Akatabo k’okujaguza - 1948-2018: Emyaka 70 y'aba Israeli, 1958 – 2018: Emyaka 60 ey'aba 
Free People’s Mission Krefeld

“Yesu Kristo tahinduka; oku abaire ari nyomwabazyo, n'eri izooba nikwo ari, kandi nikwo ariguma ebiro byona.”  (Abaheburaayo 13:8)

EBARUHA ERIKWETOROORA okwakana 2018

Akatabo k’okujaguza 

1948 -2018: Emyaka 70 y'aba Israeli
1958 – 2018: Emyaka 60 ey'aba Free People’s Mission Krefeld

Endamutsyo ezi kuruga aha mutima ahari imwe mweena omunsi yona omwiziina rya MUKAMA waitu kandi Omujuni Yesu kristo n'ekyahamdikirwe okuruga omuri Yohaana 8:31:

“Ku muraahamire aha kigambo kyangye, nimuba muri abeegi bangye buzima…”

Nabi Mikaaya akahakanisa baanabi enkumi ina, abaaragwire baine omwoyo w'ebishuba, yaagira ati, “Nindahira MUKAMA, eki MUKAMA arangambire, nikyo ndaagambe.” (1 Abagabe 22:14) 

Okwo nikwo kucwamu kwangye okuruga omu kutandika. Aha muheru gw'obutumwa bwe, omushaija wa Ruhanga akakyira kuraanga, “Naimwe bantu 'mwe mwena, mukihurire!” (1 Abagabe 22:28) 

Eiraka erya mazima rikiriyo niryeeta n'aburi hati: “Naimwe bantu 'mwe mwena, mukihurire!”

“... okwiha obusingye bwona n'okuhitsya obusingye bwona Niiwe Ruhanga.” ( Zaaburi 90:2) 

“Eiguru n'ensi biryahwaho, kwonka ebigambo byangye tibirihwaho.” (Luka 21:33) 

“… kwonka ekigambo kya Ruhanga kigumaho ebiro byona. Kandi ekigambo ekyo nibwo butumwa burungi obu mwagambiirwe.” (1 Petero 1:25) 

Ekyo kyonka ekyahandikirwe omu “Kigambo kya Ruhanga” – omu Baibuli – nikyo kirabe kihikire ahabwiitwe. Yaaba nikikwata aha mbariira ya Baibuli y'okuhanga nari aha ntebekanisa yo'kujuna nari aha nyegyesa zoona, nitureka Ruhanga Atugambira kurabira omu Kigambo Kye. Nitureeba entaniso eriho ahagati y'amazima g'okuhanga hamwe n'enyikiriza omu mpindahinduka y'ebirabeireho (evolution). Ogwe weena otarikwikiriza ekihandikirwe omu mushororoongo ogw'okubanza, ogurikwetwa,“Omukutandika Ruhanga akahanga eiguru n’ensi,” naija kugira obuzibu omu kukora ekyo okuhistya aha mushororoongo gw'aha muheru omuri Baibuli. Ekyo ekiri omu butahwaho kandi ekiriba omu butahwaho nitukirekyera Ruhanga Atahwaho. Tugaruke enyima omu kutandika kw'obunaku kandi n'omuntandikiro y'obunaku bw'embabazi.

Eky'amaani ekyiturikworeka omukitabo kinu, n'okutangaaza omu bugufu ebya baireho ebi:

Okuruga omu ndagaano ey'eira okuza omu kuraganisa okustya, okuza omu ndagaano entsya.

Okutandikaho ekanisa ya Yesu Kristo hamwe n'obwiire bw'entumwa.

Obunaku bw'emyaka bishatu eyabandize okuhitsya omu bwiire bw'enyikiriza ya Niiki(Nicaea)

Emyaka rukumi eya obwire bw'omwiriima obwa rwagati okuhitsya omu kyaasa kya 14.

Okugarurwa butsya hamwe n'emyaka bitaano eyakuratsireho n'akyenyine ekyabaireho.

Obutumwa bw'aha muheru okugaruka kwa Kristo kutakabeireho okuriyo nikugyenda omu maisho.

Eky'okubanza kya byoona, n'ekyomugasho okumanya kandi n'okwikiriza ngu Ruhanga Ariyo nakora buri kimwe nk'oku ebiraganiso biri. Ahaireyo ekigambo kye. “... kandi mwena nimumanya gye omu mitima yaanyu n'omumagara gaanyu, ku hatariho kintu na kimwe ekirabuzire aha birungi byona ebi MUKAMA Ruhanga waanyu yaabaraganiise; byona bikabaho, tihariho kintu na kimwe ekitarabaireho.” (Yoshua 23:14) Ebi b'aanabi b'omundagaano enkuru baraangiriire bariho OmwoyoOrikwera biriyo nibitworekwa abeegi omu kuhikiriira, okuruga aha mushororoongo gw'okubanza omu ndagaano entsya. “Ahakkuba byona ebi Ruhanga yaaraganiise biba Eego omuriwe; kandi nikyo tugirira omuriwe tuti, Amiina, ngu Ruhanga Ahimbisibwe omuriitwe.” (2 Abakorinso 1:20)