mì wẹ, hlan ovi mìtọn lẹ, podọ hlan mẹhe tin to aganu lẹpo, podọ hlan omẹ sọha he Oklunọ Jiwheyẹwhe mítọn na ylọ lẹ.” Otọ́ É, na mí núgopipe nado basi enẹ to dinvie.

Yẹn gọ̀ yé do alọ Towe mẹ. Kẹalọyí ohó helẹ pó tamẹlẹnpọ́n ayiha ṣie tọn mẹ po; na hiẹ ni kẹalọyí ohó helẹ, Oklunọ é! Bo ná gblọndo ovi Towe lẹ nado ná yé Ogbẹ̀ madopòdo. Whlẹn yéhe jẹ na whlẹngan lẹ bo hẹnazọ̀ngbọna azọ̀ntọ lẹpo. Na ojọmiọn Jiwheyẹwhe tọn ni sọgan tin to dopodopo yétọn lẹ ji whenuena mí to yé gọ̀ do alọ Towe mẹ to Oyín Jesu tọn mẹ.

Dinvie, whenuena mí to odẹ̀hò, yẹn na biọ nọviyọnnu mítọn he nọ hò piano, dọ ni wá to ṣẹjú atọ́n mẹ. Eyín mẹde jlo nado yí baptẹm, mẹdepope he yigbè bo sọ yise dọ Ovi Jiwheyẹwhe wẹ Jesu Klisti… Eyín mì yí ayiha mìtọn lẹpo do yise, bọ e ma yín whinwhan agbasa mẹ tọn de poun wẹ, ṣigba dọ, mì ni yí ayiha mìtọn lẹpo do yise, eyín mì to gbèsisọ mẹ nado yigbè dọ mì ṣinúwà, bọ mì ma sọ to ojlọjẹ mìde lẹ tọn pọ́n ba, ṣigba bo pọn hlan azọ́n he É wà, eyín mì to gbèsisọmẹ nado yí baptẹm to Oyín etọn mẹ nado lẹzùn awutugonu agbasa lọ tọn de, whenẹnu mì ni wá ofi; ofi to adusinlọ ṣie mẹ, mì na mọ ohọ̀ yọnnu lẹ tọn, to amiọnlọ ṣie mẹ ohọ̀ sunnu lẹ tọn; awu baptẹm tọn po onú he pò lẹpo to gbesisọmẹ.

Mì gbọ mí ni do ota odò, whenuena nọviyọnnu mítọn to piano hò yẹn sọgan sè ogbè Oklunọ ṣie tọn to yiylọ mi. Eyín nọvisunnu he to ohàn nukọn jlo na ná mí… mì ni do ota do. Dinvie, azọ́n lọ tin to alọ Jiwheyẹwhe Gánhúnúpo tọn mẹ. Yé mẹhe jlo nado yí baptẹm lẹ, po yéhe jlo na yì họ̀mẹ lẹ nado yì hodẹ̀ na yí nido mọ Gbigbọ Wiwé yí, nọvisunnu lẹ na plán mì, bo nasọ dọ hlan mì, bo nasọ wà hlan mì onú he jẹ yé do na wà lẹ. Na ohó helẹ ni ma yì to ovọ mẹ blo, ṣigba ni wà núhe wutu e do tọ́njẹgbonu. Mì gbọ na ota mítọn ni to odò, whenuena nọvisunnu mítọn to mí plán to kantiki mẹ.

Yẹn sè ogbè Whlẹngantọ ṣie tọn to yiylọ mi …

(na ylandonọ dopodopo ni hòdẹ̀)

Yẹn sè ogbè Whlẹngantọ ṣie tọn to yiylọ mi …

(bé mì sè oylọ etọn whenuena É fọ́n dawe he do ogbẹ̀ to afọnnu he?)

Yẹn sè… 

(bé mì sọgan sè ylọ whenuena É tin to Ohó Etọn mẹ bo to miyọ́ngbán Ohó Etọn tọn tá hlan mì?)

Yẹn na zọ̀n po É po yì to aliho …

(bé mì to gbèsisọ mẹ nado zinzọnlin po É po yì to aliho?) 

