Bibẹnu ohó lọ tọn

Yẹn ko magbe nado sẹ̀sinwhèna winwlán anádemẹ he tọn to whlẹndo mẹ na ohóta he. To ojlẹ de lẹ mẹ ohóta de lẹ tin he ji yè ko dọhò do, he sùhú owéfọ fọdé ehe yè ko zán. Ehe na ojlọjẹ Biblu hiatọ lẹ nado dindona yì sisosiso mẹ podọ na Gbigbọ Jiwheyẹwhe tọn ni do plán yé biọ adọkun dinmamọdona Ohó Etọn tọn mẹ. Whenuena yẹn to winwlán, onú awe vivẹ delẹ sọawuhia mi talala he to hinhẹn mi gọna ayajẹ: tintan, na ojlọjẹ daho po odona ehe hunkọ tọn po, nado pọ́n hlan titò whlẹngan tọn to alihò sisosiso de mẹ: awetọ, na yẹn ma tindo hùdo nado yíwhẹ do agùn de ji kavi do núplọnmẹ wéhọmẹ de tọn ji gba. Yẹn sọgan de onú lẹ tọ́njẹgbonu kẹdẹdi lé yé te to vlẹkẹsi de mẹ. Yẹn yise dọ (dẹnsọlé e bọawu do) Jiwheyẹwhe ko na mi ojọmiọn nado biọ linlẹn Etọn lẹ mẹ podọ titò Etọn daho hlan gbẹtọ lẹpo. Taidi Davidi, yẹn sọgan dekunnu dọ: “Na hiẹ ko hẹn ohó towe kló yí aga hú oyín towe lẹpo” (PSALM 138:2); Podọ taidi Paul: “Sọn sisosiso adọkun yèdọ oyọnẹn po nuyọnẹn Jiwheyẹwhe tọn po mẹ” (LOMUNU 13)

Dopo to omẹ daho he Jiwheyẹwhe zán lẹ mẹ to aposteli lẹ godo wẹ Irenée, mẹhe dọmọ: “Jiwheyẹwhe dó titò daho basidote Whlẹngan Etọn tọn hia hlan omẹ he jlo È lẹ”. Ohànjitọ de jihàn do lé dọ, “Oklunọ, dike na yẹn ninọ abọẹ, na enẹ wẹ odẹ̀ ṣie, yẹn ninọ abọẹ dọ yẹn nido mọ nújawu Ohó Towe tọn lẹ”. Ohó Oklunọ mítọn tọn lẹ gbẹ́sọ to otè to egbe dọ, “yè whlá onú helẹ do núyọnẹntọ aihọn he tọn lẹ, bo sọ hundohia hlan mẹhe magbe nado kẹalọyí, bo sọ yín pinplọ́n gbọn Gbigbọ wiwe dali”.

Yẹn hodẹ dọ hihiatọ lẹpo ni yín donanọ to gbigbọ mẹ, podọ na yé nido sọgan yín didódaga to yise he họakwẹ talala de mẹ podọ to Ohó Jiwheyẹwhe tọn gigonọ lọ mẹ. Omẹdopodopo do na vò to ede mẹ nado dinpọ́n to Owé wiwe lẹ mẹ eyín onú helẹ yín mọ. Yè sọgan wlán owé susu eyin mẹde sọgan sinyẹnlin nado hia ohóta he lẹ hézéhézé – anádemẹ he tin na núdohiamẹ de. Ehe po lẹ tin to hiẹ po Jiwheyẹwhe po ṣẹnṣẹn. Na Ohó donanọ Etọn ni yín dona hlan omẹ he É ko dona lẹpo.

Krefeld, december 1988 Nuwlántọ lọ