“Yesu Kristo tahinduka; oku abaire ari nyomwabazyo, n`eri izooba nikwo ari, kandi nikwo ariguma ebiro byona.” (Abaheburaayo 13:8)

Ebaruha erikwetorora Okwa - Kashatu/Okwa kana 2014

Ninyeenda kuhisya endamusyo zi kuruga aha mutima omu baikiriza ab`amazima aba Baibuli omunsi yoona omu iziina erirungi kandi eriri kwera erya MUKAMA waitu Yesu Kristo, n`ekyahandikirwe ekiri kuza aha Mugore oyeteekateekire ori kwiija kutunga omugabo aha bugyenyi bw`okushwera:

“… yaikirizibwa kujwara emyenda mirungi eya kitaani erikwengyengyeta kandi erikwera; egyo myenda ya kitaani nibyo by`okuhikiirira by`abarikwera.” (Okush. 19:8)

Eki kicweka nikinyijusya ekyabeireho eky`amaani omu kw`okubanza 1981, obuneihwa omu mubiri kandi kworekwa okutwarwa (Rapture) hamwe n`abo boona ababaire beteekateekire. Kikandebekyera ngu boona bakaba bari bato bakurebeeka nka abaine emyaka 17-18 y`obukuru. Kwonka okukira munonga nkakunda okwengyengyeta kw`ebijwaaro byabo.

Aha kikwatireine n`omujuni waitu kikahandiikwa ngu: “… yaahindurirwa omu maisho gaabo, aha maisho ge haamurinkana nk`eizooba, n`ebijwaro bye byayera nk`omushana.” (Mat. 17:2)

Ebijwaro by`abacungwiirwe abari kwiija kugira omugabo omu kutwarwa (Rapture) hamwe n`obugyenyi bw`okushwera nibiija kugira okumurinkana niko kumwe. Okushoma aha kintu n`okukituunga nka iwe n`ebintu bibiri bitari kushushana.Okureba ahamugore okuyabire yetebekanisize kutwarwa omubwire obwe,kikaba ekintu echo muhendo munonga aharinye. Okwo nikwo entumwa Yohaana ashemereire kuba yahuriire obu yabaire ari omu kirwa Patimo obu yaarebire, akahurira, kandi aketegyereza eki yaahandikire.

Entumwa Paulo nawe akahandiika aha kuhindurwa: “Reeba, nimbatira enaama nti: Twena titura gwejegyera,kwonka twena turyahindurwa…” (1. Abakorinso 15:51)

Nk`oku omucunguzi Yaahindwiirwe omu mubiri, abacungwiirwe nabo nibiija kuhindurwa omu mubiri. “Nk`oku boona bafa omuri Adamu, nikwo nomuri kristo bona barihindurwa abahurire. Kwonka buri muntu omu rubu rwe, Kristo niwe muganuro; bwanyima hakurateho abe ku ariija.” (1 Abakorinso 15:22-23)

Entumwa Yohaana ekatwehanangiriza: “na mbwenu, baana bangye abato, mugume omuriwe, bwanyima ku arireebeka, tubone kwija omu maisho ge twine obumanzi, tutarikukwatwa nshoni tukeenyonya aha kwija kwe.” (1 Yohaana. 2:28)

N`okwesiima: “… kwonka nitumanya, ng uku arishuuruurwa, turyashushana nawe, ahabw`okuba turyamureeba nk`oku ari.” (1. Yohaana. 3:2b)

Ow`eishe-emwe Branham akagamba emiruundi miingi nk`oku yaatwairwe omu kitiinisa obu yabeire akihuriire, kandi akareeba omutwe gw`abantu biingi baajwiire ebiri kwerakandi bari eminyeeto. Omu kworekwa kwe “Obuyatwirwe enyuma yorusika ryobwire,” omwe aha b`eishe-emwe-kazi akamugira ati, “nkaba ndengire kyeenda obu waampisya MUKAMA. Hati ndeeba!” Akaaguma nakihamisiriza n`amaani miingi ngu abakazi tibashemereire kutega amashokye gaabo. Omu kwetegyereza kwangye okurungi, nakyo nkakyetegyereza ngu boona ab`eishe-emwe-kazi bakaba baine amashokye mariingwa agabiire nigagwa enyima aha mabega gaabo.

Omu kworekwa kwe, ow`eishe-emwe Branham akahurira ebigambo byona biri kushenshera: “Okukuunda kwonka nikwo kuri kutaaha omu!” Omu b`Arooma 12; 1 Abakorinso 13, hamwe n`ebyahandikirwe ebiindi, Rukundo eteirwe omu bikorwa n`etworekwa. Ebi byona byaarebekire aharitwe no omuri itwe? Ka tuteere orutaambo rumwe omu maisho: okurugiriira aha ki MUKAMA Yashuuruurire ow`eishe-emwe Branham, akamanyiso akahikire ngu omuntu yaatungire Omwoyo Orikwera ni ngu omushaija nari omukazi ashemereire kwikiriza buri Kigambo kyona ekya Ruhanga (Ebiziba ebifumukire). Rukundo ya Ruhanga ni Rukundo yaamazima. Amiina. Kandi ekihandiikirwe omu Baibuli kyonka n`Ekigambo kya Ruhanga, ekitushuuruurirwe Omwoyo Orikwera omu Rukundo.

Yobu, omushaija wa Ruhanga owaagyezesiibwe kubi, akagira ngu, “Ahakuba nimmanya ku omucunguzi wangye abaho…” (Yobu 19:25) Omu shuura ya 33 akagaamba aha mutonganirizi arikujuriira aha kuhikiirira kwe kandi akamutoonganirira kugira ngu omubiri gwe gugarukye gube muto nk`ogw`omwana (omushororongo gwa 23-28). Omukuzoka nokuhindurwa kwemibiri mubwire bwokugaruka kwa kristo,turwagaruka kuba nemibiri yo buto bwaitu. Haryaaba hatakiriho kamanyiso k`ekibi nari k`endwaara. Omu kuhikiriira hamwe n`omukushemereerwa kutahwahonitwiija kuba na MUKAMA. Ahanyima y`okuhendera okucuungurwa kwaitu, Akagyeenda kutushemereza emyanya. Naija kugaruka, nk`oku Yaaraganiise, kandi atutwaare ei ari.

“Emitima yaanyu etarishoberwa; mwikirize Ruhanga, naanye muunyikirize. Omu nju ya Tata harimu emyanya mingi ey`okutuuramu; kuri kitari kityo, nkaabagambiire; hati ninza kubashemereza omwanya. Kandi ku ndaabe ninza kubashemereza omwanya, ndyagaruka aha, mbatware ei ndi; okwo ei ndi, naimwe mube niyo mwatuura.” (Yoh. 14:1-3)

“Baine omugisha abarikwozya ebijwaro byabo, ngu babone kwikirizibwa kurya aha muti gw`amagara, kandi bataahe omu rurembo nibaraba omu marembo.” (Okush. 22:14)

Boona abaine omugabo n`ekanisa y`omugore bariyo nibatuunga okweteekateeka okwijwiire kandi baryareebeka bataine ibara nari omufunya omu bijwaaro biri kwera omu maisho ga MUKAMA (Abaefeso 5:27). O, niryiija kuba eizooba ry`ekitiinisa!