Fidepope he É na plán mi gbọn, yẹn na yì. 

(Na Jiwheyẹwhe ni dona mì, nọvisunnu ṣie! Sunnu lẹ to amiọnwhé, yọnnu lẹ to adusinwhe!)

Fidepope he É na plán mi gbọn… 

(Biblu dọ, dọmọ: yè baptizi yé mẹhe yise lẹpo)

Yẹn na zọ̀n po É po yì to aliho.
Yẹn na zọ̀n po É po lùn Jọdani tọn, Yẹn na zọ̀n po É po… 

(Bé dopo to yọnnu lẹ mẹ jlo na hodo yọnnu he jlo na mọ Gbigbọ Wiwé yì lẹ biọ họmẹ?)

Fidepope he É na plán mi gbọn… 

(bé mì sọgan dọ enẹ po ayiha nugbo de po?)

Fidepope he É na plán mi gbọn, yẹn na yì? 

(Bé mì na wà mọ? Etẹ mì na wà whenuena ogbè pẹvi he lọ na dọhó na mì? Bé mì na yì fie É na do mì hlan? Mì pọ́n miyọ́ngbán vẹ́ lọ! Mì pọ́n ẹn whenuena e to kinklẹn! Ojlẹ godo tọn mẹ wẹ mí tin te)

Fidepope he É na plán mi gbọn, yẹn na yì,
Yẹn na zọ̀n po É po to aliho.
Yẹn sọgan sè ogbè Whlẹngantọ ṣie tọn …

(Na É nọ dọhó do? gbọn ohó Etọn mẹ to ayiha mìtọn mẹ. Bé mì jlo na wá Ede to dinvie? Mìtọn wẹ oylọ he. Mì flin dọ eyín onú nẹlẹ wá jọ whẹpo mì nado mọ mìnọzo lẹ yé na ko na mì avàse!)

Yẹn sè ogbè Whlẹngantọ ṣie tọn he to yiylọ:
“Zé satin towe, wá bo hodo mi!”
Fidepope he É na plán mi gbọn, yẹn na yì…

(Bé nọvisunnu delẹ tin to ofi bo jlo na yì amiọnwhé nado na núplọ́nmẹ sunnu lẹ? Bé sunnu lẹ to gbèsisọ mẹ nado yí baptẹm? Eyín nọvisunnu Lẹngbọhọtọ he to fi lẹ jlo nado gọalọna mí, yé ni biọ họ̀mẹ po mí po.)

Fidepope he É na plán mi gbọn… 

(Bé mì jlo to nugbo de mẹ?)

Yẹn na zọ̀n po É po yì to aliho.

Mì nọte ṣẹjú dopo. Eyín yè ma ko baptizi mì, bo ylọn mì do osìn mẹ to Oyín Jesu Klisti tọn mẹ, ṣigba bo baptizi mì to azọ́nyínkọ Otọ́ tọn, Ovi tọn, po Gbigbọ Wiwé tọn po mẹ, mì yọ́nẹn dọ yè ma baptizi mẹdepope to Biblu mẹ to azọ́nyínkọ Otọ́ tọn, Ovi tọn, po Gbigbọ Wiwé tọn po mẹ gba. To otànhó agùn tọn mẹ mí ma mọ to fidepope, to owhè fọde kanwekó he jẹnukọn lẹ mẹ, mẹdepope he eyín, he yè baptizi to azọ́nyínkọ lẹ mẹ gba. Kaka jẹ opli he yè basi to Nicée whenu, whenuena agùn katọliki Lomunu lẹ tọn tọn sọawúhia, yé omẹ pó wẹ yè baptizi to Oyín Oklunọ Jesu Klisti tọn mẹ. Enẹ godo wẹ yé wá diọ ẹ do alọ devo ji bo baptizi to azọ́nyínkọ lẹ mẹ, to Oyín Otọ́ tọn, Ovi tọn, po Gbigbọ Wiwé tọn po mẹ. 

Eyín otànhódọtọ de tin, yẹwhehódọtọ de, kavi omẹ depope he to otó do mì gbọn radio lẹ mẹ, gbọn kasẹti lẹ ji, kavi mẹdepope he eyín bo tin to ofi, yín eyín é sọgan dohia mí to Owé Wiwé lẹ mẹ kavi to otànhó lẹ mẹ, ofi depope he yè baptizi omẹde te to Owé Wiwé mẹ hú to Oyín Jesu Klisti tọn jẹnukọnna awúsọhia agùn Katọliki Lomunu lẹ tọn tọn to opli Nicée tọn whenu, omẹ mọhunkọ tọn tindo jlọjẹ nado do e hia mi: whenẹnu yẹn na miọnhomẹna mì. Ṣigba enẹ ma tin! Lala! Podọ mẹdepope he yè ylọ́n do osìn mẹ, bọ e ma yín to Oyín Jesu Klisti tọn mẹ tindo gbèdide nado vọ baptẹm yí whẹpo é nado sọgan biọ gigo mẹ. Dinvie, mì dè núhe mì na wà lò! 

To Owé Wiwé lẹ mẹ, fidepope ma tin he yè baptizi omẹ to azọ́nyínkọ Otọ́ tọn, Ovi tọn, po Gbigbọ Wiwé tọn po mẹ gba, kẹdẹdi lé yè to wiwà do to egbè. Zédai agùn Katọliki Lomunu lẹ tọn tọn he yè gbẹnkanna kaka jẹ Luther ji wẹ: Mọwẹ Wesley lọsu basi do! Biblu dọ, dọmọ, mọwẹ e na te kaka jẹ ojlẹ godo tọn mẹ. Ṣigba ohọ̀n de na yín hùnhùn dilé mí mọ do to hihia whèta agùn lọ tọn mẹ. 

Mì tọn wẹ nado dè! Yẹn ma yín núde hú owẹndotọ owẹn lọ tọn de. Whladopo dogọ, mì yise to e mẹ! Ohọ̀n lọ to nuvo, owhẹ̀jijọ de ma tin… Yè ko wleawuna ofi he mì na yí baptẹm te, mọwẹ yèdọ awù baptẹm tọn lẹ ga, zãndevie, mí na de do e ji. 

Eyín mì tin to ofi bo ma ko yí baptẹm, whladopo dogọ mí nasọ jihàn, eyín mì jlo na wá… 

Mì sọgan dọ vlavo dọ: “Nọvisunnu Branham, e jlo mi nado yí baptẹm to whedevonu!” ṣigba e sọgan wá jọ bọ “azán nẹ lọ” na plá mì ajiji dilé e jọ po nọvisunnu Way po do to afọnnu he, ṣigba ojọmiọn ma na plán omẹ mọhunkọ tọn po huhlọn po gba! Mì do jlọjẹ nado kẹalọyí to dinvie! Na e bọawú na mẹhe do owhè kandegban mẹ tọn ni togbẹ̀, bọ yọpọvu whè ao mẹ tọn, owhè fọtọn mẹ tọn kavi whè gban mẹ tọn ni kú. Mado sọha susu gbẹtọ lẹ tọn na kú to zán he mẹ. Nugbo wẹ! Mì ma yọ́n ojlẹ he mẹ mì na yì sọn aihọn he mẹ. Mì mọdona mìde to núhe mì to wiwà lẹ mẹ, mì ṣọ́ mìde! Mì sọgan nọ mìde ma ṣọ́ to azọ́n lẹ mẹ kavi onú he pò lẹ mẹ, ṣigba e ma yín na ogbẹ̀ madopòdo tọn gba! Do ayi e go dọ, ogbè ṣie na fọ́n to whẹ̀dazángbè nado dekunnu do mì go, na yè ko yí do núyínu Jiwheyẹwhe tọn ji to olọn mẹ. Enẹwutu, mì payi e go talala whenuena mí na to ohàn he ji whladopo dogọ.

Fidepope he É na plán mi gbọn, yẹn na yì,
Fidepope he É na plán mi gbọn, yẹn na yì,
Fidepope he É na plán mi gbọn, yẹn na yì,
Yẹn na yì po É po jẹ opòdo.